ಚಿನ್ನದ ಬೆಲೆ ಲಕ್ಷದತ್ತ.. ಒಂದೇ ದಿನದಲ್ಲಿ 6 ಸಾವಿರ ರೂಪಾಯಿ ಹೆಚ್ಚಳ..!

ಚಿನ್ನದ ಬೆಲೆ ಶ್ರೀಮಂತರ ಎದೆಯನ್ನೂ ನಡುಗಿಸುತ್ತಿದೆ. ಅದರ ಹೆಸರು ಕೇಳ್ತಿದ್ದಂತೆ ಉಸಿಗಟ್ಟಿದ ಸ್ಥಿತಿ ನಿರ್ಮಾಣ ಆಗುತ್ತಿದೆ. ಅಷ್ಟಕ್ಕೆಲ್ಲ ಕಾರಣ, ಚಿನ್ನದ ಬೆಲೆಯಲ್ಲಿನ ನಿರಂತರ ಏರಿಕೆ. ಮತ್ತೆ ಸಾರ್ವಕಾಲಿಕ ಗರಿಷ್ಠ ಮಟ್ಟವನ್ನು ತಲುಪಿದ್ದು ಹಿಂದಿನ ಎಲ್ಲಾ ದಾಖಲೆಗಳನ್ನು ಮುರಿದಿದೆ.

ಚಿನ್ನದ ಬೆಲೆ ಒಂದು ಲಕ್ಷ ರೂಪಾಯಿ ಹತ್ತಿರ ತಲುಪಿದೆ. ಶುಕ್ರವಾರ ಸಂಜೆ 24 ಕ್ಯಾರೆಟ್‌ನ 10 ಗ್ರಾಂ ಚಿನ್ನದ ಬೆಲೆ 96,540 ರೂಪಾಯಿ ತಲುಪಿದೆ. ಅಂದರೆ ಕೇವಲ ಒಂದೇ ದಿನದಲ್ಲಿ 6 ಸಾವಿರ ರೂಪಾಯಿಗಳಷ್ಟು ಹೆಚ್ಚಾಗಿದೆ.

ಇದನ್ನೂ ಓದಿ: ಜೈಲಿಗೆ ಹೋಗಿ ಬಂದೋರು, ಎಚ್ಚರಿಕೆ ಕೊಡೋರು ನಶಿಸಿ ಹೋಗ್ತಾರೆ -ಉಮಾಪತಿ ಗೌಡ ಪರೋಕ್ಷ ವಾಗ್ದಾಳಿ

ಯಾಕೆ ಹಿಂಗೆ..?

ಅಮೆರಿಕ ಅಧ್ಯಕ್ಷ ಟ್ರಂಪ್ ಹೊಸ ಸುಂಕ ನೀತಿ ಘೋಷಿಸುತ್ತಿದ್ದಂತೆ ಚಿನ್ನ ಸುರಕ್ಷಿತ ಹೂಡಿಕೆ ಆಗಿದೆ. ಹೂಡಿಕೆಗೆ ಅದೊಂದೇ ದಾರಿ ಅಂತಾ ಪರಿಗಣಿಸಿದ ಜನ, ಚಿನ್ನದ ಮೇಲೆ ಹೂಡಿಕೆ ಹೆಚ್ಚು ಮಾಡಿದ್ದಾರೆ. ಪರಿಣಾಮ ಅದರ ಬೆಲೆ ಕೂಡ ಹೆಚ್ಚಾಗಿದೆ. ಕೇವಲ ದೇಸಿಯ ಮಾರುಕಟ್ಟೆಯಲ್ಲಿ ಮಾತ್ರಲ್ಲದೇ, ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲೂ ಚಿನ್ನದ ಬೆಲೆ ಗರಿಷ್ಠ ಮಟ್ಟವನ್ನು ತಲುಪಿದೆ.
ಕಳೆದ ಕೆಲವು ದಿನಗಳಿಂದ ಬಂಗಾರದ ಬೆಲೆ ತೀವ್ರವಾಗಿ ಏರುತ್ತಿದೆ. ಇದಕ್ಕೆ ಕಾರಣ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ವ್ಯಾಪಾರ ಯುದ್ಧ ಎಂದು ತಜ್ಞರು ಎಚ್ಚರಿಸಿದ್ದಾರೆ. ಅದರಲ್ಲೂ ಅಮೆರಿಕ ಮತ್ತು ಚೀನಾ ನಡುವಿನ ವ್ಯಾಪಾರ ಯುದ್ಧವು ಉತ್ತುಂಗಕ್ಕೇರಿದೆ. ಹೂಡಿಕೆದಾರರು ಅಪಾಯ ರಹಿತ ಚಿನ್ನದತ್ತ ಮುಖ ಮಾಡುವುದರಿಂದ ಬೆಲೆ ಏರಿಕೆ ಆಗುತ್ತಿದೆ.

ಇದನ್ನೂ ಓದಿ: ತವರಿನಲ್ಲಿ ಸಿಎಸ್​ಕೆಗೆ ಭಾರೀ ಮುಖಭಂಗ.. ಧೋನಿ ಪಾಲಿಗೆ ದುಸ್ವಪ್ನವಾಗಿ ಕಾಡಿದ ಒಬ್ಬ ಸ್ಟಾರ್​..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ