ಶ್ರೀಲಂಕಾ ಪ್ರವಾಸ.. ಕೊಹ್ಲಿ, ರೋಹಿತ್​​, ಬುಮ್ರಾಗೆ ಖಡಕ್​ ವಾರ್ನಿಂಗ್​​ ಕೊಟ್ಟ ಕೋಚ್​ ಗಂಭೀರ್​!

ಟೀಮ್​ ಇಂಡಿಯಾದ ಮುಖ್ಯ ಕೋಚ್​​​ ಗೌತಮ್ ಗಂಭೀರ್ ಕ್ಯಾಪ್ಟನ್​​ ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ ಮತ್ತು ಜಸ್ಪ್ರೀತ್ ಬುಮ್ರಾ ಶ್ರೀಲಂಕಾ ವಿರುದ್ಧ ಏಕದಿನ ಸರಣಿ ಆಡಲೇಬೇಕು ಎಂದು ಸೂಚನೆ ನೀಡಿದ್ದಾರೆ ಎಂದರು ವರದಿಯಾಗಿದೆ.

ಇತ್ತೀಚೆಗೆ ಯುಎಸ್​​ ಮತ್ತು ವೆಸ್ಟ್​ ಇಂಡೀಸ್​ನಲ್ಲಿ ನಡೆದ ಟಿ20 ವಿಶ್ವಕಪ್​​ನಲ್ಲಿ ಟೀಮ್​ ಇಂಡಿಯಾದ ಪರ ಈ ಮೂವರು ಸ್ಟಾರ್​ ಕಾಣಿಸಿಕೊಂಡಿದ್ದರು. ಟಿ20 ವಿಶ್ವಕಪ್​ ಗೆದ್ದ ಟೀಮ್​ ಇಂಡಿಯಾದ ಭಾಗವಾಗಿದ್ದರು. ಕಳೆದ 6 ತಿಂಗಳಿಂದ ಬಿಡುವಿಲ್ಲದೆ ಕ್ರಿಕೆಟ್​​ ಆಡುತ್ತಿದ್ದು, ಇವರಿಗೆ ಶ್ರೀಲಂಕಾ ವಿರುದ್ಧದ ಸರಣಿಗಾಗಿ ಸಂಭಾವ್ಯ ವಿಶ್ರಾಂತಿ ನೀಡಲಾಗಿತ್ತು. ಆದರೀಗ, ಕೊಹ್ಲಿ, ರೋಹಿತ್​, ಬುಮ್ರಾ ಶ್ರೀಲಂಕಾ ವಿರುದ್ಧದ ಏಕದಿನ ಸರಣಿ ಆಡಲೇಬೇಕು ಎಂದು ಖಡಕ್​ ವಾರ್ನಿಂಗ್​​ ಕೊಟ್ಟಿದ್ದಾರೆ ಎಂದು ಹೇಳಲಾಗುತ್ತಿದೆ.

ಶ್ರೀಲಂಕಾ ವಿರುದ್ಧ ಏಕದಿನ ಸರಣಿ ಆಡಲೇಬೇಕು ಎಂದ ಗಂಭೀರ್

ರಾಷ್ಟ್ರೀಯ ಮಾಧ್ಯಮದಲ್ಲಿ ವರದಿಯಾಗಿರೋ ಪ್ರಕಾರ ಮುಖ್ಯ ಕೋಚ್​ ಗಂಭೀರ್​ ಕೊಹ್ಲಿ, ರೋಹಿತ್​​, ಬುಮ್ರಾ ತಮ್ಮ ರಜೆಯನ್ನು ಮುಗಿಸಬೇಕು. ಮುಂಬರುವ ವೈಟ್-ಬಾಲ್ ಸರಣಿಯಲ್ಲಿ ಭಾಗವಹಿಸಬೇಕು ಎಂದು ಕೇಳಿಕೊಂಡಿದ್ದಾರಂತೆ.

ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಇಬ್ಬರೂ ಭಾರತದಿಂದ ಹೊರಗಿದ್ದಾರೆ. ಬೂಮ್ರಾ ಈಗಾಗಲೇ ಗಂಭೀರ್​​​ ಮನವಿಗೆ ಪ್ರತಿಕ್ರಿಯೆ ನೀಡಿದ್ದು, ರೋಹಿತ್​, ಕೊಹ್ಲಿ ಇನ್ನೂ ರಿಯಾಕ್ಟ್​ ಮಾಡಿಲ್ಲ ಎಂದು ತಿಳಿದು ಬಂದಿದೆ.

ಇದನ್ನೂ ಓದಿ:ರೋಹಿತ್​​ ಮಾತಿಗೆ ಮನ್ನಣೆ ಕೊಟ್ಟ ಬಿಸಿಸಿಐ; ಹಾರ್ದಿಕ್​ ಅಲ್ಲ, ಸೂರ್ಯ ಕ್ಯಾಪ್ಟನ್​​!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ ‘ರನ್ ಭೂಮಿ’ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್