ಆರ್​ಸಿಬಿ ಸಕ್ಸಸ್ ಹಿಂದೆ ಮಾಸ್ಟರ್ ಮೈಂಡ್​ ವರ್ಕ್​​.. ಯಶಸ್ಸಿನ ಹಿಂದಿನ 5 ಹೀರೋಗಳ ಕತೆ..!

ಸೀಸನ್​ 18ರ ಐಪಿಎಲ್​ನಲ್ಲಿ ಪ್ಲೇ ಆಫ್​​ನತ್ತ ದಿಟ್ಟ ಹೆಜ್ಜೆ ಇಟ್ಟಿದೆ. ರೆಡ್​ಆರ್ಮಿಯ ರಾಯಲ್​ ಆಟ ನೋಡಿದವರೆಲ್ಲಾ ಕಪ್​ ಗೆಲ್ಲೋದು ಪಕ್ಕಾ ಅಂತಿದ್ದಾರೆ. ಅಷ್ಟು ಪರ್ಫೆಕ್ಟ್​ ಆಟವಾಡ್ತಿದೆ ಆರ್​​ಸಿಬಿ ತಂಡ. ಅಂದ್ಹಾಗೆ ಆರ್​​ಸಿಬಿಯ ಈ ಸಕ್ಸಸ್​ಗೆ ಆಟಗಾರರ ಆಟ ಮಾತ್ರ ಕಾರಣವಲ್ಲ. ಈ ಮಾಸ್ಟರ್​​ ಮೈಂಡ್​​ಗಳ ಶ್ರಮವೂ ಇದೆ. ಆರ್​​ಸಿಬಿ ಸಕ್ಸಸ್​​ ಹಿಂದಿನ ಹೀರೋಗಳ ಕಥೆ ಇದು.

ಮಾಸ್ಟರ್​ ಮೈಂಡ್​ ನಂ.1: ಮೊ ಬೊಬಾಟ್​

ಮೊ ಬೊಬಾಟ್​​ ಆರ್​​ಸಿಬಿ ಟೀಮ್​ನ ಡೈರೆಕ್ಟರ್​. 12 ವರ್ಷಗಳ ಕಾಲ ಇಂಗ್ಲೆಂಡ್​ ತಂಡದಲ್ಲಿ ಹಲವು ಜವಾಬ್ದಾರಿ ನಿಭಾಯಿಸಿದ್ದ ಈ ಮೊ ಬೊಬಾಟ್​ ಕಳೆದ ಸೀಸನ್​ನಲ್ಲಿ ಆರ್​​ಸಿಬಿ ಸೇರಿದ್ರು. ಮೊದಲ ಸೀಸನ್​ನಲ್ಲಿ ಎಲ್ಲ ಗಮನಿಸಿದ್ದ ಬೊಬಾಟ್​ ಈ ಬಾರಿಯ ಮೆಗಾ ಆಕ್ಷನ್​ಗೂ ಮುನ್ನ ಸಖತ್​ ಹಾರ್ಡ್​​ವರ್ಕ್​​ ಮಾಡಿದ್ರು. ತಾವೇ ಖುದ್ದು ಟ್ಯಾಲೆಂಟ್​​ ಹಂಟ್​​ಗೆ ಇಳಿದು ತಂಡಕ್ಕೆ ಬೇಕಾದ ಆಟಗಾರರ ಲಿಸ್ಟ್​ ರೆಡಿ ಮಾಡಿ ಹರಾಜಿನಲ್ಲಿ ಬಲಿಷ್ಟ ತಂಡ ಕಟ್ಟಿದ್ರು. ಈಗಲೂ ತಂಡದೊಂದಿಗಿದ್ದು ಆಟಗಾರರು, ಸಪೋರ್ಟ್​ ಸ್ಟಾಫ್​ಗೆ ಅಗತ್ಯ ಇನ್​ಪುಟ್ಸ್​ ನೀಡ್ತಿರೋ ಬೊಬಾಟ್​ಗೂ​​ ಸಕ್ಸಸ್​ ಕ್ರೆಡಿಟ್​ ಸಲ್ಲಲೇಬೇಕು.

ಇದನ್ನೂ ಓದಿ: ಕೂದಲು ಹಿಡಿದು ಹೊಡಿತೀನಿ.. ಸ್ಪಿನ್ನರ್​ಗೆ ವಾರ್ನ್​ ಮಾಡಿದ ಸ್ಫೋಟಕ ಬ್ಯಾಟರ್ ಅಭಿಷೇಕ್ ಶರ್ಮಾ..!

ಮಾಸ್ಟರ್​ ಮೈಂಡ್​ ನಂ.2: ಆ್ಯಂಡಿ ಫ್ಲವರ್​​

2023ರ ಸೀಸನ್​ ಅಂತ್ಯದ ಬಳಿಕ ಸಪೋರ್ಟ್​ ಸ್ಟಾಫ್​ ವಿಭಾಗಕ್ಕೆ ಸರ್ಜರಿ ಮಾಡಿದ ಆರ್​​ಸಿಬಿ ಹೆಡ್​ ಕೋಚ್​ ಸ್ಥಾನಕ್ಕೆ ಆ್ಯಂಡಿ ಫ್ಲವರ್​​ಗೆ ಮಣೆ ಹಾಕಿತು. ಆರ್​​ಸಿಬಿ ಕ್ಯಾಂಪ್​ ಸೇರಿದ ಬಳಿಕ ಆ್ಯಂಡಿ ಫ್ಲವರ್​ ತಂಡದ ಕಿಚ್ಚನ್ನ ಹೆಚ್ಚಿಸಿದ್ದಾರೆ. ಮೆಗಾ ಆಕ್ಷನ್​ ಬೊಬಾಟ್​ ಜೊತೆ ಸೇರಿ ಬಲಿಷ್ಟ ತಂಡ ಕಟ್ಟುವಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ್ರು. ಇದೀಗ ಆಟಗಾರರ ಜೊತೆ ಒನ್​ ಟು ಒನ್​ ಮಾತುಕತೆ ನಡೆಸಿ, ಮಿಸ್ಟೇಕ್ಸ್​ನ ತಿದ್ದಿ ಕಾನ್ಫಿಡೆನ್ಸ್​ ತುಂಬ್ತಾರೆ. ಗೇಮ್​ಪ್ಲಾನ್​ ಮತ್ತು ಸ್ಟ್ರಾಟರ್ಜಿ ರೂಪಿಸೋ ವಿಚಾರದಲ್ಲಂತೂ ಫ್ಲವರ್​ ನಿಜಕ್ಕೂ ಫೈರ್​.!

ಮಾಸ್ಟರ್​ ಮೈಂಡ್​ ನಂ.3 ದಿನೇಶ್​ ಕಾರ್ತಿಕ್​

ಟಿ20 ಕ್ರಿಕೆಟ್​ ಸದಾ ಬದಲಾಗೋ ಫಾರ್ಮೆಟ್​. ಹೊಸ ಹೊಸ ಆವಿಷ್ಕಾರ ಅಗುತ್ತಲೇ ಇರುತ್ವೆ. ಸದಾ ಬದಲಾವಣೆಗೆ ತೆರೆದುಕೊಳ್ಳೋ ದಿನೇಶ್​ ಕಾರ್ತಿಕ್​ ತಂಡದ ಆಟಗಾರರ ಮೇಲೆ ಸಾಕಷ್ಟು ಇಂಪ್ಯಾಕ್ಟ್​ ಮೂಡಿಸಿದ್ದಾರೆ. ಆಕ್ಷನ್​ನಲ್ಲಿ ದಿನೇಶ್​ ಕಾರ್ತಿಕ್​​ ಇಂಡಿಯನ್​​ ಯಂಗ್​​ಸ್ಟರ್​​ಗಳನ್ನ ತಂಡಕ್ಕೆ ಕರೆತಂದ್ರು. ಅಭ್ಯಾಸದ ವೇಳೆ ಆಟಗಾರರ ಜೊತೆಗೆ ಹೆಚ್ಚು ಸಮಯ ಕಳೆಯೋ ಕಾರ್ತಿಕ್​, ಪಂದ್ಯದ ವೇಳೆ ಒಂದು ಡೈರಿ ಹಿಡಿದು ಬೌಂಡರಿ ಲೈನ್​ನಲ್ಲಿ ಕಾಣಿಸಿಕೊಳ್ತಾರೆ. ಸದಾ ಆಟಗಾರರಿಗೆ ಇನ್​​ಪುಟ್ಸ್​ ನೀಡೋ ಕಾರ್ತಿಕ್ ಡ್ರೆಸ್ಸಿಂಗ್​​ ರೂಮ್​ಗೆ ವಿಶೇಷ ಕಳೆ ತಂದಿದ್ದಾರೆ.

ಮಾಸ್ಟರ್​ ಮೈಂಡ್​ ನಂ.4 ಒಂಕಾರ್​ ಸಾಳ್ವಿ​

ಹೊಸ ಬೌಲಿಂಗ್​​ ಒಂಕಾರ್​ ಸಾಳ್ವಿ​ ಎಂಟ್ರಿ ಆರ್​​ಸಿಬಿಯ ಚರಿಷ್ಮಾವನ್ನೆ ಬದಲಿಸಿದೆ. ಈ ಹಿಂದಿನ 17 ಸೀಸನ್​​ಗಳಲ್ಲಿ ಆರ್​​ಸಿಬಿ ಬೌಲಿಂಗ್​​ ಅಟ್ಯಾಕ್​ ಇನ್​ಕನ್ಸಿಸ್ಟೆಂಟ್​ ಅನಿಸಿತ್ತು. ಈ ಸೀಸನ್​ನಲ್ಲಿ ಆರ್​​ಸಿಬಿಯ ಬೌಲಿಂಗ್​ ಬೊಂಬಾಟ್​ ಆಗಿದೆ. ಇದ್ರ ಕ್ರೆಡಿಟ್​​ ಬೌಲಿಂಗ್​ ಗುರು ಒಂಕಾರ್​ ಸಾಳ್ವಿಗೆ ಸೇರಬೇಕು. ತಂಡಕ್ಕೆ ಎಂಟ್ರಿ ಕೊಟ್ಟಾಗಲೇ ಬ್ಲ್ಯೂಪ್ರಿಂಟ್​​ನೊಂದಿಗೆ ಬಂದಿದ್ದ ಸಾಳ್ವಿ, ಅದನ್ನ ವರ್ಕೌಟ್​ ಮಾಡುವಲ್ಲಿ ಸಕ್ಸಸ್​ ಕಂಡಿದ್ದಾರೆ.

ಇದನ್ನೂ ಓದಿ: ಸ್ಪಿನ್ನರ್ ದಿಗ್ವೇಶ್ ರಾಥಿಗೆ ಬಿಗ್​ ಶಾಕ್; ಅಭಿಷೇಕ್ ಜತೆ ವಾಗ್ವಾದ.. IPL ಮ್ಯಾಚ್​ನಿಂದ ಅಮಾನತು

ಮಾಸ್ಟರ್​ ಮೈಂಡ್​ ನಂ.5: ಫ್ರೆಡ್ಡಿ ವಿಲ್ಡ್​​

ಫ್ರೆಡ್ಡಿ ವಿಲ್ಡ್​​.. ಆರ್​​ಸಿಬಿ ಟೀಮ್​ನ ಅನಾಲಿಸ್ಟ್​​. ಈ ಬಾರಿ ಆರ್​​ಸಿಬಿ ಮೊದಲ ಸಕ್ಸಸ್​ ಕಂಡಿದ್ದೇ ಹರಾಜಿನ ಟೇಬಲ್​​ನಲ್ಲಿ. ಈ ಹಿಂದೆ ಸ್ಟಾರ್​​​​​ಗಳ ಮೇಲೆ ಹಣದ ಹೊಳೆ ಹರಿಸ್ತಿದ್ದ ಆರ್​​ಸಿಬಿ ಈ ಬಾರಿ ಪರ್ಫೆಕ್ಟ್​ ಬಿಡ್​ ಮಾಡ್ತು. ಅನಾಲಿಸ್ಟ್​ ಫ್ರೆಡ್ಢಿ ವಿಲ್ಡ್​ ತಯಾರಿದ್ದ ಬ್ಲ್ಯೂ ಪ್ರಿಂಟೇ ಆಕ್ಷನ್​ ಸಕ್ಸಸ್​ಗೆ ಕಾರಣ. ಪ್ರಮುಖ ವಿದೇಶಿ ಆಟಗಾರರ ಖರೀದಿ ವೇಳೆ ಈ ಅನಾಲಿಸ್ಟ್​ ನೀಡಿ ಇನ್​​​ಪುಟ್ಸ್​ ತಂಡಕ್ಕೆ ಹೆಲ್ಪ್​ ಮಾಡಿತು. ಪ್ರತಿ ಪಂದ್ಯಕ್ಕೂ ಮುನ್ನ ಎದುರಾಳಿ ಆಟಗಾರರ ಸ್ಟ್ರೆಂಥ್​ ಅಂಡ್ ವೀಕ್​ನೆಸ್​​ನ ಕಂಪ್ಲೀಟ್​ ಫಿಕ್ಚರ್​​ನ ಮ್ಯಾನೇಜ್​​ಮೆಂಟ್​ಗೆ ನಿಡೋದು ಇದೇ ಫ್ರೆಡ್ಡಿ ವಿಲ್ಡ್​. ಇದಕ್ಕೆ ತಕ್ಕಂತೆ ಗೇಮ್​ಪ್ಲಾನ್​ & ಸ್ಟಾರ್ಟಜಿ ರೆಡಿಯಾಗುತ್ತೆ.

ಈ ಐವರು ಥಿಂಕ್​​ ಟ್ಯಾಂಕ್​ಗಳು ನೀಡ್ತಾ ಇರೋ ಇನ್​​ಪುಟ್ಸ್​​, ಮಾಡ್ತಿರೋ ಗೇಮ್​​ಪ್ಲಾನ್ಸ್​​ ಆರ್​​ಸಿಬಿಯ ಸಕ್ಸಸ್​​ನಲ್ಲಿ ಮೇಜರ್​ ರೋಲ್​​ ಪ್ಲೇ ಮಾಡ್ತಿವೆ. ಆನ್​​ಫೀಲ್ಡ್​ನಲ್ಲಿ ಆಟಗಾರರು ಆಡೋ ಜಬರ್ದಸ್ತ್​​ ಆಟ ಎಲ್ಲರಿಗೂ ಕಾಣುತ್ತೆ. ಸಕ್ಸಸ್​​ ಕ್ರೆಡಿಟ್ಟು ಅವರಿಗೇ ಸಿಗುತ್ತೆ. ಅದರ ಹಿಂದೆ ತೆರೆಯ ಹಿಂದಿನ ಈ ಹೀರೋಗಳ ಶ್ರಮವೂ ಕಾಣಲ್ಲ. ಕ್ರೆಡಿಟ್​​ ಹೆಚ್ಚು ಸಿಗಲ್ಲ, ಆರ್​​​ಸಿಬಿ ಈ ಮಾಸ್ಟರ್​​ಮೈಂಡ್​​ಗಳಿಗೆ ಒಂದು ಸಲಾಂ ಹೇಳಲೇಬೇಕು.

ಇದನ್ನೂ ಓದಿ: ಪ್ಲೇ-ಆಫ್ ಎಂಟ್ರಿ ಖುಷಿಯಲ್ಲಿ ಮೈಮರೆತರೆ ಕಷ್ಟ.. ಆರ್​ಸಿಬಿ ಮುಂದಿನ ಪಂದ್ಯ ಯಾವಾಗ?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್