ಪ್ಲೇ-ಆಫ್​ಗೆ ಗುಜರಾತ್​ ಟೈಟನ್ಸ್ ಎಂಟ್ರಿ.. KL ರಾಹುಲ್ ಶತಕ ವ್ಯರ್ಥ..!

ಗುಜರಾತ್ ಟೈಟನ್ಸ್ 18ನೇ ಆವೃತ್ತಿಯ ಐಪಿಎಲ್​ನಲ್ಲಿ ಪ್ಲೇ-ಆಫ್ ಪ್ರವೇಶಿಸಿದ ಮೊದಲ ತಂಡವಾಗಿ ಹೊರ ಹೊಮ್ಮಿದೆ. ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಇಂದು ಗೆಲ್ಲುವ ಮೂಲಕ ಶುಬ್ಮನ್ ಗಿಲ್ ನೇತೃತ್ವದ ಗುಜರಾತ್ ಟೈಟನ್ಸ್​ ಪ್ಲೇ-ಆಫ್ ಪ್ರವೇಶ ಮಾಡಿದೆ. ಆದರೆ ಪ್ಲೇ-ಆಫ್​ನಲ್ಲಿ ಗುಜರಾತ್​ನ ಸ್ಥಾನ ಇನ್ನೂ ನಿರ್ಧಾರವಾಗಿಲ್ಲ.

ಆ ಮೂಲಕ 2022ರಿಂದ ಐಪಿಎಲ್ ಆಡ್ತಿರುವ ಗುಜರಾತ್ ಟೈಟನ್ಸ್, ಮೂರು ಬಾರಿ ಪ್ಲೇ-ಆಫ್ ಪ್ರವೇಶ ಮಾಡಿದಂತಾಗಿದೆ. 2024ರಲ್ಲಿ ಮಾತ್ರ ಲೀಗ್ ಹಂತದಲ್ಲಿ 8ನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿತ್ತು. 2022ರಲ್ಲಿ ಫೈನಲ್ ಪ್ರವೇಶ ಮಾಡಿ ಕಪ್ ಎತ್ತುವ ಮೂಲಕ ಚೊಚ್ಚಲ ಟೂರ್ನಿಯಲ್ಲೇ, ಚಾಂಪಿಯನ್ ಆಗಿತ್ತು. 2023ರಲ್ಲಿ ಫೈನಲ್ ಪ್ರವೇಶ ಮಾಡಿ ಸಿಎಸ್​ಕೆ ವಿರುದ್ಧ ಸೋಲನ್ನು ಕಂಡಿತು. ಈ ಬಾರಿ ಮತ್ತೊಮ್ಮೆ ಟ್ರೋಫಿ ಗೆಲ್ಲಲು ಪ್ಲೇ-ಆಫ್ ಪ್ರವೇಶ ಮಾಡಿದೆ.

ಇದನ್ನೂ ಓದಿ: ಆ ತಾಯಿ ಮಕ್ಕಳನ್ನು ಬಿಗಿಯಾಗಿ ಹಿಡಿದುಕೊಂಡಿದ್ದಳು.. ಸ್ಥಳೀಯರ ಕಾಡಿದ 17 ಜನರ ಜೀವ ತೆಗೆದ ದೃಶ್ಯ

ಇನ್ನು ಇಂದಿನ ಪಂದ್ಯದ ಬಗ್ಗೆ ನೋಡೋದಾದ್ರೆ ಮೊದಲು ಬ್ಯಾಟ್ ಮಾಡಿದ್ದ ಡೆಲ್ಲಿ ಕ್ಯಾಪಿಟಲ್ಸ್, ಕೆಎಲ್ ರಾಹುಲ್ ಅವರ ಸ್ಫೋಟಕ ಶತಕದೊಂದಿಗೆ 199 ರನ್​ಗಳಿಸಿತ್ತು. 200 ರನ್​ಗಳ ಗುರಿ ಬೆನ್ನತ್ತಿದ್ದ ಗುಜರಾತ್ ಟೈಟನ್ಸ್, ಯಾವುದೇ ವಿಕೆಟ್ ಕಳೆದುಕೊಳ್ಳದೇ 19ನೇ ಓವರ್​ ಅಂತ್ಯಕ್ಕೆ ಗೆದ್ದು ಬೀಗಿದೆ. ಗುಜರಾತ್ ಟೈಟನ್ಸ್ ಪರ ಸಾಯಿ ಸುದರ್ಶನ್, ಶುಬ್ಮನ್ ಗಿಲ್ ಅದ್ಭುತ ಇನ್ನಿಂಗ್ಸ್ ಕಟ್ಟಿದರು.

ಸಾಯಿ ಸುದರ್ಶನ್ 61 ಬಾಲ್​ನಲ್ಲಿ 108 ರನ್​ಗಳಿಸಿದರು. ಸಾಯಿ ಸುದರ್ಶನ್ 4 ಸಿಕ್ಸರ್, 12 ಬೌಂಡರಿ ಬಾರಿಸಿದರು. ಇನ್ನು ಗಿಲ್ ಕೂಡ ಸ್ಫೋಟಕ ಬ್ಯಾಟಿಂಗ್ ನಡೆಸಿದರು. 7 ಸಿಕ್ಸರ್ ಮೂರು ಬೌಂಡರಿ ಬಾರಿಸಿದ ಗಿಲ್, 53 ಬಾಲ್​ನಲ್ಲಿ 93 ರನ್​ಗಳಿಸಿದರು.

ಇದನ್ನೂ ಓದಿ: ಬೆಂಗಳೂರಿಗರೇ ನಿರ್ಲಕ್ಷ್ಯ ಬೇಡ ಎಚ್ಚರ, ಎಚ್ಚರ.. ಸಿಲಿಕಾನ್ ಸಿಟಿ ಜನರಿಗೆ ಆಘಾತಕಾರಿ ಸುದ್ದಿ ಇದು!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್