64 ವರ್ಷದ ಹಿಂದೆ ಓಡಿ ಹೋಗಿದ್ದ ಜೋಡಿಗೆ ಕೂಡಿ ಬಂದ ಕಂಕಣ ಭಾಗ್ಯ..!

ಕೆಲವರ ಪ್ರೀತಿ ಮೊಳಕೆಯಲ್ಲೇ ಹೊಡೆದು ಹೋಗುತ್ತದೆ. ಮತ್ತೆ ಕೆಲವೊಬ್ಬರ ಪ್ರೀತಿ ಬೆಳೆದು ಹೆಮ್ಮರವಾಗುತ್ತದೆ. ಶಾಲೆಯಲ್ಲಿ ಅರಳಿದ ಮೊದಲ ಪ್ರೇಮಾ ಒಂದಲ್ಲ ಒಂದು ರೀತಿ ಎಲ್ಲರಿಗೂ ಮನಸಿಗೆ ಗಾಡವಾಗಿ ಅಂಟಿರುತ್ತದೆ. ಅದು ಹೇಗೆ ಇರುತ್ತೆಂದರೆ ಇಬ್ಬರ ನಡುವಿನ ಅದೊಂದು ಬಾಂಧವ್ಯ, ಅಪ್ಪುಗೆ ಮಧುವಿನಂತೆ ಎಲ್ಲರಿಗೂ ಸಿಹಿ ಉಣಿಸುತ್ತದೆ. ಸದ್ಯ ಇಷ್ಟೆಲ್ಲಾ ಏಕೆಂದರೆ, ಇಲ್ಲೊಂದು ಲವ್​ಬರ್ಡ್ಸ್​ಜೋಡಿಯ 64ನೇ ವಿವಾಹ ವಾರ್ಷಿಕೋತ್ಸವವನ್ನು ವಿಶೇಷವಾಗಿ ಮಕ್ಕಳು, ಮೊಮ್ಮಕ್ಕಳು ಆಚರಿಸಿದ್ದಾರೆ.

ಗುಜರಾತ್ ಮೂಲದ ಹರ್ಷ್ ಹಾಗೂ ಮೃದು ಇಬ್ಬರು ಶಾಲೆಯಲ್ಲಿ ಓದುತ್ತಿರುವಾಗಲೇ 1960ರಲ್ಲಿ ಚಂದವಾದ, ಮಧುರವಾದ ಪ್ರೇಮಾಂಕುರವಾಗಿತ್ತು. ಇದು ಯಾವ ಮಟ್ಟಿಗೆ ಹೋಗಿತ್ತು ಎಂದರೆ ಮೊಬೈಲ್ ಇಲ್ಲದ ಕಾಲದಲ್ಲಿ ಪರಸ್ಪರ ಪತ್ರಗಳನ್ನು ವಿನಿಮಯ ಮಾಡಿಕೊಳ್ಳುವಲ್ಲಿಗೆ ಹೋಗಿತ್ತು. ಮೊದಲಿನಿಂದಲೂ ಭಾರತದಲ್ಲಿ ಅಂತರ್ಜಾತಿ ವಿವಾಹಕ್ಕೆ ಕುಟುಂಬಗಳು ಒಪ್ಪುವುದೇ ಇಲ್ಲ. ಅದರಂತೆ ಹರ್ಷ್ ಹಾಗೂ ಮೃದು ಜೀವನದಲ್ಲೂ ಆಗಿತ್ತು.

ಹರ್ಷ್​ ಅವರು ಜೈನ್ ಸಮುದಾಯಕ್ಕೆ ಸೇರಿದ್ರೆ, ಮೃದು ಅವರು ಬ್ರಾಹ್ಮಣ ಸಮುದಾಯಕ್ಕೆ ಸೇರಿದವರು. ಹೀಗಾಗಿ ಅಂತರ್ಜಾತಿ ಮದುವೆ ಎಂದಾಕ್ಷಣ ಮನೆಯಲ್ಲಿ ಗೊಂದಲ ಏರ್ಪಟ್ಟಿತ್ತು. ಈ ಮದುವೆಗೆ ಮೃದು ಅವರ ಮನೆಯಲ್ಲಿ ಒಪ್ಪಿಗೆ ಕೊಡಲೇ ಇಲ್ಲ. ಇದರಿಂದ ಇಬ್ಬರು ಹೃದಯ ಒಡೆದು ಹೋದಂತೆ ಆಗಿತ್ತು. ನಂತರ ಲವ್​ಬರ್ಡ್ಸ್​ ಇಬ್ಬರು ಸೇರಿ ಒಂದು ನಿರ್ಧಾರಕ್ಕೆ ಬಂದ್ದಿದ್ದರು. ಕುಟುಂಬನ್ನು ಬಿಟ್ಟು ಪ್ರೀತಿಯನ್ನೇ ಅಲಂಕರಿಸಿದರು. ಒಂದು ಗಟ್ಟಿ ನಿರ್ಧಾರ ಮಾಡಿ ಇಬ್ಬರು ಮನೆ ಬಿಟ್ಟು ಓಡಿ ಹೋಗಿದ್ದರು.

ಎರಡು ಕಡೆಯ ಕುಟುಂಬದ ಬೆಂಬಲ ಇಲ್ಲದೇ ಜೀವನದಲ್ಲಿ ದಂಪತಿ ಎನ್ನುವ ಬದುಕಿನಲ್ಲಿ ಯಶಸ್ಸು ಗಳಿಸಿದರು. ದಿನ ಕಳೆದಂತೆ ಇಬ್ಬರ ನಡುವಿನ ಬಿಟ್ಟಿರಲಾರದ ಸಂಬಂಧವನ್ನು ಗುರುತಿಸಿದ ಎರಡು ಕುಟುಂಬಗಳು ಕ್ರಮೇಣ ಅವರನ್ನು ಸ್ವೀಕರಿಸಿದರು. ಒಬ್ಬರ ಮನೆಗೆ ಒಬ್ಬರು ಹೋಗಿಬರುವುದು, ಕುಶಲೋಪಚಾರಿ ವಿಚಾರಿಕೊಳ್ಳುವುದು ಎಲ್ಲ ಸಾಮಾನ್ಯವಾಯಿತು. ಅಂತರ್ಜಾತಿ ವಿವಾಹ ಆದರೂ ಹೀಗೆ ಸಂಬಂಧಗಳು ಬೆಸೆದುಕೊಂಡವು.

ಆಗಿನ ಕಾಲದಲ್ಲಿ ಅಂದರೆ 1960ರಲ್ಲಿ ಪ್ರೀತಿಗಾಗಿ ಹರ್ಷ್​ ಹಾಗೂ ಮೃದು ಮಾಡಿದ್ದ ಧೈರ್ಯ, ಸಾಹಸ, ತ್ಯಾಗ ಎಲ್ಲವನ್ನು ಮೆಚ್ಚಿಕೊಂಡ ಅವರ ಮೊಮ್ಮಕ್ಕಳು ಈಗ ಅವರಿಗೆ ಸರ್​ಪ್ರೈಸ್​ ಕೊಟ್ಟಿದ್ದಾರೆ. ಅವರು ಅಂದು ಓಡಿ ಹೋಗಿದ್ದ ದಿನದಂದೇ ಈಗ 64ನೇ ವಿವಾಹ ವಾರ್ಷಿಕೋತ್ಸವ ಏರ್ಪಡಿಸಿದ್ದಾರೆ. ಅಲ್ಲದೇ ಈ ವಿವಾಹ ವಾರ್ಷಿಕೋತ್ಸವದಲ್ಲೇ ಮೃದು, ಹರ್ಷ್​ಗೆ ಗೊತ್ತಿಲ್ಲದೇ ವಿವಾಹ ಸಮಾರಂಭ ಏರ್ಪಡಿಸಿ 80 ವರ್ಷದ ಹಿರಿಯ ದಂಪತಿಗೆ ಅಂದಿನ ದಿನಗಳಿಗೆ ಕರೆದುಕೊಂಡು ಹೋಗಿದ್ದಾರೆ.

ಇದನ್ನೂ ಓದಿ: ಶತಕಕ್ಕೆ ಮೂರೇ 3 ರನ್​ ಬೇಕಿತ್ತು.. ಆದ್ರೂ ತಂಡಕ್ಕಾಗಿ ತ್ಯಾಗ ಮಾಡಿದ ಕ್ಯಾಪ್ಟನ್ ಶ್ರೇಯಸ್

ಹರ್ಷ್​- ಮೃದು ಅವರ ಪೋಷಕರು, ಹಿರಿಯರು ಅಂದು ಮಾಡಿದ್ದ ತಪ್ಪನ್ನು ಇಂದು ಮೊಮ್ಮಕ್ಕಳು ಸರಿ ಪಡಿಸಿದ್ದಾರೆ ಎನ್ನಬಹುದು. 64ನೇ ವಿವಾಹ ವಾರ್ಷಿಕೋತ್ಸವದಲ್ಲಿ ಏರ್ಪಡಿಸಿದ್ದ ಮದುವೆ ಸಮಾರಂಭವೂ ಹರ್ಷ್​ ಹಾಗೂ ಮೃದು ಇಬ್ಬರು ಯೌವನದಲ್ಲಿ ತಪ್ಪಿಸಿಕೊಂಡ ಎಲ್ಲ ಆಚರಣೆ, ಸಂಪ್ರದಾಯಗಳನ್ನು ಒಳಗೊಂಡಿರುವುದು ವಿಶೇಷ ಎನಿಸಿತ್ತು. ಈ ಎಲ್ಲಾ ಕಾರ್ಯಕ್ರಮ, ಆಚರಣೆ ನೋಡಿ ಹಿರಿಯ ದಂಪತಿ ಎಲ್ಲರ ನಡುವೆ ನಾಚಿ ನೀರಾಗಿದ್ದು ಕಣ್ಮನ ಸೆಳೆಯುತ್ತಿತ್ತು.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ