ವೀರಪ್ಪನ್​​ನಿಂದ ಅಣ್ಣಾವ್ರ ಬಿಡಿಸಿಕೊಂಡು ಬಂದ ಕ್ಷಣ ಹೇಗಿತ್ತು..? ಡಾ.ರಾಜ್ ಮತ್ತು SM ಕೃಷ್ಣ ಫೋಟೋಗಳು

ಬೆಂಗಳೂರು: ಸೌಮ್ಯ ಸ್ವಭಾವದ ವ್ಯಕ್ತಿತ್ವಕ್ಕೆ ಹೆಸರಾಗಿದ್ದ, ಮಾಜಿ ಕೇಂದ್ರ ಸಚಿವ ಹಾಗೂ ಕರ್ನಾಟಕದ ಮಾಜಿ ಮುಖ್ಯಮಂತ್ರಿ ಎಸ್.ಎಂ ಕೃಷ್ಣ (92) ಅವರು ವಿಧಿವಶರಾಗಿದ್ದಾರೆ. ಇವರ ಅಧಿಕಾರದಲ್ಲಿ ಡಾ.ರಾಜ್​​ಕುಮಾರ್ ಅವರನ್ನು ವೀರಪ್ಪನ್ ಅಪಹರಣ ಮಾಡಿದ್ದೇ ದೊಡ್ಡ ಘಟನೆಯಾಗಿತ್ತು. ಆದ್ರೆ ಅದನ್ನೆಲ್ಲ ಎಸ್.ಎಂ ಕೃಷ್ಣ ಅವರು ನಿಭಾಯಿಸಿದ್ದು ಎಲ್ಲರನ್ನೂ ಸೆಳೆದಿತ್ತು.

ವರನಟ ಡಾ.ರಾಜ್​ಕುಮಾರ್ ಅವರನ್ನು ಕಾಡುಗಳ್ಳ ವೀರಪ್ಪನ್ ಅಪಹರಣ ಮಾಡಿದ್ದಾಗ ಎಸ್​.ಎಂ ಕೃಷ್ಣ ಅವರು ರಾಜ್ಯ ಮುಖ್ಯಮಂತ್ರಿಗಳು ಆಗಿದ್ದರು. ಡಾ.ರಾಜ್​ಕುಮಾರನ್ನ ಕಿಡ್ನಾಪ್ ಮಾಡಿದ ಮೇಲೆ ಎಸ್​.ಎಂ ಕೃಷ್ಣ ಅವರು ಬಹಳಷ್ಟು ನೊಂದುಕೊಂಡಿದ್ದರು. ಹೇಗದರೂ ಮಾಡಿ ಅವರನ್ನು ಬಿಡಿಸಿಕೊಂಡು ಬರಬೇಕು ಎಂದು ಸಾಕಷ್ಟು ಶ್ರಮ ವಹಿಸಿದ್ದರು. ಈ ಸಂಬಂಧ ತಮಿಳುನಾಡಿನ ರಾಜಕಾರಣಿಗನ್ನು ಭೇಟಿ ಮಾಡಿ ಚರ್ಚೆ ಕೂಡ ಮಾಡಿದ್ದರು.

ಡಾ.ರಾಜ್​ಕುಮಾರ್ ಅವರನ್ನು ಕಿಡ್ನಾಪ್ ಮಾಡಿದ್ದ ವೀರಪ್ಪನ್ ಅವರನ್ನು ಕಾಡಿಗೆ ಕರೆದುಕೊಂಡು ಹೋಗಿದ್ದನು. ಈ ವೇಳೆ ರಾಜ್​ಕುಮಾರ್ ಜೊತೆಯಲ್ಲಿ ಫೋಟೋ ತೆಗೆಸಿಕೊಂಡಿದ್ದರು. ಅಲ್ಲದೇ ಅವರ ಜೊತೆ ಕುಳಿತುಕೊಂಡಿರುವುದು ಇಲ್ಲಿ ಕಾಣಬಹುದು. ವೀರಪ್ಪನ್, ರಾಜ್​ಕುಮಾರ್​ರನ್ನ ಕಿಡ್ನಾಪ್ ಮಾಡಿದ ಮೇಲೆ ಎಸ್​.ಎಂ ಕೃಷ್ಣ ಅವರ ಸರ್ಕಾರಕ್ಕೆ ಒತ್ತಡವಾಗಿತ್ತು. ಅವರನ್ನು ಮತ್ತೆ ರಾಜ್ಯಕ್ಕೆ ಕರೆದುಕೊಂಡು ಬರುವುದೇ ಸಿಎಂಗೆ ದೊಡ್ಡ ಜವಾಬ್ದಾರಿ ಆಗಿತ್ತು.

ಇದನ್ನೂ ಓದಿ:ಕನ್ನಡಕ್ಕಾಗಿ ವಾರದ ಹಿಂದಷ್ಟೇ ಪತ್ರ ಬರೆದಿದ್ದ SM ಕೃಷ್ಣ; ಹಿರಿಯ ಮುತ್ಸದ್ದಿಯ ಕೊನೆಯ ಪತ್ರ

ಎಸ್​.ಎಂ ಕೃಷ್ಣರ ನಿರಂತರ ಪ್ರಯತ್ನದ ಫಲವಾಗಿ 108 ದಿನಗಳ ಬಳಿಕ ಡಾ.ರಾಜ್​ಕುಮಾರ್ ಅವರು ಆರೋಗ್ಯವಾಗಿ, ಸುರಕ್ಷಿತವಾಗಿ ವಾಪಸ್ ರಾಜ್ಯಕ್ಕೆ ಬಂದರು. ಈ ವೇಳೆ ಇಡೀ ಕರ್ನಾಟಕವೆಲ್ಲಾ ದೊಡ್ಡ ಸಂಭ್ರಮಾಚರಣೆ ಮಾಡಿತು. ಡಾ.ರಾಜ್​ಕುಮಾರನ್ನ ಕರೆದುಕೊಂಡು ಬಂದ ಮೇಲೆ ಎಸ್​.ಎಂ ಕೃಷ್ಣ ಅವರು ಸಂತಸ ಪಟ್ಟಿದ್ದರು.

ಕಾಡುಗಳ್ಳ ವೀರಪ್ಪನ್​ನಿಂದ ಡಾ.ರಾಜ್​ಕುಮಾರ್ ಅವರು ಸೇಫ್ ಆಗಿ ಮರಳಿದ ಮೇಲೆ ಎಸ್​.ಎಂ ಕೃಷ್ಣ ಅವರು ಬೆಟ್ಟದಷ್ಟು ಖುಷಿ ಪಟ್ಟಿದ್ದರು. ಸರ್ಕಾರದ ಮೇಲೆ ಇದ್ದ ಎಲ್ಲ ಒತ್ತಡ ಕಡಿಮೆ ಆಯಿತು. ಅವರೊಂದಿಗೆ ಕುಳಿತು ಎಸ್​.ಎಂ ಕೃಷ್ಣ ಮಾಧ್ಯಮ ನಡೆಸಿಕೊಟ್ಟರು. ರಾಜ್ಯದ ಜನರಿಗೆ ಸಂತಸ ವಿಷಯ ತಿಳಿಸಿದ್ದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ