ಅಭಿಮಾನಿಗಳ ಆತಂಕ ದೂರ ಮಾಡಿದ ಜೋಡೆತ್ತು; ಟಾರ್ಗೆಟ್​ ಫಿಕ್ಸ್.. ಕೊಹ್ಲಿ, ರೋಹಿತ್ ಗುಡ್​ನ್ಯೂಸ್..!

ಚಾಂಪಿಯನ್ಸ್​ ಟ್ರೋಫಿ ಫೈನಲ್​ ಗೆದ್ದರೂ ಅಭಿಮಾನಿಗಳ ಮನದಲ್ಲಿ ಒಂದು ಆತಂಕ ಮನೆ ಮಾಡಿತ್ತು. ರೋಹಿತ್​ ಶರ್ಮಾ, ವಿರಾಟ್​ ಕೊಹ್ಲಿ. ಈ ದಿಗ್ಗಜರ ಆಟ ಏಕದಿನ ಕ್ರಿಕೆಟ್​ನಲ್ಲಿ ಇವತ್ತೇ ಕೊನೆನಾ ಎಂಬ ದುಗಡವೂ ಇತ್ತು. ಆ ಆತಂಕ ದೂರಾಗಿದೆ. ನಿವೃತ್ತಿ ಸುದ್ದಿಗೆ ಕ್ಲೀಯರ್​ ಕಟ್​ ಆನ್ಸರ್​ ಕೊಟ್ಟಿರೋ, ರೋಹಿತ್ ಮುಂದಿನ ಟಾರ್ಗೆಟ್​ ಫಿಕ್ಸ್​ ಮಾಡಿದ್ದಾರೆ.

ಸೆಲೆಬ್ರೇಷನ್ ನೋಡಿದ ಫ್ಯಾನ್ಸ್​ಗೆ ರೋಹಿತ್, ವಿರಾಟ್​​ ನಿವೃತ್ತಿ ಶಾಕ್ ನೀಡ್ತಾರಾ? ಅನ್ನೋ ಮನದ ವೇದನೆ ಕಾಡಲು ಶುರುವಾಗಿತ್ತು. ಟಿ20 ವಿಶ್ವಕಪ್ ಗೆಲುವಿನ ಬೆನ್ನಲ್ಲೇ ಟಿ20 ಫಾರ್ಮೆಟ್​​​ಗೆ ಗುಡ್​ ಬೈ ಹೇಳಿದ್ದ ಈ ಜೋಡಿ, ಚಾಂಪಿಯನ್ಸ್ ಟ್ರೋಫಿ ನಂತರ ಏಕದಿನ ಮಾದರಿಯಿಂದಲೂ ದೂರ ಸರೀತಾರೆ ಅನ್ನೋ ಮಾತುಗಳಿತ್ತು. ಹೀಗಾಗಿ ಸಂಭ್ರಮದ ನಡು ನಡುವೆಯೇ ದಿಗ್ಗಜರು ಮರೆಯಾಗ್ತಾರಾ ಎಂಬ ಬೇಸರವೂ ಇತ್ತು. ಇದಕ್ಕೆಲ್ಲಾ ರೋಹಿತ್ ಒಂದೇ ಒಂದು ಮಾತಿನ ಉತ್ತರ ಫ್ಯಾನ್ಸ್​ ಸಂಭ್ರಮವನ್ನ ಇಮ್ಮುಡಿಗೊಳಿಸಿತ್ತು.

ಮತ್ತೊಂದು ವಿಷ್ಯ. ನಾನು ಈ ಫಾರ್ಮೆಟ್​​ನಿಂದ ನಿವೃತ್ತಿ ಹೊಂದುತ್ತಿಲ್ಲ. ಯಾವುದೇ ರೂಮರ್ಸ್​ ಹರಡಬಾರದು ಎಂದು ಹೇಳುತ್ತಿದ್ದೇನೆ. ಮುನ್ನಡೆಯುತ್ತ ಹೋಗ್ತಾನೆ-ರೋಹಿತ್ ಶರ್ಮಾ, ನಾಯಕ

ಇದನ್ನೂ ಓದಿ: ಚಾಂಪಿಯನ್ಸ್ ಟ್ರೋಫಿಯ ಶ್ರೇಷ್ಠ ತಂಡ ಪ್ರಕಟ; KL ರಾಹುಲ್ ಸೇರಿ ಟೀಂ ಇಂಡಿಯಾದ 6 ಸ್ಟಾರ್​​ಗಳಿಗೆ ಸ್ಥಾನ

ರೋಹಿತ್ ಶರ್ಮಾರ ಈ ಒಂದು ಮಾತು ಹಬ್ಬಿದ್ದ ವದಂತಿಗಳಿಗೆ ಬ್ರೇಕ್ ಹಾಕ್ತು. ಅಭಿಮಾನಿಗಳ ಸಂಭ್ರಮವನ್ನು ಮತ್ತಷ್ಟು ಹೆಚ್ಚಿಸಿತ್ತು. ಮತ್ತಷ್ಟು ದಿನಗಳ ಕಾಲ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಜೊತೆಯಾಗಿ ಆಡ್ತಾರೆ ಅನ್ನೋ ಸಂದೇಶವನ್ನು ನೀಡ್ತು. ರೋಹಿತ್ ಶರ್ಮಾ, ವಿರಾಟ್​ ಕೊಹ್ಲಿ ನಿರ್ಧಾರಕ್ಕೆ ಕಾರಣವೂ ಇದೆ.

2027ರ ಏಕದಿನ ವಿಶ್ವಕಪ್​​ ಮೇಲೆ ರೋಹಿತ್-ಕೊಹ್ಲಿ ಕಣ್ಣು

ಸದ್ಯಕ್ಕೆ ನಿವೃತ್ತಿ ವಿಚಾರ ತಳ್ಳಿಹಾಕಿರುವ ರೋಹಿತ್, ವಿರಾಟ್​, 2027ರ ಏಕದಿನ ವಿಶ್ವಕಪ್​ನಲ್ಲಿ ಕಾಣಿಸಿಕೊಳ್ತಾರಾ ಎಂಬುದೇ ಪ್ರಶ್ನೆ. ಏಕೆಂದರೆ ಮುಂದಿನ 2 ವರ್ಷಗಳಲ್ಲಿ ರೋಹಿತ್​ ವಯಸ್ಸು 39 ಆಗಿರಲಿದೆ. ಅತ್ತ ವಿರಾಟ್​ ವಯಸ್ಸು 38 ವರ್ಷ ಆಗಿರಲಿದೆ. ಹೀಗಾಗಿ ಇವರಿಬ್ಬರು ಆಡ್ತಾರಾ ಅನ್ನೋ ಅನುಮಾನ ಇತ್ತು. ಆದ್ರೀಗ ಅನುಮಾನಕ್ಕೆ ತೆರೆ ಎಳೆದಿರುವ ರೋಹಿತ್, ವಿರಾಟ್ ಕೊಹ್ಲಿ, 2027ರ ಏಕದಿನ ವಿಶ್ವಕಪ್​​ ಆಡುವ ಗುರಿ ಹೊಂದಿದ್ದಾರೆ. ಏಕದಿನ ವಿಶ್ವಕಪ್ ಗೆಲ್ಲದಿರುವ ಕೊರಗು ನೀಗಿಸಿಕೊಳ್ಳುವ ಲೆಕ್ಕಾಚಾರದಲ್ಲಿದ್ದಾರೆ. ಇದಕ್ಕಾಗಿ ಪ್ಲ್ಯಾನ್ ಕೂಡ ರೂಪಿಸಿಕೊಂಡಿದ್ದಾರೆ. ಇದೇ ನಿಜಕ್ಕೂ ಬಿಗೆಸ್ಟ್ ಚಾಲೆಂಜ್.

ಇದನ್ನೂ ಓದಿ: ಡಿವೋರ್ಸ್ ವದಂತಿಗೆ ಬಿಗ್ ಟ್ವಿಸ್ಟ್ ಕೊಟ್ಟ ಧನಶ್ರೀ ವರ್ಮಾ; ಚಹಾಲ್ ಜೊತೆಗಿನ ಕ್ಷಣಗಳು ರಿಸ್ಟೋರ್​..!

ಫಾರ್ಮ್​ ಉಳಿಸಿಕೊಳ್ಳುವ ಸವಾಲ್

ಚಾಂಪಿಯನ್ಸ್​ ಟ್ರೋಫಿಯಲ್ಲಿ ಅದ್ಭುತ ಬ್ಯಾಟಿಂಗ್ ನಡೆಸಿರುವ ರೋಹಿತ್, ಕೊಹ್ಲಿ. 2027ರ ಏಕದಿನ ವಿಶ್ವಕಪ್​ ಆಡೋ ಗುರಿ ಹೊಂದಿದ್ದಾರೆ ನಿಜ. ಇದು ಸಾಧ್ಯವಾಗಬೇಕಾದ್ರೆ ವಿರಾಟ್ ಹಾಗು ರೋಹಿತ್​ ಪ್ರಸ್ತುತ ಫಾರ್ಮ್, ಮುಂದಿನ 2 ವರ್ಷಗಳ ಕಾಲ ಮುಂದುವರಿಸಬೇಕಿದೆ. ಇಂಜುರಿಯಿಂದ ದೂರ ಉಳಿಯೋದು ಬಿಗೆಸ್ಟ್ ಚಾಲೆಂಜ್. ಹೀಗಾಗಿ 2027ರ ಏಕದಿನ ವಿಶ್ವಕಪ್ ಗೆಲುವಿನೊಂದಿಗೆ ವೃತ್ತಿಜೀವನಕ್ಕೆ ವಿದಾಯ ಹೇಳೋ ಪ್ಲ್ಯಾನ್​ನಲ್ಲಿರುವ ವಿರಾಟ್​ ಕೊಹ್ಲಿ, ರೋಹಿತ್ ಶರ್ಮಾ, ಮುಂದಿನ ಎರಡು ವರ್ಷಗಳ ಕಾಲ ತಂಡದಲ್ಲಿ ಇರ್ತಾರಾ ಅನ್ನೋದೇ ಪ್ರಶ್ನೆ.

ರೋಹಿತ್ ಶರ್ಮಾ, ವಿರಾಟ್, 2027ರ ವಿಶ್ವಕಪ್​ ಟಾರ್ಗೆಟ್​​​​ ಫಿಕ್ಸ್​ ಮಾಡಿದ್ದಾರೆ. ಇದರೊಂದಿಗೆ ಅಭಿಮಾನಿಗಳಿಗೆ ಖುಷಿ ಸುದ್ದಿಯನ್ನು ನೀಡಿದ್ದಾರೆ. ಈ ಕನಸು ನಿಜವಾಗುತ್ತಾ ಅನ್ನೋದಕ್ಕೆ ಕಾಲವೇ ಉತ್ತರಿಸಬೇಕಷ್ಟೇ.

ಇದನ್ನೂ ಓದಿ: ನಾಳೆಯಿಂದ ಬೆಂಗಳೂರಲ್ಲಿ RCB ಕ್ಯಾಂಪ್ ಆರಂಭ.. ಕಿಂಗ್ ಕೊಹ್ಲಿ ಅಭಿಮಾನಿಗಳಿಗೆ ಬಿಗ್ ಅಪ್ಡೇಟ್!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್