ಬೆಂಗಳೂರು ರಸ್ತೆಗಳಲ್ಲಿ ಮೀನುಗಳು! ಬಲೆ ಹಾಕಿದ ಜನ; ರಣ ಮಳೆಯ ಅನಾಹುತದ 10 ಫೋಟೋಗಳು..!

ಬೆಂಗಳೂರಲ್ಲಿ ಇಂದು ಬೆಳಗ್ಗೆ ರಣ ಭಯಂಕರ ಮಳೆಯಾಗಿದೆ. ಅಬ್ಬರಿಸಿ ಬೊಬ್ಬಿರಿದ ಹೊಡೆತಕ್ಕೆ ಜನ ಜೀವನ ಅಸ್ತವ್ಯಸ್ತಗೊಂಡಿದೆ. ನಿರಂತರವಾಗಿ ಸಿಲಿಕಾನ್ ಸಿಟಿಯಲ್ಲಿ ಸಂಚಾರ ಮಾಡ್ತಿರೋ ವರುಣ ಸಾಕಷ್ಟು ಅವಾಂತರಕ್ಕೂ ಕಾರಣವಾಗಿದ್ದಾನೆ.

ಎಲ್ಲೆಲ್ಲಿ ಏನೇನು ಆಗಿದೆ..?
ಬ್ಯಾಟರಾಯನಪುರದ ನಾಗದೇವನಹಳ್ಳಿ ಬಡಾವಣೆಯಲ್ಲಿ ಮಳೆ ನೀರಿನಿಂದಾಗಿ ಕೆರೆಯಂತಾಗಿದೆ. ಮನೆಗಳಿಗೆ ಹೋಗೋದಕ್ಕೂ ನಿವಾಸಿಗಳು ಹರಸಾಹಸ ಪಟ್ಟಿದ್ದಾರೆ. ಮಳೆ ನೀರು ಹೊರ ಹೋಗುವುದಕ್ಕೆ ಸೂಕ್ತ ವ್ಯವಸ್ಥೆ ಇಲ್ಲದ ಕಾರಣ ಪ್ರತಿ ಬಾರಿ ಮಳೆಯಾದಾಗ್ಲೂ ನಿವಾಸಿಗಳಿಗೆ ಸಂಕಷ್ಟ ತಪ್ಪುತ್ತಿಲ್ಲ.

ನೀರಿನ ಜೊತೆಗೆ ಮೀನು
ಮಳೆ ನೀರಿನ ಜೊತೆಗೆ ಬೆಂಗಳೂರಿಗರಿಗೆ ಮೀನುಗಳು ಕೂಡ ರಸ್ತೆಯಲ್ಲಿ ಸಿಗುತ್ತಿವೆ. RR ನಗರದ ಗಟ್ಟಿಗೆರೆ ಮೈನ್ ರೋಡಲ್ಲಿ ಮೀನು ಪ್ರತ್ಯಕ್ಷವಾಗಿದೆ. ನಗರದ ರಸ್ತೆಯಲ್ಲಿಯೇ ಮೀನು ಜನರು ಮೀನು ಹಿಡಿದಿದ್ದಾರೆ.

ಓಕಳಿಪುರಂ ಅಂಡರ್​ಪಾಸ್​ನಲ್ಲಿ ಭಯಾನಕ ರೀತಿಯಲ್ಲಿ ನೀರು ನಿಂತಿದೆ. ಕೆರೆಯಂತಾದ ರಸ್ತೆಯಲ್ಲಿ ಸವಾರರ ಪರದಾಟ ನಡೆಸ್ತಿದ್ದಾರೆ. ಮಳೆಯಿಂದಾಗಿ ಅರ್ಧ ದಾರಿಯಲ್ಲೇ ಆಟೋ, ಕಾರುಗಳು ಕೆಟ್ಟು ನಿಂತಿವೆ.

ಅಷ್ಟೇ ಅಲ್ಲ ಕೆಆರ್​ ಮಾರುಕಟ್ಟೆ, ಡಬಲ್ ರೋಡ್, ಟೌನ್ ಹಾಲ್, ಹನುಮಂತನಗರ, ಜೆಸಿ ರೋಡ್, ಶಾಂತಿನಗರ, ಸಿದ್ದಾಪುರ, ಲಾಲ್​ಬಾಗ್, ಸುಂಕದ ಕಟ್ಟೆ, ಯಶವಂತಪುರ, ಮೆಜೆಸ್ಟಿಕ್, ಚಿಕ್ಕಪೇಟೆ, ರಾಜಾಜಿನಗರ, ಆರ್​​ಆರ್​ ನಗರ ಸೇರಿಂದಂತೆ ನಗರದ ಬಹುತೇಕ ಭಾಗಗಳಲ್ಲಿ ಭಾರೀ ಮಳೆಯಾಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ