ನೆಲಮಂಗಲ ಭೀಕರ ಅಪಘಾತ.. ಚಂದ್ರಮ್ ಯೋಗಪ್ಪಗೋಳ ಕುಟುಂಬದ ದುರಂತ ಹೇಗಾಯ್ತು?

ಡಿಸೆಂಬರ್ ಬಂದರೇ ಸಾಕು ಎದೆ ನಡುಗುತ್ತೆ. ಒಂದಿಲ್ಲೊಂದು ದಾರುಣ ನಡೆದು ಹೋಗುತ್ತೆ. ಪ್ರತಿ ವರ್ಷದಂತೆ ಈ ವರ್ಷವೂ ಅತ್ಯಂತ ಭೀಕರ ಅಪಘಾತವೊಂದು ನಡೆದು ಹೋಗಿದೆ. ಒಂದೇ ಕುಟುಂಬದ 6 ಮಂದಿಯನ್ನ ಬಲಿ ಪಡೆದಿದೆ. ಕಂಟೈನರ್​ ಬಿದ್ದ ಏಟಿಗೆ ಕಾರೇ ಅಪ್ಪಚ್ಚಿ ಆಗಿದೆ. ಸಣ್ಣದೊಂದು ಸದ್ದೇ ಮಾಡದೇ 6 ಮಂದಿ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ. ಡೆಡ್ಲಿ ಡಿಸೆಂಬರ್​ನ ಆ್ಯಕ್ಸಿಡೆಂಟ್​ ಎಷ್ಟು ಭೀಕರ ಆಗಿತ್ತು ಅನ್ನೋದಕ್ಕೆ ಆ ಕೋಟಿ ಬೆಲೆಯ ಕಾರು ಸಾಕ್ಷಿ ನುಡಿಯುತ್ತಿದೆ

ಸಿಸಿಟಿವಿ ದೃಶ್ಯ ಭಯಾನಕ ಅಪಘಾತದ ಸಾಕ್ಷಿ ಹೇಳುತ್ತಿದೆ!

ದೈತ್ಯ ಕಂಟೈನರ್​​ ಕಾರಿನ ಮೇಲೆ ಬಿದ್ದ ಕ್ಷಣಗಳು ಭೀಕರವಾಗಿತ್ತು. ಸಿಸಿಟಿವಿಯ ದೃಶ್ಯಾವಳಿಗಳೇ ಹೇಳುವಂತೆ ಕಂಟೈನರ್​ ಡಿವೈಡರ್​ ಮೇಲೆ ಹತ್ತಿತ್ತು. ಇದೇ ಸಂದರ್ಭ ಎದುರಿಗೆ ಬರ್ತಿದ್ದ ವೋಲ್ವೋ ಕಾರಿನ​​ ಮೇಲೆ ಬಿದ್ದಿದೆ. ಈ ಟೈಮಲ್ಲೇ ನೋಡಿ, ಸಣ್ಣದೊಂದು ಕಿರುಚಾಟ, ಅರಚಾಟವೂ ಇಲ್ಲದೇ ಒಂದೇ ಕುಟುಂಬದ ಆರು ಮಂದಿ ದಾರುಣವಾಗಿ ಸಾವನ್ನಪ್ಪಿದ್ರು. 6 ಜನರು.ಮನೆಯ ಯಜಮಾನ, ಆತನ ಹೆಂಡ್ತಿ ಇಬ್ಬರು ಮಕ್ಕಳು, ತಮ್ಮನ ಹೆಂಡ್ತಿ ಮತ್ತವರ ಮಗು ಸೇರಿ 6 ಜನರು ಗುರುತೇ ಸಿಗದ ರೀತಿಯಲ್ಲಿ ನಜ್ಜುಗುಜ್ಜಾಗಿದ್ದಾರೆ. ಪ್ರತ್ಯಕ್ಷದರ್ಶಿಗಳು ಹೇಳುವು ಮಾತುಗಳನ್ನ ಕೇಳಿದರೆ ಎದೆ ಅಕ್ಷರಶಃ ಝಲ್ ಅನಿಸುತ್ತೆ.

ಸಿಸಿಟಿವಿ ದೃಶ್ಯವೂ ಇದನ್ನೇ ಹೇಳ್ತಿದೆ. ಪ್ರತ್ಯಕ್ಷದರ್ಶಿಗಳು ಇದನ್ನೇ ಸಾರಿ ಸಾರಿ ಹೇಳ್ತಿದ್ದಾರೆ. ಕಂಟೈನರ್​​ ವೇಗವಾಗಿ ಬರ್ತಿತ್ತು. ಅದೇನಾಯ್ತೋ? ಏನೋ? ಕಂಟೈನರ್​ ಏಕಾಏಕಿ ಡಿವೈಡರ್​​ಗೆ ಹತ್ತಿಬಿಡ್ತು. ಆ ಕಡೆಯಿಂದ ಬರ್ತಿದ್ದ ಕಾರಿನ ಮೇಲೆ ದೈತ್ಯ ಕಂಟೈನರ್​ ಬಿದ್ದುಬಿಟ್ಟಿತ್ತು. ಸ್ಥಳದಲ್ಲಿಯೇ 6 ಮಂದಿಯ ಒಂದೇ ಕುಟುಂಬ ಉಸಿರಾಡೋದಕ್ಕೂ ಆಸ್ಪದವಿಲ್ಲದೇ ದಾರುಣ ಸಾವು ಕಂಡಿದ್ದಾರೆ ಅಂತಿದ್ದಾರೆ.

ಚಂದ್ರಮ್ ಯೋಗಪ್ಪಗೋಳ ಕುಟುಂಬದ ದಾರುಣ ಸಾವು!

ತುಮಕೂರು-ಬೆಂಗಳೂರು ಹೆದ್ದಾರಿಯಲ್ಲಿ ಮಡಿದ 6 ಜನರ ಕುಟುಂಬದ ಮನೆ ಮಾಲೀಕನ ಚಂದ್ರಮ್​ ಯೋಗಪ್ಪಗೋಳ. ಚಂದ್ರು ಮಹಾರಾಷ್ಟ್ರದ ಸಾಂಗ್ಲಿಯ ಮೊರಬಗಿ ಗ್ರಾಮದವರಾಗಿದ್ದು, ಅಲ್ಲೂ ಕೂಡ ಆಕ್ರಂದನ ಮುಗಿಲು ಮುಟ್ಟಿದೆ. ಚಂದ್ರಮ್ ಅಪ್ಪ ಅಸ್ವಸ್ಥರಾಗಿದ್ರು. ಮಕ್ಕಳಿಗೆ ಕ್ರಿಸ್​ಮಸ್​ ರಜೆ ಕೂಡ ಸಿಕ್ಕಿತ್ತು. ಹಾಗಾಗಿಯೇ ಇಡೀ ಕುಟುಂಬ ಊರಿನತ್ತ ಹೊರಟಿತ್ತು. ಆದರೇ, ವಿಧಿ ಯಮನೂರಿಗೇ ಕಳಿಸಿಬಿಟ್ಟ. ತಮ್ಮ ಕುಟುಂಬವನ್ನೇ ಕಳೆದುಕೊಂಡಿದ್ದೀವಿ ಅಂತ ಬಿಕ್ಕಳಿಸಿ ಅಳ್ತಿರೋ ಸಂಬಂಧಿಕರ ಮಾತು ಕರುಳು ಕಿವುಚುತ್ತಿದೆ.
ಒಂದೇ ಕುಟುಂಬದ 6 ಮಂದಿಯ ದುರ್ಮರಣ ನಿಜಕ್ಕೂ ಘೋರವಾಗಿದೆ. ಅಪಘಾತ ನಡೆದ ಸ್ಥಳದಲ್ಲಿ ಬಿದ್ದಿರೋ ಕಾರಿನ ಸಣ್ಣ ಸಣ್ಣ ಚೂರೂ ಸಹ ದಾರುಣ ಎಂಥದ್ದು? ಎಷ್ಟು ಗಂಭೀರವಾದ ಅಪಘಾತ ಇದು ಅನ್ನೋದನ್ನ ಹೇಳುತ್ತಿದೆ. ಕಂಟೈನರ್​ ಬಿದ್ದ ರಭಸಕ್ಕೆ ಒಳಗಿಂದ ಸಣ್ಣದೊಂದು ಅರಚಾಟ, ಕಿರುಚಾಟವೂ ಕೇಳಲಿಲ್ಲ ಅಂದ್ರೆ ಅರ್ಥ ಮಾಡಿಕೊಳ್ಳಿ ಇದು ಇನ್ನೆಂತಹ ಡೆಡ್ಲಿ ಆ್ಯಕ್ಸಿಡೆಂಟ್​ ಇರಬಹುದು ನೀವೇ ಊಹಿಸಿ.

ತಿಂಗಳುಗಳ ಹಿಂದೆಯಷ್ಟೇ ಕೋಟಿ ಬೆಲೆಯ ಕಾರು ಖರೀದಿ!
ನಿಜಕ್ಕೂ ಇವರು ಹತಭಾಗ್ಯರೇ ಬಿಡಿ, ಇಲ್ಲಿ ಅಪಘಾತದಲ್ಲಿ ಮಡಿದ ಕುಟಂಬಸ್ಥರು ಜಸ್ಟ್​ ಎರಡು ತಿಂಗಳ ಹಿಂದಷ್ಟೇ ಐಷಾರಾಮಿ ವೋಲ್ವೋ XC90 ಕಾರನ್ನ ಖರೀದಿಸಿದ್ದರು. ಇನ್ನು ಕಾರಿನ ಬೆಲೆ ಒಂದು ಕೋಟಿಗೂ ಅಧಿಕ ಅಂತಲೇ ಹೇಳಲಾಗುತ್ತೆ. ಅಷ್ಟೇ ಅಲ್ಲ, ಮಾರ್ಟಿಯಲ್ ವೋಲ್ವೋ ಶೋರೂಂನಲ್ಲಿ ಚಂದ್ರಮ್​ ಕಾರು ಖರೀದಿಸಿದ ಎಕ್ಸ್​ಕ್ಲೂಸಿವ್​ ವಿಡಿಯೋ ನಮಗೆ ಸಿಕ್ಕಿದ್ದು, ಅವರ ಪತ್ನಿ ಹಾಗೂ ಪುಟಾಣಿ ಮಗು ಸಂಭ್ರಮಿಸಿದ್ದು ಕರುಳು ಕಿವುಚುವಂತಿದೆ. ಶೋರೂಮ್‌ ಕೂಡ ಕೇಕ್‌ ಕತ್ತರಿಸಿ ಇವರನ್ನ ವೋಲ್ವೋ ಫ್ಯಾಮಿಲಿಗೆ ಸ್ವಾಗತ ಮಾಡಿತ್ತು.

ಇದನ್ನೂ ಓದಿ:ಕರಾಳ ಶನಿವಾರಕ್ಕೆ 13 ಮಂದಿ ಬಲಿ.. ರಾಜ್ಯದ ವಿವಿಧೆಡೆ ಇಂದು ಭೀಕರ ಅಪಘಾತ; ಎಲ್ಲೆಲ್ಲಿ? ಏನಾಯ್ತು?

ಇವತ್ತು ಈ ಇಡೀ ಕುಟುಂಬವೇ ಕಟುಕ ಕಂಟೈನರ್​​ ಕಾರಣಕ್ಕೆ ಬಲಿ ಆಗಿದೆ. ವಿಪರ್ಯಾಸ ನೋಡಿ, ಬಹುಪಾಲು ಮಂದಿ ವೋಲ್ವೋದಂಥಾ ಕಾರನ್ನ ಖರೀದಿಸೋದು ಸೇಫ್ಟಿ ಕಾರಣಕ್ಕೆ. ಏರ್​ ಬ್ಯಾಗ್ ವಿಚಾರ ಇರ್ಬಹುದು, ಅಥವಾ ಕಾರನ್ನ ತುಂಬಾನೇ ಸ್ಟ್ರಾಂಗ್​ ಆಗಿ ಡಿಸೈನ್​ ಮಾಡಿದ್ದಾರೆ ಅಂತಲೂ ಇರಬಹುದು. ಎಲ್ಲಾ ಲೆಕ್ಕಾಚಾರದಲ್ಲೂ ವೋಲ್ವೋದಂಥಾ ಕಾರು ಸೇಫ್ಟಿ ನೀಡುತ್ತದೆ. ಯಾರೋ ಎದುರಿಗೆ ಬಂದು ಗುದ್ದಿದ್ದಿದ್ದರೇ ಬದುಕುಳಿಯುತ್ತಿದ್ದರೋ? ಏನೋ? ಆದರೇ ವಿಧಿ ಆಟ ಕಂಟೈನರ್​​ ಕಾರಿನ ಮೇಲೆ ಬಿದ್ದು ಇಡೀ ಕುಟುಂಬವನ್ನೇ ಬಲಿ ಪಡೆದಿದೆ.
ಮುದ್ದು ಮುದ್ದಾಗಿ ಓಡಾಡುತ್ತಿದ್ದ ಕಂದಮ್ಮಗಳ ಆ ಮೃತ ದೇಹಗಳನ್ನು ಆಂಬ್ಯಲೆನ್ಸ್​ಗೆ ತುಂಬಿದ ಸಿಬ್ಬಂದಿಯೇ ಕ್ಷಣಕಾಲ ಕಣ್ಣೀರಿಟ್ಟಿದ್ದರು. ಕಂಟೈನರ್​​ ಎಂಥಾ ತಣ್ಣನೆಯ ಕ್ರೌರ್ಯಗೈದಿತ್ತು ಅಂದರೆ ಮೃತ ದೇಹದ ಮರ್ಮಾಂಗಗಳಿಂದಲೂ ರಕ್ತಸ್ರಾವ ಆಗಿರುವುದು ಕಂಡುಬಂದಿದೆ.

ಇದನ್ನೂ ಓದಿ:ಮಳವಳ್ಳಿಯಲ್ಲಿ ಭೀಕರ ಅಪಘಾತ.. ಮೂವರು IIT ವಿದ್ಯಾರ್ಥಿಗಳ ದುರಂತ; ಹೃದಯ ವಿದ್ರಾವಕ ಘಟನೆ

ಆರು ವರ್ಷದ ಕಂದಮ್ಮನ ದೃಶ್ಯವಂತೂ ಕಣ್ಣಿಂದ ನೋಡೋದಕ್ಕೆ ಆಗೋದೇ ಇಲ್ಲ. ಊರಿಗೆ ಹೋಗಿ ಹಾವು ಏಣಿ ಆಟ ಆಡಬೇಕು ಅಂತ ಬಯಸಿದ್ರೋ? ಏನೋ? ಆದರೇ, ಕಂಟೈನರ್​ ಬಿದ್ದ ಏಟಿಗೆ ಆಟ ಆಡಬೇಕಿದ್ದ ಕಂದಮ್ಮಗಳು ಸಾವನ್ನಪ್ಪಿವೆ. ಹಾವು ಏಣಿ ಆಟದ ಚಾರ್ಟ್​​ ಮಾತ್ರ ತಣ್ಣನೆಯ ಕ್ರೌರ್ಯದ ಭೀಕರ ಅಪಘಾತದ ಕಥೆ ಹೇಳುತ್ತಿದೆ. ಇನ್ನು, ತಮಗೆ ಅನ್ನ ನೀಡುತ್ತಿದ್ದ ಮಾಲೀಕ ಸತ್ತ ಅನ್ನೋದು ಗೊತ್ತಾದ ಕೂಡಲೇ ಸ್ಥಳಕ್ಕೆ ಆಗಮಿಸಿದಿ ಚಂದ್ರಮ್ ಕಂಪನಿಯ ಸಿಬ್ಬಂದಿ ಬಿಕ್ಕಳಿಸುತ್ತಲೇ ಹೇಳಿದ ಮಾತುಗಳು ಹೃದಯ ಹಿಂಡುವಂತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ