6, 6, 6, 6; ಶುಭ್​ಮನ್ ಗಿಲ್, ಬಟ್ಲರ್ ಭರ್ಜರಿ ಬ್ಯಾಟಿಂಗ್​.. ರಾಜಸ್ಥಾನ್​ಗೆ ಬಿಗ್​​ ಟಾರ್ಗೆಟ್​

ಕ್ಯಾಪ್ಟನ್ ಹಾಗೂ ಓಪನರ್​ ಶುಭ್​ಮನ್ ಗಿಲ್ ಮತ್ತು ಜೋಶ್ ಬಟ್ಲರ್ ಅವರ ಅಮೋಘ ಅರ್ಧಶತಕದಿಂದ ಗುಜರಾತ್​ ಟೈಟನ್ಸ್​ ​210 ರನ್​ಗಳ ಬೃಹತ್​ ಮೊತ್ತದ ರನ್​ಗಳ ಗುರಿಯನ್ನು ರಾಜಸ್ಥಾನ್ ರಾಯಲ್ಸ್​ಗೆ ನೀಡಿದೆ.

ಜೈಪುರದ ಸವಾಯಿ ಮಾನ್ಸಿಂಗ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದ ರಾಜಸ್ಥಾನ್ ರಾಯಲ್ಸ್ ತಂಡದ ನಾಯಕ ರಿಯಾನ್ ಪರಾಗ್​ ಬೌಲಿಂಗ್ ಆಯ್ಕೆ ಮಾಡಿಕೊಂಡರು. ಇದರಿಂದ ಮೊದಲ ಬ್ಯಾಟಿಂಗ್ ಮಾಡಿದ ಗುಜರಾತ್​ ಟೈಟನ್ಸ್​ ಬ್ಯಾಟಿಂಗ್​ನಲ್ಲಿ ಘರ್ಜನೆ ಮಾಡಿತು. ಆರಂಭಿಕ ಆಟಗಾರರ ತಾಳ್ಮೆಯ ಬ್ಯಾಟಿಂಗ್​ನಿಂದ ದೊಡ್ಡ ಮೊತ್ತದ ರನ್​ಗಳನ್ನು ರಾಜಸ್ಥಾನ್​ ಮುಂದಿದೆ.

ಇದನ್ನೂ ಓದಿ: ಐಪಿಎಲ್​​​​ನಲ್ಲಿ ಚೀಪ್ ಆ್ಯಂಡ್ ಬೆಸ್ಟ್​ ಪ್ಲೇಯರ್ಸ್​ ಇವರು.. RCBಯಲ್ಲೂ ಇಬ್ಬರು ಮ್ಯಾಚ್ ವಿನ್ನರ್ಸ್​!

ಗುಜರಾತ್ ಪರವಾಗಿ ಓಪನರ್​ ಆಗಿ ಕ್ರೀಸ್​ಗೆ ಆಗಮಿಸಿದ ನಾಯಕ ಶುಭ್​​ಮನ್ ಗಿಲ್ ಹಾಗೂ ಸಾಯಿ ಸುದರ್ಶನ್ ಭರ್ಜರಿ ಬ್ಯಾಟಿಂಗ್ ಪ್ರದರ್ಶನ ಮಾಡಿದರು. 10 ಓವರ್​ಗಳ ವರೆಗೆ ಒಳ್ಳೆಯ ಪಾರ್ಟನರ್​ಶಿಪ್​ನಲ್ಲಿ ಬ್ಯಾಟಿಂಗ್ ಮಾಡಿದರು. ಇದರಿಂದ ಸಾಯಿ ಸುದರ್ಶನ್​ 39 ರನ್​ ಗಳಿಸಿ ಆಡುವಾಗ ರಿಯಾನ್​ ಪರಾಗ್​ಗೆ ಕ್ಯಾಚ್​ ಕೊಟ್ಟು ಕ್ರೀಸ್​ ಖಾಲಿ ಮಾಡಿದರು. ಇವರ ನಂತರ ಬ್ಯಾಟಿಂಗ್​ಗೆ ಜೋಶ್​ ಬಟ್ಲರ್​ ಆಗಮಿಸಿದರು.

ಆದ್ರೆ ಇನ್ನೊಂದೆಡೆ ಸ್ಫೋಟಕ ಬ್ಯಾಟಿಂಗ್ ಮುಂದುವರೆಸಿದ್ದ ಶುಭ್​ಮನ್​ ಗಿಲ್​ ರಾಜಸ್ಥಾನ್ ಬೌಲರ್​ಗಳನ್ನು ಕಾಡಿದರು. ಬೇಗನೆ ವಿಕೆಟ್​ ಒಪ್ಪಿಸದ ಗಿಲ್ ಅರ್ಧಶತಕ ಬಾರಿಸಿದರು. ಸ್ಫೋಟಕ ಬ್ಯಾಟಿಂಗ್​ ಪ್ರದರ್ಶಿಸಿದ ಗಿಲ್​, ಕೇವಲ 50 ಬಾಲ್​ಗಳಲ್ಲಿ 5 ಬೌಂಡರಿ ಹಾಗೂ 4 ಬಿಗ್​ ಸಿಕ್ಸರ್​​ನಿಂದ 84 ರನ್​ ಗಳಿಸಿ ರಿಯಾನ್​ ಪರಾಗ್​ಗೆ ಕ್ಯಾಚ್​ ನೀಡಿ ಹೊರ ನಡೆದರು.

3ನೇ ಕ್ರಮಾಂಕದಲ್ಲಿ ಕ್ರೀಸ್​ಗೆ ಬಂದ ವಿದೇಶಿ ಆಟಗಾರ ಜೋಶ್​ ಬಟ್ಲರ್​ ಗುಜರಾತ್​ಗೆ ಉತ್ತಮ ರನ್​ಗಳ ಕೊಡುಗೆ ನೀಡಿದರು. ಕೇವಲ 26 ಎಸೆತಗಳನ್ನು ಎದುರಿಸಿದ ಬಟ್ಲರ್, 3 ಬೌಂಡರಿ, 4 ಭರ್ಜರಿ ಸಿಕ್ಸ್​ ಬಾರಿಸಿ ಅರ್ಧಶತಕ ಪೂರೈಸಿದರು. ಈ ಟೂರ್ನಿಯಲ್ಲಿ ಇದು ಜೋಶ್ ಬಟ್ಲರ್ ಅವರ 4ನೇ ಹಾಫ್​​ಸೆಂಚುರಿ ಆಗಿದೆ. ಇನ್ನು ಸುಂದರ್ ಈ ಪಂದ್ಯದಲ್ಲೂ ವಿಫಲ ಬ್ಯಾಟಿಂಗ್ ಮಾಡಿದರು. ಇದರಿಂದ ಗುಜರಾತ್​ ಟೈಟನ್ಸ್​ 4 ವಿಕೆಟ್​ ಕಳೆದುಕೊಂಡು 20 ಓವರ್​ಗಳಲ್ಲಿ 210 ರನ್​ಗಳ ದೊಡ್ಡ ಗುರಿಯನ್ನು ಎದುರಾಳಿಗೆ ನೀಡಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ