ಶಾರುಖ್​​​ ಖಾನ್​ ಜತೆ ಮಾಡಿದ್ದು ಒಂದೇ ಒಂದು ಸಿನಿಮಾ.. ಈಗ 45,000 ಕೋಟಿ ರೂಪಾಯಿ ಒಡತಿ ಈ ಹೀರೋಯಿನ್!

ಕೇವಲ ಒಂದು ಸಿನಿಮಾದಲ್ಲಿ ಹೀರೋಯಿನ್​ ಆಗಿ ಅಭಿನಯ ಮಾಡಿ ಮತ್ತೆ ಕಾಣದಂತೆ ಮರೆಯಾದವರು ಕೆಲವರು ಇದ್ದಾರೆ. ಈ ಲಿಸ್ಟ್​ನಲ್ಲಿ ಬಾಲಿವುಡ್​ನ ಮಾಡೆಲ್​, ಬ್ಯೂಟಿಫುಲ್ ಹೀರೋಯಿನ್​ ಕೂಡ ಒಬ್ಬರು. ಈ ನಟಿ ಶಾರುಖ್​ ಖಾನ್​ ಜೊತೆ ಒಂದೇ ಒಂದು ಸಿನಿಮಾ ಮಾಡಿದ್ದು. ಇದಾದ ಮೇಲೆ ಈ ಬ್ಯೂಟಿ ಹೀರೋಯಿನ್​ ಸಾವಿರಾರು ಕೋಟಿ ರೂಪಾಯಿಗಳ ಒಡತಿಯಾಗಿದ್ದಾರೆ. ಇಷ್ಟಕ್ಕೂ ಯಾರು ಆ ಚೆಲುವೆ?.

ಈಗ ನಾವು ಹೇಳುತ್ತಿರುವುದು ಮಾಡೆಲ್ ಕಮ್​ ನಟಿ ಗಾಯತ್ರಿ ಜೋಶಿ ಕುರಿತು. 2004ರಲ್ಲಿ ತೆರೆಗೆ ಬಂದಂತಹ ಸ್ವದೇಶ ಎನ್ನುವ ಸಿನಿಮಾದಲ್ಲಿ ಶಾರುಖ್​ ಖಾನ್ ಅವರ ಜೊತೆ ಗಾಯತ್ರಿ ಜೋಶಿ ಅಭಿನಯ ಮಾಡಿದ್ದರು. ಗಾಯತ್ರಿ ಜೋಶಿ ಅವರ ಸಿನಿಮಾ ಇದೇ ಫಸ್ಟ್, ಇದೇ ಲಾಸ್ಟ್​. ಆ ಮೇಲೆ ಇವರು ಯಾವ ಸಿನಿ ರಂಗದಲ್ಲೂ ಮೂವಿ ಮಾಡಿಲ್ಲ. ಇಂಡಸ್ಟ್ರಿಗೆ ಗುಡ್​ಬೈ ಹೇಳಿ ಮದುವೆಯಾಗಿ ಫ್ಯಾಮಿಲಿ ಜೊತೆ ಕಾಲ ಕಳೆಯುತ್ತಿದ್ದಾರೆ. ಇಷ್ಟಕ್ಕೂ ಇವರು ಮದುವೆ ಆಗಿದ್ದು ಯಾರನ್ನ?.

ಗಾಯತ್ರಿ ಜೋಶಿ ಅವರು 2005ರಲ್ಲಿ ಒಬೆರಾಯ್​ ರಿಯಲ್ಟಿ (Luxury Oberoi Realty Flats in Mumbai- Oberoi Realty) ಸಿಇಒ ವಿಕಾಸ್​​ ಒಬೆರಾಯ್​ ಅವರನ್ನು ಮದುವೆ ಆಗುತ್ತಾರೆ. ವಿವಾಹ ಆದ ಮೇಲೆ ಹೀರೋಯಿನ್ ಕುಟುಂಬದ ಕಡೆಗೆ ಹೆಚ್ಚು ಗಮನ ಕೊಡಲು ಶುರು ಮಾಡಿದರು. ಮಾಡೆಲಿಂಗ್ ಹಾಗೂ ಸಿನಿಮಾ ಮರೆತೆಬಿಟ್ಟರು. ಆದರೆ ಈಗ ಗಾಯತ್ರಿ ಜೋಶಿ ಮತ್ತು ವಿಕಾಸ್​​ ಒಬೆರಾಯ್​ಗೆ ಎರಡು ಮಕ್ಕಳು ಇದ್ದಾರೆ.

ಗಾಯತ್ರಿ ಜೋಶಿ ಕುಟುಂಬ ಮುಂಬೈನಲ್ಲಿ ಅದ್ಧೂರಿಯಾದ ಗ್ರ್ಯಾಂಡ್​ ಆಗಿರೋ ಮನೆಯಲ್ಲಿ ವಾಸ ಇದ್ದಾರೆ. ಈಕೆಯ ಗಂಡ ವಿಕಾಸ್​​ ಒಬೆರಾಯ್​ ತಂದೆ ರಣಬೀರ್​ ಒಬೆರಾಯ್ ರಿಯಲ್ ಎಸ್ಟೇಟ್​ ವ್ಯಾಪಾರಿ ಆಗಿದ್ದರು. ಈಗ ಅದೇ ವ್ಯಾಪಾರವನ್ನು ವಿಕಾಸ್​​ ಒಬೆರಾಯ್​ ಮಾಡುತ್ತಿದ್ದು ಇದರಿಂದ ಸಾವಿರಾರು ಕೋಟಿ ರೂಪಾಯಿ ಆಸ್ತಿ ಸಂಪಾದನೆ ಮಾಡಿದ್ದಾರೆ.

ಒಬೆರಾಯ್​ ರಿಯಲ್ಟಿ ಕಂಪನಿ ಮೂಲಕ ಮುಂಬೈನಲ್ಲಿ ದೊಡ್ಡ ದೊಡ್ಡ ಪ್ರಾಜೆಕ್ಟ್​ಗಳನ್ನು ಮಾಡಿದರು. ಇದರಲ್ಲಿ ಪ್ರಮುಖವಾದದ್ದು ಎಂದರೆ 360 ವೆಸ್ಟ್​ ಪ್ರಾಜೆಕ್ಟ್​ ಆಗಿದೆ. ಈ ಪ್ರಾಜೆಕ್ಟ್​ನಲ್ಲಿ ಹಲವಾರು ಬಾಲಿವುಡ್​ ಸೆಲೆಬ್ರಿಟಿಗಳು ನಿವಾಸಗಳನ್ನು ಖರೀದಿ ಮಾಡಿದ್ದಾರೆ. ಶಾಹಿದ್ ಕಪೂರ್, ಅಕ್ಷಯ್ ಕುಮಾರ್, ಅಭಿಷೇಕ್ ಬಚ್ಚನ್ ಸೇರಿದಂತೆ ಬಿಗ್​ ಸ್ಟಾರ್ಸ್​ ಮನೆಗಳನ್ನ ಕೊಂಡುಕೊಂಡರು.

ಇದನ್ನೂ  ಓದಿ: ಭಾರತದಲ್ಲೇ ಮೊಟ್ಟ ಮೊದಲ ಕೇಸ್​; ಮಹಿಳೆಯ ಗರ್ಭಕೋಶದ ಬದಲಿಗೆ ಲಿವರ್​ನಲ್ಲಿ ಬೆಳೆಯುತ್ತಿರೋ ಭ್ರೂಣ!

ಈ ಪ್ರಾಜೆಕ್ಟ್​ನ ಅಪಾರ್ಟ್​ಮೆಂಟ್​ನಲ್ಲಿ 4 ಬಿಹೆಚ್​​ಕೆ, 5 ಬಿಹೆಚ್​ಕೆ ನಿವಾಸಗಳಿವೆ. ಒಂದು ಅಪಾರ್ಟ್​ಮೆಂಟ್​ ಸುಮಾರು 45 ಕೋಟಿ ರೂಪಾಯಿಯಿಂದ 57 ಕೋಟಿ ರೂಪಾಯಿ ಬೆಲೆ ಬಾಳುತ್ತದೆ. ಅರಮನೆಯಂತಹ ಮನೆಯಲ್ಲಿ ಗಾಯತ್ರಿ ಜೋಶಿ ಕುಟುಂಬ ವಾಸಿಸುತ್ತಿದೆ. Ritz–Carlton ಹೋಟೆಲ್​ ಇರೋ ಪ್ರೀಮಿಯಂ ಪ್ರಾಜೆಕ್ಟ್​ ಆಗಿದೆ.

ಒಂದೇ ಒಂದು ಸಿನಿಮಾ ಮಾಡಿದ ಗಾಯತ್ರಿ ಜೋಶಿ ಈಗ ದೊಡ್ಡ ಮಟ್ಟದಲ್ಲಿ ಲೈಫ್ ಲೀಡ್ ಮಾಡುತ್ತಿದ್ದಾರೆ. ಸಿನಿಮಾದಿಂದ ದೂರವಾದ ನಟಿ ಕೋಟಿ ಕೋಟಿ ಬೆಲೆ ಬಾಳೋ ಬಂಗಲೆಯಲ್ಲಿ ವಾಸಿಸುತ್ತಿದ್ದಾರೆ. ಪ್ರಸ್ತುತ ವಿಕಾಸ್​ ಒಬೆರಾಯ್ ಅವರ ಆಸ್ತಿ 45,000 ಕೋಟಿ ರೂಪಾಯಿಗಳು ಎಂದು ಹೇಳಲಾಗಿದೆ. ಇನ್ನು ಗಾಯತ್ರಿ ಜೋಶಿ ಅವರ ಜೀವನ ಪಯಾಣ ತಿಳಿದುಕೊಂಡವರು ಇದೊಂದು ಕಾಲ್ಪನಿಕ ಕಥೆನಾ ಎನ್ನುವ ಯೋಚನೆಯಲ್ಲಿ ಮುಳುಗುತ್ತಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ