ಹಾರ್ದಿಕ್​ ಪಾಂಡ್ಯ ಲೈಫ್​ನಲ್ಲಿ ಮತ್ತೊಂದು ಪ್ರೇಮ್​​ ಕಹಾನಿ.. ಜಾಸ್ಮಿನ್​ ವಾಲಿಯಾ ಯಾರು?

ಹಾರ್ದಿಕ್​ ಪಾಂಡ್ಯ -ಜಾಸ್ಮಿನ್​ ವಾಲಿಯಾ ಇವರಿಬ್ಬರ ನಡುವೆ ಕುಚ್​-ಕುಚ್​ ನಡೀತಾ ಇದೆ ಅನ್ನೋ ಸುದ್ದಿ ಕ್ರಿಕೆಟ್​ ವಲಯದಲ್ಲಿ ಸಖತ್​ ಸೌಂಡ್​​ ಮಾಡ್ತಿದೆ. ಗ್ರೀಸ್​​​ ಪ್ರವಾಸದೊಂದಿಗೆ ಶುರುವಾದ ಈ ಲವ್​ ಗಾಸಿಪ್​ ಇದೀಗ ಐಪಿಎಲ್​ ಅಂಗಳದವರೆಗೆ ಬಂದು ನಿಂತಿದೆ. ಇಷ್ಟೇ ಅಲ್ಲ, ಇಷ್ಟು ದಿನ ಗಾಸಿಪ್​ ಆಗಿದ್ದ ಸುದ್ದಿಗೆ ಇದೀಗ ಬಹುತೇಕ ಅಧಿಕೃತ ಮುದ್ರೆ ಬಿದ್ದಿದೆ.

ಇಂಡಿಯನ್​ ಪ್ರೀಮಿಯರ್​​ ಲೀಗ್​​ ಸೀಸನ್​ 18ನಲ್ಲಿ ಬ್ಯಾಟ್​​-ಬಾಲ್​ ವಾರ್​ ಜೋರಾಗಿ ನಡೀತಿದೆ. ಬೌಂಡರಿ, ಸಿಕ್ಸರ್​ಗಳ ಭರಾಟೆಯಲ್ಲಿ ಅಭಿಮಾನಿಗಳು ಮಿಂದೆಳ್ತಿದ್ದಾರೆ. ಕಲರ್​​ಫುಲ್​​ ಕ್ರಿಕೆಟ್​ ಲೀಗ್​​ ಫೀವರ್​ ಕ್ರಿಕೆಟ್​ ಲೋಕವನ್ನ ಆವರಿಸಿದೆ. ಎಲ್ಲೆಡೆ ಇದೇ ಐಪಿಎಲ್​​ ದರ್ಬಾರ್​ ನಡೀತಿದೆ. ಈ ಅಬ್ಬರದ ನಡುವೆ ಮುಂಬೈ ಇಂಡಿಯನ್ಸ್​ ಕ್ಯಾಪ್ಟನ್​ ಹಾರ್ದಿಕ್​ ಪಾಂಡ್ಯ ಪ್ರೇಮ್​​ ಕಹಾನಿ ಮತ್ತೆ ಸೌಂಡ್​ ಮಾಡ್ತಿದೆ. ಇಷ್ಟು ದಿನ ಗಾಸಿಪ್​ ರೂಪದಲ್ಲಿದ್ದ ಸುದ್ದಿಗೆ ಇದೀಗ ಬಹುತೇಕ ಅಧಿಕೃತ ಮುದ್ರೆ ಬಿದ್ದಿದೆ.

ಗ್ರೀಸ್​​ ಆಯ್ತು, ದುಬೈ ಆಯ್ತು, ಈಗ ಮುಂಬೈನಲ್ಲಿ ಬ್ರಿಟಿಷ್​ ಬ್ಯೂಟಿ.!

ಹಾರ್ದಿಕ್​ ಪಾಂಡ್ಯ-ಜಾಸ್ಮಿನ್​ ವಾಲಿಯಾ ಇವರಿಬ್ಬರ ನಡುವೇ ಸಮ್​​ಥಿಂಗ್​, ಸಮ್​ಥಿಂಗ್​​ ನಡೀತಿದೆ ಅನ್ನೋ ಸುದ್ದಿ ಕಳೆದ ಕೆಲ ತಿಂಗಳಿನಿಂದ ಕ್ರಿಕೆಟ್​ ಲೋಕದಲ್ಲಿ ಆಗಾಗ ಸುದ್ದಿಯಾಗ್ತಿರೋ ವಿಚಾರ. ಇಡೀ ಐಪಿಎಲ್​ ಟೂರ್ನಿಯಲ್ಲೂ ಇವರಿಬ್ಬರು ಲವ್​ ಕಹಾನಿಯ ಗುಸುಗುಸು ಸೌಂಡ್​ ಮಾಡ್ತಿದೆ. ಬ್ರಿಟಿಷ್ ಬ್ಯೂಟಿ ಜಾಸ್ಮಿನ್​ ವಾಲಿಯಾ ಐಪಿಎಲ್​ ಅಖಾಡದಕ್ಕೂ ಎಂಟ್ರಿ ಕೊಟ್ಟಿದ್ದಾರೆ. ಮುಂಬೈ ಇಂಡಿಯನ್ಸ್​ ಹೋಮ್​​ಗ್ರೌಂಡ್​​ ವಾಂಖೆಡೆ ಸ್ಟೇಡಿಯಂನ ಸ್ಟ್ಯಾಂಡ್​ನಲ್ಲಿ ಜಾಸ್ಮಿನ್​​ ಕಾಣಿಸಿಕೊಂಡಿದ್ದಾರೆ.

ಹಾರ್ದಿಕ್ - ಜಾಸ್ಮಿನ್​​, ಡೇಟಿಂಗ್​​ ಗುಟ್ಟು ಮುಂಬೈನಲ್ಲಿ ರಟ್ಟು..!

ಈ ಸೀಸನ್​ನಲ್ಲಿ ಕೊಲ್ಕತ್ತಾ ನೈಟ್​ ರೈಡರ್ಸ್​ ವಿರುದ್ಧ ಮುಂಬೈ ಇಂಡಿಯನ್ಸ್​ ಮೊದಲ ಹೋಮ್​ ಗೇಮ್​ ಆಡ್ತು. ಈ ಪಂದ್ಯದ ವೇಳೆ ಸ್ಟ್ಯಾಂಡ್​​ನಲ್ಲಿ ಜಾಸ್ಮಿನ್​ ವಾಲಿಯಾ ಕಾಣಿಸಿಕೊಂಡರು. ಜಾಸ್ಮಿನ್​ ವಾಲಿಯಾ ಸ್ಟ್ಯಾಂಡ್​ನಲ್ಲಿದ್ದು ತಂಡಕ್ಕೆ ಚಿಯರ್​ ಮಾಡಿ ಹೋಗಿದ್ರೆ ಮತ್ತೊಮ್ಮೆ ಗಾಸಿಪ್​ ಸುದ್ದಿಯಾಗ್ತಿತ್ತು ಅಷ್ಟೇ, ಆದ್ರೆ, ಪಂದ್ಯ ಮುಗಿಸಿ ಹೋಗುವಾಗ ಜಾಸ್ಮಿನ್​ ವಾಲಿಯಾ ಮುಂಬೈ ಇಂಡಿಯನ್ಸ್​ ಟೀಮ್​ ಬಸ್​ನಲ್ಲಿ ಪ್ರಯಾಣಿಸಿದರು. ಈ ಪ್ರಯಾಣ ಇವರಿಬ್ಬರ ಡೇಟಿಂಗ್​ ಗಾಸಿಪ್​ಗೆ ಅಧಿಕೃತ ಮುದ್ರೆ ಒತ್ತಿದೆ.

ಇಂಡೋ-ಪಾಕ್​ ಪಂದ್ಯದಲ್ಲೂ ಕಾಣಿಸಿಕೊಂಡಿದ್ದ ಜಾಸ್ಮಿನ್​.!

ಕಳೆದ ಚಾಂಪಿಯನ್ಸ್​​​ ಟ್ರೋಫಿ ಟೂರ್ನಿಯಲ್ಲಿ ಜಾಸ್ಮಿನ್​ ವಾಲಿಯಾ ಕಾಣಿಸಿಕೊಂಡಿದ್ರು. ಇಂಡೋ-ಪಾಕ್​ ಪಂದ್ಯದ ವೇಳೆ ಗ್ಯಾಲರಿಯಲ್ಲಿ ಅಕ್ಷರ್ ಪಟೇಲ್ ಮಡದಿ ಜೊತೆ ಕುಳಿತಿದ್ದ ಜಾಸ್ಮಿನ್​​ ವಾಲಿಯಾ ಟೀಮ್ ಇಂಡಿಯಾಗೆ ಚೀಯರ್ ಮಾಡ್ತಿದ್ರು. ಹಾರ್ದಿಕ್​ಗೆ ವಿಕೆಟ್ ಬಿದ್ದಾಗೆಲ್ಲ ಸಂಭ್ರಮದಲ್ಲಿ ತೇಲಾಡುತ್ತಿದ್ದರು. ಪ್ಲೈಯಿಂಗ್ ಕಿಸ್​ ನೀಡಿಯೂ ಸಂಭ್ರಮಿಸಿದ್ರು.

ಇಂಡೋ-ಪಾಕ್ ಮ್ಯಾಚ್ ಬಳಿಕ ಬೀಚ್​ನಲ್ಲಿ ಸುತ್ತಾಟ..!

ಇಷ್ಟೇ ಅಲ್ಲ.. ಇಂಡೋ-ಪಾಕ್​ ಪಂದ್ಯ ಅಂತ್ಯವಾದ ಬಳಿಕ ಇನ್​​​ಸ್ಟಾದಲ್ಲಿ ಫೋಟೋಗಳನ್ನು ಶೇರ್ ಮಾಡಿದ್ರು. ಬೀಚ್​​ನಲ್ಲಿ ಎಂಜಾಯ್ ಮಾಡ್ತಿರೋ ಫೋಟೋಗಳನ್ನ ಪ್ರತ್ಯೇಕವಾಗಿ ತಮ್ಮ ಸೋಷಿಯಲ್​ ಮೀಡಿಯಾದಲ್ಲಿ ಹಂಚಿಕೊಂಡಿದ್ರು. ಶೇರ್​ ಮಾಡಿದ್ದ ಫೋಟೋಗಳಲ್ಲಿ ಎಲ್ಲೂ ಇಬ್ಬರೂ ಒಟ್ಟಿಗೆ ಕಾಣಿಸಿಕೊಂಡಿರಲಿಲ್ಲ. ಆದ್ರೆ, ಫೋಟೋ ಬ್ಯಾಕ್​​ಗ್ರೌಂಡ್​ ಮಾತ್ರ ಒಂದೇ ಆಗಿತ್ತು.

ಗ್ರೀಸ್ ಪ್ರವಾಸದ ಫೋಸ್ಟ್​ಗಳು ಹೇಳಿತ್ತು ಡೇಟಿಂಗ್ ಕಥೆ

ಕಳೆದ ವರ್ಷ ಶ್ರೀಲಂಕಾ ಪ್ರವಾಸದ ಏಕದಿನ ಸರಣಿಯಿಂದ ವಿಶ್ರಾಂತಿ ಪಡೆದಿದ್ದ ಹಾರ್ದಿಕ್​ ಪಾಂಡ್ಯ, ಗ್ರೀಸ್​ ಟ್ರಿಪ್​ಗೆ ತೆರಳಿದ್ರು. ಆಗ ಜಾಸ್ಮಿನ್​ ವಾಲಿಯಾ ಕೂಡ ಗ್ರೀಸ್​ನಲ್ಲೇ ಇದ್ರು. ಜಾಸ್ಮಿನ್ ​​ ಹಾಗೂ ಹಾರ್ದಿಕ್​ ಶೇರ್ ಮಾಡಿದ್ದ ಟ್ರಿಪ್​​ನ ಫೋಟೋಗಳು, ವಿಡಿಯೋಗಳು ಡೇಟಿಂಗ್​ ಕಥೆ ಹೇಳ್ತಿದ್ವು. ಯಾಕಂದ್ರೆ, ಆಗಲೂ ಇಬ್ಬರೂ ಹಂಚಿಕೊಂಡಿದ್ದ ಫೋಟೋಗಳು, ವಿಡಿಯೋಗಳ background ಒಂದೇ ಆಗಿತ್ತು.

ಇದನ್ನೂ ಓದಿ:ಅಮೆರಿಕಾದಿಂದ ಶುರುವಾಗಿರುವ ಸುಂಕದ ಸಮರ.. ಐಫೋನ್​ಗಳು ಮತ್ತಷ್ಟು ದುಬಾರಿ ಆಗುವುದು ಪಕ್ಕಾ!

ಯಾರು ಈ ಬ್ರಿಟಿಷ್​ ಬ್ಯೂಟಿ ಜಾಸ್ಮಿನ್ ವಾಲಿಯಾ.?

29 ವರ್ಷದ ಈ ಜಾಸ್ಮಿನ್ ವಾಲಿಯಾ.. ಭಾರತೀಯ ಮೂಲದ ಬ್ರಿಟಿಷ್​ ಸಿಂಗರ್​. ತನ್ನ ಮಾದಕ ಧ್ವನಿಯಿಂದಲೇ ಸಂಗೀತ ಪ್ರೀಯರನ್ನ ಮೋಡಿ ಮಾಡಿರೋ ಈಕೆ, ಇಂಗ್ಲೆಂಡ್​​ನ ಎಸೆಕ್ಸ್‌ ಮೂಲದವರು. 2010ರಲ್ಲಿ ಬ್ರಿಟಿಷ್ ರಿಯಾಲಿಟಿ ಟಿವಿ ಸರಣಿ ದಿ ಓನ್ಲಿ ವೇ ಈಸ್ ಎಸೆಕ್ಸ್​ನಲ್ಲಿ ಕಾಣಿಸಿಕೊಂಡಿದ್ದ ಈ ಮಾದಕ ಬೆಡಗಿ, ಆ ಬಳಿಕ ಸಿಂಗರ್ ಆಗಿ ಪ್ರಖ್ಯಾತಿ ಪಡೆದಿದ್ದಾರೆ.

ಮ್ಯೂಸಿಕ್ ಅಲ್ಬಮ್​​, ಕವರ್​ ಸಾಂಗ್ಸ್​ಗಳ ಮೂಲಕ ರಂಜಿಸುವ ಜಾಸ್ಮಿನ್, ಬಾಲಿವುಡ್​ ಅಂಗಳದಲ್ಲಿ ಸಖತ್​ ಸೌಂಡ್​ ಮಾಡಿದ ಬೂಮ್​ ಡಿಗ್ಗಿ ಹಾಡಿಗೂ ಧ್ವನಿಯಾಗಿದ್ದರು. ಕಳೆದೊಂದು ವರ್ಷದಿಂದ ಕದ್ದು ಮುಚ್ಚಿ ಡೇಟಿಂಗ್, ಮೀಟಿಂಗ್ ಅಂತೆಲ್ಲಾ ಇವರಿಬ್ಬರು ಯಾರಿಗೂ ಗೊತ್ತಿಲ್ಲ ಎಂಬಂತೆ ಓಡಾಡ್ತಿದ್ದಾರೆ. ಆದ್ರೆ, ಇವರಿಬ್ಬರ ಗಪ್​ಚುಪ್​ ಪ್ರೇಮ ಜಗತ್ತಿಗೆ ಗೊತ್ತಿರೋ ಓಪನ್​ ಸೀಕ್ರೆಟ್ ಆಗಿದೆ​​. ಅದ್ರಲ್ಲೂ, ಜಾಸ್ಮಿನ್​​ ಮುಂಬೈ ಟೀಮ್​​ ಬಸ್​ ಹತ್ತಿದ ಬಳಿಕ ಗಾಸಿಪ್​ ರೂಪದಲ್ಲಿದ್ದ ಈ ಸುದ್ದಿಗೆ ಅಧಿಕೃತ ಮುದ್ರೆಯೂ ಬಿದ್ದಂತಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ