ಲೋಕಸಭಾ ಚುನಾವಣೆ ಹೊತ್ತಲ್ಲೇ ಹಾಸನ ಕೇಸ್​​ ಭಾರೀ ಸದ್ದು

ಕಿಡ್ನ್ಯಾಪ್​ ಕೇಸಲ್ಲಿ 7 ದಿನಗಳ ನ್ಯಾಯಾಂಗ ಬಂಧನಕ್ಕೆ ರೇವಣ್ಣ!

ಕೋರ್ಟ್​ನಲ್ಲಿ ಜಡ್ಜ್​​ ಮುಂದೆ ಎಚ್​​.ಡಿ ರೇವಣ್ಣ ಹೇಳಿದ್ದೇನು..?

ಬೆಂಗಳೂರು: ಲೋಕಸಭಾ ಚುನಾವಣೆ ಹೊತ್ತಲ್ಲೇ ಇಡೀ ದೇಶಾದ್ಯಂತ ಭಾರೀ ಸದ್ದು ಮಾಡುತ್ತಿರೋ ಹಾಸನ ಅಶ್ಲೀಲ ವಿಡಿಯೋ ಪ್ರಕರಣಕ್ಕೆ ದಿನಕ್ಕೊಂದು ಟ್ವಿಸ್ಟ್​​ ಸಿಗುತ್ತಿದೆ. ಕರ್ನಾಟಕದಲ್ಲಿ 2ನೇ ಹಂತದ ಮತದಾನ ಮುಗಿದ್ರೂ ಪೆನ್‌ಡ್ರೈವ್‌ ಕೇಸ್​ ಜಟಾಪಟಿ ಮುಂದುವರಿದಿದೆ. ಒಂದೆಡೆ ಪ್ರಕರಣದ ಪ್ರಮುಖ ಆರೋಪಿ ಜೆಡಿಎಸ್​​ ಸಂಸದ ಪ್ರಜ್ವಲ್​ ರೇವಣ್ಣ ವಿದೇಶದಲ್ಲಿ ತಲೆಮರೆಸಿಕೊಂಡಿದ್ದರೆ, ಇನ್ನೊಂದೆಡೆ ಸಂತ್ರಸ್ತೆ ಕಿಡ್ನ್ಯಾಪ್​ ಕೇಸಲ್ಲಿ ಮಾಜಿ ಸಚಿವ ಎಚ್‌.ಡಿ ರೇವಣ್ಣ ಜೈಲು ಸೇರಿದ್ದಾರೆ. ಇಂದು ಕೆ.ಆರ್​​ ನಗರದ ಸಂತ್ರಸ್ತೆ ಕಿಡ್ನ್ಯಾಪ್​ ಕೇಸಲ್ಲಿ ರೇವಣ್ಣಗೆ 7 ದಿನ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿ 17ನೇ ಎಸಿಎಂಎಂ ಕೋರ್ಟ್‌ ಆದೇಶಿಸಿದೆ.

ಕೋರ್ಟ್​​ನಲ್ಲಿ ಜಡ್ಜ್​​ ಮುಂದೆ ಎಚ್​​​.ಡಿ ರೇವಣ್ಣ ಹೇಳಿದ್ದೇನು?

ಇನ್ನು, ಕೋರ್ಟ್​ನಲ್ಲಿ ಜಡ್ಜ್​​ ಕೇಳಿದ ಪ್ರಶ್ನೆಗೆ ಮಾಜಿ ಸಚಿವ ಎಚ್​​​.ಡಿ ರೇವಣ್ಣ ಉತ್ತರ ಹೀಗಿತ್ತು. ನಾನು ಮೂರು ದಿನಗಳಿಂದ ನಿದ್ದೆ ಮಾಡಿಲ್ಲ. ನನಗೆ ಆರೋಗ್ಯ ಸಮಸ್ಯೆ ಇದೆ, ಎಸ್​ಐಟಿ ಸರಿಯಾಗಿ ಸ್ಪಂದಿಸಿಲ್ಲ. ನಾನು ಎಲ್ಲೂ ಹೋಗಿರಲಿಲ್ಲ. ನಮ್ಮ ತಂದೆ ಮನೆಯಲ್ಲೇ ಇದ್ದೆ. ನನಗೆ ಈ ಕೇಸ್​ ಬಗ್ಗೆ ಏನು ಗೊತ್ತೇ ಇಲ್ಲ. ನನಗೆ ಟ್ರೀಟ್​ಮೆಂಟ್​ ಅಗತ್ಯ ಇದೆ ಎಂದಿದ್ದಾರೆ ರೇವಣ್ಣ.

ಇನ್ನು, ಟ್ರೀಟ್​ಮೆಂಟ್​ ಆಯ್ತಾ? ಅನ್ನೋ ಜಡ್ಜ್​​ ಪ್ರಶ್ನೆಗೆ ಉತ್ತರ ನೀಡಿದ ರೇವಣ್ಣ, ಇವತ್ತು ವೈದ್ಯರು ಕರೆದಿದ್ದಾರೆ. ನಿನ್ನೆ ಆಗಿದೆ, ಇಂದು ಟ್ರೀಟ್​ಮೆಂಟ್​ ಇದೆ. ನನ್ನದು ತಪ್ಪೇನಿಲ್ಲ, ದಯವಿಟ್ಟು ರಕ್ಷಿಸಿ. ತುಂಬಾ ಹೊಟ್ಟೆ ನೋವು ಇದೆ, ಈ ಬಗ್ಗೆ ಡಾಕ್ಟರ್​​ಗೆ ಹೇಳಿದ್ದೇನೆ. ಹುಷಾರಿಲ್ಲ ಎಂದ್ರೂ ವಿಚಾರಣೆ ಮಾಡುತ್ತಲೇ ಇದ್ದಾರೆ. ನನಗೆ ಹೊಟ್ಟೆ ಉರಿ, ಆಸ್ಪತ್ರೆಗೆ ಸೇರಿಸುತ್ತಿಲ್ಲ. ತಪ್ಪೇ ಮಾಡಿಲ್ಲ ಅಂದ್ರೂ ಹೇಗೆ ಒಪ್ಪಿಕೊಳ್ಳಲಿ. ನನ್ನ 30 ವರ್ಷದ ಅವಧಿಯಲ್ಲಿ ಯಾವುದೇ ತಪ್ಪು ಮಾಡಿಲ್ಲ. ನನ್ನ ವಿರುದ್ಧ ಒಂದೇ ಒಂದು ಕೇಸಿಲ್ಲ ಎಂದು ರೇವಣ್ಣ ಕೋರ್ಟ್​ನಲ್ಲೇ ಕಣ್ಣೀರು ಹಾಕಿದ್ದಾರೆ.

ಇದನ್ನೂ ಓದಿ: BIG BREAKING: ಮಾಜಿ ಸಚಿವ ಹೆಚ್‌.ಡಿ ರೇವಣ್ಣ ಜೈಲು ಪಾಲು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ