Union Budget 2025; ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಟಾಪ್- 10 ಫೋಟೋಸ್​

ನವದೆಹಲಿ: ಪ್ರಧಾನಿ ಮೋದಿ ನೇತೃತ್ವದ ಕೇಂದ್ರ ಸರ್ಕಾರದ 3ನೇ ಬಾರಿಯ ಮೊದಲ ಆಯವ್ಯಯವನ್ನು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ಮಂಡನೆ ಮಾಡುತ್ತಿದ್ದಾರೆ. ಸತತ 8ನೇ ಮುಂಗಡ ಪತ್ರವನ್ನು ಮಂಡನೆ ಮಾಡುತ್ತಿರುವ ಸೀತಾರಾಮನ್ ವಿಶೇಷವಾದ ಮಧುಬನಿ ಕಲೆ ಇರುವ ಸೀರೆಯನ್ನು ಧರಿಸಿ ಸಂಸತ್​ಗೆ ಆಗಮಿಸಿದ್ದಾರೆ.

ಇಡೀ ದೇಶದ ಕಣ್ಣು ಇವತ್ತು ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್​ ಮಂಡಿಸಲಿರುವ ಕೇಂದ್ರ ಸರ್ಕಾರದ ಬಜೆಟ್ ಮೇಲೆ ನೆಟ್ಟಿದೆ. ಸಂಸತ್​​ನಲ್ಲಿ ಬಜೆಟ್​​ ಮಂಡನೆ ಆಗುತ್ತಿದ್ದು ನಿರೀಕ್ಷೆಗಳ ಭಾರ ಹೆಚ್ಚಿದೆ. ಯಾವ ಕ್ಷೇತ್ರಕ್ಕೆ ಎಷ್ಟೆಷ್ಟು ಹಣ ನೀಡುತ್ತಾರೆ ಎನ್ನುವುದು ಕುತೂಹಲವಾಗಿದೆ. ಜನಸಾಮಾನ್ಯರಿಗೆ ಏನೆಲ್ಲಾ ಗಿಫ್ಟ್​​ಗಳನ್ನ ಸಚಿವೆ ನೀಡಲಿದ್ದಾರೆ ಅನ್ನೋ ಕೌತುಕ ಮನೆ ಮಾಡಿದೆ.

ಕೇಂದ್ರ ಸರ್ಕಾರದ ಬಜೆಟ್ ಮಂಡನೆ ಮಾಡುವುದಕ್ಕೂ ಮೊದಲು ನಿರ್ಮಲಾ ಸೀತಾರಾಮನ್ ಅವರು ರಾಷ್ಟ್ರಪತಿಗಳ ನಿವಾಸಕ್ಕೆ ಭೇಟಿ ಕೊಟ್ಟರು. ಈ ವೇಳೆ ಬಜೆಟ್ ಪ್ರತಿಯನ್ನು ಮಾಧ್ಯಮಗಳಿಗೆ ಎತ್ತಿ ತೋರಿಸಿದರು.

ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಕೈಯಲ್ಲಿ ಇರುವಂತ ಬಜೆಟ್ ಪ್ರತಿಯ ಫೋಟೋ. ಡಿಜಿಟಲ್ ಬಜೆಟ್ ಇದಾಗಿದ್ದು ಕೆಂಪು ಬಣ್ಣದಿಂದ ಕೂಡಿದೆ. ಇದರ ಮೇಲೆ ನಾಲ್ಕು ಸಿಂಹಗಳಿರುವ ರಾಷ್ಟ್ರಲಾಂಛನವನ್ನು ಕಾಣಬಹುದು.

ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಅನುಮೋದನೆ ಪಡೆಯುವುದಕ್ಕೂ ಮೊದಲು ಬಜೆಟ್​​ನೊಂದಿಗೆ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಹಾಗೂ ಇಲಾಖೆಗೆ ಸಂಬಂಧಿಸಿದ ಇತರೆ ಅಧಿಕಾರಿಗಳು ಇದ್ದರು.

ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರನ್ನು ಭೇಟಿ ಮಾಡಿದ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಹಾಗೂ ಅವರ ಸಿಬ್ಬಂದಿ ವರ್ಗ. ಬಜೆಟ್​ ಅನುಮೋದನೆಗೂ ಮೊದಲು ಫೋಟೋವನ್ನು ಕ್ಲಿಕ್ಕಿಸಿಕೊಂಡರು.

ಬಜೆಟ್​​ಗೆ ಅನುಮೋದನೆ ಪಡೆಯುವಾಗ ವಿತ್ತ ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರ ಜೊತೆ ಮಾತನಾಡಿದರು. ಬಳಿಕ ಅನುಮೋದನೆಯನ್ನು ಪಡೆದರು. ಈ ವೇಳೆ ಕೆಲ ಅಧಿಕಾರಿಗಳು ಕೂಡ ಜೊತೆಯಲ್ಲಿ ಇದ್ದರು.

ಬಜೆಟ್​ಗೆ ಅನುಮೋದನೆ ನೀಡಿದ ಬಳಿಕ ಮೊಸರು ಹಾಗೂ ಸಕ್ಕರೆಯ ಮಿಶ್ರಣ ಮಾಡಿರುವುದನ್ನು ರಾಷ್ಟ್ರಪತಿ ಮುರ್ಮು ಅವರು ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರಿಗೆ ತಿನಿಸಿ, ಶುಭಾಶಯ ತಿಳಿಸಿದರು.

ಬಜೆಟ್​ಗೆ ಅನುಮೋದನೆ ಸಿಕ್ಕ ಬಳಿಕ ಹೊರಗೆ ಬಂದ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಹಾಗೂ ಅವರ ಸಿಬ್ಬಂದಿ ಫೋಟೋ ಕ್ಲಿಕ್ಕಿಸಿಕೊಂಡರು.

ನಿರ್ಮಲಾ ಸೀತಾರಾಮನ್​​​​ ಮಂಡಿಸುತ್ತಿರುವ ಬಜೆಟ್ 8ನೇ ಬಜೆಟ್ ಆಗಿದೆ. ಇದು ಅವರ ಜೀವನದ ಯಶಸ್ಸಿನ ಉತ್ತುಂಗವಾಗಿದೆ. ಪ್ರಧಾನಿ ಮೋದಿ ಸರ್ಕಾರದ ಅಡಿ  ಬಡವರಿಗೆ, ರೈತರಿಗೆ, ಶ್ರಮಿಕರಿಗೆ, ಕಾರ್ಮಿಕರಿಗೆ, ಉದ್ಯಮಿಗಳಿಗೆ, ಮಧ್ಯಮ ವರ್ಗಕ್ಕೆ, ಶಿಕ್ಷಣಕ್ಕೆ, ಸಾರಿಗೆ ಸಂಪರ್ಕ, ಕೈಗಾರಿಕೆಗಳಿಗೆ ಇತ್ಯಾದಿ ಕ್ಷೇತ್ರಗಳಿಗೆ ಈ ಬಜೆಟ್​ ಗುಡ್​ನ್ಯೂಸ್ ನೀಡಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ