IPL ಇತಿಹಾಸದಲ್ಲೇ ಹಾರ್ದಿಕ್ ಪಾಂಡ್ಯ ಬಿಗ್ ರೆಕಾರ್ಡ್.. ವಿಶೇಷ ದಾಖಲೆ ಬರೆದ ಕ್ಯಾಪ್ಟನ್

2025ರ ಐಪಿಎಲ್​ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ​ಮುಂಬೈ ಇಂಡಿಯನ್ಸ್​ ಕೇವಲ 12 ರನ್​ಗಳ ಅಂತರದಿಂದ ಹೀನಾಯವಾಗಿ ಸೋತು ಹೋಗಿದೆ. ಮುಂಬೈ ಇಂಡಿಯನ್ಸ್​ ಸೋತರೂ ಕ್ಯಾಪ್ಟನ್ ಹಾರ್ದಿಕ್ ಪಾಂಡ್ಯ ಮಾತ್ರ​ ಐಪಿಎಲ್​ ಇತಿಹಾಸದಲ್ಲೇ ವಿಶೇಷವಾದ ದಾಖಲೆ ಬರೆದಿದ್ದಾರೆ.

ಲಕ್ನೋದ ಏಕನಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್ ಪಂದ್ಯದಲ್ಲಿ ಮುಂಬೈ ತಂಡದ ಕ್ಯಾಪ್ಟನ್ ಪಾಂಡ್ಯ ಟಾಸ್ ಗೆದ್ದು, ಲಕ್ನೋ ಆಟಗಾರರನ್ನು ಬ್ಯಾಟಿಂಗ್​ಗೆ ಆಹ್ವಾನ ಮಾಡಿದರು. ಈ ವೇಳೆ ಲಕ್ನೋ ಉತ್ತಮ ಆರಂಭದಿಂದ 20 ಓವರ್​ಗಳಲ್ಲಿ 8 ವಿಕೆಟ್​ಗೆ 204 ರನ್​ಗಳ ಟಾರ್ಗೆಟ್ ನೀಡಿತ್ತು. ಪಂದ್ಯದಲ್ಲಿ ಬೌಲಿಂಗ್ ಮಾಡಿದ್ದ ಹಾರ್ದಿಕ್ ಪಾಂಡ್ಯ ಪಂದ್ಯದ ದಿಕ್ಕನ್ನೇ ಬದಲಿಸಿದ್ದರು.

ಇದನ್ನೂ ಓದಿ: ಕೇವಲ 7 ಪಂದ್ಯ.. RCB ಪ್ರಯಾಣ ಮಾಡೋದು ಎಷ್ಟು ಸಾವಿರ ಕಿಲೋ ಮೀಟರ್ ಗೊತ್ತಾ?

ರನ್​ಗಳ ವೇಗ ಪಡೆದಾಗ ಕೈಗೆ ಬಾಲ್ ಎತ್ತಿಕೊಂಡ ಪಾಂಡ್ಯ ಲಕ್ನೋ ಬ್ಯಾಟ್ಸ್​ಮನ್​ಗಳಿಗೆ ಕಾಡಿದರು. 4 ಓವರ್ ಬಾಲ್ ಮಾಡಿದ ಪಾಂಡ್ಯ ಕೇವಲ 36 ರನ್​ಗಳನ್ನು ನೀಡಿ, ಪ್ರಮುಖವಾದ 5 ವಿಕೆಟ್​ಗಳನ್ನು ಕಬಳಿಸಿದರು. ಐಡೆನ್ ಮಾರ್ಕರಮ್, ಪೂರನ್, ರಿಷಭ್ ಪಂತ್, ಡೇವಿಡ್ ಮಿಲ್ಲರ್ ಹಾಗೂ ಅಕ್ಷ್ ದೀಪ್​ ಅವರ ವಿಕೆಟ್​ಗಳನ್ನು ಪಾಂಡ್ಯ ಉರುಳಿಸಿದರು. ಇದರಿಂದ ಲಕ್ನೋದ ತಂಡದ ರನ್​ಗಳಿಗೆ ದೊಡ್ಡ ಬ್ರೇಕ್ ಬಿದ್ದಿತ್ತು.

ಐಪಿಎಲ್​ ತಂಡದ ಕ್ಯಾಪ್ಟನ್ ಒಬ್ಬರು ಇನ್ನಿಂಗ್ಸ್​ ಒಂದರಲ್ಲಿ 5 ವಿಕೆಟ್​ಗಳ ಗೊಂಚಲು ಪಡೆದಿರುವುದು ಇದೇ ಮೊದಲು. ಇಡೀ ಐಪಿಎಲ್ ಇತಿಹಾಸದಲ್ಲಿ ಯಾವ ತಂಡದ ನಾಯಕ ಮಾಡದ ಸಾಧನೆಯನ್ನು ಲಕ್ನೋ ವಿರುದ್ಧ ಹಾರ್ದಿಕ್ ಪಾಂಡ್ಯ ಮಾಡಿದ್ದಾರೆ. ವೃತ್ತಿಜೀವನದ ಅತ್ಯುತ್ತಮ ಬೌಲಿಂಗ್ ಪ್ರದರ್ಶನ ನೀಡಿದ ಹಾರ್ದಿಕ್, 5 ವಿಕೆಟ್ ಪಡೆದ ಮೊದಲ ಐಪಿಎಲ್ ತಂಡದ ನಾಯಕ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ