LSG ವಿರುದ್ಧದ ಪಂದ್ಯಕ್ಕೂ ಮೊದಲೇ ಗಿಲ್​ಗೆ ಬಿಗ್ ಶಾಕ್.. ಸ್ಟಾರ್ ಆಲ್​ರೌಂಡರ್​ IPLನಿಂದಲೇ ಔಟ್..!

ಲಖೌನ್​​ನಲ್ಲಿ ಇವತ್ತು ಎಲ್​ಎಸ್​ಜಿ ಮತ್ತು ಗುಜರಾತ್​ ಟೈಟನ್ಸ್ ಮಧ್ಯೆ ಹೈವೋಲ್ಟೇಜ್ ಕಾಳಗ ನಡೆಯಲಿದೆ. ಈ ಮಧ್ಯೆ ಗುಜರಾತ್​ ತಂಡಕ್ಕೆ ಆಘಾತಕಾರಿ ಸುದ್ದಿಯೊಂದು ಬಂದಿದೆ. ತಂಡದ ಸ್ಟಾರ್​ ಆಲ್​ರೌಂಡರ್​ ಗ್ಲೆನ್ ಫಿಲಿಪ್ಸ್​​ ಐಪಿಎಲ್​​-2025 ನಿಂದ ಹೊರ ಬಿದ್ದಿದ್ದಾರೆ.

ಫಿಲಿಪ್ಸ್ ಅವರ ತೊಡೆ ಭಾಗಕ್ಕೆ ಗಾಯವಾಗಿದೆ. ಈ ಬಾರಿಯ ಮೆಗಾ ಹರಾಜಿನಲ್ಲಿ ಗುಜರಾತ್ ಫ್ರಾಂಚೈಸಿ 2 ಕೋಟಿ ನೀಡಿ ಫಿಲಿಪ್ಸ್​​ ಅವರನ್ನು ಖರೀದಿಸಿತ್ತು. ಎಪ್ರಿಲ್ 6 ರಂದು ಗುಜರಾತ್ ಟೈಟನ್ಸ್, ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ ಪಂದ್ಯವನ್ನಾಡಿತ್ತು. ಈ ವೇಳೆ ಫೀಲ್ಡಿಂಗ್​ ಮಾಡುವಾಗ ಗಾಯಗೊಂಡಿದ್ದರು. ಗಾಯವು ಗಂಭೀರ ಸ್ವರೂಪದ್ದು ಎನ್ನಲಾಗುತ್ತಿದೆ.

ಇದನ್ನೂ ಓದಿ: ಸ್ಟ್ರಾಂಗ್ ಕಂಬ್ಯಾಕ್​​ಗೆ ಮತ್ತೊಂದು ಅವಕಾಶ.. RCB ಮುಂದಿನ ಪಂದ್ಯ ಯಾವಾಗ..?

ಗ್ಲೆನ್ ಫಿಲಿಪ್ಸ್​ ಮುಂಬರುವ ಐಪಿಎಲ್ ಪಂದ್ಯಗಳನ್ನು ಆಡುವ ಯಾವುದೇ ಖಚಿತತೆ ಇಲ್ಲ. ಫ್ರಾಂಚೈಸಿ ಅವರ ಬದಲಿಗೆ ಬೇರೆ ಯಾವ ಆಟಗಾರನನ್ನು ಖರೀದಿಸುತ್ತೆ ಅನ್ನೋದು ಇನ್ನೂ ಸ್ಪಷ್ಟವಾಗಿಲ್ಲ. ಮಾಹಿತಿ ಪ್ರಕಾರ, ಫಿಲಿಪ್ಸ್ ಈಗಾಗಲೇ ನ್ಯೂಜಿಲೆಂಡ್​ಗೆ ವಾಪಸ್ ಆಗಿದ್ದಾರೆ ಎಂದು ವರದಿಯಾಗಿದೆ.

28 ವರ್ಷದ ಈ ಸ್ಟಾರ್ ಆಲ್​ರೌಂಡರ್, ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ನ್ಯೂಜಿಲೆಂಡ್ ಪರ ಆಡುತ್ತಾರೆ. ಕಳೆದ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಚಾಂಪಿಯನ್​ ಆಟವಾಡಿದ್ದರು. ನ್ಯೂಜಿಲೆಂಡ್​ ರನ್ನರ್​ ಅಪ್ ಆಗುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು.

ಇದನ್ನೂ ಓದಿ: ಚಿನ್ನಸ್ವಾಮಿಯಲ್ಲಿ ಬ್ಯಾಕ್​ ಟು ಬ್ಯಾಕ್ ಸೋಲು.. ಕೊನೆಗೂ ಕಾರಣ ರಿವೀಲ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್