ಇಂಗ್ಲೆಂಡ್​​ ವಿರುದ್ಧ ಮಹತ್ವದ ಟೆಸ್ಟ್​ ಸರಣಿ; ಟೀಮ್​ ಇಂಡಿಯಾಗೆ ಭರ್ಜರಿ ಗುಡ್​ನ್ಯೂಸ್​​

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​​ ಲೀಗ್​​ ಫೈನಲ್​ ಪಂದ್ಯ ಮೇ 25ನೇ ತಾರೀಕು ನಡೆಯಲಿದೆ. ಐಪಿಎಲ್​ ಮುಗಿದ ಬೆನ್ನಲ್ಲೇ ಟೀಮ್​ ಇಂಡಿಯಾ ಟೆಸ್ಟ್​ ಸರಣಿ ಆಡಲು ಇಂಗ್ಲೆಂಡ್​ ಪ್ರವಾಸ ಕೈಗೊಳ್ಳಲಿದೆ. ಇದಕ್ಕೂ ಮುನ್ನ ಟೀಮ್​ ಇಂಡಿಯಾಗೆ ಭರ್ಜರಿ ಗುಡ್​ನ್ಯೂಸ್​ ಒಂದಿದೆ.

ಟೀಮ್​ ಇಂಡಿಯಾ ಆಟಗಾರರನ್ನು ತನ್ನ ಬೌಲಿಂಗ್​ನಿಂದಲೇ ಕಾಡಬಲ್ಲ ಇಂಗ್ಲೆಂಡ್ ಪ್ಲೇಯರ್​ ಮಾರ್ಕ್​​ವುಡ್​​​. ಬಲಗೈ ವೇಗದ ಬೌಲರ್ ಆಗಿರೋ ಮಾರ್ಕ್ ವುಡ್ ಟೆಸ್ಟ್ ಸರಣಿ ಆಡುವುದು ಡೌಟ್​​. ಎಡ ಮೊಣಕಾಲಿಗೆ ಸರ್ಜರಿ ಆಗಿರೋ ಕಾರಣ ಇವರು 4 ತಿಂಗಳು ಕ್ರಿಕೆಟ್​ನಿಂದ ದೂರ ಉಳಿಯಲಿದ್ದಾರೆ. ಇದು ಭಾರತ ತಂಡದ ಆಟಗಾರರಿಗೆ ಪ್ಲಸ್​ ಆಗಲಿದೆ.

ಅಸಲಿಗೆ ಆಗಿದ್ದೇನು?

ಮಾರ್ಕ್ ವುಡ್ ಚಾಂಪಿಯನ್ಸ್​ ಟ್ರೋಫಿ ಸಂದರ್ಭದಲ್ಲಿ ತೀವ್ರ ಗಾಯಕ್ಕೆ ಒಳಗಾಗಿದ್ದರು. ಇವರ ಕಾಲಿಗೆ ಈಗ ಸರ್ಜರಿ ಆಗಿದ್ದು, ಭಾರತದ ವಿರುದ್ಧದ 5 ಪಂದ್ಯಗಳ ಟೆಸ್ಟ್ ಸರಣಿಯಿಂದ ಹೊರಗುಳಿಯಲಿದ್ದಾರೆ. ಇವರು ಅಫ್ಘಾನಿಸ್ತಾನ ವಿರುದ್ಧ ಆಡುವಾಗ ಮೊಣಕಾಲಿಗೆ ಗಾಯ ಆದ ಕಾರಣ ಮೈದಾನದಿಂದ ಹೊರ ನಡೆದಿದ್ದರು.

ಏನಂದ್ರು ಮಾರ್ಕ್​​ವುಡ್​​?

ಕಳೆದ ವರ್ಷದಿಂದ ನಾನು ಎಲ್ಲಾ ಫಾರ್ಮೇಟ್​ನಲ್ಲೂ ಇಂಗ್ಲೆಂಡ್​ ತಂಡವನ್ನು ಪ್ರತಿನಿಧಿಸುತ್ತಿದ್ದೇನೆ. ಈಗ ದೀರ್ಘ ಕಾಲ ಕ್ರಿಕೆಟ್​ನಿಂದ ದೂರ ಉಳಿಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. ಇದು ನನಗೆ ಬಹಳ ಬೇಸರ ತಂದಿದೆ. ಆದಷ್ಟು ಬೇಗ ಸಂಪೂರ್ಣ ಫಿಟ್​ ಆಗಿ ಕಮ್​ಬ್ಯಾಕ್​ ಮಾಡುತ್ತೇನೆ ಎಂದು ಮಾರ್ಕ್​​​ವುಡ್​​ ತಿಳಿಸಿದ್ದಾರೆ.

ಇದನ್ನೂ ಓದಿ:ಟೀಮ್​ ಇಂಡಿಯಾದಲ್ಲಿ ಸಿಗದ ಸ್ಥಾನ; ಚಹಾಲ್​ ಅವರಿಂದ ಮಹತ್ವದ ನಿರ್ಧಾರ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ