ರಾಜಸ್ಥಾನ್ ರಾಯಲ್ಸ್​ಗೆ ಮಾಸ್ಟರ್​ ಸ್ಟ್ರೋಕ್ ಕೊಟ್ಟಿದ್ದೇ ಕನ್ನಡಿಗ.. ಮತ್ತೆ ಪ್ರಸಿದ್ಧ್ ಕೃಷ್ಣ ಶೈನ್..!

ಅಹ್ಮದಾಬಾದ್​ನಲ್ಲಿ ನಿನ್ನೆ ಹೋಮ್​ ಟೀಮ್​ ಗುಜರಾತ್​ ಟೈಟನ್ಸ್​ ದರ್ಬಾರ್​ ನಡೆಸ್ತು. ಗುಜರಾತ್ ಘರ್ಜನೆಯ ಮುಂದೆ ರಾಜಸ್ಥಾನ್​ ರಾಯಲ್ಸ್​ ಸೈಲೆಂಟಾಗಿ ಹೋಯ್ತು. ಬ್ಯಾಟಿಂಗ್​, ಬೌಲಿಂಗ್​ನಲ್ಲಿ ಅಬ್ಬರಿಸಿದ ಗುಜರಾತ್​​ ಭರ್ಜರಿ ಜಯ ಸಾಧಿಸಿ ಟೇಬಲ್​ ಟಾಪರ್​ ಆಯ್ತು.

ನಮೋ ಮೈದಾನದಲ್ಲಿ ಟಾಸ್​ ಗೆದ್ದು ಬೌಲಿಂಗ್​ ಆಯ್ದುಕೊಂಡ ರಾಜಸ್ಥಾನಕ್ಕೆ ಆರಂಭದಲ್ಲಿ ಸಕ್ಸಸ್​ ಸಿಗ್ತು. ಜೋಫ್ರಾ ಆರ್ಚರ್​, ಶುಭ್​ಮನ್​ ಗಿಲ್​ ವಿಕೆಟ್​ ಎಗರಿಸಿದ್ರು. ಆ ಬಳಿಕ ಸಾಯಿ ಸುದರ್ಶನ್​​ ಗುಜರಾತ್​ಗೆ ಮೇಲುಗೈ ತಂದು ಕೊಟ್ರು. ಸ್ಫೋಟಕ ಆಟವಾಡಿದ ಸುದರ್ಶನ್​ ಬೌಂಡರಿ, ಸಿಕ್ಸರ್​ ಸುರಿಮಳೆ ಸುರಿಸಿದ್ರು.

ಜೋಸ್​ ಬಟ್ಲರ್​​, ಶಾರೂಖ್​ ಖಾನ್​ ಸುದರ್ಶನ್​ಗೆ ಸಾಥ್​ ನೀಡಿದ್ರು. ಇಬ್ಬರೂ ತಲಾ 36 ರನ್​ಗಳಿಸಿ ಔಟಾದ್ರು. ಅಬ್ಬರದ ಆಟವಾಡಿದ ಸುದರ್ಶನ್​​ 8 ಬೌಂಡರಿ, 3 ಸಿಕ್ಸರ್​ ಸಿಡಿಸಿದ್ರು. 53 ಎಸೆತಗಳಲ್ಲಿ 82 ರನ್​ಗಳಿಸಿದ್ರು. ಅಂತಿಮ ಹಂತದಲ್ಲಿ ರಾಹುಲ್​ ತೆವಾಟಿಯಾ ಅಜೇಯ 24 ರನ್​ ಸಿಡಿಸಿದ್ರೆ, ರಶೀದ್​ ಖಾನ್​ 12 ರನ್​ಗಳ ಅಮೂಲ್ಯ ಕಾಣಿಕೆ ನೀಡಿದ್ರು. ಪರಿಣಾಮ ಗುಜರಾತ್​​ 6 ವಿಕೆಟ್​ ನಷ್ಟಕ್ಕೆ 217 ರನ್​ಗಳಿಸಿತು.

ಇದನ್ನೂ ಓದಿ:  ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಗೆಲ್ಲುವ ಫೇವರಿಟ್ ತಂಡ ಯಾವುದು.. ಆರ್​​ಸಿಬಿನಾ, ಡೆಲ್ಲಿನಾ?

217 ರನ್​ಗಳ ಬಿಗ್​ ಟಾರ್ಗೆಟ್​ ಬೆನ್ನತ್ತಿದ ರಾಜಸ್ಥಾನಕ್ಕೆ ಬ್ಯಾಟ್ಸ್​ಮನ್​ಗಳು ಕೈಕೊಟ್ರು. ಯಶಸ್ವಿ ಜೈಸ್ವಾಲ್​, ನಿತೀಶ್​ ರಾಣಾ, ದೃವ್​ ಜುರೇಲ್​ ಸಿಂಗಲ್​ ಡಿಜಿಟ್​ಗೆ ಪೆವಿಲಿಯನ್​ ಸೇರಿದ್ರು. ಇದ್ರ ಮಧ್ಯೆ ರಿಯಾನ್​ ಪರಾಗ್​ 14 ಎಸೆತಗಳಲ್ಲಿ 26 ರನ್​ ಸಿಡಿಸಿ ಔಟಾದ್ರು. 4 ಬೌಂಡರಿ, 2 ಸಿಕ್ಸರ್​​ ಸಿಡಿಸಿದ ನಾಯಕ ಸಂಜು ಸ್ಯಾಮ್ಸನ್​ 28 ಎಸೆತಗಳಲ್ಲಿ 41 ರನ್​ಗಳಿಸಿದ್ರು.  4 ಬೌಂಡರಿ, 3 ಸಿಕ್ಸರ್​ ಸಿಡಿಸಿ ಶಿಮ್ರಾನ್​ ಹೆಟ್ಮೆಯರ್​​ ಅರ್ಧಶತಕ ಸಿಡಿಸಿದ್ರು. ಹಿಟ್ಮೆಯರ್​ ಆ 52 ರನ್​ಗಳಿಗೆ ಅಂತ್ಯವಾಯ್ತು. ಬಳಿಕ ಕಣಕ್ಕಿಳಿದ ಬ್ಯಾಟ್ಸ್​ಮನ್​ಗಳ್ಯಾರು ತಂಡಕ್ಕೆ ಆಸರೆಯಾಗಲಿಲ್ಲ.

ಕನ್ನಡಿಗ ಪ್ರಸಿದ್ಧ ಕೃಷ್ಣ ಶೈನ್..!

ಗುಜರಾತ್ ಟೈಟನ್ಸ್ ಪರ ಕನ್ನಡಿಗ ಪ್ರಸಿದ್ಧ ಕೃಷ್ಣ ಮಿಂಚಿದರು. ತಮ್ಮ ಕೋಟಾ ನಾಲ್ಕು ಓವರ್​ಗಳನ್ನು ಅದ್ಭುತವಾಗಿ ನಿಭಾಯಿಸಿದರು. 6.00 ಎಕನಾಮಿಕ್​ ರೇಟ್​ನಲ್ಲಿ ಕೇವಲ 24 ರನ್​ಗಳನ್ನು ನೀಡಿ, ಮೂರು ವಿಕೆಟ್ ಪಡೆದು ಮಿಂಚಿದರು. ಸಂಜು ಸ್ಯಾಮ್ಸನ್, ಹಿಟ್ಮೇಯರ್, ಜೋಪ್ರಾ ಅರ್ಚರ್ ಅವರ ವಿಕೆಟ್ ಪಡೆದುಕೊಂಡರು. ಒಟ್ಟಾರೆ ಗುಜರಾತ್​​​ ಬೌಲರ್​ಗಳ ಮುಂದೆ ರಾಜಸ್ಥಾನ್ ರಾಯಲ್ಸ್ ಮಂಕಾಗಿ ಪೆವಿಲಿಯನ್​ ಪರೇಡ್​ ನಡೆಸಿದ್ರು. ಅಂತಿಮವಾಗಿ 19.2 ಓವರ್​​ಗಳಿಗೆ ರಾಜಸ್ಥಾನ್​ ತಂಡ ಆಲೌಟ್​ ಆಯ್ತು. 159 ರನ್​ಗಳಿಗೆ ರಾಜಸ್ಥಾನ್​ ರಾಯಲ್ಸ್​ ಆಲೌಟ್​ ಆದ್ರೆ ಗುಜರಾತ್​ ಟೈಟನ್ಸ್​ 58 ರನ್​ಗಳ ಭರ್ಜರಿ ಗೆಲುವು ದಾಖಲಿಸಿತು.

ಇದನ್ನೂ ಓದಿ: ಬೆಂಗಳೂರಲ್ಲೇ ಇವತ್ತು ಐಪಿಎಲ್ ಮ್ಯಾಚ್.. ಆರ್​ಸಿಬಿ ತಂಡದಲ್ಲಿ ಸಣ್ಣ ಬದಲಾವಣೆ ನಿರೀಕ್ಷೆ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್