RCBಗೆ ಗೋಲ್ಡನ್​ ಚಾನ್ಸ್​.. ಕ್ರಿಕೆಟ್ ಲೋಕದ ಕುತೂಹಲ ಹೇಗಿದೆ ಗೊತ್ತಾ..?

ಐಪಿಎಲ್​ ಸೀಸನ್​ 18 ಈ ಹಿಂದೆದಿಗಿಂತಲೂ ಸಖತ್​ ಡಿಫರೆಂಟ್​ ಆಗಿದೆ. ಲೀಗ್​ ಸ್ಟೇಜ್​ ಅಂತ್ಯಕ್ಕೆ 2 ಪಂದ್ಯಗಳು ಬಾಕಿ ಉಳಿದಿದ್ರೂ ಟಾಪ್​ 2 ಸ್ಥಾನಕ್ಕಾಗಿ 4 ತಂಡಗಳ ನಡುವೆ ಟಫ್​ ಫೈಟ್​ ನಡೀತಿದೆ. ನಿಜ ಹೇಳಬೇಕಂದ್ರೆ ಮಿಲಿಯನ್​ ಡಾಲರ್​ ಟೂರ್ನಿಯ ಅಸಲಿ ಕಿಕ್​ ಈಗ ಶುರುವಾಗಿದೆ. ಅದ್ರಲ್ಲೂ ಇವತ್ತಿನ ಪಂದ್ಯ ಕ್ರಿಕೆಟ್​ ಲೋಕದ ಕುತೂಹಲ ಕೆರಳಿಸಿದೆ.

ಐಪಿಎಲ್​ ಸೀಸನ್​ 18 ಅಂತಿಮ ಘಟ್ಟ ತಲುಪಿದೆ. ಲೀಗ್​ ಸ್ಟೇಜ್​ ಅಂತ್ಯಕ್ಕೆ ಜಸ್ಟ್​ ಎರಡೇ ಎರಡು ಪಂದ್ಯ ಮಾತ್ರ ಬಾಕಿ ಉಳಿದಿವೆ. ಕಲರ್​ಫುಲ್​ ಲೀಗ್​ನ ಅಂತ್ಯಕ್ಕೆ ಕೌಂಟ್​​ಡೌನ್​ ಶುರುವಾಗಿದ್ರೂ, ಅಭಿಮಾನಿಗಳ ಕುತೂಹಲ ಕಡಿಮೆಯಾಗಿಲ್ಲ. ಇಂದು ಮತ್ತು ನಾಳಿನ ಪಂದ್ಯಗಳ ಮೇಲೆ ಕ್ರಿಕೆಟ್​ ಲೋಕದ ಕಣ್ಣಿದೆ. ಈ ಎರಡು ಪಂದ್ಯಗಳಲ್ಲಿ ಟಾಪ್​​-2 ಸ್ಥಾನಿ ಯಾರು ಎಂಬ ಮಿಲಿಯನ್​ ಡಾಲರ್​ ಪ್ರಶ್ನೆಗೆ ಉತ್ತರ ಸಿಗಲಿದೆ.

ಇದನ್ನು ಓದಿ: ಕೊರೊನಾ ಮಧ್ಯೆ ಆರೋಗ್ಯ ಇಲಾಖೆಗೆ ಮತ್ತೊಂದು ದೊಡ್ಡ ಆತಂಕ.. ಬೆಂಗಳೂರಲ್ಲೇ ಈ ಸಮಸ್ಯೆ..! 

• ಮ್ಯಾಚ್​ ನಂ. 64: ಲಕ್ನೋ ಎದುರು ಗುಜರಾತ್​ಗೆ ಸೋಲು​
•  ಮ್ಯಾಚ್​ ನಂ. 65: ಹೈದ್ರಾಬಾದ್​ ವಿರುದ್ಧ RCBಗೆ ಸೋಲು​
•  ಮ್ಯಾಚ್​ ನಂ. 66: ಡೆಲ್ಲಿ ವಿರುದ್ಧ ಪಂಜಾಬ್​ ಕಿಂಗ್ಸ್​ಗೆ ಸೋಲು
•  ಮ್ಯಾಚ್​ ನಂ. 67: ಚೆನ್ನೈ ವಿರುದ್ಧ ಗುಜರಾತ್​​​ಗೆ ಸೋಲು

ಕಳೆದ 4 ದಿನಗಳಿಂದ ನಡೆದ ಈ 4 ಪಂದ್ಯಗಳು ಐಪಿಎಲ್​ ಸೀಸನ್​ 18ಕ್ಕೆ ಸಖತ್​ ಟ್ವಿಸ್ಟ್​ ಕೊಟ್ಟಿವೆ. ಈ ನಾಲ್ಕೂ ಪಂದ್ಯಗಳಲ್ಲಿ ಪಾಯಿಂಟ್ಸ್​ ಟೇಬಲ್​ನ ಟಾಪ್​ ಸ್ಥಾನದ ಮೇಲೆ ಕಣ್ಣಿಟ್ಟ ತಂಡಗಳಿಗೆ ಎಲಿಮಿನೇಟ್​​ ಆಗಿರೋ ತಂಡಗಳು ಸೋಲಿನ ರುಚಿ ತೋರಿಸಿವೆ. ಹೀಗಾಗಿ ಪಾಯಿಂಟ್ಸ್​ ಟೇಬಲ್​ನಲ್ಲಿ ಹಾವು-ಏಣಿ ಆಟ ಮುಂದುವರೆಸಿದೆ. ಟಾಪ್​ 2 ತಂಡವಾಗಿ ಪ್ಲೇ ಆಫ್​ ಪ್ರವೇಶಿಸೋಕೆ 4 ತಂಡಗಳಿಗೆ ಡೋರ್​ ಈಗಲೂ ಫುಲ್​ ಓಪನ್​ ಆಗಿದೆ.

ಪಂಜಾಬ್​ vs ಮುಂಬೈ ಫೈಟ್​

ಪಿಂಕ್​ ಸಿಟಿ ಜೈಪುರದಲ್ಲಿಂದು ಪಂಜಾಬ್​ ಕಿಂಗ್ಸ್​ ಹಾಗೂ ಮುಂಬೈ ಇಂಡಿಯನ್ಸ್​ ನಡುವೆ ಫೈಟ್​ ನಡೆಯಲಿದೆ. ಪ್ಲೇ ಆಫ್​ಗೆ ಕ್ವಾಲಿಫೈ ಆಗಿರೋ ಉಭಯ ತಂಡಗಳಿಗೆ ಇದು ಕೊನೆಯ ಲೀಗ್​​ ಪಂದ್ಯವಾಗಿದೆ. ಇಂದಿನ ಪಂದ್ಯ ಗೆದ್ದವರು ಪಾಯಿಂಟ್ಸ್​ ಟೇಬಲ್​ನಲ್ಲಿ ಟಾಪ್​ 1 ಸ್ಥಾನಕ್ಕೇರಲಿದ್ದಾರೆ. ಸೋತವರಿಗೆ ಸಂಕಷ್ಟ ಎದುರಾಗಲಿದ್ದು ಟಾಪ್​ 2 ಸ್ಥಾನದ ಕನಸು ನುಚ್ಚು ನೂರಾಗಲಿದೆ. ಹೀಗಾಗಿ ಇವರಿಬ್ಬರ ನಡುವಿನ ಇಂದಿನ ಬ್ಯಾಟಲ್​ ಸಾಕಷ್ಟು ಕುತೂಹಲ ಕೆರಳಿಸಿದೆ.

ಇದನ್ನೂ ಓದಿ: IPL 2025: ಇವತ್ತು ಮುಂಬೈ ವಿರುದ್ಧ ಪಂಜಾಬ್ ಗೆದ್ದರೆ ಆರ್​ಸಿಬಿಗೆ ಲಾಭ ಇದೆಯಾ..?

ಪುಟಿದೇಳುವ ತವಕದಲ್ಲಿ ಪಂಜಾಬ್​ ಕಿಂಗ್ಸ್

ನೂತನ ನಾಯಕ ಶ್ರೇಯಸ್​ ಅಯ್ಯರ್​ ನಾಯಕತ್ವದಲ್ಲಿ ಪಂಜಾಬ್​ ಕಿಂಗ್ಸ್​ ಶೈನಿಂಗ್​ ಪರ್ಫಾಮೆನ್ಸ್​ ನೀಡಿದೆ. ಡೆಲ್ಲಿ ವಿರುದ್ಧದ ಕಳೆದ ಪಂದ್ಯದ ಸೋಲು ಟಾಪ್​ 2 ಸ್ಥಾನದ ಕನಸನ್ನ ಅತಂತ್ರವಾಗಿಸಿದೆ. ಕಳೆದ ಪಂದ್ಯದಲ್ಲಿ ಸಂಘಟಿತ ಹೋರಾಟ ನಡೆಸುವಲ್ಲಿ ವಿಫಲವಾಗಿದ್ದ ಪಂಜಾಬ್​ ಕಿಂಗ್ಸ್​, ಇಂದು ಪುಟಿದೇಳೋ ತವಕದಲ್ಲಿದೆ. ಗೆದ್ದು ಮೊದಲ ಸ್ಥಾನಕ್ಕೇರೋ ಲೆಕ್ಕಾಚಾರದಲ್ಲಿದೆ.

ಮುಂಬೈಗೆ ನಂ.1 ಕನಸು..!

ಸೀಸನ್​ನ ಆರಂಭದಲ್ಲಿ 5 ಪಂದ್ಯ ಆಡಿ 1 ಪಂದ್ಯ ಮಾತ್ರ ಗೆದ್ದಿದ್ದ ಮುಂಬೈ ಇಂಡಿಯನ್ಸ್​ ಆ ಬಳಿಕ ರಾಯಲ್​ ಕಮ್​ಬ್ಯಾಕ್​ ಮಾಡಿ ಪ್ಲೇ ಆಫ್​​ಗೂ ಎಂಟ್ರಿ ಕೊಟ್ಟಿದೆ. 13 ಪಂದ್ಯದಲ್ಲಿ 8 ಪಂದ್ಯ ಗೆದ್ದು 16 ಪಾಯಿಂಟ್ಸ್​ ಹೊಂದಿರೋ ಮುಂಬೈ ಇಂದಿನ ಪಂದ್ಯದಲ್ಲಿ ಗೆದ್ರೆ, 18 ಪಾಯಿಂಟ್ಸ್​​ನೊಂದಿಗೆ ಅಗ್ರಸ್ಥಾನಕ್ಕೇರಲಿದೆ. ರನ್​ರೇಟ್​ ಮುಂಬೈಗೆ ಪ್ಲಸ್​ ಪಾಯಿಂಟ್​ ಆಗಿದ್ದು, ಬ್ಯಾಟಿಂಗ್​, ಬೌಲಿಂಗ್​, ಫೀಲ್ಡಿಂಗ್​ ಮೂರು ವಿಭಾಗದಲ್ಲಿ ಮಿಂಚಿನ ಪರ್ಫಾಮೆನ್ಸ್​ ನೀಡ್ತಾ ಇರೋದ್ರಿಂದ ನಂಬರ್​ ಸ್ಥಾನದ ಕನಸು ನನಸಾಗೋದು ಕಷ್ಟವೇನಲ್ಲ.

RCBಗೆ ಗೋಲ್ಡನ್​ ಚಾನ್ಸ್​.. ಲಕ್ನೋ ಎದುರು ಗೆದ್ರೆ ಲಕ್​

ಇಂದಿನ ಪಂದ್ಯದಲ್ಲಿ ಮುಂಬೈ ಅಥವಾ ಪಂಜಾಬ್​ ಯಾರೇ ಗೆದ್ದರೂ ಒಬ್ಬರಿಗೆ ಟಾಪ್​ 2ರಲ್ಲಿ ಒಂದು ಸ್ಥಾನ ಕನ್ಫರ್ಮ್​. ಇನ್ನೊಂದು ಸ್ಥಾನದ ಭವಿಷ್ಯ ನಾಳೆ ನಡೆಯೋ ಆರ್​​ಸಿಬಿ ಮತ್ತು ಲಕ್ನೋ ಪಂದ್ಯ ಮೇಲೆ ನಿಂತಿದೆ. ಈ ಪಂದ್ಯದಲ್ಲಿ ಆರ್​​ಸಿಬಿ ಗೆದ್ರೆ ಸಾಕು ಅಂಕಪಟ್ಟಿಯಲ್ಲಿ 2ನೇ ಸ್ಥಾನ ಫಿಕ್ಸ್ ಆಗಲಿದೆ. ಆರ್​​ಸಿಬಿ ಸೋತ್ರೆ ಗುಜರಾತ್​​ 2ನೇ ಸ್ಥಾನಿಯಾಗಿ ಪ್ಲೇ ಆಫ್​ಗೆ ಎಂಟ್ರಿ ಕೊಡಲಿದೆ.

ಒಟ್ಟಿನಲ್ಲಿ, ಅಂತಿಮ ಘಟ್ಟ ತಲುಪಿರೋ ಹಂತದಲ್ಲಿ ಐಪಿಎಲ್​ ಟೂರ್ನಿಯ ಅಸಲಿ ಕಿಕ್​ ಅಭಿಮಾನಿಗಳಿಗೆ ಸಿಗ್ತಿದೆ. ಇಂದು ಹಾಗೂ ನಾಳೆಯ ಕದನದಲ್ಲಿ ಟಾಪ್​ 2 ಸ್ಥಾನದ ಮೇಲೆ ಕಣ್ಣಿಟ್ಟಿರೋ ತಂಡಗಳು ಜಿದ್ದಾ ಜಿದ್ದಿನ ಹೋರಾಟ ನಡೆಸೋದು ಪಕ್ಕಾ. ಈ ಹೋರಾಟದಲ್ಲಿ ಗೆಲ್ಲೋದ್ಯಾರು? ಸೋಲೋದ್ಯಾರು? ಕಾದು ನೋಡೋಣ.

ಇದನ್ನೂ ಓದಿ: ಟಿಪ್ಪರ್​ ಲಾರಿ, ಕಾರು ಮಧ್ಯೆ ಭೀಕರ ಅಪಘಾತ; ಸ್ಥಳದಲ್ಲೇ ಉಸಿರು ಚೆಲ್ಲಿದ ನಾಲ್ವರು!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ