ನಿತ್ಯ ವ್ಯಾಯಾಮ ಏಕೆ ಮಾಡಬೇಕು.. ಇದರಿಂದ ದೇಹದಲ್ಲಿ ಆಗೋ ಬದಲಾವಣೆಗಳು ಏನು?

ಆರೋಗ್ಯ ಮಾನವನ ಬಹುದೊಡ್ಡ ಆಸ್ತಿ. ಎಲ್ಲರ ಆರೋಗ್ಯ ಕಾಪಾಡಿಕೊಳ್ಳಲು ಸರಿಯಾದ ಆಹಾರ ಮತ್ತು ಜೀವನಶೈಲಿ ಜೊತೆಗೆ ವ್ಯಾಯಾಮ ಅತಿ ಮುಖ್ಯ. ನಿತ್ಯ ವ್ಯಾಯಾಮ ಮಾಡೋದರಿಂದ ಶಾರೀರಿಕ ಮತ್ತು ಮಾನಸಿಕ ಆರೋಗ್ಯಕ್ಕೆ ಬಹಳಷ್ಟು ಲಾಭಗಳು ಇವೆ ಎಂದು ಅನೇಕ ಅಧ್ಯಯನಗಳು ಹೇಳಿವೆ.

ವ್ಯಾಯಾಮ ಏಕೆ ಮಾಡಬೇಕು

ನಿತ್ಯ ವ್ಯಾಯಾಮ ಮಾಡುವುದರಿಂದ ಶರೀರದ ಎಲ್ಲಾ ಅಂಗಾಂಗಗಳು ಸಮರ್ಪಕವಾಗಿ ಕಾರ್ಯನಿರ್ವಹಿಸುತ್ತವೆ. ಇಂದಿನ ಜೀವನಶೈಲಿಯಲ್ಲಿ ಹೆಚ್ಚು ಹೊತ್ತು ಕುಳಿತೇ ಕೆಲಸ ಮಾಡುತ್ತೇವೆ. ಇದರಿಂದ ತೂಕ ಹೆಚ್ಚಾಗುವುದು ಮತ್ತು ರಕ್ತದೊತ್ತಡ, ಮಧುಮೇಹ (ಡಯಾಬಿಟಿಸ್), ಹೃದ್ರೋಗ ಮೊದಲಾದ ಅನೇಕ ಸಮಸ್ಯೆಗಳು ಉಂಟಾಗುತ್ತವೆ. ಆದರೆ, ನಿತ್ಯ 30-45 ನಿಮಿಷಗಳ ವ್ಯಾಯಾಮದಿಂದ ಈ ಸಮಸ್ಯೆಗಳನ್ನು ಕಡಿಮೆಯಾಗಿಸಬಹುದು.

ಹೃದಯ ಸಂಬಂಧಿತ ವ್ಯಾಯಾಮ: ಓಟ, ಜಾಗಿಂಗ್, ಈಜು, ಸೈಕ್ಲಿಂಗ್ ಮುಂತಾದವು ಹೃದಯದ ಆರೋಗ್ಯವನ್ನು ಉತ್ತಮಗೊಳಿಸುತ್ತವೆ.

ಬಲವರ್ಧಕ ವ್ಯಾಯಾಮ: ತೂಕ ಎತ್ತುವುದು, ಯೋಗ, ಪುಶ್-ಅಪ್, ಸ್ಕ್ವಾಟ್ ಮುಂತಾದವು ಸ್ನಾಯುಗಳ ಬಲವನ್ನು ಹೆಚ್ಚಿಸುತ್ತವೆ.

ಫ್ಲೆಕ್ಸಿಬಿಲಿಟಿ ವ್ಯಾಯಾಮ: ಯೋಗ ಮತ್ತು ಸ್ಟ್ರೆಚಿಂಗ್ ಮೂಲಕ ದೇಹದ ಫ್ಲೆಕ್ಸಿಬಿಟಿಯನ್ನು ಹೆಚ್ಚಿಸುತ್ತದೆ.

ಮಾನಸಿಕ ಆರೋಗ್ಯದ ವ್ಯಾಯಾಮ: ಯೋಗ, ಪ್ರಾಣಾಯಾಮ, ಧ್ಯಾನ (ಮೆಡಿಟೇಷನ್) ಇವು ಮನಸ್ಸನ್ನು ಶಾಂತಗೊಳಿಸಿ ಒತ್ತಡ ನಿವಾರಣೆಗೆ ಸಹಕಾರಿಯಾಗುತ್ತದೆ.

ಆರೋಗ್ಯ ಲಾಭಗಳೇನು?

ವ್ಯಾಯಾಮ ಮಾಡುವುದರಿಂದ ಹೃದಯ ಸ್ನಾಯುಗಳು ಸದೃಢಗೊಳ್ಳುತ್ತವೆ. ರಕ್ತಸಂಚಾರ ಉತ್ತಮಗೊಳ್ಳುತ್ತದೆ ಮತ್ತು ಹೃದ್ರೋಗಗಳ ಸಾಧ್ಯತೆ ಕಡಿಮೆಯಾಗುತ್ತದೆ. ನಿಯಮಿತ ವ್ಯಾಯಾಮವು ದೇಹದ ಕೊಬ್ಬು ಕಡಿಮೆ ಮಾಡುವಲ್ಲಿ ಸಹಾಯಕವಾಗುತ್ತದೆ ಮತ್ತು ಶರೀರ ತೂಕವನ್ನು ಸಮತೋಲನದಲ್ಲಿರಿಸುತ್ತದೆ.

ವ್ಯಾಯಾಮದಿಂದ ಎಂಡೋರ್ಫಿನ್ಸ್ ಎಂಬ ಸೌಖ್ಯ ಕಾರಕ ರಾಸಾಯನಿಕಗಳು ಹೊರಹೊಮ್ಮುತ್ತವೆ. ಇದರಿಂದ ಒತ್ತಡ, ಖಿನ್ನತೆ (ಡಿಪ್ರೆಷನ್) ಮತ್ತು ಆತಂಕ ಕಡಿಮೆಯಾಗುತ್ತವೆ. ದೈನಂದಿನ ಶ್ರಮಕ್ಕೆ ತಾಳ್ಮೆ ಮತ್ತು ಶಕ್ತಿಯನ್ನು ಹೆಚ್ಚಿಸುವಲ್ಲಿ ವ್ಯಾಯಾಮ ಸಹಾಯಕ. ವ್ಯಾಯಾಮದಿಂದ ದೇಹದ ರೋಗನಿರೋಧಕ ಶಕ್ತಿಯು (Immune System) ಬಲವರ್ಧನಗೊಳ್ಳುತ್ತದೆ. ವ್ಯಾಯಾಮ ದೀರ್ಘಕಾಲಿಕ ಆರೋಗ್ಯ ಒದಗಿಸುತ್ತದೆ.

ವ್ಯಾಯಾಮ ನಮ್ಮ ದೈನಂದಿನ ಜೀವನದ ಅವಿಭಾಜ್ಯ ಅಂಗವಾಗಬೇಕು. ಒಂದು ಆರೋಗ್ಯಕರ ಜೀವನವನ್ನು ಕಟ್ಟಿಕೊಳ್ಳಲು ದಿನನಿತ್ಯ 30 ನಿಮಿಷಗಳ ವ್ಯಾಯಾಮ ಸಾಕಷ್ಟು ಲಾಭ ನೀಡಬಹುದು. ಇದರಿಂದ ಶರೀರ ಮತ್ತು ಮನಸ್ಸು ಸದೃಢಗೊಳ್ಳುತ್ತವೆ. ಆರೋಗ್ಯದ ತೊಂದರೆಗಳು ದೂರವಾಗುತ್ತವೆ. ಆದ್ದರಿಂದ, ಪ್ರತಿದಿನ ವ್ಯಾಯಾಮ ಮಾಡಲು ರೂಢಿ ಮಾಡಿಕೊಳ್ಳಿ ಮತ್ತು ಆರೋಗ್ಯಕರ ಜೀವನವನ್ನು ನಿರ್ವಹಿಸಿ.

ಇದನ್ನೂ ಓದಿ:ರೋಹಿತ್​ ನಂತರ ಕ್ಯಾಪ್ಟನ್​ ಯಾರು? KL ರಾಹುಲ್​ಗೆ ಇಬ್ಬರು ಆಟಗಾರರಿಂದ ಭಾರೀ ಪೈಪೋಟಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ