ಇದೇ ವಿಮಾನ ನಿಲ್ದಾಣದಲ್ಲಿ ನಡೆದಿತ್ತು ಘನ ಘೋರ ದುರಂತ.. 37 ವರ್ಷಗಳ ಬಳಿಕ ಮತ್ತೊಂದು ಅಪಘಾತ..

ಅಹ್ಮದಾಬಾದ್​ನಿಂದ ಲಂಡನ್​ನತ್ತ ಹಾರಿದ್ದ ವಿಮಾನ ಅದೇ ವೇಗದಲ್ಲೇ ನೆಲಕ್ಕುರುಳಿ ಅಪಘಾತಕ್ಕೀಡಾಗಿದೆ. ಸುಮಾರು 37 ವರ್ಷಗಳ ಹಿಂದೆ ಇಂಥದ್ದೇ ಘೋರ ದುರಂತ ಇದೇ ನಗರದಲ್ಲಿ ಸಂಭವಿಸಿತ್ತು..

37 ವರ್ಷಗಳ ಹಿಂದೆ.. ಅಂದ್ರೆ ಅಕ್ಟೋಬರ್ 19, 1988 ರಲ್ಲಿ. ಇದೇ ಅಹ್ಮದಾಬಾದ್​ನ ಸರ್ದಾರ್​ ವಲ್ಲಭಭಾಯ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ದುರ್ಘಟನೆ ನಡೆದಿತ್ತು. ಇಂಡಿಯನ್ ಏರ್​ಲೈನ್ಸ್ ಬೋಯಿಂಗ್ 737-200, ಫ್ಲೈಟ್ 113 ವಿಮಾನದ ಘೋರ ದುರಂತ ನಡೆದಿತ್ತು. ಆಗ ಆ ವಿಮಾನದಲ್ಲಿದ್ದ 135 ಜನರಲ್ಲಿ 133 ಪ್ರಯಾಣಿಕರು ಜೀವ ಕಳೆದುಕೊಂಡಿದ್ದರು.

ಇದನ್ನೂ ಓದಿ: ‘ಮೇಡೇ, ಮೇಡೇ, ಮೇಡೇ’ ಎಂದು ಕೂಗಿದ ಪೈಲಟ್​.. ಮಾರಣಾಂತಿಕ ‘ಎಮೆರ್ಜೆನ್ಸಿ ಕರೆ’ಯ ಅರ್ಥವೇನು..?

ಆ ದಿನ ಪ್ರತಿಕೂಲ ಹವಾಮಾನ ವೈಪರಿತ್ಯದಿಂದಾಗಿ ಪೈಲಟ್​ಗೆ ಸರಿಯಾಗಿ ಲ್ಯಾಂಡಿಂಗ್ ಪ್ರದೇಶ ಕಾಣದೇ ಸೀದಾ ಭತ್ತದ ಗದ್ದೆಗೆ ಲ್ಯಾಂಡ್ ಮಾಡಿಬಿಟ್ಟಿದ್ದರು. ಇದರಿಂದ ದೊಡ್ಡ ಅಪಘಾತ ನಡೆದಿತ್ತು.. ಈ ಏರ್​ಪೋರ್ಟ್​ನ ಮಾರಣಾಂತಿಕ ವಿಪತ್ತುಗಳ ಇತಿಹಾಸದಲ್ಲಿ ​​ಈ ಕರಾಳ ಘಟನೆಯೂ ಒಂದಾಗಿದೆ.

ಅಂದು ಉಳಿದಿದ್ದು ಇಬ್ಬರೇ..

135 ಪ್ರಯಾಣಿಕರಿದ್ದ ಬೋಯಿಂಗ್ 737-200 ವಿಮಾನ ಅಪಘಾತವಾದಾಗ ಅದರಲ್ಲಿ 133 ಪ್ರಯಾಣಿಕರು ಜೀವ ಕಳೆದುಕೊಂಡಿದ್ದರು. ಆಗ ಜೀವಂತವಾಗಿ ಉಳಿದಿದ್ದು ಇಬ್ಬರು ಮಾತ್ರ. ಅವರೇ ಅಶೋಕ್ ಅಗರ್ವಾಲ್ ಮತ್ತು ವಿನೋದ್ ತ್ರಿಪಾಠಿ ಅನ್ನೋರು. ಆ ದಿನ ವಾತಾವರಣದ ಪ್ರಭಾವದಿಂದ ಆ ದುರಂತ ನಡೆದು 133 ಜನ ಉಸಿರು ಬಿಟ್ಟಿದ್ದರು.

ಇದನ್ನೂ ಓದಿ: ಭಾರತವನ್ನ ಬೆಚ್ಚಿಬೀಳಿಸಿದ 10 ಘೋರ ವಿಮಾನ ದುರಂತಗಳು.. ಒಂದಕ್ಕಿಂತ ಒಂದು ಕರಾಳ ಅಪಘಾತಗಳು..

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ