180 ದೇಶಗಳ 17 ಸಾವಿರ ಕಲಾವಿದರು ಈ ಸಾಂಸ್ಕೃತಿಕ ಉತ್ಸವದಲ್ಲಿ ಭಾಗಿ

ಸಾವಿರಾರು ಕಲಾವಿದರಿಂದ ನೂರಾರು ಸಾಂಸ್ಕೃತಿಕ ಕಾರ್ಯಕ್ರಮಗಳು

ಅವಿಸ್ಮರಣೀಯ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗುತ್ತಿದೆ ವಾಷಿಂಗ್ಟನ್ ಡಿಸಿ

ವಸುದೈವ ಕುಟುಂಬಕಂ.. ಇದು ಜಗತ್ತಿಗೆ ಭಾರತ ಕೊಟ್ಟ ಸಂದೇಶ. ಈ ಸಂದೇಶ ಹೊತ್ತು ಸಾಂಸ್ಕೃತಿಕ ಭಿನ್ನತೆಯಲ್ಲಿ ಏಕತೆ ಸಾಧಿಸುವ ಅಪೂರ್ವ ಕಾರ್ಯಕ್ರಮವೊಂದು ಅಮೆರಿಕದಲ್ಲಿ ನಡೆಯಲಿದೆ. ಈ ಕಾರ್ಯಕ್ರಮಕ್ಕೆ ಶ್ರೀರವಿಶಂಕರ್​​ ಗುರೂಜಿ ನೇತೃತ್ವ ವಹಿಸಲಿದ್ದಾರೆ. ಈ ವಿಶ್ವ ಸಾಂಸ್ಕೃತಿಕ ಉತ್ಸವದಲ್ಲಿ 180 ದೇಶಗಳ 17 ಸಾವಿರ ಕಲಾವಿದರು ತಮ್ಮ ದೇಶವನ್ನ ಪ್ರತಿನಿಧಿಸಲಿದ್ದಾರೆ.

7,000 ನರ್ತಕರನ್ನೊಳಗೊಂಡ ಗಾರ್ಭನೃತ್ಯ ವೈಭವ. 100 ಬ್ರೇಕ್ ಡ್ಯಾನ್ಸ್​ನ ನರ್ತಕರು. 1,000 ಗಿಟಾರ್ ವಾದ್ಯ. ಹೀಗೆ ನೂರಾರು ರೀತಿಯ ಸಾಂಸ್ಕೃತಿಕ ಕಾರ್ಯಕ್ರಮಗಳು. ಲಕ್ಷಾಂತರ ಜನ ಕಲಾ ಪ್ರಿಯರು ಅಮೆರಿಕದ ರಾಜಧಾನಿ ವಾಷಿಂಗ್ಟನ್​​ ಡಿಸಿಯಲ್ಲಿ ಭಾರೀ ಸಿದ್ಧತೆಯನ್ನ ಮಾಡಿಕೊಳ್ಳುತ್ತಿದ್ದಾರೆ.

ಅವಿಸ್ಮರಣೀಯ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗಲಿದೆ ವಾಷಿಂಗ್ಟನ್

ಗುರುದೇವ್ ಶ್ರೀ ಶ್ರೀ ರವಿಶಂಕರ್​ ಗುರೂಜಿ ಮುಂದಾಳತ್ವದಲ್ಲಿ ವಿಶ್ವ ಸಾಂಸ್ಕೃತಿಕ ಉತ್ಸವ ಹಮ್ಮಿಕೊಳ್ಳಲಾಗಿದೆ. 17,000 ಕಲಾವಿದರನ್ನ ಒಳಗೊಂಡ ಈ ಅಭೂತಪೂರ್ವ ಕಾರ್ಯಕ್ರಮಕ್ಕೆ ಕ್ಷಣಗಣನೆ ಶುರುವಾಗಿದೆ. ಈ ಸುಂದರ ಸಾಂಸ್ಕೃತಿಕ ಸಮ್ಮಿಲನಕ್ಕೆ ಸಾಕ್ಷಿಯಾಗಲು ಇಡೀ ವಿಶ್ವದ ಕಣ್ಣುಗಳು ಕಾತರಿಸಿವೆ ಕೂತಿವೆ.

ಇದು ಆರ್ಟ್ ಆಫ್ ಲಿವಿಂಗ್​ನ ವಿಶ್ವ ಸಾಂಸ್ಕೃತಿಕ ಉತ್ಸವದ ನಾಲ್ಕನೇ ಆವೃತ್ತಿ. ಈ ಕಾರಣಕ್ಕೆ ವಾರಾಂತ್ಯ ಜಗತ್ತಿನ ಕಣ್ಣುಗಳು ವಾಷಿಂಗ್ಟನ್ ಡಿಸಿ ಮೇಲಿರಲಿವೆ. ಸೆಪ್ಟೆಂಬರ್ 29, 30, ಅಕ್ಟೋಬರ್ 1ರವರೆಗೆ ಅಮೆರಿಕ ರಾಜಧಾನಿಯು ಅವಿಸ್ಮರಣೀಯ ಕಾರ್ಯಕ್ರಮಕ್ಕೆ ಸಾಕ್ಷಿಯಾಗಲಿದೆ. ವಿಶ್ವ ವೈವಿಧ್ಯತೆಯಲ್ಲಿ ಏಕತೆಯ ಉತ್ಸವಕ್ಕೆ ಅಮೆರಿಕ ಆತಿಥ್ಯ ವಹಿಸಲಿದೆ.

ತಮ್ಮ ಪ್ರತಿಭೆ ಜಗತ್ತಿಗೆ ತೋರಲಿದ್ದಾರೆ 17,000 ಕಲಾವಿದರು

ಈ ಸುಂದರ ಸಂಭ್ರಮ ಕಾರ್ಯಕ್ರಮಕ್ಕೆ ಅದರ ವೇದಿಕೆಯ ವೈಭವ ಮೆರಗು ನೀಡ್ತಿದೆ. ಒಂದು ಫುಟ್ಬಾಲ್​ ಮೈದಾನದಷ್ಟಿರುವ ವೇದಿಕೆಯ ಉತ್ಸವದಲ್ಲಿ 17,000 ಕಲಾವಿದರು ತಮ್ಮ ಪ್ರತಿಭೆ ಜಗತ್ತಿಗೆ ತೋರಲಿದ್ದಾರೆ. ಅನೇಕ ರಾಜ್ಯಗಳ ಮುಖ್ಯಸ್ಥರು, 100ಕ್ಕಿಂತಲೂ ಹೆಚ್ಚು ದೇಶಗಳ ಚಿಂತಕರು ಈ ನ್ಯಾಷನಲ್​ ಮಾಲ್​​ನಲ್ಲಿ ಸೇರಲಿದ್ದು, ಅರ್ಧ ಮಿಲಿಯನ್ ಜನ ಕಣ್ತುಂಬಿ ಕೊಳ್ಳಲಿದ್ದಾರೆ. ಉತ್ಸವದಲ್ಲಿ 50 ಪ್ರದರ್ಶನಗಳು ನಡೆಯಲಿವೆ. ಅಲ್ಲದೆ, ಜಗತ್ತಿನ ಎಲ್ಲೆಡೆಯ ಆಹಾರಗಳ ಮೇಳ ನಡೆಯಲಿದೆ.

ವಿಶ್ವ ಸಾಂಸ್ಕೃತಿಕ ಒಲಿಂಪಿಕ್ಸ್

• ಭಾರತದ 7,000 ನರ್ತಕರನ್ನೊಳಗೊಂಡ ಗಾರ್ಭನೃತ್ಯ
• ಹೆಜ್ಜೆ ಹಾಕುವ 700 ಭಾರತೀಯ ಶಾಸ್ತ್ರೀಯ ನರ್ತಕರು
• ಈ ವರ್ಷ ಹಿಪ್​ಹಾಪ್​ನ 50ನೆಯ ವರ್ಷದ ಸಂಭ್ರಮ
• ಕುರ್ಟಿಸ್ ಬ್ಲೋ, ಎಸ್.ಹೆಚ್ ಎ- ರಾಕ್, ಸೀಕ್ವೆನ್ಸ್ ಗರ್ಲ್ಸ್
• 100 ಬ್ರೇಕ್ ಡ್ಯಾನ್ಸ್​ ಕಲಾವಿದರು ಚೊಚ್ಚಲ ಪ್ರದರ್ಶನ
• ಉಕ್ರೇನ್​​ನ ಪಾರಂಪರಿಕ ಹೋಪಾಕ್ ನೃತ್ಯ ಪ್ರದರ್ಶನ
• ಕಾರ್ಯಕ್ರಮ ನೀಡಲಿರುವ ಉಕ್ರೇನ್​​ನ 1 ಸಾವಿರ ಜನ
• ಮಿಕ್ಕಿ ಫ್ರೀ ಯವಲ ನೇತೃತ್ವದಲ್ಲಿ ಸಾವಿರ ಕಲಾವಿದರು ಗಿಟಾರ್
• ಬಾಬ್ ಮಾರ್ಲೆಯವರ ಖ್ಯಾತ ಒನ್ ಲವ್​ನ ಮರುಸೃಷ್ಟಿ
• ಚೀನಾದ 1 ಸಾವಿರ ಕಲಾವಿದರಿಂದ ಸಾಂಸ್ಕೃತಿಕ ಪ್ರದರ್ಶನ

1963ರ ವೇಳೆ ಇದೇ ನ್ಯಾಷನಲ್ ಮಾಲ್​​​ನಲ್ಲಿ ಮಾರ್ಟಿನ್ ಲೂಥರ್ ಕಿಂಗ್ ತಮ್ಮ ಖ್ಯಾತ ಐ ಹಾವ್ ಎ ಡ್ರೀಮ್ ಎಂಬ ಜಗತ್ತಿಗೆ ಏಕತೆ, ಸಮನ್ವಯತೆ ಸಂದೇಶ ನೀಡಿದ್ದರು. ಈಗ ಇದೇ ನ್ಯಾಷನಲ್​ ಮಾಲ್​ನಲ್ಲಿ ರವಿಶಂಕರ್​ ಗುರೂಜಿ, ಒಂದೇ ಜಾಗತಿಕ ಕುಟುಂಬ ಎಂಬ ಫಲಕದಡಿ ಗಡಿ, ಧರ್ಮ, ಮತ, ಪಂಥ ಮೀರಿ 180 ದೇಶಗಳ ಜನರನ್ನ ಸಾಂಸ್ಕೃತಿಕವಾಗಿ ಒಗ್ಗೂಡಿಸುವ ಕೆಲಸಕ್ಕೆ ಕೈಹಾಕಿದ್ದಾರೆ.

ಈ ಉತ್ಸವದಲ್ಲಿ ವಿಶ್ವದ ಗಣ್ಯರು ಭಾಗಿ ಆಗ್ತಿದ್ದಾರೆ. ವಿಶ್ವಸಂಸ್ಥೆಯ 8ನೇ ಜನರಲ್ ಸೆಕ್ರೆಟರಿ ಬಾನ್ ಕೀ ಮೂನ್, ಭಾರತದ ವಿದೇಶಾಂಗ ಸಚಿವ ಜೈಶಂಕರ್​​, ಅಮೆರಿಕದ ಸರ್ಜನ್ ಜನರಲ್ ಡಾ. ವಿವೇಕ್ ಮೂರ್ತಿ, ಅಮೆರಿಕ ಸಂಸದ ಹಾನ್. ರಿಕ್ ಸ್ಕಾಟ್, ಹಾನ್. ನಾನ್ಸಿ ಪೆಲೋಸಿ, ಭಾರತದ ಮಾಜಿ ರಾಷ್ಟ್ರಪತಿ ಕೋವಿಂದ್ ಸೇರಿ ಹಲವರು ಭಾಗಿ ಆಗಲಿದ್ದಾರೆ. ಮೂರು ದಿನಗಳ ಕಾಲ ನಡೆಯುವ ಈ ವಿಶ್ವ ಸಾಂಸ್ಕೃತಿಕ ಮೇಳ ಜಗತ್ತಿನ ಗಮನ ಸೆಳೆಯಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ