ಮೆಗಾ ಹರಾಜು ಬೆನ್ನಲ್ಲೇ ಶುಭ್ಮನ್​​ ಗಿಲ್​​ಗೆ ದೊಡ್ಡ ಆಘಾತ ಕೊಟ್ಟ ಗುಜರಾತ್​ ಟೈಟನ್ಸ್​​; ನಾಯಕತ್ವದಿಂದಲೇ ಕೊಕ್​​!

ಬಹುನಿರೀಕ್ಷಿತ 2025ರ ಇಂಡಿಯನ್ ಪ್ರೀಮಿಯರ್ ಲೀಗ್​ ಮೆಗಾ ಹರಾಜು ಅಂತ್ಯಗೊಂಡಿದೆ. ಇಂಗ್ಲೆಂಡ್​ ತಂಡದ ಸ್ಟಾರ್​ ಬ್ಯಾಟರ್​​ ವಿಕೆಟ್​ ಕೀಪರ್​ ಜೋಸ್​ ಬಟ್ಲರ್​​ ಬರೋಬ್ಬರಿ 15.75 ಕೋಟಿಗೆ ಗುಜರಾತ್​ ಟೈಟನ್ಸ್​ ತಂಡದ ಪಾಲಾದರು.

ಬಟ್ಲರ್​ ಖರೀದಿಗೆ ಭರ್ಜರಿ ಪೈಪೋಟಿ

ಮೊದಲ ಸುತ್ತಿನಲ್ಲೇ ಮಾರ್ಕ್ಯೂ ಪ್ಲೇಯರ್​ ಲಿಸ್ಟ್​ನಲ್ಲಿದ್ದ ಜೋಸ್​ ಬಟ್ಲರ್​ ಮೇಲೆ ಗುಜರಾತ್ ಮತ್ತು ರಾಜಸ್ಥಾನ್ ರಾಯಲ್ಸ್ ತಂಡಗಳು ಹಣ ಸುರಿಯಲು ಮುಂದಾದವು. ಕಳೆದ 6 ಸೀಸನ್​ಗಳಲ್ಲಿ ರಾಜಸ್ಥಾನ್​​ ರಾಯಲ್ಸ್​ ತಂಡವನ್ನು ಜೋಸ್​ ಬಟ್ಲರ್​ ಪ್ರತಿನಿಧಿಸಿದ್ದರು. ಇವರನ್ನು ಮತ್ತೆ ಖರೀದಿ ಮಾಡಲು ರಾಜಸ್ಥಾನ್​​ ಬಿಡ್​ ಮಾಡಿತು. ಬಟ್ಲರ್​ ಬೆಲೆ 9 ಕೋಟಿ ದಾಟಿದಾಗ ರಾಜಸ್ಥಾನ್ ಬಿಡ್​ನಿಂದ ಹಿಂದೆ ಸರಿಯಿತು. ನಂತರ ಬಿಡ್​​ ಅಖಾಡಕ್ಕೆ ಪಂಜಾಬ್​ ಕಿಂಗ್ಸ್​ ಎಂಟ್ರಿ ನೀಡಿತ್ತು. 14 ಕೋಟಿ ದಾಟುತ್ತಿದ್ದಂತೆ ಪಂಜಾಬ್​ ಕೂಡ ಹಿಂದೇಟು ಹಾಕಿತು. ಲಕ್ನೋ ಸೂಪರ್​ ಜೈಂಟ್ಸ್​ ಮತ್ತು ಗುಜರಾತ್​ ಟೈಟನ್ಸ್​ ಮಧ್ಯೆ ಕೊನೆವರೆಗೂ ಪೈಪೋಟಿ ನಡೆಯಿತು. ಕೊನೆಗೆ ಬಟ್ಲರ್​ ಅವರಿಗೆ ಗುಜರಾತ್ ಟೈಟನ್ಸ್ 15.75 ಕೋಟಿ ನೀಡಿ ಖರೀದಿಸಿತು.

ಗಿಲ್​ಗೆ ಕ್ಯಾಪ್ಟನ್ಸಿಯಿಂದ ಕೊಕ್​

ಇತ್ತೀಚೆಗೆ ಭಾರತ ಏಕದಿನ ಮತ್ತು ಟಿ20 ತಂಡಗಳಿಗೆ ಉಪನಾಯಕರಾಗಿ ನೇಮಕವಾದ ಶುಭ್ಮನ್​ ಗಿಲ್​ ಅವರಿಗೆ ಆಘಾತ ಸುದ್ದಿ ಒಂದಿದೆ. ಶುಭ್ಮನ್​ ಗಿಲ್​ ಮುಂದಿನ ಸೀಸನ್​ನಲ್ಲಿ ಐಪಿಎಲ್ 2022ರ ವಿಜೇತ ಗುಜರಾತ್ ಟೈಟನ್ಸ್ ತಂಡದ ಕ್ಯಾಪ್ಟನ್​ ಆಗಿ ಮುಂದುವರಿಯೋದು ಡೌಟ್​ ಇದೆ. ಐಪಿಎಲ್ 2024ರಲ್ಲಿ ಗಿಲ್ ನಾಯಕತ್ವದಲ್ಲಿ ಟೈಟನ್ಸ್ ತಂಡವು 8ನೇ ಸ್ಥಾನ ಪಡೆದಿತ್ತು. ಹೀಗಾಗಿ ಇವರ ಜಾಗಕ್ಕೆ ಜೋಸ್​ ಬಟ್ಲರ್​ ಅವರನ್ನು ತಂದು ಕೂರಿಸುವ ಪ್ಲಾನ್​ ಇದೆ. ಜೋಸ್​ ಬಟ್ಲರ್​ ಇಂಗ್ಲೆಂಡ್​ ತಂಡದ ಕ್ಯಾಪ್ಟನ್​ ಆಗಿದ್ದು, ಇವರಿಗೆ ತಂಡವನ್ನು ಮುನ್ನಡೆಸುವ ಸಾಮರ್ಥ್ಯ ಇದೆ.

ಹಾರ್ದಿಕ್ ಪಾಂಡ್ಯ ನಾಯಕತ್ವದಲ್ಲಿ ಗುಜರಾತ್ ಟೈಟನ್ಸ್ ತನ್ನ ಚೊಚ್ಚಲ ಐಪಿಎಲ್ ಆವೃತ್ತಿ 2022 ರಲ್ಲಿ ಚಾಂಪಿಯನ್ ಆಗಿತ್ತು. ಪ್ರಶಸ್ತಿ ಗೆದ್ದ ನಂತರದ ಸೀಸನ್​ನಲ್ಲೂ ಫೈನಲ್ ತಲುಪಿದ್ದ ಗುಜರಾತ್ ರನ್ನರ್​ ಅಪ್​ ಆಗಿತ್ತು. ಹಾರ್ದಿಕ್ ಪಾಂಡ್ಯ ತಂಡವನ್ನು ಎರಡು ಬಾರಿ ಫೈನಲ್‌ಗೆ ಕರೆದೊಯ್ದಿದ್ದರು.

ಇದನ್ನೂ ಓದಿ:ಬಿಸಿಸಿಐ ಮಹತ್ವದ ನಿರ್ಧಾರ; ಭಾರತ 3ನೇ ಟೆಸ್ಟ್​​ ಸೋತರೆ ರೋಹಿತ್​​ಗೆ ಕ್ಯಾಪ್ಟನ್ಸಿಯಿಂದ ಕೊಕ್​​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ