ಗುಡ್​ನ್ಯೂಸ್​ ಕೊಟ್ಟ ಚುಕ್ಕಿತಾರೆ ಸೀರಿಯಲ್​ನ ಕ್ಯೂಟ್ ಬಾಲನಟಿ ಮಹಿತಾ.. ಏನದು?

ಅಬ್ಬಾಬ್ಬ.. ಈ ಪುಟ್ಟ ಹುಡುಗಿ ಮಹಿತಾ ಯಾರಿಗೆ ತಾನೇ ಗೊತ್ತಿಲ್ಲ ಹೇಳಿ. ನನ್ನಮ್ಮ ಸೂಪರ್​​ ಸ್ಟಾರ್​​, ಗಿಚ್ಚಿ ಗಿಲಿಗಿಲಿ ಕಾಮಿಡಿ ಶೋ, ಚುಕ್ಕಿತಾರೆ ಸೀರಿಯಲ್ ಮೂಲಕ ಎಲ್ಲರ ಮನೆ ಮಾತಾಗಿದ್ದಳು ಬಾಲನಟಿ ಮಹಿತಾ. ಚುಕ್ಕಿತಾರೆ ಸೀರಿಯಲ್ ಮೂಲಕ ಸಖತ್ ಫೇಮಸ್​ ಆಗಿದ್ದ ವಂಶಿಕಾಳ ಗೆಳತಿ ಮಹಿತಾ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಌಕ್ಟೀವ್​ ಆಗಿದ್ದಾಳೆ.

ಇದನ್ನೂ ಓದಿ:ಚಳಿಗಾಲ, ಹಲವು ಆರೋಗ್ಯ ಸಮಸ್ಯೆಗಳಿಗೆ ಆಹ್ವಾನ ನೀಡುತ್ತದೆ. ಈ ವಿಷಯಗಳಲ್ಲಿ ನೀವು ತುಂಬಾ ಹುಷಾರಾಗಿರಿ

ಆದರೇ ಇದೀಗ ಚುಕ್ಕಿತಾರೆ ಸೀರಿಯಲ್​ ಖ್ಯಾತಿಯ ಮಹಿತಾ ಅಭಿಮಾನಿಗಳಿಗೆ ಗುಡ್​ನ್ಯೂಸ್​ವೊಂದನ್ನು ಕೊಟ್ಟಿದ್ದಾರೆ. ಹೌದು, ಚುಕ್ಕಿತಾರೆ ಬೆನ್ನಲ್ಲೇ ಮತ್ತೊಂದು ಹೊಚ್ಚ ಹೊಸ ಧಾರಾವಾಹಿಯಲ್ಲಿ ಅಭಿನಯಿಸುತ್ತಿದ್ದಾರೆ ಈ ಪುಟ್ಟ ಪೋರಿ. ಗಿಚ್ಚಿ ಗಿಲಿಗಿಲಿ ಸೀಸನ್​​ 2ರಲ್ಲಿ ತನ್ನ ಅದ್ಭುತ ನಟನೆಯ ಮೂಲಕ ಕಮಾಲ್​ ಮಾಡಿದ್ದ ಮಹಿತಾ ತಾಯಿಯ ಜೊತೆ ಮಸ್ತ್ ರೀಲ್ಸ್, ಕಾಮಿಡಿ ಮಾಡ್ತಾ ಇರುತ್ತಾಳೆ. ಈಗ ಜೀ ಕನ್ನಡದಲ್ಲಿ ಮತ್ತೊಂದು ಹೊಸ ಧಾರಾವಾಹಿ ನಾ ನಿನ್ನ ಬಿಡಲಾರೆ ಅತೀ ಶೀಘ್ರದಲ್ಲಿ ಬರುತ್ತಿದೆ. ಬಾಲನಟಿ ಮಹಿತಾ ಅಭಿನಯಿಸುತ್ತಿದ್ದಾರೆ.

View this post on Instagram

A post shared by ಮಹಿತ ವಿ (ಮುದ) (@mahita_v_official)

ನಾ ನಿನ್ನ ಬಿಡಲಾರೆ ಸೀರಿಯಲ್​ನ ಹೊಸ ಪ್ರೋಮೋವನ್ನು ಮಹಿತಾ ತಮ್ಮ ಇನ್​ಸ್ಟಾಗ್ರಾಮ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಆ ವಿಡಿಯೋ ಜೊತೆಗೆ ನಿಮ್ಮ ಮುಂದೆ ಅತಿ ಶೀಘ್ರದಲ್ಲಿ, ಪ್ರೀತಿ ಕೊಟ್ಟು ಹರಸಿ ಹಾರೈಸಿ ಅಂತ ಬರೆದುಕೊಂಡಿದ್ದಾಳೆ. ಸದ್ಯ ಇದೇ ಪ್ರೋಮೋ ನೋಡಿದ ಅಭಿಮಾನಿಗಳು ಪುಟಾಣಿ ಮಹಿತಾಗೆ ಶುಭ ಹಾರೈಸುತ್ತಿದ್ದಾರೆ. ಜೊತೆಗೆ ಮಹಿ ಪುಟ್ಟ ಒಳ್ಳೆಯದಾಗಲಿ ಕಂದ ಅಂತ ಕಾಮೆಂಟ್ಸ್​ ಹಾಕಿದ್ದಾರೆ.

ಕಲರ್ಸ್​ ಕನ್ನಡದಲ್ಲಿ ಪ್ರಸಾರವಾಗುತ್ತಿರೋ ಚುಕ್ಕಿ ತಾರೆ ಧಾರಾವಾಹಿಯಲ್ಲಿ ಪುಟ್ಟ ಪ್ರತಿಭೆ ಮಹಿತ ನಟಿಸಿದ್ದರು. ಈ ಪುಟ್ಟ ಪೋರಿ ಮಹಿತಾಳ ಮಾತುಗಳು ವೀಕ್ಷಕರಿಗೆ ತುಂಬಾ ಇಷ್ಟವಾಗಿ ಬಿಟ್ಟಿತ್ತು. ಆಕೆಯ ಅಸಹಜ ನಟನೆ, ಸ್ಟೈಲ್​​ ಕಮಾಲ್​ ಮಾಡಿತ್ತು. ಮಹಿತಾಳ ಕನ್ವರ್​​ ಲಾಲ್​​ ಸ್ಟೈಲ್​​ ನೋಡಿ ಜಡ್ಜ್ ಫುಲ್​​ ಶಾಕ್​​ ಆಗಿದ್ದಾರೆ. ಜೊತೆಗೆ ಆಕೆಯ ನಟನೆಗೆ ಫಿದಾ ಆಗಿಬಿಟ್ಟಿದ್ದರು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ