2002ರಲ್ಲಿ ಸೂಪರ್​ ಡೂಪರ್ ಹಿಟ್ ಸಿನಿಮಾ.. ಮುಂಬೈನಲ್ಲಿ ಅನೇಕ ಮದುವೆಗಳನ್ನೇ ಮುಂದೂಡುವಂತೆ ಮಾಡಿತ್ತು! ಕಾರಣವೇನು ಗೊತ್ತಾ?

ಅದು ಮೂರು ಸೂಪರ್​ಸ್ಟಾರ್​ಗಳು ಏಕಕಾಲಕ್ಕೆ ಸಮ್ಮಿಲನವಾಗಿ ತೆರೆಗೆ ಬಂದ ಸಿನಿಮಾ. 2002ರಲ್ಲಿ ಬಂದ ಈ ಸಿನಿಮಾ ದೊಡ್ಡ ಮಟ್ಟದ ಅಲೆ ಎಬ್ಬಿಸಿತ್ತು. ಶಾರುಖ್​ ಖಾನ್​, ಮಾಧುರಿ ದೀಕ್ಷಿತ್ ಹಾಗೂ ಐಶ್ವರ್ಯ ರೈ ಪ್ರಮುಖ ಪಾತ್ರದಲ್ಲಿ ನಟಿಸಿದ ಈ ಒಂದು ಸಿನಿಮಾದಿಂದಾಗಿ ಮುಂಬೈನಲ್ಲಿ ಅನೇಕ ಮದುವೆಗಳು ಮುಂದೂಡಬೇಕಾದ ಪ್ರಸಂಗ ಬಂತು. ಇದು ಸುಮಾರು ಎರಡು ದಶಕಗಳ ಹಿಂದಿನ ಮಾತು. ಈ ಸಿನಿಮಾದ ಶೂಟಿಂಗ್ ಮುಗಿಯುವವರೆಗೂ ಮುಂಬೈನಲ್ಲಿ ಅನೇಕ ಮದುವೆಗಳನ್ನು ಪೋಸ್ಟ್​ಪೋನ್​ ಆಗಿದ್ದವು.

ಯಾವುದು ಆ ಚಿತ್ರ ಅಂತ ಯೋಚನೆ ಮಾಡ್ತಾ ಇದ್ದೀರಾ ಆ ಸಿನಿಮಾದ ಹೆಸರು ದೇವದಾಸ್. ಸಂಜಯ್​ ಲೀಲಾ ಬನ್ಸಾಲಿ ನಿರ್ದೇಶನವಿರುವ , ಶಾರುಖ್​ ಖಾನ್​, ಮಾಧುರಿ ದೀಕ್ಷಿತ್ ಹಾಗೂ ಐಶ್ವರ್ಯ ರೈ ನಟನೆಯ ಸಿನಿಮಾ ಅಂದಿನ ಕಾಲಕ್ಕೆ ದೊಡ್ಡ ಮಟ್ಟದ ಬಜೆಟ್​ನೊಂದಿಗೆ ಅಂದು ಸಿದ್ಧಗೊಂಡಿತ್ತು. ದೇವದಾಸ್​ ಸಿನಿಮಾವನ್ನು ದೊಡ್ಡ ದೊಡ್ಡ ಮಹಲುಗಳಲ್ಲಿ ಶೂಟ್ ಮಾಡಲಾಗಿದೆ. ಆ ಮಹಲುಗಳಿಗೆ ಝೂಮರ್ ಅಂದ್ರೆ ತೂಗುದೀಪಗಳನ್ನು ಅಳವಡಿಸಬೇಕಾಗಿತ್ತು. ಅದಕ್ಕಿಂತಲೂ ಹೆಚ್ಚು ಲೈಟಿಂಗ್​ ಬಗ್ಗೆ ಹೆಚ್ಚು ಗಮನವಿರಿಸಲಾಗಿತ್ತು. ಲೈಟಿಂಗ್​ ಮೂಲಕವೇ ಇಡೀ ಮಹಲ್​ಗಳನ್ನು ವೈಭವವಾಗಿ ತೋರಿಸಬೇಕಾಗಿತ್ತು. ಆದ್ರೆ ಆ ಸಮಯದಲ್ಲಿ ಶೂಟಿಂಗ್​ಗೆ ಹೆಚ್ಚು ವಿದ್ಯುತ್​ ಶಕ್ತಿ ಬೇಕಾಗಿತ್ತು ಮತ್ತು ಅವಶ್ಯಕತೆಯೂ ಇತ್ತು.

ಇದನ್ನೂ ಓದಿ:ಅಂಬರೀಶ್ ಮೊಮ್ಮಗನಿಗೆ ಕಿಚ್ಚ ಸುದೀಪ್ ಕೊಟ್ಟ ಗಿಫ್ಟ್ ಏನು? ನಾಮಕರಣದ ಫೋಟೋಗಳು ಇಲ್ಲಿವೆ!

ಈ ಸಿನಿಮಾದ ಕೊರಿಯೋಗ್ರಾಫರ್ ಆಗಿದ್ದ ವಿನೋದ್ ಪ್ರಧಾನ ಹೇಳುವ ಪ್ರಕಾರ ಈ ಸಿನಿಮಾ ಶೂಟಿಂಗ್ ಶುರುವಾದಾಗ ಮುಂಬೈನಲ್ಲಿ ಅನೇಕ ಮದುವೆಗಳು ಪೋಸ್ಟ್​​ ಪೋನ್ ಆಗಿದ್ದನ್ನು ನಾವು ಕೇಳಿದ್ದೇವೆ ಎಂದು ಇತ್ತೀಚಿನ ಒಂದು ಇಂಟರ್​​​ವ್ಯೂವ್​​​ನಲ್ಲಿ ಹೇಳಿದ್ದಾರೆ. ಅದಕ್ಕೆ ಕಾರಣ ನಾವು ಮುಂಬೈನಲ್ಲಿರುವ ಎಲ್ಲಾ ಜನರೇಟರ್​ಗಳನ್ನು ಉಪಯೋಗಿಸಿಕೊಂಡಿದ್ದೇವು. ಮುಖ್ಯವಾದ ಒಂದು ಜಾಗವಿತ್ತು ಆ ಜಾಗದಲ್ಲಿ ನಮಗೆ ತುಂಬಾ ವಿದ್ಯುತ್ ಶಕ್ತಿಯ ಅವಶ್ಯಕತೆ ಇತ್ತು. ಹೀಗಾಗಿ ಅಲ್ಲಿ ನಾವು ಹೆಚ್ಚು ಜನರೇಟರ್​ಗಳನ್ನು ಉಪಯೋಗಿಸಿಕೊಳ್ಳಬೇಕಾಯ್ತು. ಯಾವಾಗ ನಮಗೆ ಜನರೇಟರ್ ನಾವು ಅಂದುಕೊಂಡಂತೆ ಸಪೋರ್ಟ್​ ಮಾಡುತ್ತವೋ ಆಗ ನಾವು ನಮ್ಮ ಬೆಸ್ಟ್​ ಅನ್ನು ಸ್ಕ್ರೀನ್​ ಮೇಲೆ ತರಲು ಸಾಧ್ಯ ಎಂದು ಹೇಳಿದ್ದರು.

ಇದನ್ನೂ ಓದಿ:BREAKING: ಖ್ಯಾತ ಸಂಗೀತ ಮಾಂತ್ರಿಕ ಎ.ಆರ್ ರೆಹಮಾನ್ ಆಸ್ಪತ್ರೆಗೆ ದಾಖಲು

ವಿನೋದ್ ಪ್ರಧಾನ ಹೇಳುವ ಪ್ರಕಾರ ದೇವದಾಸ್ ಸಿನಿಮಾವನ್ನು ದೊಡ್ಡ ದೊಡ್ಡ ಸೆಟ್​ಗಳಲ್ಲಿ ಶೂಟ್ ಮಾಡಲಾಯಿತಂತೆ. ಆದರೆ ಯಾವುದೇ ಗಡಿಬಿಡಿ ಇಲ್ಲದೇ ಅವಸವಿಲ್ಲದೇ ನಡೆದ ಶೂಟಿಂಗ್​ ಅದು. ನಾವು ಸಾಮಾನ್ಯವಾದ ಸಿನಿಮಾಗಳಲ್ಲಿ ಒಂದು ದಿನಕ್ಕೆ 15-20 ಶಾಟ್ಸ್​ಗಳನ್ನು ತೆಗೆಯುತ್ತೇವೆ. ಒಂದೊಂದು ದಿನ 40ಕ್ಕೂ ಹೋಗಿದೆ ಆದ್ರೆ ದೇವದಾಸ್ ಸಿನಿಮಾದಲ್ಲಿ ದಿನಕ್ಕೆ ಕೇವಲ 3 ರಿಂದ4 ಶಾಟ್ಸ್​ಗಳನ್ನು ಮಾತ್ರ ತೆಗೆದಯುತ್ತಿದ್ದೇವು. ಕಾರಣ ಲೈಟಿಂಗ್ ವ್ಯವಸ್ಥೆಯೇ ಈ ಸಿನಿಮಾದ ದೊಡ್ಡ ಸವಾಲಾಗಿತ್ತು. ಸಿನಿಮಾದಲ್ಲಿ ಪಾರು ಮನೆ ಸಂಪೂರ್ಣವಾಗಿ ಗಾಜಿನಿಂದ ತುಂಬಿ ಹೋಗಿತ್ತು. ಇಂತಹ ಸೆಟ್​ನಲ್ಲಿ ಲೈಟಿಂಗ್ ಮಾಡುವುದು ಅಷ್ಟು ಸರಳವಿಲ್ಲ. ಒಂದು ಸೀನ್ ಶೂಟ್​ ಮಾಡಲು ಹೆಚ್ಚಿನ ಸಮಯ ಬೇಕಾಗುತ್ತಿತ್ತು. ಇದೇ ಸ್ಥಿತಿ ಚಂದ್ರಮುಖಿ ಮನೆಯಲ್ಲಿದ್ದ ಸೆಟ್​ನಲ್ಲಿಯೂ ಇತ್ತು. ಹೀಗಾಗಿ ಲೈಟಿಂಗ್ ನಾವು ಅಂದುಕೊಂಡಂತೆ ಮಾಡಲು ನಾವು ಮುಂಬೈನ ಎಲ್ಲಾ ಜನರೇಟರ್​ಗಳನ್ನು ಉಪಯೋಗಿಸಿಕೊಂಡೇವು. ಹೀಗಾಗಿ ಕಲ್ಯಾಣಮಂಟಪಗಳಲ್ಲಿ ಜನರೇಟರ್​ ಸಮಸ್ಯೆಗಳು ಉಂಟಾದ ಕಾರಣ, ಅನೇಕ ಮದುವೆಗಳು ಮುಂದೂಡಲ್ಪಟ್ಟವು ಎಂದು ಹೇಳಿದ್ದಾರೆ. ​

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ