ಭಾರತಕ್ಕೆ ಮೊದಲ ಎಂಟ್ರಿ.. ಟೆಸ್ಲಾ ಟ್ರಕ್ ಖರೀದಿಸಿದ ಖ್ಯಾತ ಉದ್ಯಮಿ; ಏನಿದರ ವಿಶೇಷ?

ಅಮೆರಿಕದಲ್ಲಿ ಜನಪ್ರಿಯ ಎಲೆಕ್ಟ್ರಿಕ್ ಕಾರ್​​ಗಳನ್ನು ಉತ್ಪಾದಿಸುವ ಕಂಪನಿ ಟೆಸ್ಲಾ. ಈ ಕಂಪನಿಯಿಂದ ಬಹುನೀರಿಕ್ಷಿತ ಸೈಬೆರ್‌ ಟ್ರಕ್‌ ಎಲೆಕ್ಟ್ರಿಕ್ ಪಿಕ್ ಅಪ್. ಈ ಕಾರಿ​ಗಾಗಿ ಜನ 2019ರಿಂದಲೂ ಕಾದಿದ್ದರು. ಕೊನೆಗೆ ಈ ಕಾರು 2023ರಲ್ಲಿ ಬಿಡುಗಡೆಯಾಗಿತ್ತು. ಈ ಕುತೂಹಲವೆಲ್ಲಾ ಅಮೆರಿಕಾದಲ್ಲೇ ಇತ್ತು. ಆದರೆ ಮೊಟ್ಟ ಮೊದಲ ಬಾರಿಗೆ ಭಾರತದಲ್ಲಿ ಈ ಕಾರನ್ನ ಒಬ್ಬ ಉದ್ಯಮಿ ಖರೀದಿಸಿದ್ದಾರೆ.

ಇಡೀ ಭಾರತದ ಕಾರು ಲವರ್ಸ್​​ಗಳಿಗೆ ಶಾಕ್​ ಕೊಟ್ಟಿದ್ದು ಸೂರತ್​ ಮೂಲದ ಉದ್ಯಮಿ ಲವ್ಜಿ ಬಾದ್‌ಶಾ. ಅವರು ಇದೇ ಅಮೆರಿಕದ ಟೆಸ್ಲಾ ಸೈಬೆರ್‌ ಟ್ರಕ್‌ ಅನ್ನ ಮನೆ ಮುಂದೆ ನಿಲ್ಲಿಸಿ, ಇಡೀ ಭಾರತಕ್ಕೆ ಸರ್ಪ್ರೈಸ್​​ ಕೊಟ್ಟಿದ್ದಾರೆ. ಯಾಕಂದರೆ, ಈ ಟೆಸ್ಲಾ ಕಾರು ಭಾರತದಲ್ಲಿ ಇನ್ನೂ ಲಾಂಜ್​​ ಆಗಿಲ್ಲ. ಆದರೂ ಪಟ್ಟು ಬಿಡದ ಬಾದ್​ಶಾ ಅವ್ರು, ಈ ಕಾರನ್ನ ಸ್ಪೆಷಲ್ಲಾಗಿ ದುಬೈನಿಂದ ಆಮದು ಮಾಡಿಕೊಂಡಿದ್ದಾರೆ.

ಸೋಷಿಯಲ್​ ಮೀಡಿಯಾದ ತುಂಬಾ ದುಬೈ ನಂಬರ್ ಪ್ಲೇಟ್‌ ಇರೋ ಈ ಟೆಸ್ನಾ ಸೈಬರ್‌ಟ್ರಕ್‌ ಎಲೆಕ್ಟ್ರಿಕ್ ಪಿಕ್ ಅಪ್ ಕಾರ್​ನ ಓಡಾಟದ ಫೋಟೋ ವಿಡಿಯೋಗಳು ವೈರಲ್​ ಆಗ್ತಿರೋದನ್ನ ನೋಡಿ, ಅನೇಕರಿಗೆ ಶಾಕ್​ ಆಗಿದೆ. ದುಬೈ ನಂಬರ್​ ಪ್ಲೇಟ್​ ಇರೋ ಕಾರನ್ನ ಇಲ್ಲಿಗೇಗೆ ತಂದು ಓಡಿಸ್ತಿದ್ದಾರೆ ಅನ್ನೋ ಶಾಕ್​ ಈಗಲೂ ಹಲವರನ್ನ ಕಾಡ್ತಿದೆ. ಜೊತೆಗೆ ಭಾರತದ ವ್ಯಕ್ತಿ, ಕಾರು ದೇಶಕ್ಕೆ ಬರುವ ಮುನ್ನವೇ ಮನೆ ಮುಂದೆ ನಿಲ್ಲಿಸಿದ್ದು, ದೇಶಾದ್ಯಂತ ಭಾರಿ ಕುತೂಹಲವನ್ನ ಹುಟ್ಟುಹಾಕಿದೆ.

ಬಹುಶಃ ಹಾಲಿವುಡ್ ಸಿನಿಮಾ ಸೆಟ್‌ನಿಂದ ಏನಾದರೂ ಈ ಕಾರ್​​ ಬಂದಿದೆಯೇನೋ ಎಂದು ಬಾದ್​ಶಾ ಮನೆ ಮುಂದೆ ಜನರು ನಿಂತು ನೋಡುತ್ತಿದ್ದಾರಂತೆ. ಆ ಕಾರ್​ನ ಅಟ್ರ್ಯಾಕ್ಷನ್​ ಅಂತದ್ದು. ಯಾಕಂದ್ರೆ ಇದ ಡಿಸೈನ್​​ ಆಟೋಮೊಬೈಲ್​ ಟೆಕ್ನಾಲಜಿಯಲ್ಲೇ ಅದ್ಭುತ ಎಂದು ಹೇಳಲಾಗ್ತಿದೆ. ಇದೇ ಕಾರಣಕ್ಕೆ ಸೈಬರ್​ಟ್ರಕ್​ ಅಂದ್ರೆ ಕಾರ್​​ ಪ್ರಿಯರಿಗೆ ಸಿಕ್ಕಾಪಟ್ಟೆ ಪ್ರೀತಿ.

ಅಮೆರಿಕಾದಿಂದ ಸೂರತ್​ಗೆ ತಂದಿದ್ದೇಗೆ?
ಲವ್ಜಿ ಬಾದ್‌ಶಾ ಅವರಿಗೆ ಸ್ಪೆಷಲ್ಲಾಗಿ ಐಷಾರಾಮಿ ವಾಹನಗಳ ಮೇಲೆ ವ್ಯಾಮೋಹ ಇರುತ್ತೆ. ಕಾರುಗಳಂದರೇ ಅವರಿಗೆ ಎಲ್ಲಿಲ್ಲದ ಕ್ರೇಜ್​. ಇದೇ ಕ್ರೇಜ್​ನಲ್ಲಿ ದುಬೈಗೆ ಹಾರಿ, ಸೈಬರ್​ಟ್ರಕ್​ನ ಹೊತ್ತು ತಂದಿದ್ದಾರೆ. ಆದರೇ ಭಾರತದಲ್ಲಿ ಇನ್ನೂ ಲಾಂಚ್​ ಆಗದ ಕಾರನ್ನ ಅದೇಗೆ ಬಳಸಲಾಗುತ್ತಿದೆ ಅನ್ನೋದೇ ಅರ್ಥವಾಗಿಲ್ಲ. ಸದ್ಯಕ್ಕೆ ಇದು ಟ್ರೆಂಡ್‌ಸೆಟರ್ ಮೂಮೆಂಟ್​ ಆಗಿದೆ. ಆಟೋಮೊಬೈಲ್ ಟೆಕ್ನಾಲಜಿಯಲ್ಲಿ ಹೊಸದೇನೇ ಬಂದರೂ ಅದರಲ್ಲಿ ಬಾದ್​ಶಾ ಅವರಿಗೆ ಇಷ್ಟವಾಗುತ್ತೆ. ಈಗ ಬಂದ ಈ ಟೆಸ್ಲಾ ಸೈಬರ್​ಟ್ರಕ್​ ಎಲೆಕ್ಟ್ರಿಕಲ್​ ಪಿಕಪ್​ ಕಾರ್​ ಆಗಿರೋದ್ರಿಂದ, ಇದು ಭವಿಷ್ಯಕ್ಕೆ ಬೆಸ್ಟ್​​ ಆಗಿರೋದ್ರಿಂದ, ಈ ಕಾರ್​ ಮೇಲೆ ಇನ್ನಷ್ಟು ಪ್ರೀತಿ ಹೆಚ್ಚಾಗಿದೆಯಂತೆ.

ಎಲಾನ್ ಮಸ್ಕ್ ಟೆಸ್ಲಾ ಕಾರ್​ಗಳನ್ನ ಭಾರತದಲ್ಲಿ ಲಾಂಚ್​ ಮಾಡಿದ್ದರು.ಆದರೇ ಸೈಬರ್ಟ್ರಕ್​ನ್ನ ಅಧಿಕೃತವಾಗಿ ಬಿಡುಗಡೆ ಮಾಡದಿದ್ದರೂ ಸಹ, ಅದು ಭಾರತಕ್ಕೆ ವೀಲ್​ ಇಟ್ಟಿರಲಿಲ್ಲ. ನಿಜಕ್ಕೆ ಈ ಸೈಬರ್‌ಟ್ರಕ್ ಕಾರನ್ನ ಭಾರತಕ್ಕೆ ತರುವುದು ಅಷ್ಟು ಈಸಿಯಲ್ಲ. ಹಾಗಾಗಿನೇ ಬಾದ್​ಶಾ ಅದನ್ನ ದುಬೈನಿಂದ, ಮುಂಬೈಗೆ ತಂದು, ಮುಂಬೈ ಮೂಲಕ ಕೊನೆಗೆ ಸೂರತ್‌ಗೆ ತಂದಿದ್ದಾರೆ. ಈ ಕಾರನ್ನ ಸೂಪರ್ ಹೀರೋಗಳಿಗಾಗಿನೇ ತಯಾರಿಸಲ್ಪಟ್ಟಿದೆ ಅಂತಾರೆ ಈ ಸೂರತ್‌ ಬಾದ್​ಶಾ.

ಟೆಸ್ಲಾ ಸೈಬೆರ್​ಟ್ರಕ್​ ಏನಿದರ ವಿಶೇಷ?
ಸೈಬರ್ಟ್ರಕ್ ಕಾರ್​ಗೆ ಇಷ್ಟು ಕ್ರೇಜ್​ ಇರೋಕೆ ಕಾರಣ.. ಅದರಲ್ಲೂ ಉದ್ಯಮಿಗಳೇ ಹೆಚ್ಚಾಗಿ ಇಷ್ಟ ಪಡಲು ಕಾರಣ,ಇದರ ಬುಲೆಟ್ ಪ್ರೂಫ್ ಗ್ಲಾಸ್, ಮತ್ತೆ ಇದರ ಡಿಸೈನ್​​. ಯಾವ ರೋಡ್​ ಆದರೂ, ಯಾವ ಭೂಪ್ರದೇಶವಾದರೂ ಸ್ಮೂತ್​ ರೈಡ್​ ಅನಿಸೋ ಕಾರ್​ ಇದು. ಹೊರಗಿನ ಡಿಸೈನ್​ ತುಸು ವಿಚಿತ್ರ ಎನ್ನಿಸಿದರೂ ಇದಕ್ಕಿರುವ ಟೆಕ್ನಾಲಜಿಗೆ ಭಾರಿ ಬೇಡಿಕೆ ಇದೆ.

ಇದನ್ನೂ ಓದಿ: ಭಾರತಕ್ಕೆ ಬರ್ತಿದೆ ಟೆಸ್ಲಾ ಎಲೆಕ್ಟ್ರಿಕ್ ಕಾರು.. 13 ಹುದ್ದೆಗಳ ಭರ್ತಿಗೆ ಆಹ್ವಾನ; ಇಲ್ಲಿದೆ ಕಂಪ್ಲೀಟ್ ಮಾಹಿತಿ 

ಇದು ಎಲೆಕ್ಟ್ರಿಕ್​​ ಕಾರ್​​ ಆಗಿರೋದರಿಂದ,ನಾಲ್ಕು ವೆರಿಯೆಂಟ್​ನಲ್ಲಿ ಪವರ್​ಫುಲ್​ ಬ್ಯಾಟರಿ ಇದ್ದು.. ಪ್ರತಿ ಚಾರ್ಜ್ ಗೆ 850 ಕಿ.ಮೀ ಮೈಲೇಜ್ ಕೊಡುತ್ತೆ. ಹಾಗೆ ಸುಮಾರು 4,500 ಕೆಜಿ ತೂಕದ ಗೂಡ್ಸ್​​ ಎಳೆಯುವ ಪವರ್​​ ಇದಕ್ಕಿದೆ. ಒಳಗೆ ಏರ್ ಸಸ್ಪೆನ್ಷನ್ ಸಿಸ್ಟಮ್ ಹಾಗೂ ಸೀಟ್ಸ್​​ ಮತ್ತಷ್ಟು ಕಂಫರ್ಟ್​​ ಫೆಸಿಲಿಟಿ, ಎಲ್ಲಾದಕ್ಕೂ ಮೀರಿ ಇದರಲ್ಲಿ ಆಫ್ ರೋಡ್‌ಗಳಲ್ಲೂ ಪವರ್​ಫುಲ್​​ ಡ್ರೈವ್ ಸಿಸ್ಟಂ, ಆಲ್ ವೀಲ್ಹ್ ಡ್ರೈವ್ ಟೆಕ್ನಾಲಜಿ ಇದೆ. ಹಾಗಾಗಿ ಕಾರ್​​ ಪ್ರಿಯರಿಗೆ ಇದು ಅಚ್ಚುಮೆಚ್ಚು ಅನಿಸುತ್ತೆ.

Tesla @cybertruck driving on the streets of Surat, Gujarat 😍⚡

📐 is huge🔋

🎥: insta iamsuratcity https://t.co/UdnpASlb7Apic.twitter.com/J0wV3sk65M

— Tesla Club India® (@TeslaClubIN)

Tesla @cybertruck driving on the streets of Surat, Gujarat 😍⚡

📐 is huge🔋

🎥: insta iamsuratcity https://t.co/UdnpASlb7Apic.twitter.com/J0wV3sk65M

— Tesla Club India® (@TeslaClubIN) April 24, 2025

">April 24, 2025

ಸದ್ಯಕ್ಕೆ ಈ ಕಾರ್​​ ಭಾರತದಲ್ಲಿ ಸದ್ದು ಮಾಡ್ತಿದೆ. ಸೂರತ್​ನ ಬಾದ್​​ಶಾ ಈ ಕಾರನ್ನ ಸುಮಾರು ₹51 ಲಕ್ಷ ಕೊಟ್ಟು ಕೊಂಡುಕೊಂಡಿದ್ದಾರೆ. ಸೂರತ್​ನಿಂದ ಆನ್‌ಲೈನ್ ಮತ್ತು ಆಫ್‌ಲೈನ್‌ನಲ್ಲಿ ಸೈಬೆರ್​ಟ್ರಕ್​​ಗೆ ಭಾರಿ ಡಿಮ್ಯಾಂಡ್​​ ಶುರುವಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ