ಹಾರ್ದಿಕ್​ ಪಾಂಡ್ಯ, ನತಾಶಾ ಸ್ಟಾಂಕೋವಿಕ್ ದಂಪತಿ ಮಧ್ಯೆ ಬಿರುಕು?

ಈ ಬಾರಿ ಐಪಿಎಲ್​ನಲ್ಲಿ ಮುಂಬೈ ಇಂಡಿಯನ್ಸ್​ ಹೀನಾಯ ನಿರ್ಗಮನ

ವಿಚ್ಛೇದನ ವದಂತಿ ನಡುವೆ ಕೋಟಿ ಕೋಟಿ ಆಸ್ತಿ ನತಾಶಾ ಪಾಲಾಗುತ್ತಾ?

ಸೋಶಿಯಲ್​ ಮೀಡಿಯಾದಲ್ಲಿ ಹಾರ್ದಿಕ್​ ಪಾಂಡ್ಯ-ನತಾಶಾ ಸ್ಟಾಂಕೋವಿಕ್ ಈ ಇಬ್ಬರದ್ದೇ ಸುದ್ದಿ. ಈ ಸಲ ಸೀಸನ್​ನಲ್ಲಿ ಮುಂಬೈ ಇಂಡಿಯನ್ಸ್​ ಹೀನಾಯ ನಿರ್ಗಮನವಾದರೆ ಇತ್ತ ಪಾಂಡ್ಯ ಕುಟುಂಬದಲ್ಲಿ ಬಿರುಗಾಳಿಯೇ ಎದ್ದಿದೆ. ಹಾರ್ದಿಕ್​ ಪಾಂಡ್ಯ ಹಾಗೂ ಪತ್ನಿ ನತಾಶಾ ಬೇರ್ಪಟ್ಟಿದ್ದಾರೆ ಎನ್ನಲಾಗ್ತಿದ್ದು ಸದ್ಯದಲ್ಲೇ ಡಿವೋರ್ಸ್​ ನೀಡಲಿದ್ದಾರೆ ಎಂದು ಹೇಳಲಾಗಿದೆ. ಹೀಗಾಗಿ ಪಾಂಡ್ಯ ಶೇಕಡಾ 70 ರಷ್ಟು ಆಸ್ತಿ ಕೊಡ್ತಾರಾ ಎನ್ನುವ ಪ್ರಶ್ನೆ ಮೂಡಿದೆ. ಆದ್ರೆ ಆಸ್ತಿಯೆಲ್ಲ ತಾಯಿಯ ಹೆಸರಲ್ಲಿದೆ ಎಂದು ಹೇಳಲಾಗ್ತಿದೆ.

ಗುಜರಾತ್ ಟೈಟನ್ಸ್ ತಂಡದಿಂದ ಮುಂಬೈ​ಗೆ ಕ್ಯಾಪ್ಟನ್​ ಆಗಿ ಹಾರ್ದಿಕ್ ಪಾಂಡ್ಯ ಬಂದರೋ ಅವಾಗಿನಿಂದ ಶನಿ ಹೆಗಲೇರಿದಂತೆ ಅಗಿದೆ. ಪಾಂಡ್ಯ ತನ್ನ ಪತ್ನಿ ನತಾಶಾ ಸ್ಟಾಂಕೋವಿಕ್​ಗೆ ವಿಚ್ಛೇದನ ನೀಡಿದ್ದೇ ಆದಲ್ಲಿ, ತನ್ನ ಆಸ್ತಿಯ ಶೇ.70ರಷ್ಟನ್ನು ನೀಡಬೇಕಾಗುತ್ತದೆ ಎನ್ನಲಾಗುತ್ತಿದೆ. ಏಕೆಂದರೆ ನತಾಶಾ ಸೆರ್ಬಿಯಾ ರಾಷ್ಟ್ರದವರು. ಡಿವೋರ್ಸ್​ ನೀಡಿದ ಮೇಲೆ ಅವರು ತಮ್ಮ ಜೀವನಾಂಶವನ್ನು ಪಾಂಡ್ಯರಿಂದ ಪಡೆಯುವಾಗ ಸರ್ಬಿಯನ್ ಕರೆನ್ಸಿ ದಿನಾರ್​ನಲ್ಲಿ ಪಡೆದುಕೊಂಡರೆ ಶೇ.70ರಷ್ಟನ್ನು ಅವರ ಕೈ ಸೇರುತ್ತದೆ. ಆದರೆ ಇಲ್ಲಿ ಟ್ವಿಸ್ಟ್ ಏನೆಂದರೆ ಹಾರ್ದಿಕ್ ಪಾಂಡ್ಯ ಆಸ್ತಿಯನ್ನೆಲ್ಲ ತನ್ನ ತಾಯಿ ನಳಿನಿ ಪಾಂಡ್ಯ ಹೆಸರಲ್ಲಿ ಮಾಡಿದ್ದಾರೆ ಎಂದು ಹೇಳಲಾಗಿದೆ.

Most of Hardik Pandya’s property is in his mother’s name.

Gujarati Brain For a Reason #HardikPandya pic.twitter.com/iPV7W0Nypj

— Rajasthani Tau Ji (@Rajasthanii_Tau) May 25, 2024

ಹೀಗಾಗಿ ಪಾಂಡ್ಯ ಹೆಸರಲ್ಲಿ ಯಾವುದೇ ಆಸ್ತಿ ಇಲ್ಲ. ಹೀಗಾಗಿ ಶೇಕಡಾ 50% ರಷ್ಟು ಕೂಡ ಕೊಡೋಕೆ ಆಗಲ್ಲ. ನನಗೆ ನನ್ನ ಮೇಲೆ ನಂಬಿಕೆ ಇಲ್ಲ. ನಾನು ನನ್ನ ಹೆಸರಿನಲ್ಲಿ ಯಾವುದೇ ಆಸ್ತಿ ಮಾಡಿಲ್ಲ. ನಮ್ಮ ಆಸ್ತಿಯೆಲ್ಲ ಬಹುತೇಕ ತಾಯಿ ಹೆಸರಲ್ಲಿದೆ. ಉಳಿದದ್ದು ತಂದೆ, ಸಹೋದರ ಹೆಸರಲ್ಲಿದೆ. ಆದ್ದರಿಂದ ನಾನು ಯಾರಿಗೂ 50% ರಷ್ಟು ಆಸ್ತಿ ನೀಡಲು ಇಷ್ಟವಿಲ್ಲ. ಹೀಗಾಗಿಯೇ ಕುಟುಂಬದವರ ಹೆಸರಲ್ಲಿ ಆಸ್ತಿಯೆಲ್ಲ ಮಾಡಿದ್ದೇನೆ ಎಂದು ಪಾಂಡ್ಯ ಹೇಳಿದಂತ ವಿಡಿಯೋ ತುಣುಕೊಂದು ಸೋಶಿಯಲ್​ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ