ಜನಬಲ, ಧನಬಲ ಗಟ್ಟಿಯಾಗುವ ದಿನ, ಪ್ರೇಮಿಗಳ ಮಧ್ಯೆ ಬೇಸರ; ಇಲ್ಲಿದೆ ಇಂದಿನ ಭವಿಷ್ಯ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ಕ್ರೋಧಿನಾಮ ಸಂವತ್ಸರ, ದಕ್ಷಿಣಾಯಣ, ಶರದೃತು, ಆಶ್ವೀಜ ಮಾಸ, ಕೃಷ್ಣ ಪಕ್ಷ, ಷಷ್ಠೀ-ಸಪ್ತಮಿ ತಿಥಿ, ಆರಿದ್ರಾ ನಕ್ಷತ್ರ, ರಾಹುಕಾಲ ಬುಧವಾರ ಮಧ್ಯಾಹ್ನ 12.00 ರಿಂದ 1.30 ರವರೆಗೆ ಇರಲಿದೆ.

ಮೇಷ ರಾಶಿ

• ಹಣಕಾಸಿನ ವ್ಯವಸ್ಥೆ ಬಹಳ ಅನುಕೂಲವಾಗಿರುವ ದಿನವಾಗಿದೆ
• ಹಣವನ್ನು ಅವಲಂಬಿಸಿ ಮಾಡುವ ಯೋಜನೆಗಳು ಇಂದು ಒಳಿತಾಗುತ್ತದೆ
• ವ್ಯಾಪಾರ, ವ್ಯವಹಾರದ ದೃಷ್ಟಿಯಿಂದ ಪ್ರಯಾಣ ಮಾಡಲು ಶುಭದಿನ
• ಸಾಂಸಾರಿಕ ಅನುಕೂಲಗಳು ಹೆಚ್ಚಾಗುವ ದಿನ
• ಇಂದು ನಿಮಗೆ ಸಂಪೂರ್ಣವಾಗಿ ಶುಭದಿನ
• ಬಾಕಿ ಬರಬೇಕಾದ ಹಣವು ಇಂದು ನಿಮ್ಮ ಕೈಸೇರುವ ಸಾಧ್ಯತೆ ಇದೆ
• ಕುಲದೇವತಾ ಆರಾಧನೆ ಮಾಡಿ

ವೃಷಭ

• ಈ ದಿನ ಕೆಲಸದಲ್ಲಿ ವಿಶೇಷವಾಗಿ ಆದಾಯ ಹೆಚ್ಚಾಗುವ ಸಾಧ್ಯತೆ ಇದೆ
• ಸರ್ಕಾರಿ ಕೆಲಸ ತುಂಬಾ ವಿಳಂಬವಾಗುವ ಸಾಧ್ಯತೆ ಇದೆ
• ಜನರು ನಿಮ್ಮನ್ನು ನೋಡಿದ್ರೆ ಇವರಿಗೆ ಯಾವ ಕೆಲಸವನ್ನು ಮಾಡಿಕೊಡಬಾರದು ಅನ್ನೋ ಮನಸ್ಥಿತಿಗೆ ತಲಪುತ್ತಾರೆ
• ನಿಮ್ಮ ಕೆಲಸವನ್ನು ಜಾಗರೂಕತೆಯಿಂದ ಮಾಡಿ
• ಈ ದಿನ ಒಳ್ಳೆಯ ಆಹಾರ ಸ್ವೀಕರಿಸುತ್ತೀರಿ
• ಮನಸ್ಸಿಗೆ ಸಂತೋಷ ಸಿಗುವಂತಹ ದಿನವಾಗಿರತ್ತದೆ
• ಕೆಲವೊಂದು ಕೆಲಸ ವಿಳಂಬವಾಗಿ ಮನೆಯವರಿಗೆಲ್ಲಾ ಆತಂಕ ಉಂಟಾಗುವ ದಿನ
• ವಿನಾಕಾರಣ ಹಣವನ್ನು ದುಂದುವೆಚ್ಚ ಮಾಡಬೇಡಿ
• ಇಂದು ಹಣವನ್ನು ಎಷ್ಟು ಉಳಿಸಿದರೂ ಅಷ್ಟು ಒಳ್ಳೆಯದು
• ಶಿವಮಂತ್ರ ಪಠನೆ ಮಾಡಿ

ಮಿಥುನ

• ಬೇರೆಯವರ ವಿಷಯಕ್ಕೆ ತಲೆಕೆಡಿಸಿಕೊಳ್ಳದೆ ದೂರವಿದ್ದರೆ ಒಳ್ಳೆಯದು
• ಸ್ತ್ರೀಯರಿಗೆ ಕಾಲಿನ ಚರ್ಮ ವ್ಯಾಧಿ ಕಾಡಬಹುದು ಜಾಗ್ರತೆವಹಿಸಿ
• ವಿವಾದಾತ್ಮಕ ವಿಚಾರಗಳಲ್ಲಿ ತೊಡಗಿಸಿಕೊಳ್ಳಬೇಡಿ ಜಾಗ್ರತೆ
• ಪತಿ-ಪತ್ನಿಯರ ಸಂಬಂಧ ಪ್ರಭಾವ ಬೀರುವಂತದ್ದು
• ಪ್ರೇಮಿಗಳು ಹಿಂದಿನ ದ್ವೇಷ ಬಿಟ್ಟು ಅನ್ಯೋನ್ಯತೆ ಕಾಪಾಡಿಕೊಂಡರೆ ಒಳಿತು
• ಸೂರ್ಯನಾರಾಯಣನನ್ನು ಪ್ರಾರ್ಥಿಸಿ

ಕಟಕ

• ಇಂದು ಹೊಸತನ್ನು ಕಲಿಯುವ ಮನಸ್ಥಿತಿ ನಿಮ್ಮದಾಗಿರುತ್ತದೆ
• ಕೆಲಸದಲ್ಲಿ ಗೌರವ ಸಿಕ್ಕಿದ್ರೂ ಸಹೋದ್ಯೋಗಿಗಳ ವರ್ತನೆ ನಿಮಗೆ ಬೇಸರ ತರಬಹುದು
• ನಿಮ್ಮ ಗುರಿಯ ಬಗ್ಗೆ ಹೆಚ್ಚಿನ ಗಮನ ಕೊಡಿ
• ನೀವು ಅಂದುಕೊಂಡ ಕೆಲಸವನ್ನು ಸಾಧಿಸಲು ಒಳ್ಳೆಯದಿನ
• ನೀವೂ ಕೂಡ ವೈದ್ಯರ ಸಲಹೆ ಪಡೆಯಬೇಕಾಗಿ ಬರಬಹುದು
• ಕುಟುಂಬ ಸದಸ್ಯರ ಆರೋಗ್ಯ ವ್ಯತ್ಯಯವಾಗಬಹುದು ಗಮನವಿರಲಿ
• ವಿದ್ಯಾರ್ಥಿಗಳಿಗೆ ಇಂದು ತುಂಬಾ ಉತ್ತಮವಾದ ದಿನ
• ನಿಮ್ಮ ಪ್ರತಿಭೆಗೆ ತಕ್ಕ ಪುರಸ್ಕಾರ, ಮಾನ್ಯತೆ ದೊರೆಯುವ ದಿನವಾಗಿದೆ
• ಉಮಾಮಹೇಶ್ವರರನ್ನು ಪ್ರಾರ್ಥಿಸಿ

ಸಿಂಹ

• ಇಂದು ಎಲ್ಲಾ ದೃಷ್ಟಿಯಿಂದ ಅನುಕೂಲಕರವಾದ ಶುಭ ದಿನ
• ನಿಮ್ಮ ಬುದ್ಧಿವಂತಿಕೆಯಿಂದ ಹಣವನ್ನು, ಜನರನ್ನು ಸಂಪಾದಿಸುವ ದಿನ
• ಸಹೋದರರನ್ನು, ಸಂಬಂಧಿಕರನ್ನು ಈ ದಿನ ಸಂತೋಷ ಪಡಿಸುತ್ತೀರಿ
• ಹಳೆಯ ಅನುಭವಗಳು ಇಂದು ಎಲ್ಲಾ ರೀತಿಯಿಂದಲೂ ಉಪಯೋಗಕ್ಕೆ ಬರಬಹುದು
• ಹೊಸ ಕೆಲಸಗಳ ಬಗ್ಗೆ ಆಲೋಚನೆಗಳು ಬರುವ ಸಾಧ್ಯತೆ
• ಬೇರೆಯವರ ಜೊತೆ ವ್ಯವಹರಿಸುವುದು, ಪಾಲುದಾರಿಕೆ ಈ ದಿನ ಬೇಡ
• ಮನಸ್ಸಿನಲ್ಲಿ ಕಳವಳ ಹೊಂದಿ ಕೆಲಸಗಳನ್ನು ಅರ್ಧಕ್ಕೆ ನಿಲ್ಲಿಸಬೇಡಿ
• ದುರ್ಗಾದೇವಿಯನ್ನು ಆರಾಧಿಸಿ

ಕನ್ಯಾ

• ಇಂದು ಸಾಮಾಜಿಕ ಸ್ಥಾನಮಾನ ಹೆಚ್ಚಾಗುವ ದಿನ
• ನಿಮಗೆ ಜನಬಲ, ಧನಬಲ ನನ್ನ ಜೊತೆಯಲ್ಲಿದೆ ಅನ್ನೋ ಭಾವನೆ ಗಟ್ಟಿಯಾಗುವ ದಿನ
• ನಿಮ್ಮ ವಿರೋಧಿಗಳು, ಶತ್ರುಗಳು ಸಮಸ್ಯೆಗಳನ್ನು ಸೃಷ್ಟಿಸಿ ನಿಮ್ಮನ್ನ ಗೊಂದಲಕ್ಕೆ ಸಿಲುಕಿಸಬಹುದು ಜಾಗ್ರತೆ
• ನಿಮಗೆ ಆತಂಕ ಅನ್ನೋದು ತಪ್ಪಿದಲ್ಲಾ ಎಚ್ಚರಿಕೆ ಇರಲಿ
• ವಿದ್ಯುತ್​ ಉಪಕರಣದಿಂದ ಹಾನಿ ಉಂಟಾಗಬಹುದು ಎಚ್ಚರಿಕೆ
• ಮುನೇಶ್ವರನನ್ನು ಪ್ರಾರ್ಥಿಸಿ

ತುಲಾ

• ಉದ್ಯೋಗ ಮತ್ತು ವಿದ್ಯಾ ಕ್ಷೇತ್ರದಲ್ಲಿ ಅನೇಕ ದುಷ್ಟರು ಎದುರಾಗಬಹುದು ದೂರ ಇದ್ದರೆ ಒಳಿತು
• ಪ್ರೇಮಿಗಳ ಮಧ್ಯ ಘರ್ಷಣೆ ಉಂಟಾಗಬಹುದು ಗಮನಹರಿಸಿ
• ಈ ದಿನ ಹಣದ ಖರ್ಚನ್ನು ಕಡಿಮೆ ಮಾಡಿ
• ಉಳಿತಾಯದ ಹಣವೇ ಈ ದಿನ ಆದಾಯವಾಗಿ ಪರಿಣಮಿಸುತ್ತದೆ
• ಸಮಾಜದಲ್ಲಿನ ಪ್ರಭಾವಿ ವ್ಯಕ್ತಿಗಳಿಗೆ ಹಿನ್ನಡೆಯಾಗುವ ಸಾಧ್ಯತೆ ಇದೆ
• ಈಶ್ವರನ ಆರಾಧನೆ ಮಾಡಿ

ವೃಶ್ಚಿಕ

• ಇಂದು ಕುಟುಂಬದ ಸಮಸ್ಯೆಗಳು ಬಗೆಹರಿಯಬಹುದು
• ಮನಸ್ಸಿಗೆ ಹಿತ ಸಿಗುವ ದಿನವಾಗಿದೆ
• ಗೌಪ್ಯತೆ ಕಾಪಾಡಿಕೊಂಡು ಮಾಡ್ತಾ ಇದ್ದ ಕೆಲಸವು ಇಂದು ಫಲ ನೀಡಬಹುದು
• ಧಾರಾಳವಾಗಿ ಹಣ ಖರ್ಚುಮಾಡಬೇಕಾಗುವ ಸಂದರ್ಭ ಬರಬಹುದು
• ಆರೋಗ್ಯದ ಕಡೆ ನಿರ್ಲಕ್ಷ ಬೇಡ ಗಮನ ಕೊಡಿ
• ತಿರುಪತಿ ವೆಂಕಟೇಶ್ವರನನ್ನು ಪ್ರಾರ್ಥಿಸಿ

ಧನುಸ್ಸು

• ಇಂದು ವಿದ್ಯಾರ್ಥಿಗಳಿಗೆ ಪ್ರೋತ್ಸಾಹ ಧನ ಸಿಗುವ ಸಾಧ್ಯತೆ
• ನೌಕರರಿಗೆ ಬಡ್ತಿ, ಕೆಲಸಗಾರರಿಗೆ ಸಂಬಳ ಹೆಚ್ಚಾಗುವ ಸಾಧ್ಯತೆ
• ನಿಮ್ಮ ಮಾತಿನ ಮೇಲೆ ಜಾಗ್ರತೆ ಇರಲಿ
• ನಿಮ್ಮ ಮಾತಿನಿಂದ ವಿರೋಧ ವ್ಯಕ್ತವಾಗುವ ಸಾಧ್ಯತೆ
• ನಿಮ್ಮ ಆದಾಯಕ್ಕಿಂತ ಹೆಚ್ಚು ಖರ್ಚು ಸಾಧ್ಯತೆ ಜಾಗ್ರತೆ ಇರಲಿ
• ಇಂದ್ರಾಣಿ ದೇವಿಯನ್ನು ಪ್ರಾರ್ಥಿಸಿ

ಮಕರ

• ನಿಮ್ಮ ಸಹೋದ್ಯೋಗಿಗಳು, ಮಿತ್ರರು ನಿಮ್ಮ ಬಗ್ಗೆ ಸಂತೋಷ ವ್ಯಕ್ತಪಡಿಸುವ ಸಾಧ್ಯತೆ
• ನಿಮ್ಮ ಕಾರ್ಯಕ್ಷೇತ್ರದಲ್ಲಿ ಒತ್ತಡ, ಮಾನಸಿಕ ಕಿರಿಕಿರಿ ಸಾಧ್ಯತೆ
• ಕುಟುಂಬ ಸದಸ್ಯರ ಆರೋಗ್ಯದ ಬಗ್ಗೆ ಹೆಚ್ಚು ಗಮನವಿರಲಿ
• ಇಂದು ಕೆಲಸ ಹೆಚ್ಚು ಸುಸ್ತಾಗುವ ಸಾಧ್ಯತೆ
• ಹನುಮಂತನನ್ನು ಪ್ರಾರ್ಥಿಸಿ

ಕುಂಭ

• ಇಂದು ಯಾವ ಕೆಲಸದಲ್ಲೂ ಆತುರದ ನಿರ್ಧಾರ ಬೇಡ
• ಕುಟುಂಬದ, ಬಂಧುಗಳ ಅಥವಾ ಸ್ನೇಹಿತರ ಮನೆಯಲ್ಲಿ ಹಿರಿಯರ ಆರೋಗ್ಯ ಚಿಂತಾಜನಕ ಸಾಧ್ಯತೆ
• ನಿಮ್ಮ ಯೋಜನೆಗಳ ಬಗ್ಗೆ ಸರಿಯಾಗಿ ಯೋಚಿಸಿ ತೀರ್ಮಾನ ತೆಗೆದುಕೊಳ್ಳಿ
• ವಿದೇಶ ಪ್ರಯಾಣಕ್ಕೆ ಹೊರಟವರಿಗೆ ಸ್ವಲ್ಪ ಅಡ್ಡಿಯಾಗಬಹುದು
• ವಿದೇಶದಿಂದ ಇಲ್ಲಿಗೆ ಬರುವಂತಹ ವ್ಯಕ್ತಿಗಳಿಗೂ ಇದು ಅನ್ವಯವಾಗುತ್ತದೆ
• ನಿಮ್ಮ ಮಕ್ಕಳಿಗೆ ಸರಿಯಾದ ರೀತಿಯಲ್ಲಿ ಸಮಾಧಾನ ಹೇಳಿ
• ಈಶ್ವರನ ಆರಾಧನೆ ಮಾಡಿ

ಮೀನ

• ನಿಮಗೆ ಗೊತ್ತಿಲ್ಲದ ಭಯ ನಿಮ್ಮನ್ನು ತುಂಬಾ ಕಾಡಬಹುದು, ಹೆದರಿಕೆ ಬೇಡ
• ಇಂದು ನಿಮ್ಮ ದಿನಚರಿ ಸ್ವಲ್ಪ ಅಸ್ತವ್ಯಸ್ತವಾಗಬಹುದು
• ಇಂದು ವ್ಯರ್ಥವಾಗಿ ಓಡಾಡುವುದನ್ನು ಕಡಿಮೆ ಮಾಡಿ
• ಸಮಯಕ್ಕೆ ಸರಿಯಾಗಿ ನಿಮ್ಮ ಕಾರ್ಯಕ್ಷೇತ್ರ ಅಥವಾ ಕೆಲಸಕ್ಕೆ ಹೋದರೆ ಗೌರವ ಸಿಗುತ್ತದೆ
• ಇಂದು ಯಾವುದೇ ರೀತಿಯ ವಾದ-ವಿವಾದಗಳು ಬೇಡ
• ಇಷ್ಟದೇವತಾರಾಧನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ