ಬೆಂಗಳೂರು ಹುಡುಗಿ ಮದುವೆಯಾಗಿರೋದು.. ನನ್ನ ಟೀಮ್​ RCB ಅಂದ್ರು ಇಂಗ್ಲೆಂಡ್​ ಮಾಜಿ ಪ್ರಧಾನಿ ರಿಷಿ ಸುನಕ್​

ಗುಜರಾತ್​ನ ಅಹ್ಮದಾಬಾದ್​ನಲ್ಲಿ ಐಪಿಎಲ್ ಫೈನಲ್ (IPL Final) ಮ್ಯಾಚ್​ ನಡೆಯುತ್ತಿದೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB) ಹಾಗೂ ಪಂಜಾಬ್ ಕಿಂಗ್ಸ್​ (PBKS) ತಂಡಗಳು ಮುಖಾಮುಖಿ ಆಗಿವೆ. ಈ ಹೈ-ವೋಲ್ಟೇಜ್ ಪಂದ್ಯ ವೀಕ್ಷಿಸಲು ಇಂಗ್ಲೆಂಡ್​ನ ಮಾಜಿ ಪ್ರಧಾನಿ ರಿಷಿ ಸುನಕ್ (Rishi Sunak) ಹಾಗೂ ಅವರ ಪತ್ನಿ ಅಕ್ಷತಾ ಮೂರ್ತಿ (Akshata murty) ಅವರು ಸ್ಟೇಡಿಯಂಗೆ ಬಂದಿದ್ದಾರೆ.

ಆರ್​​ಸಿಬಿ ಬ್ಯಾಟಿಂಗ್ ಇನ್ನಿಂಗ್ಸ್​ ಮುಗಿಯುತ್ತಿದ್ದಂತೆಯೇ ರಿಷಿ ಸುನಕ್ ಮೈದಾನಕ್ಕೆ ಆಗಮಿಸಿದ್ದರು. ಈ ವೇಳೆ ನಿರೂಪಕಿ ಮಯಾಂತಿ ಲ್ಯಾಂಗರ್ (Mayanti Langer), ಇಂಗ್ಲೆಂಡ್​ ಮಾಜಿ ಪ್ರಧಾನಿಯನ್ನು ಮಾತನ್ನಾಡಿಸಿದರು. ಈ ವೇಳೆ ಸುನಕ್ ತಮ್ಮ ಅನಿಸಿಕೆಗಳನ್ನು ಅದ್ಭುತವಾಗಿ ಹಂಚಿಕೊಂಡರು.

ಇದನ್ನೂ ಓದಿ:ಕೊಹ್ಲಿ ಒಬ್ಬರಿಂದಲೇ ಹೃದಯಗೆದ್ದ ಇನ್ನಿಂಗ್ಸ್.. ಪಂಜಾಬ್ ಕಿಂಗ್ಸ್​ಗೆ 191 ರನ್​ಗಳ ಟಾರ್ಗೆಟ್..!

ಏನಂದ್ರು ರಿಷಿ ಸುನಕ್..?

ನನಗೆ ಅದ್ಭುತ ಅನುಭವವಾಗ್ತಿದೆ. ನನ್ನ ಜೀವನದಲ್ಲಿ ನಾನು ಕ್ರಿಕೆಟ್​ನ ಇಷ್ಟೊಂದು ಅದ್ಭುತವಾಗಿ ಆನಂದಿಸಿಯೇ ಇಲ್ಲ. ನಾನು ಮ್ಯಾಚ್​ ನೋಡಲು ನನ್ನ ಪತ್ನಿ ಅಕ್ಷತಾ ಜೊತೆಗೆ ಬಂದಿದ್ದೇನೆ. ನಾನು ಮದುವೆಯಾಗಿರೋದು ಬೆಂಗಳೂರು ಕುಟುಂಬದ ಹುಡುಗಿಯನ್ನೇ. ಹಾಗಾಗಿ, ಮೊದಲಿನಿಂದಲೂ ನನ್ನ ಟೀಮ್​ ಆರ್​​ಸಿಬಿನೇ. ನಾನು ಮದುವೆಯಾದಾಗ ನನ್ನ ಅತ್ತೆ-ಮಾವ ನನಗೆ ಮೊದಲ ಸೀಸನ್​ನ ಶರ್ಟ್​ ಕೊಟ್ಟಿದ್ರು. ಇವತ್ತು ರನ್​ ಸ್ವಲ್ಪ ಕಡಿಮೆ ಇದೆ. ನೋಡೋಣ. ನಮ್​ ಕಡೆ ಕೂಡ ಒಳ್ಳೆ ಬೌಲಿಂಗ್​ ಅಟ್ಯಾಕ್​ ಇದೆ. ನಾನು ಹುಬ್ಬಳ್ಳಿ ಹಾಗೂ ಬೆಂಗಳೂರು ಜನರಿಗಾಗಿ ಇಲ್ಲಿಗೆ ಬಂದಿದ್ದೇನೆ. ನಾನು ಆಸ್ಟ್ರೇಲಿಯಾದ ಪ್ರಧಾನಿ ಜೊತೆ ಮಾತನಾಡುವಾಗ ಆಗಲಿ, ಭಾರತದ ಪ್ರಧಾನಿ ನರೇಂದ್ರ ಮೋದಿಯವ್ರ ಜೊತೆಗಾಗಲಿ ಮಾತು ಶುರುಮಾಡುವ ಮುಂದೆ ಸ್ವಲ್ಪ ಕ್ರಿಕೆಟ್​ ಬಗ್ಗೆ ಮಾತನಾಡಿನೇ ಮುಂದುವರಿಯುವುದು.

ರಾಜತಾಂತ್ರಿಕ ಚರ್ಚೆ ಶುರುಮಾಡುವ ಮುಂದೆ ಆ ರೀತಿ ನಮ್ಮ ಪ್ಯಾಷನ್​ ಬಗ್ಗೆ ಸ್ವಲ್ಪ ಹೊತ್ತು ಮಾತಾಡಿ ಚರ್ಚೆ ಶುರುಮಾಡೋದ್ರಿಂದ ನಮ್ಮ ಸಂಬಂಧಗಳಿಗೂ ಒಳ್ಳೆಯದು. ನಾನು ಈಗಷ್ಟೇ ಐಸಿಸಿ ಚೇರ್ಮನ್​ ಜಯ್​ ಶಾ ಜೊತೆ ಮಾತನಾಡ್ತಿದ್ದೆ. ಜಾಗತಿಕ ಕ್ರಿಕೆಟ್​​ನಲ್ಲಿ ಐಪಿಎಲ್​ನಿಂದ ಅದೆಷ್ಟು ಬದಲಾವಣೆಯಾಗಿದೆ ಅನ್ನೋದರ ಬಗ್ಗೆ ಮಾತನಾಡ್ತಿದ್ವಿ. ಇವತ್ತು ಜಗತ್ತಿನ ಪ್ರತಿಯೊಬ್ಬ ಕ್ರಿಕೆಟ್​ ಆಟಗಾರನೂ ಒಮ್ಮೆ ಐಪಿಎಲ್​ನಲ್ಲಿ ಆಡಬೇಕಂತಾ ಬಯಸ್ತಾನೆ. ಜೇಕಬ್​ ಬೆಥೆಲ್​ ಅತ್ಯುತ್ತಮ ಆಟಗಾರ. ಆತ ಇಲ್ಲಿ ಐಪಿಎಲ್​ ಆಡಿ ಈಗಷ್ಟೇ ಇಂಗ್ಲೆಂಡಿಗೆ ಮರಳಿದ್ದಾನೆ.ಇದರಿಂದಲೇ ಗೊತ್ತಾಗುತ್ತೆ, ಜಾಗತಿಕವಾಗಿ ಭಾರತ ಅದೆಷ್ಟು ಪ್ರಭಾವ ಬೀರಿದೆ ಅಂತಾ. ನಾನು ಹಿಂದೊಮ್ಮೆ ಹೇಳಿದ್ದೆ.

ಒಲಿಂಪಿಕ್ಸ್​ನಂತಹ ಪ್ರತಿಷ್ಠಿತ ಕ್ರೀಡಾಕೂಟದಲ್ಲಿ ಕ್ರಿಕೆಟ್​​ಗೆ ಸ್ಥಾನ ಯಾಕ್​ ಸಿಕ್ತು ಅಂದ್ರೆ?​ ಅದಕ್ಕೆ ಕಾರಣ ಭಾರತ. ಭಾರತದ ಅಭಿರುಚಿ, ಭಾರತದ ಪ್ಯಾಷನ್​ ಎಲ್ಲವೂ ಜಾಗತಿಕ ಮಟ್ಟದಲ್ಲಿ ಯಾವ್​ ರೀತಿ ಪ್ರಭಾವ ಬೀರಿದೆ ಅನ್ನೋದಕ್ಕೆ ಇವತ್ತಿನ ಈ ರಾತ್ರಿಯೇ ಸಾಕ್ಷಿ..ಎಲ್ಲಾ ಕ್ರಿಕೆಟ್​ ಪ್ರಿಯರಿಗೆ ಇದೊಂಥರಾ ಅತ್ಯುತ್ತಮ ಅನುಭವ -ರಿಷಿ ಸುನಕ್, ಇಂಗ್ಲೆಂಡ್​ನ ಮಾಜಿ ಪ್ರಧಾನಿ

ಇದನ್ನೂ ಓದಿ:RCB vs PBKS: ಕಾರಿನಲ್ಲೇ ಫೈನಲ್ ಮ್ಯಾಚ್ ವೀಕ್ಷಿಸಿದ ಸಿಎಂ ಸಿದ್ದರಾಮಯ್ಯ

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ