ಭಾರೀ ದುರಂತ; 280 ಪ್ರಯಾಣಿಕರಿದ್ದ ಬಾರ್ಸಿಲೋನಾ ಶಿಪ್​ಗೆ ಬೆಂಕಿ.. 3 ನಿಧನ, 130 ಪ್ರಯಾಣಿಕರು ನಾಪತ್ತೆ

ಇಂಡೋನೇಷ್ಯಾದ ಉತ್ತರ ಸುಲುವೇಸಿಯ ತಾಲಿಸ್ ದ್ವೀಪದಲ್ಲಿ 280 ಪ್ರಯಾಣಿಕರಿದ್ದ ಹಡಗುವೊಂದಕ್ಕೆ ಬೆಂಕಿ ಹೊತ್ತುಕೊಂಡು ಮೂವರು ಪ್ರಾಣ ಕಳೆದುಕೊಂಡಿದ್ದಾರೆ. ಕೆಲವು ಜನರು ಸಮುದ್ರಕ್ಕೆ ಜಿಗಿದಿದ್ದು 130 ಪ್ರಯಾಣಿಕರು ಪತ್ತೆ ಆಗಿಲ್ಲ ಎಂದು ಹೇಳಲಾಗುತ್ತಿದೆ.

ಕೆಎಂ ಬಾರ್ಸಿಲೋನಾ 5 ಹೆಸರಿನ ಶಿಪ್​ ಪ್ರಯಾಣ ಮಾಡುವಾಗ ಮಧ್ಯಾಹ್ನ 1 ಗಂಟೆ ಸುಮಾರಿಗೆ ನೀರಿನಲ್ಲಿ ಬೆಂಕಿ ಹೊತ್ತಿಕೊಂಡಿದೆ. ಮೊದಲು ಹಡಗಿನ ಸೀಲಿಂಗ್​ನಲ್ಲಿ ಬೆಂಕಿ ಹೊತ್ತಿಕೊಂಡಿದ್ದು ಕ್ಷಣಾರ್ಧದಲ್ಲೇ ವ್ಯಾಪಕವಾಗಿ ಅಗ್ನಿ ಕಾಣಿಸಿಕೊಂಡಿದೆ. ಇದರಿಂದ ಗಾಬರಿಗೊಂಡ 280 ಪ್ರಯಾಣಿಕರು ಜೀವ ಭಯದಿಂದ ನೀರಿಗೆ ಜಂಪ್ ಮಾಡಿದ್ದಾರೆ.

ಇದನ್ನೂ ಓದಿ: ಯಂಗ್ ಪ್ಲೇಯರ್​ಗೆ ಟೀಮ್ ಇಂಡಿಯಾದಲ್ಲಿ ಚಾನ್ಸ್​.. 24 ವರ್ಷದ ಯುವ ಆಟಗಾರನಿಗೆ ಒಲಿದ ಅವಕಾಶ

ಇದರಲ್ಲಿ 150 ಪ್ರಯಾಣಿಕರನ್ನು ಸುರಕ್ಷಿತವಾಗಿ ರಕ್ಷಣೆ ಮಾಡಲಾಗಿದ್ದು ಮೂವರು ಕೊನೆಯುಸಿರೆಳೆದಿದ್ದಾರೆ. ಸ್ಥಳೀಯ ಮೀನುಗಾರರ ಬೋಟ್​ಗಳಿಂದ ರಕ್ಷಣೆ ಮಾಡಲಾಗಿದೆ. ಆದರೆ 130 ಮಂದಿ ಲೆಕ್ಕಕ್ಕೆ ಸಿಗುತ್ತಿಲ್ಲ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಹಡಗಿನಲ್ಲಿ ದೊಡ್ಡ ಮಟ್ಟದಲ್ಲಿ ಬೆಂಕಿ ಕಾಣಿಸಿಕೊಳ್ಳುತ್ತಿದ್ದಂತೆ ಜನರು ನಾ ಮುಂದು ನೀ ಮುಂದು ಎನ್ನುವಂತೆ ನೀರಿಗೆ ಹಾರಿದ್ದಾರೆ ಎನ್ನಲಾಗಿದೆ.

ಈ ಸಂಬಂಧ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ನೋಡುಗರ ಎದೆ ನಡುಗಿಸುವಂತೆ ಇರುವ ವಿಡಿಯೋದಲ್ಲಿ ಬೆಂಕಿ ಜತೆ ದಟ್ಟ ಹೊಗೆ ಹಡಗಿನಲ್ಲಿ ಆವರಿಸಿಕೊಂಡಿದೆ. ಘಟನೆ ಕುರಿತಂತೆ ಸಾವಿನ ಸಂಖ್ಯೆ ಹೆಚ್ಚಾಗುವ ಸಂಭವವಿದೆ ಎಂದು ಹೇಳಲಾಗುತ್ತಿದೆ. ಸದ್ಯ ಹಲವು ಬೋಟ್​​ಗಳಿಂದ ರಕ್ಷಣಾ ಕಾರ್ಯ ಮಾಡಲಾಗುತ್ತಿದೆ ಎಂದು ತಿಳಿದು ಬಂದಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ