ಜ್ಞಾನವಾಪಿ ಮಸೀದಿಯಲ್ಲಿ ಹಿಂದೂಗಳಿಂದ ವಿಶೇಷ ಪೂಜೆ

ಬಿಗಿ ಭದ್ರತೆಯಲ್ಲಿ ಮಹದೇವನ ದರ್ಶನ ಪಡೆದ ಹಿಂದೂಗಳು

7 ದಿನಗಳ ಒಳಗಾಗಿ ಪೂಜೆಗೆ ವ್ಯವಸ್ಥೆ ಮಾಡಲು ಕೋರ್ಟ್ ಆದೇಶ

ವಾರಾಣಸಿ: ಕಳೆದ 31 ವರ್ಷಗಳಿಂದ ಕಾಯುತ್ತಿದ್ದ ಆ ಕಾಲ ಕೂಡಿ ಬಂದಿದೆ. ಜ್ಞಾನವಾಪಿ ಮಸೀದಿಯಲ್ಲಿ ಹಿಂದೂಗಳಿಂದ ಪೂಜೆ, ಆರತಿ ಮಾಡಲಾಗಿದೆ. ಮಧ್ಯರಾತ್ರಿ ಬಿಗಿ ಭದ್ರತೆಯಲ್ಲಿ 31 ವರ್ಷದ ಬಳಿಕ ಮೊದಲ ಪೂಜೆ ನೆರವೇರಿಸಲಾಗಿದೆ.

ವಾರಾಣಸಿಯ ಜಿಲ್ಲಾ ನ್ಯಾಯಲಯ ಜ್ಞಾನವಾಪಿ ಮಸೀದಿಯಲ್ಲಿ ಪೂಜೆ ಸಲ್ಲಿಸಲು ಹಿಂದೂಗಳಿಗೆ ಅನುಮತಿ ನೀಡಿದೆ. ಈ ಅನುಮತಿ ಜೊತೆಗೆ 7 ದಿನಗಳ ಒಳಗಾಗಿ ಹಿಂದೂಗಳ ಪೂಜೆಗೆ ವ್ಯವಸ್ಥೆ ಮಾಡಲು ಕೋರ್ಟ್ ಸೂಚಿಸಿತ್ತು. ಕೋರ್ಟ್ ಆದೇಶ ನೀಡಿದ ಮರುದಿನವೇ ವಿಶೇಷ ಪೂಜೆಯನ್ನು ನೆರವೇರಿಸಲಾಗಿದೆ.

#WATCH | A priest offers prayers at ‘Vyas Ji ka Tehkhana’ inside Gyanvapi mosque in Varanasi, after District court order.

Visuals confirmed by Vishnu Shankar Jain, the lawyer for the Hindu side in the Gyanvapi case pic.twitter.com/mUB6TMGpET

— ANI (@ANI) February 1, 2024

ವಿವಾದಿತ ಜ್ಞಾನವಾಪಿ ಮಸೀದಿಯ ಬೇಸ್​​​ಮೆಂಟ್​​ನಲ್ಲಿರುವ ‘ವ್ಯಾಸ್​​​​ ಕಾ ತಹಖಾನಾ’ದಲ್ಲಿ ಮಧ್ಯರಾತ್ರಿ 12 ಗಂಟೆಗೆ ಪೂಜಾ ಕಾರ್ಯ ಆರಂಭವಾಗಿದೆ. ರಾತ್ರಿ 2 ಗಂಟೆಗೆ ಪೂಜೆ, ಮಹಾಮಂಗಾಳರತಿ ಕಂಡು ಭಕ್ತರು ಧನ್ಯರಾಗಿದ್ದಾರೆ. ಭಕ್ತರು ಮಹಾದೇವನ ಆಶೀರ್ವಾದ ಪಡೆದ್ರೆ, ಟ್ರಸ್ಟ್​ನ ಸದಸ್ಯರು, ಕುಟುಂಬಸ್ಥರು ಪೂಜೆಯಲ್ಲಿ ಭಾಗಿಯಾಗಿದ್ದರು. ಮುನ್ನೆಚ್ಚರಿಕಾ ಕ್ರಮವಾಗಿ ಜ್ಞಾನವಾಪಿ ಮಸೀದಿಯ ಸುತ್ತಾ ಬಿಗಿ ಪೊಲೀಸ್ ಭದ್ರತೆ ಕೈಗೊಳ್ಳಲಾಗಿತ್ತು.

How lucky they are…. Got a chance to worship at #Gyanvapi 🙏 pic.twitter.com/bzH24IMRMP

— Mr Sinha (@MrSinha_) February 1, 2024

ಇದನ್ನೂ ಓದಿ: 31 ವರ್ಷಗಳ ಬಳಿಕ ಜ್ಞಾನವಾಪಿಯಲ್ಲಿ ಪೂಜೆ; ಇಲ್ಲಿ ಪೂಜೆ ಸಲ್ಲಿಸ್ತಿದ್ದ ಕುಟುಂಬ ಯಾವುದು ಗೊತ್ತಾ..?

ಜ್ಞಾನವಾಪಿ ಮಸೀದಿಯಲ್ಲಿ ಮಧ್ಯರಾತ್ರಿ ಪೂಜೆ, ಆರತಿ ನಡೆಯುತ್ತಿರುವ ವಿಡಿಯೋವನ್ನು ಸೋಷಿಯಲ್ ಮೀಡಿಯಾದಲ್ಲಿ ರಿಲೀಸ್ ಮಾಡಲಾಗಿದೆ. ದಕ್ಷಿಣ ದ್ವಾರದ ಮೂಲಕ ಭಕ್ತರು ಜ್ಞಾನವಾಪಿ ಮಸೀದಿಗೆ ಭೇಟಿ ನೀಡಿದ್ದು, ವಿವಾದಿತ ಮಸೀದಿ ಬೇಸ್​​​ಮೆಂಟ್​​ನಲ್ಲಿರುವ ‘ವ್ಯಾಸ್​​​​ ಕಾ ತಹಖಾನಾ’ದಲ್ಲಿ ಪೂಜಾರಿ ಆರತಿ ಬೆಳಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ