IPL ಬಿಗ್​ ಸ್ಟಾರ್​, T20 ಸ್ಪೆಷಲಿಸ್ಟ್​ಗಳಿಲ್ಲ.. ಆದರೂ ಗುಜರಾತ್​ ಟೈಟನ್ಸ್​ ಟೇಬಲ್ ಟಾಪರ್.. ಹೇಗೆ ಸಾಧ್ಯ?

ಗುಜರಾತ್ ಟೈಟನ್ಸ್​ ಪ್ರಸಕ್ತ ಐಪಿಎಲ್​ನ ಮೋಸ್ಟ್​ ಸಕ್ಸಸ್​​ಫುಲ್ ಟೀಮ್. ನೋಡಲು ತಂಡದಲ್ಲಿ ಬಿಗ್ ಸ್ಟಾರ್​​, ಟಿ20 ಸ್ಪೆಷಲಿಸ್ಟ್​ಗಳಿಲ್ಲ. ಆದ್ರೆ, ಇವರ ಆಟ, ಗೆಲುವಿನ ಓಟ ಮಾತ್ರ ಟಿ20 ಸ್ಪೆಷಲಿಸ್ಟ್​ಗಳಿದ್ದ ತಂಡಗಳನ್ನೇ ನಾಚಿಸುವಂತಿದೆ. ಸೈಲೆಂಟ್​ ಆಟದಿಂದಲೇ ಗುಜರಾತ್​ ಟೈಟನ್ಸ್​ ಸಕ್ಸ್​ಸ್​ ಕಂಡಿದ್ದೇಗೆ, ಈ ಸಕ್ಸಸ್​​ ಹಿಂದಿರೋ ಆಟಗಾರರು ಯಾರು?.

ಐಪಿಎಲ್​ನಲ್ಲಿ ತಂಡ​​ ಯಶಸ್ಸು ಕಾಣಬೇಕಾದ್ರೆ. ಟಿ20 ಸ್ಪೆಷಲಿಸ್ಟ್​ಗಳು ಇರಬೇಕು. ಸ್ಪೆಷಲಿಸ್ಟ್​ ಮ್ಯಾಚ್ ಫಿನಿಷರ್ಸ್​ಗಳ ದಂಡಿನ ಜೊತೆಗೆ ಡೆತ್ ಓವರ್​ ಸ್ಪೆಷಲಿಸ್ಟ್​ ಬೌಲರ್ಸ್​, ಶಾರ್ಪ್​ ಫೀಲ್ಡರ್ಸ್ ಇರಬೇಕು ಎಂಬ ಮಾತಿದೆ. ಆದ್ರೆ, ಈ ಮಾತನ್ನ ಗುಜರಾತ್ ಟೈಟನ್ಸ್​ ಸುಳ್ಳಾಗಿಸಿದೆ. ಗೆಲುವಿನ ನಾಗಲೋಟ ನಡೆಸ್ತಿರೋ ಗುಜರಾತ್​ ಟ್ರೋಫಿ ಗೆಲ್ಲೋ ಹಾಟ್ ಫೇವರಿಟ್​ ಆಗಿ ಗುರುತಿಸಿಕೊಂಡಿದೆ. ಗುಜರಾತ್ ಟೈಟನ್ಸ್​ ಯಶಸ್ಸಿಗೆ ಕಾರಣ ಈ ನಾಲ್ವರ ಆಟ. ಅವ್ರೇ ಶುಭ್​ಮನ್ ಗಿಲ್, ಸಾಯಿ ಸುದರ್ಶನ್, ಜೋಸ್ ಬಟ್ಲರ್ ಹಾಗೂ ಕನ್ನಡಿಗ ಪ್ರಸಿದ್ಧ್ ಕೃಷ್ಣ.

ಸೀಸನ್​​-17ರ ಐಪಿಎಲ್​ನಲ್ಲಿ ಪ್ಲೇ ಆಫ್​ ಹಂತಕ್ಕೇರುವಲ್ಲಿ ವಿಫಲವಾಗಿದ್ದ ಗುಜರಾತ್ ಟೈಟನ್ಸ್, ಈ ಸಲ ಅಗ್ರಸ್ಥಾನಿಯಾಗಿ ಪ್ಲೇ ಆಫ್​ಗೆ ಎಂಟ್ರಿ ನೀಡಿದೆ. ಖ್ಯಾತ ನಾಮ ಆಟಗಾರರ ಹೊರತಾಗಿಯೂ ಗುಜರಾತ್ ತಂಡದ ಈ ಸಾಧನೆ ಮಾಡಿದೆ. ಈ ಯಶಸ್ಸಿಗೆ ಇವರ ಕಾಣಿಕೆ ದೊಡ್ಡಿದೆ.

12 ಮ್ಯಾಚ್.. 1718 ರನ್​.. 1 ಶತಕ.. 16 ಅರ್ಧಶತಕ.!

ಟಿ20 ಕ್ರಿಕೆಟ್ ಅಂದ್ರೆನೇ ರಿಸ್ಕ್ ಗೇಮ್​​. ರಿಸ್ಕ್​ ತೆಗೆದುಕೊಂಡ್ರಷ್ಟೇ ರಸ್ಕ್​. ಆದ್ರೆ, ಈ ರಿಸ್ಕ್​ ಇಲ್ದೇ ಗೆಲ್ಲೋ ಕಲೆಗಾರಿಗೆ ಗುಜರಾತ್ ಟೈಟನ್ಸ್​ನ ಬ್ಯಾಟಿಂಗ್ ಯುನಿಟ್​ಗೆ ಚೆನ್ನಾಗಿ ಗೊತ್ತು. ಅಬ್ಬರ, ಆರ್ಭಟವಿಲ್ಲದೆ, ರನ್ ಶಿಖರವನ್ನು ಕಟ್ಟೋ ಗುಜರಾತ್​​ ಟಾಪ್​ ಆರ್ಡರ್​ ಜುಗಲಬಂದಿ, ಕ್ಲಾಸ್ ಬ್ಯಾಟಿಂಗ್ ನಿಜಕ್ಕೂ ಕಣ್ಣಿಗೆ ಹಬ್ಬ..

ಬಿಗ್ ಪಾರ್ಟ್​ನರ್ ಶಿಪ್​​​​ ಬ್ಯುಲ್ಡ್​ ಮಾಡೋ ಆರಂಭಿಕರಾದ ಶುಭ್​ಮನ್ ಗಿಲ್, ಸಾಯಿ ಸುದರ್ಶನ್ ಗುಜರಾತ್ ಗೆಲುವಿನಲ್ಲಿ ಭದ್ರಬುನಾದಿ ಹಾಕ್ತಿದ್ದಾರೆ. ಅಕಸ್ಮಾತ್ ಇಬ್ಬರಲ್ಲಿ ಒಬ್ಬರ ಔಟಾದ್ರೆ, ಜವಾಬ್ದಾರಿ ವಹಿಸಿಕೊಂಡು ಆಡುವ ಜೋಸ್ ಬಟ್ಲರ್, ರನ್​ ಗಳಿಕೆಗೆ ವೇಗ ನೀಡುವ ಜೊತೆಗೆ ಎದುರಾಳಿ ಮೇಲೆ ದಂಡಯಾತ್ರೆ ನಡೆಸ್ತಾರೆ. ಈ ಟಾಪ್ ಆರ್ಡರ್​ನ ಟಾಪ್ ಕ್ಲಾಸ್ ಬ್ಯಾಟಿಂಗ್​​ಗೆ ಟಿ20 ಸ್ಪೆಷಲಿಸ್ಟ್ ಬೌಲರ್​ಗಳು ಸುಸ್ತಾಗಿದ್ದಾರೆ. ಗುಜರಾತ್​ ಗೆಲುವಿನ ಸೀಕ್ರೆಟ್​ ಪಾರ್ಟ್​ನರ್​ಶಿಪ್​ & ಪರ್ಫಾಮೆನ್ಸ್​.!

ಟಾಪ್​ ಆರ್ಡರ್ ಬ್ಯಾಟರ್​ಗಳ ಜೊತೆಯಾಟ

ಆರಂಭಿಕರಾಗಿ 12 ಇನ್ನಿಂಗ್ಸ್​​ಗಳಿಂದ 839 ರನ್​​​ಗಳ ಜೊತೆಯಾಟ ಆಡಿರುವ ಸಾಯಿ ಸುದರ್ಶನ್, ಶುಭಮನ್​​ ಗಿಲ್​​ 76.27ರ ಬ್ಯಾಟಿಂಗ್ ಅವರೇಜ್​ನಲ್ಲಿ ರನ್ ಗಳಿಸಿದ್ದಾರೆ. ಇವರಿಬ್ಬರ ಜುಗಲ್​ಬಂದಿಯಲ್ಲಿ 4 ಅರ್ಧಶತಕ, 1 ಶತಕದ ಜೊತೆಯಾಟ ನಿರ್ಮಾಣವಾಗಿದೆ. ಜೋಸ್ ಬಟ್ಲರ್​, ಸಾಯಿ ಸುದರ್ಶನ್ ಜೊತೆಯಾಗಿ 6 ಇನ್ನಿಂಗ್ಸ್​ಗಳಿಂದ 352 ರನ್​ ಗಳಿಸಿದ್ದಾರೆ. 58.66ರ ಬ್ಯಾಟಿಂಗ್ ಅವರೇಜ್​ನಲ್ಲಿ 5 ಅರ್ಧಶತಕಗಳು ಮೂಡಿಬಂದಿವೆ. ಇನ್ನು ಶುಭ್​ಮನ್ ಗಿಲ್​, ಬಟ್ಲರ್ 5 ಇನ್ನಿಂಗ್ಸ್​ಗಳಿಂದ 53.40 ಬ್ಯಾಟಿಂಗ್ ಅವರೇಜ್​ನಲ್ಲಿ 267 ರನ್​ಗಳ ಗಳಿಸಿದ್ದಾರೆ. ಈ ಪೈಕಿ 5 ಅರ್ಧಶತಕದ ಜೊತೆಯಾಟಗಳು ಬಂದಿವೆ. ಇದಿಷ್ಟೇ ಅಲ್ಲ. ವೈಯಕ್ತಿಕವಾಗಿಯೂ ನಾನಾ.. ನೀನಾ ಎಂಬಂತೆಯೇ ರನ್ ಗಳಿಸ್ತಿದ್ದಾರೆ.

ಗುಜರಾತ್ ಟೈಟನ್ಸ್ ಟಾಪ್ ಆರ್ಡರ್ ಬ್ಯಾಟಿಂಗ್

ಆಡಿರೋ 12 ಪಂದ್ಯಗಳಿಂದ ಸಾಯಿ ಸುದರ್ಶನ್, 56.9ರ ಬ್ಯಾಟಿಂಗ್ ಅವರೇಜ್​ನಲ್ಲಿ 617 ರನ್ ಕೊಳ್ಳೆ ಹೊಡೆದಿದ್ದಾರೆ. ಈ ಪೈಕಿ 5 ಅರ್ಧಶತಕ, 1 ಶತಕ ದಾಖಲಿಸಿರುವ ಸುದರ್ಶನ್​​, 156.99ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ. ಗುಜರಾತ್ ಟೈಟನ್ಸ್ ನಾಯಕ ಶುಭ್​ಮನ್ ಗಿಲ್, 601 ರನ್ ಸಿಡಿಸಿದ್ದಾರೆ. ಈ ಪೈಕಿ 6 ಅರ್ಧಶತಕ ಸಿಡಿಸಿರುವ ಶುಭ್​ಮನ್, 155.69ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ. 3ನೇ ಕ್ರಮಾಂಕದಲ್ಲಿ ಬ್ಯಾಟ್ ಬೀಸೋ ಜೋಸ್ ಬಟ್ಲರ್, 71.43ರ ಬ್ಯಾಟಿಂಗ್ ಅವರೇಜ್​ನಲ್ಲಿ 500 ರನ್ ಸಿಡಿಸಿದ್ದಾರೆ. 5 ಅರ್ಧಶತಕ ಗಳಿಸಿರುವ ಇಂಗ್ಲೆಂಡ್ ಬ್ಯಾಟರ್​, 163.93ರ ಬ್ಯಾಟಿಂಗ್ ಸ್ಟ್ರೈಕ್​ರೇಟ್ ಹೊಂದಿದ್ದಾರೆ.

ಟಾಪ್ ಆರ್ಡರ್​ ಬ್ಯಾಟರ್​ಗಳ ಈ ಟಾಪ್ ಕ್ಲಾಸ್ ಬ್ಯಾಟಿಂಗ್​ ಮಾತ್ರವೇ ಗುಜರಾತ್​, ಯಶಸ್ಸಿಗೆ ಕಾರಣವಲ್ಲ. ಸಕ್ಸಸ್​ಗೆ ಮತ್ತೊಬ್ಬ ಕೊಡುಗೆಯೂ ಇದೆ. ಅದೇ ಕನ್ನಡಿಗ ಪ್ರಸಿದ್ಧ್ ಕೃಷ್ಣ. ತಂಡದ ಮ್ಯಾಚ್​ ವಿನ್ನರ್​ ಆಗಿ ರೂಪುಗೊಂಡ ಕನ್ನಡಿಗ ಪ್ರಸಿದ್ಧ್​, ಪ್ರತಿ ಮ್ಯಾಚ್​ನಲ್ಲಿ ಇಂಪ್ಯಾಕ್ಟ್​ ಫುಲ್ ಪರ್ಫಾಮೆನ್ಸ್​ ನೀಡ್ತಿದ್ದಾರೆ. ಪವರ್ ಪ್ಲೇ, ಮಿಡಲ್ ಓವರ್ಸ್​, ಡೆತ್ ಓವರ್ಸ್​ ಯಾವುದೇ ಆಗಲಿ ರನ್ ಗಳಿಕೆಗೆ ಕಡಿವಾಣ ಹಾಕ್ತಿರುವ ಪ್ರಸಿದ್ಧ್​, ವಿಕೆಟ್ ಬೇಟೆಯಾಡ್ತಿದ್ದಾರೆ.

ಇದನ್ನೂ ಓದಿ:ಕೊಹ್ಲಿ ಬಳಿ ಇಲ್ಲವೇ ಇಲ್ಲ; RCB ಇಂದ ಕೈ ಜಾರಿದ ಆರೆಂಜ್ ಕ್ಯಾಪ್, ಪರ್ಪಲ್ ಕ್ಯಾಪ್.. ಯಾರ ಹತ್ತಿರ ಇವೆ?

ಪ್ರಸಕ್ತ ಐಪಿಎಲ್​ನಲ್ಲಿ ಪ್ರಸಿದ್ಧ್ ಕೃಷ್ಣ

12 ಪಂದ್ಯಗಳಿಂದ 47 ಓವರ್ ಬೌಲ್ ಮಾಡಿರುವ ಪ್ರಸಿದ್ಧ್​, 21 ವಿಕೆಟ್ ಉರುಳಿಸಿದ್ದಾರೆ. 7.85ರ ಎಕಾನಮಿ ಕಾಯ್ದುಕೊಂಡಿದ್ದಾರೆ. ಪ್ರಸಿದ್ಧ್​ ಕೃಷ್ಣರ ಈ ಎಕಾನಮಿ ಹಾಗೂ ಈ ವಿಕೆಟ್ ಟೇಕಿಂಗ್ ಎಬಿಲಿಟಿ ಗುಜರಾತ್ ಬೌಲಿಂಗ್ ವಿಭಾಗಕ್ಕೆ ಹೊಸ ಮೆರುಗು ತಂದಿದೆ. ಪ್ರಸಿದ್ಧ್​ಗೆ ಟೂರ್ನಿಯುದ್ದಕ್ಕೂ ಸಿರಾಜ್, ಸಾಯಿ ಕಿಶೋರ್​ ಉತ್ತಮವಾಗಿ ಸಾಥ್ ನೀಡಿದ್ದಾರೆ. ಇಬ್ಬರೂ ತಲಾ 15 ವಿಕೆಟ್ ಬೇಟೆಯಾಡಿದ್ದಾರೆ. ಆ ಮೂಲಕ ಗುಜರಾತ್ ಸಕ್ಸಸ್​ನಲ್ಲಿ ಮಹತ್ವದ ಪಾತ್ರವಹಿಸಿದ್ದಾರೆ.

ಆರಂಭದಲ್ಲಿ ಟಿ20 ಸ್ಪೆಷಲಿಸ್ಟ್​ಗಳು ಇಲ್ಲದ ಗುಜರಾತ್ ತಂಡವನ್ನು ನೋಡಿ, ಪ್ಲೇ ಆಫ್​ಗೆ ಎಂಟ್ರಿ ನೀಡುತ್ತಾ ಎಂಬ ಅನುಮಾನ ಹಲವರಲ್ಲಿತ್ತು. ಆದ್ರೆ, ಈ ನಾಲ್ವರು ಆಟಗಾರರ ಕನ್ಸಿಸ್ಟೆನ್ಸಿ ಆಟ ಇಡೀ ತಂಡದ ಚರೀಷ್ಮಾನೇ ಬದಲಿಸಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ