ಆರ್​ಸಿಬಿ ಅಭಿಮಾನಿಗಳಿಗೆ ಸಂತಸದ ಸುದ್ದಿ.. ತವರಿನಾಚೆ ಸತತವಾಗಿ ಗೆದ್ದವರಿಗೆ ಒಲಿದಿದೆ ಲಕ್..!

ಸೀಸನ್​​-18ರಲ್ಲಿ ಆರ್​ಸಿಬಿಯದ್ದೇ ಅಬ್ಬರ. ಫುಲ್​ ಜೋಷ್​​ನಲ್ಲಿ ಸಾಲಿಡ್​ ಆಟವಾಡ್ತಿರೋ ಆರ್​​ಸಿಬಿ ಅಭಿಮಾನಿಗಳಿಗೆ ಸಖತ್​ ಎಂಟರ್​ಟೈನ್​ಮೆಂಟ್​​ ನೀಡ್ತಿದೆ. ಆರ್​​ಸಿಬಿ ಆಟಕ್ಕೆ ಫ್ಯಾನ್ಸ್​ ಫುಲ್​ ಖುಷ್​ ಆಗಿದ್ರೆ, ಎದುರಾಳಿ ತಂಡಗಳ ಎದೆಯಲ್ಲಿ ನಡುಕ ಶುರುವಾಗುತ್ತೆ. ಅವರ ಹೋಮ್​​ಗ್ರೌಂಡ್​​ಗಳಲ್ಲೇ ಆರ್​​ಸಿಬಿಯನ್ನ ಎದುರಿಸೋಕೆ ಭಯಪಡ್ತಿವೆ.

ಆರ್​ಸಿಬಿ ಅಜೇಯ ಓಟ..

ಸೀಸನ್​-18ರಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಬಿಂದಾಸ್ ಆಟವಾಡ್ತಿದೆ. ದಂಡಂದಶಗುಣಂ ಎಂಬಂತೆ ಆನ್​ಫೀಲ್ಡ್​ನಲ್ಲಿ ಅಬ್ಬರಿಸ್ತಿರುವ ಆರ್​ಸಿಬಿಗೆ ಎದುರಾಳಿ ಯಾರು? ಪಿಚ್ ಯಾವುದು? ಕಂಡೀಷನ್ಸ್​ ಏನು? ಅನ್ನೋದು ಮ್ಯಾಟರ್ರೆ ಆಗ್ತಿಲ್ಲ. ರನ್​ಭೂಮಿಯಲ್ಲಿ ವೀರ ಸೈನಿಕರಂತೆ ಆಟಗಾರರು ಹೋರಾಡ್ತಿದ್ದಾರೆ. ತವರಿನ ಆಚೆ ಈ ಸೀಸನ್​ನಲ್ಲಿ ಆಡಿದ 6 ಪಂದ್ಯಗಳಲ್ಲೂ ಆರ್​​ಸಿಬಿ ಗೆದ್ದು ಬೀಗಿದೆ. ಎದುರಾಳಿಗಳ ಭದ್ರಕೋಟೆಗಳನ್ನ ಆರ್​​ಸಿಬಿ ಛಿದ್ರ ಛಿದ್ರ ಮಾಡ್ತಿರೋದನ್ನ ಲಾಯಲ್​ ಅಭಿಮಾನಿಗಳು ಫುಲ್​ ಜೋಷ್​​ನಲ್ಲಿ ಸಂಭ್ರಮಿಸ್ತಿದ್ದಾರೆ. ಆರ್​​ಸಿಬಿಯ ಅಜೇಯ ಓಟ ಎದುರಾಳಿ ಪಡೆಗಳಲ್ಲಿ ನಡುಕ ಹುಟ್ಟಿಸಿದೆ.

ಇದನ್ನೂ ಓದಿ: ಅಪ್ಪನ ಕನಸು ನನಸು.. ಸೆಂಚುರಿ ಬಾರಿಸಿದ ವೈಭವ್ ಸೂರ್ಯವಂಶಿ ಮೊದಲು ಕರೆ ಮಾಡಿದ್ದು ಯಾರಿಗೆ?

ತವರಿನಾಚೆ ಆರ್​ಸಿಬಿಗೆ ಸತತ 9 ಗೆಲುವು

ಪ್ರಸಕ್ತ ಆವೃತ್ತಿಯಲ್ಲಿ ಆರ್​ಸಿಬಿ ತವರಿನ ಆಚೆ ಸತತ 6 ಗೆಲುವು ದಾಖಲಿಸಿದೆ. ತವರಿನ ಹೊರಗೆ ಲೀಗ್​ ಸ್ಟೇಜ್​ನಲ್ಲಿ ಆರ್​ಸಿಬಿ ಹೀಗೆ ಸೋಲಿಲ್ಲದ ಸರದಾರನಾಗಿ ಈ ಹಿಂದಿನ ಸೀಸನ್​​ನಲ್ಲೂ ಮುನ್ನುಗ್ಗಿತ್ತು. ಅದನ್ನ ಲೆಕ್ಕ ಹಾಕಿದ್ರೆ, ಲೀಗ್​ಸ್ಟೇಜ್​ನಲ್ಲಿ ಸತತವಾಗಿ 9 ಪಂದ್ಯ ಗೆದ್ದ ದಾಖಲೆಯನ್ನ ಆರ್​​ಸಿಬಿ ಬರೆದಿದೆ. ಬೇರೆ ಯಾವ ತಂಡವೂ ಈ ಸಾಧನೆ ಮಾಡಿಲ್ಲ.

ತವರಿನ ಹೊರಗೆ ಲೀಗ್​ ಸ್ಟೇಜ್​ನಲ್ಲಿ ಸತತ ಗೆಲುವು

2024ರ ಐಪಿಎಲ್​​​ನ ಲೀಗ್​​​ ಸ್ಟೇಜ್​ನ ಕೊನೆಯ 3 ಅವೇ ಪಂದ್ಯಗಳಲ್ಲಿ ಗೆದ್ದಿದ್ದ ಆರ್​​ಸಿಬಿ ಈ ಸೀಸನ್​ನಲ್ಲಿ ಸತತ 6 ಪಂದ್ಯ ಗೆದ್ದಿದೆ. ಒಟ್ಟಾರೆ 9 ಪಂದ್ಯಗಳನ್ನ ಸತತವಾಗಿ ಆರ್​​ಸಿಬಿ ಗೆದ್ದಿದೆ. 2012ರಲ್ಲಿ ಕೊಲ್ಕತ್ತಾ ತಂಡ ಸತತ 7 ಅವೇ ಮ್ಯಾಚ್​ಗಳಲ್ಲಿ ಗೆಲುವಿನ ನಾಗಲೋಟ ನಡೆಸಿತ್ತು. ರಾಜಸ್ಥಾನ್ ರಾಯಲ್ಸ್​ 2023-24ರ ಸೀಸನ್​ನಲ್ಲಿ ಸತತವಾಗಿ 6 ಅವೇ ಪಂದ್ಯಗಳನ್ನು ಗೆದ್ದು ಬೀಗಿತ್ತು.

ತವರಿನ ಹೊರಗೆ ಗೆದ್ದವರಿಗೆ ಖುಲಾಯಿಸಿದೆ ಅದೃಷ್ಟ

ಅದೃಷ್ಟವೋ.. ಆಟದ ಬಲವೋ.. ಅವೇ ಮ್ಯಾಚ್​ನಲ್ಲಿ ಹೀಗೆ ಸತತವಾಗಿ ಗೆಲ್ಲೋ ತಂಡಕ್ಕೆ ಫೈನಲ್​ಗೆ ಎಂಟ್ರಿಯಂತೂ ಸುಲಭವಾಗುತ್ತೆ. ಈ ಹಿಂದಿನ ಸೀಸನ್​ಗಳ ಆಟಗಳಲ್ಲಿ ಹೀಗೆ ಸತತವಾಗಿ ಗೆದ್ದ ತಂಡಗಳಿಗೆ ಫೈನಲ್​​​ ಟಿಕೆಟ್​ ಸುಲಭಕ್ಕೆ ಸಿಕ್ಕಿದೆ. 2012ರ ಐಪಿಎಲ್​​ನಲ್ಲಿ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡದ ಆಟ ಇದಕ್ಕೆ ಬೆಸ್ಟ್​​ ಎಕ್ಸಾಂಪಲ್​.

ಇದನ್ನೂ ಓದಿ: ಹುಬ್ಬಳ್ಳಿಯಲ್ಲಿ ನ್ಯೂಸ್ ​ಫಸ್ಟ್​ ಕ್ರಿಕೆಟ್​ ಟೂರ್ನಿಗೆ ಅದ್ಧೂರಿ ಚಾಲನೆ; ಕಪ್ ಅನಾವರಣ!

2012 ಐಪಿಎಲ್​ನಲ್ಲಿ ಕೊಲ್ಕತ್ತಾ ನೈಟ್​ ರೈಡರ್ಸ್​​ ತಂಡ ಬರೋಬ್ಬರಿ ಸತತ 7 ಅವೇ ಮ್ಯಾಚ್​ ಗೆದ್ದು ಬೀಗಿತ್ತು. ಈ ಸೀಸನ್​ನಲ್ಲಿ ಐಪಿಎಲ್ ಫೈನಲ್​ಗೂ ಎಂಟ್ರಿ ನೀಡಿದ್ದ ಗೌತಮ್ ಗಂಭೀರ್ ನಾಯಕತ್ವದ ಕೊಲ್ಕತ್ತಾ ಚಾಂಪಿಯನ್ ಆಗಿ ಮರೆದಾಡಿತ್ತು. ಕೊಲ್ಕತ್ತಾ ಮಾತ್ರವಲ್ಲ, 2022ರಲ್ಲಿ 6 ಅವೇ ಮ್ಯಾಚ್​ ಗೆದ್ದಿದ್ದ ರಾಜಸ್ಥಾನ್ ರಾಯಲ್ಸ್ ಫೈನಲ್​ಗೆ ಎಂಟ್ರಿ ಕೊಟ್ಟಿತ್ತು. 2023ರಲ್ಲಿ ಸತತ 6 ಅವೇ ಮ್ಯಾಚ್ ಗೆದ್ದಿದ್ದ ಗುಜರಾತ್ ಟೈಟನ್ಸ್ ಕೂಡ ಫೈನಲ್​ಗೆ ಸಲೀಸಾಗಿ ಲಗ್ಗೆ ಇಟ್ಟಿತ್ತು. ಆದರೆ ಕಪ್​ ಗೆಲ್ಲುವಲ್ಲಿ ಎರಡೂ ತಂಡಗಳು ಎಡವಿದ್ದವು.

ಇದನ್ನೂ ಓದಿ: RCB ಸ್ಥಾನದ ಮೇಲೆ ಕಣ್ಣಿಟ್ಟಿದ್ದ ಡೆಲ್ಲಿಗೆ ಮುಖಭಂಗ.. ಕೋಲ್ಕತ್ತ ಪ್ಲೇ ಆಫ್​ ಕನಸಿಗೆ ಜೀವ ತುಂಬಿದ ನರೈನ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್