ಶ್ರೀಲಂಕಾ ಸೀರೀಸ್​​.. ಕೆ.ಎಲ್​​ ರಾಹುಲ್​​ಗೆ ಬಿಗ್​ ಶಾಕ್​ ಕೊಟ್ಟ ಕೋಚ್​​ ಗಂಭೀರ್​​!

author-image
Ganesh Nachikethu
Updated On
ಶ್ರೀಲಂಕಾ ಸೀರೀಸ್​​.. ಕೆ.ಎಲ್​​ ರಾಹುಲ್​​ಗೆ ಬಿಗ್​ ಶಾಕ್​ ಕೊಟ್ಟ ಕೋಚ್​​ ಗಂಭೀರ್​​!
Advertisment
  • ಜಿಂಬಾಬ್ವೆ ಟಿ20 ಸರಣಿ ಬೆನ್ನಲ್ಲೇ ಟೀಮ್​ ಇಂಡಿಯಾ ಶ್ರೀಲಂಕಾ ಪ್ರವಾಸ
  • ಭಾರತ, ಶ್ರೀಲಂಕಾ ಮಧ್ಯೆ 3 ಏಕದಿನ ಹಾಗೂ 3 ಟಿ20 ಪಂದ್ಯಗಳ ಸರಣಿ!
  • ಟೀಮ್​ ಇಂಡಿಯಾ ನಾಯಕತ್ವಕ್ಕಾಗಿ ರಾಹುಲ್​​, ಹಾರ್ದಿಕ್​ ಮಧ್ಯೆ ಫೈಟ್​​

ಟೀಮ್​ ಇಂಡಿಯಾ ಹೊಸ ಕೋಚ್​ ಆಗಿ ಗೌತಮ್​ ಗಂಭೀರ್​ ನೇಮಕ ಆಗಿದ್ದಾರೆ. ಈಗ ಕೋಚ್​​ ಗಂಭೀರ್​​ ಸಾರಥ್ಯದಲ್ಲೇ ಕೆ.ಎಲ್​ ರಾಹುಲ್​ ಟೀಮ್​ ಇಂಡಿಯಾ ಕ್ಯಾಪ್ಟನ್​ ಆಗಲಿದ್ದಾರೆ ಎನ್ನುವ ಸುದ್ದಿ ಹೊರಬಿದ್ದಿದೆ.

ಯೆಸ್​​, ಶ್ರೀಲಂಕಾ ವಿರುದ್ಧದ ಸರಣಿಯೊಂದಿಗೆ ಗಂಭೀರ್ ಹೊಸ ಇನಿಂಗ್ಸ್ ಆರಂಭಿಸಲಿದ್ದಾರೆ. ಈ ಸರಣಿಯಿಂದ ವಿರಾಟ್​ ಕೊಹ್ಲಿ, ರೋಹಿತ್​ ಶರ್ಮಾ ಮತ್ತು ಬುಮ್ರಾ ರೆಸ್ಟ್​ ಕೇಳಿದ್ದಾರೆ. ಹಾಗಾಗಿ ಏಕದಿನ ಸರಣಿಯಲ್ಲಿ ಭಾರತ ತಂಡವನ್ನು ಕೆಎಲ್ ರಾಹುಲ್ ಮುನ್ನಡೆಸಲಿದ್ದಾರೆ ಎಂದು ವರದಿಯಾಗಿದೆ.

ಟಿ20 ಕ್ರಿಕೆಟ್​ನಿಂದ ರಾಹುಲ್​ಗೆ ಕೊಕ್​​..?

ಶ್ರೀಲಂಕಾ ವಿರುದ್ಧ 3 ಪಂದ್ಯಗಳ ಏಕದಿನ ಸರಣಿಯಲ್ಲಿ ಟೀಮ್​ ಇಂಡಿಯಾವನ್ನು ಮುನ್ನಡೆಸೋ ಅವಕಾಶ ಸಿಕ್ಕರೂ ರಾಹುಲ್​ಗೆ ಮತ್ತೊಂದು ಶಾಕಿಂಗ್​ ನ್ಯೂಸ್​ ಇದೆ. ಕೆ.ಎಲ್​ ರಾಹುಲ್​ ಇತ್ತೀಚೆಗೆ ನಡೆದ ಟಿ20 ವಿಶ್ವಕಪ್​ಗೆ ಆಯ್ಕೆಯಾಗಿರಲಿಲ್ಲ. ಇದಕ್ಕೆ ಕಾರಣ ರಾಹುಲ್​ ಸ್ಟ್ರೈಕ್​ ರೇಟ್​ ಮತ್ತು ಸ್ಲೋ ಇನ್ನಿಂಗ್ಸ್​. ಈಗಾಗಲೇ ಟೀಮ್​ ಇಂಡಿಯಾಗೆ ಟಿ20 ಕ್ರಿಕೆಟ್​ನಲ್ಲಿ ಎಲ್ಲಾ ಸ್ಲಾಟ್​ಗೂ ಹೆಚ್ಚು ಆಪ್ಷನ್​​​ಗಳು ಇವೆ. ಹಾಗಾಗಿ ರಾಹುಲ್​ ಅವರನ್ನು ಟಿ20 ಕ್ರಿಕೆಟ್​ನಿಂದ ದೂರ ಇಡೋ ಪ್ಲಾನ್​​ ಗಂಭೀರ್​ ಅವರದ್ದು.

ಟಿ20 ಅಂತಾರಾಷ್ಟ್ರೀಯ ಕ್ರಿಕೆಟ್​ನಿಂದ ರೋಹಿತ್ ಶರ್ಮಾ ನಿವೃತ್ತಿ ಘೋಷಿಸಿದ್ದಾರೆ. ಹೀಗಾಗಿ ಶ್ರೀಲಂಕಾ ವಿರುದ್ಧದ ಟಿ20 ಸರಣಿ ಮೂಲಕ ಭಾರತ ತಂಡಕ್ಕೆ ಹೊಸ ನಾಯಕ ಬೇಕಿದೆ. ಹೊಸ ನಾಯಕ ಯಾರು ಅನ್ನೋ ಪ್ರಶ್ನೆಗೆ ಹಾರ್ದಿಕ್ ಪಾಂಡ್ಯ ಹೆಸರು ಕೇಳಿ ಬಂದಿದೆ.

Advertisment