1 ರೂಪಾಯಿಯಲ್ಲಿ ಇಡೀ ಬೆಂಗಳೂರು ಸುತ್ತಬಹುದು! ಫ್ಲಿಪ್​ಕಾರ್ಟ್​ ನೀಡಿದ ಹೊಸ ಆಫರ್ ಏನು?

ಇ- ಕಾಮರ್ಸ್​ ದೈತ್ಯ ಕಂಪನಿ ಫ್ಲಿಪ್​ಕಾರ್ಟ್​ ತನ್ನ ಬಿಗ್ ಬಿಲಿಯನ್ ಡೇ ಸಮೀಪದಲ್ಲಿಯೇ ಬೆಂಗಳೂರಿಗರಿಗೆ ಸಿಹಿ ಸುದ್ದಿಯೊಂದನ್ನು ನೀಡಿದೆ. ಯುಪಿಐ ಪೇಮೆಂಟ್​ ಪ್ರಮೋಟ್ ಮಾಡುವ ಸಲುವಾಗಿ ಬೆಂಗಳೂರಿನ ಆಟೋಗಳೊಂದಿಗೆ ಕೈ ಜೋಡಿಸಿರುವ ಫ್ಲಿಪ್​ಕಾರ್ಟ್​, 1 ರೂಪಾಯಿಗೆ ಆಟೋ ಲಭ್ಯವಾಗುವಂತೆ ನೋಡಿಕೊಳ್ಳಲು ಸಜ್ಜಾಗಿದೆ. ಇದು ಐಟಿ ಹಬ್​ ಬೆಂಗಳೂರಿನಲ್ಲಿ ಹೊಸ ಅಲೆಯನ್ನೇ ಎಬ್ಬಿಸಿದೆ.

ಇದನ್ನೂ ಓದಿ:ದರ್ಶನ್ ಅಂಡ್ ಗ್ಯಾಂಗ್ ಕೇಸ್​.. ಜೈಲಿನಿಂದ ಮೂವರು ಆರೋಪಿಗಳು ರಿಲೀಸ್..!

ಈ ಹಿನ್ನೆಲೆಯಲ್ಲಿ ಫ್ಲಿಪ್​ಕಾರ್ಟ್ ನಗರದ ಹಲವು ಕಡೆ ಸ್ಟಾಲ್​ಗಳನ್ನು ಓಪನ್ ಮಾಡಿ, ಪೀಕ್ ಅವರ್​ನಲ್ಲಿ ಬೆಂಗಳೂರಿನ ಆಟೋ ಪ್ರಯಾಣಿಕರಿಗೆ ಸಹಾಯವಾಗುವ ನಿಟ್ಟಿನಲ್ಲಿ ಸೌಲಭ್ಯಗಳನ್ನು ನೀಡುತ್ತಿದ್ದಾರೆ. ಫ್ಲಿಪ್​ಕಾರ್ಟ್ ನೀಡಿರುವ ಹೊಸ ಆಫರ್​ನಲ್ಲಿ ಯಾವುದೇ ಸಮಯದಲ್ಲಿ ನೀವು ಆಟೋ ಏರಿಕೊಂಡು ಬೆಂಗಳೂರಿನ ಯಾವ ಭಾಗಕ್ಕಾದರೂ ಹೋಗಬಹುದು ಎಂದು ಇದು ಪ್ರಮೋಟ್ ಮಾಡುತ್ತಿರುವ ವಿಡಿಯೋದಲ್ಲಿ ಹೇಳಲಾಗಿದೆ.

ಇದನ್ನೂ ಓದಿ:BPL ಕಾರ್ಡ್‌ದಾರರಿಗೆ ಸರ್ಕಾರ ಬಿಗ್​ ಶಾಕ್; ಕಾರು, ಬೈಕ್ ಇದ್ರೆ ರೇಷನ್​​ ಕಾರ್ಡ್​​ ರದ್ದು!

ಈ ಬಗ್ಗೆ ಸಂತಸ ವ್ಯಕ್ತಪಡಿಸಿರುವ ಸಂಸ್ಥೆ ಫ್ಲಿಪ್​ಕಾರ್ಟ್​ ಯುಪಿಐ ಒಂದು ಅದ್ಭುತ ಕ್ಯಾಂಪೇನ್​ ಶುರು ಮಾಡಿದೆ.ಆಟೋ ಪ್ರಯಾಣಕ್ಕೆ ಕೇವಲ ಒಂದು ರೂಪಾಯಿಯನ್ನು ನೀಡುವ ಕೊಡುಗೆಯನ್ನು ನೀಡುವ ಮೂಲಕ ಬಿಗ್ ಬಿಲಿಯನ್ ಡೇಗೂ ಮುನ್ನವೇ ಬೆಂಗಳೂರಿಗರಿಗೆ ಅದ್ಭುತ ಸಡಗರ ಉಂಟಾಗುವಂತೆ ಮಾಡಿದೆ ಎಂದು ಹೇಳಿಕೊಂಡಿದೆ.

ನಮ್ಮ ಕ್ಯಾಂಪೇನ್​ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆದ ಬಳಿಕ ಅದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಒಂದು ರೂಪಾಯಿಯಲ್ಲಿ ಸದ್ಯದ ಕಾಲಘಟ್ಟದಲ್ಲಿ ಏನೂ ಬರುವುದಿಲ್ಲ, ನಮ್ಮ ಕ್ಯಾಂಪೇನ್ ಸುಲಭ ಹಾಗೂ ಕಡಿಮೆ ವೆಚ್ಚದ ಒಂದು ಪ್ರಯಾಣಕ್ಕೆ ನಾಂದಿ ಹಾಡಿದೆ ಎಂದು ಸಂಸ್ಥೆ ಹೇಳಿಕೊಂಡಿದೆ.

ಇನ್ನು ಫ್ಲಿಪ್​ಕಾರ್ಟ್​ನ ಈ ಆಫರ್​ ಕೇಳಿರುವ ಬೆಂಗಳೂರಿಗರು ಆಟೋಗಾಗಿ ಸಾಲು ಹಚ್ಚುತ್ತಿದ್ದಾರೆ. ಹೀಗೆ ಆಟೋ ಬಳಸಿದವರಲ್ಲಿ ಹಲವರು. ಒಂದು ರೂಪಾಯಿಯಲ್ಲಿ ಬೆಂಗಳೂರಿನಲ್ಲಿ ಆಟೋ ಪ್ರಯಾಣ ಮಾಡುವ ಅಸಾಧ್ಯವಾದ ಮಾತು. ಆದ್ರೆ ಫ್ಲಿಪ್​ಕಾರ್ಟ್​ ಇದನ್ನು ಸಾಧ್ಯ ಮಾಡಿ ತೋರಿಸಿದೆ ಎಂದಿದ್ದಾರೆ. ಸದ್ಯ ಈ ಒಂದು ಆಫರ್​ ಬೆಂಗಳೂರಿಗೆ ಮಾತ್ರ ಸಿಮೀತವಾಗಿದೆ. ಜನರು ಬೇರೆ ಸಿಟಿಗಳಲ್ಲೂ ಇದೇ ಬಗೆಯ ಆಫರ್​ನ್ನು ವಿಸ್ತರಿಸಿ ಎಂದು ಫ್ಲಿಪ್​ಕಾರ್ಟ್​ಗೆ ಮನವಿ ಮಾಡಿಕೊಳ್ಳುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ