10 ವರ್ಷಗಳಿಂದ ಪವಿತ್ರಾ ಗೌಡ ಜೊತೆ ಲಿವ್ ಇನ್ ರಿಲೇಷನ್​ಶಿಪ್

ಆರ್​ಆರ್​ ನಗರದ ನನ್ನ ಮನೆಯಿಂದ 1.5 ಕಿ.ಮೀ. ದೂರದಲ್ಲಿದ್ದಾರೆ!

ಪವನ್, ನನ್ನ ಹಾಗೂ ಪವಿತ್ರಾ ಮನೆಯಲ್ಲಿ ಕೆಲಸ ಮಾಡ್ತಾನೆ ಎಂದ ದರ್ಶನ್​​

ಬೆಂಗಳೂರು: ರೇಣುಕಾಸ್ವಾಮಿ ಪ್ರಕರಣದಲ್ಲಿ ಜೈಲು ಸೇರಿರುವ ನಟ ದರ್ಶನ್ ಸೇರಿ 17 ಆರೋಪಿಗಳ ನ್ಯಾಯಾಂಗ ಬಂಧನದ ಅವಧಿ ವಿಸ್ತರಣೆ ಮಾಡಲಾಗಿದೆ. ಇಂದು ವಿಚಾರಣೆ ನಡೆದ 24ನೇ ACMM ಕೋರ್ಟ್​​ ಡಿ ಗ್ಯಾಂಗ್​ಗೆ ಮತ್ತೆ ಮೂರು ದಿನಗಳ ಕಾಲ ನ್ಯಾಯಾಂಗ ಬಂಧನ ಅವಧಿ ವಿಸ್ತರಿಸಿ ಆದೇಶ ನೀಡಿದೆ. ಇದರ ಮಧ್ಯೆ ಚಾರ್ಜ್​​ಶೀಟ್​​​ ಪ್ರತಿ ಲಭ್ಯವಾಗಿದ್ದು, ನಟ ದರ್ಶನ್​​​ ಹತ್ಯೆ ನಡೆದ ದಿನ ಆಗಿದ್ದೇನು? ಎಂದು ಪೊಲೀಸ್ರ ಮುಂದೆ ಬಾಯ್ಬಿಟ್ಟಿದ್ದಾರೆ.

ಪೊಲೀಸ್ರ ಮುಂದೆ ದರ್ಶನ್​ ಹೇಳಿದ್ದೇನು? ಚಾರ್ಜ್​ಶೀಟ್​​ನಲ್ಲಿ ಇರೋದೇನು?

• 10 ವರ್ಷಗಳಿಂದ ಪವಿತ್ರಾ ಗೌಡ ಜೊತೆ ಲಿವ್ ಇನ್ ರಿಲೇಷನ್​ಶಿಪ್
• ಆರ್​ಆರ್​ ನಗರದ ನನ್ನ ಮನೆಯಿಂದ 1.5 ಕಿ.ಮೀ. ದೂರದಲ್ಲಿದ್ದಾರೆ
• ಪವನ್, ನನ್ನ ಹಾಗೂ ಪವಿತ್ರಾ ಮನೆಯಲ್ಲಿ ಕೆಲಸ ಮಾಡುತ್ತಾನೆ
• 8 ವರ್ಷಗಳಿಂದ ಮನೆ ನೋಡಿಕೊಳ್ಳುವ ಕೆಲಸ ಮಾಡುತ್ತಿದ್ದಾನೆ
• ನಂದೀಶ್ ಆಗಾಗ ನನ್ನ ಮನೆಯ ಬಳಿ ಬರುತ್ತಿದ್ದ, ನನ್ನ ಅಭಿಮಾನಿ
• ಲಕ್ಷ್ಮಣ್ 15 ವರ್ಷಗಳಿಂದ ನನ್ನ ಬಳಿ ಕಾರ್ ಡ್ರೈವರ್ ಆಗಿದ್ದಾರೆ
• ವಿನಯ್ 3-4 ವರ್ಷಗಳಿಂದ ಕಾಮನ್ ಫ್ರೆಂಡ್​ಗಳಿಂದ ಪರಿಚಯ
• ಆಗಾಗ ನಮ್ಮ ಮನೆಗೆ ಬಂದು ಹೋಗುತ್ತಿದ್ದ ವಿನಯ್
• ಮೈಸೂರಿನ ಫಾರ್ಮ್​ ಹೌಸ್​ನ ನಾಗರಾಜ್ ನೋಡಿಕೊಳ್ಳುತ್ತಾರೆ
• ವಿನಯ್ ಸ್ನೇಹಿತ ದೀಪಕ್, ಪರಿಚಯವಾಗಿದ್ದೂ ವಿನಯ್​ರಿಂದಲೇ
• 16 ವರ್ಷಗಳಿಂದ ಪ್ರದೂಷ್ ಪರಿಚಯ, ಆಗಾಗ ಮನೆಗೆ ಬರ್ತಿದ್ದ
• ಚಿತ್ರದುರ್ಗದ ರಾಘವೇಂದ್ರ @ ರಘು ಕೂಡ ನನ್ನ ಅಭಿಮಾನಿ
• ದರ್ಶನ್ ಅಭಿಮಾನಿ ಸಂಘ ಕಟ್ಟಿಕೊಂಡು ಅದರ ಅಧ್ಯಕ್ಷನಾಗಿದ್ದಾನೆ
• ವಿಶೇಷ ಸಂದರ್ಭಗಳಲ್ಲಿ ನನ್ನ ಮನೆಗೆ ರಘು ಬಂದು ಹೋಗುತ್ತಿದ್ದ
• ಚಿತ್ರ ನಟರಾಗಿರುವ ಚಿಕ್ಕಣ್ಣ, ಬುಲ್​ಬುಲ್ ಚಿತ್ರದ ಸಮಯದಲ್ಲಿ ಪರಿಚಯ
• ಚಿತ್ರ ನಟ ಯಶಸ್ ಸೂರ್ಯ ಸಹ ನಮ್ಮ ಜೊತೆಯಲ್ಲಿ ಸಂಪರ್ಕದಲ್ಲಿರ್ತಾರೆ
• ಶನಿವಾರ 8ನೇ ತಾರೀಕು ವರ್ಕೌಟ್ ಮುಗಿಸಿ ಮನೆಯಲ್ಲಿದ್ದೆ
• ಮಧ್ಯಾಹ್ನ ಪ್ರದೂಷ್ ಹಾಗೂ ನಾಗರಾಜ್ ಜೊತೆ ಹೋಗಿದ್ದೆ
• ಇಬ್ಬರ ಜೊತೆಗೆ ಸ್ಟೋನಿ ಬ್ರೂಕ್ಸ್ ರೆಸ್ಟೋರೆಂಟ್​ಗೆ ಹೋಗಿದ್ದೆ
• ರೆಸ್ಟೋರೆಂಟ್​ನಲ್ಲಿ ವಿನಯ್, ಯಶಸ್ ಸೂರ್ಯ ಇದ್ದರು
• ನಾನು ಹೋದ ನಂತರ ರೆಸ್ಟೋರೆಂಟ್​ಗೆ ಚಿಕ್ಕಣ್ಣ ಸಹ ಬಂದರು
• ಅಲ್ಲೇ ಮಧ್ಯಾಹ್ನ ಊಟ ಮಾಡಿ, ಟೇಬಲ್ ಬಳಿ ಕುಳಿತು ಮಾತು
• ಮಧ್ಯಾಹ್ನ 3 ಗಂಟೆಗೆ ಪವನ್ ನನ್ನ ಬಳಿ ಬಂದು ಮೊಬೈಲ್ ತೋರಿಸಿದ್ದ
• ಪವಿತ್ರಾ ಅಕ್ಕನಿಗೆ ಗೌತಮ್ .ಎಸ್ ಎನ್ನುವವನಿಂದ ಫೋಟೋಗಳು
• ಹಲವು ದಿನದಿಂದ ಖಾಸಗಿ ಅಂಗಾಂಗದ ಫೋಟಗಳು ಕಳುಹಿಸುತ್ತಿದ್ದ
• ನಿನ್ನ ರೇಟ್ ಎಷ್ಟು, ರೂಮ್ ಮಾಡ್ತೇನೆ, ನೀ ಬಾ, ನಾನು ಚೆನ್ನಾಗಿದ್ದೇನೆ
• ಪವಿತ್ರಾಗೆ ಮೆಸೇಜ್ ಮಾಡುತ್ತಿದ್ದ ಅಂತ ಮೊಬೈಲ್ ತೋರಿಸಿದ್ದ
• ಚಿತ್ರದುರ್ಗದ ರೇಣುಕಾಸ್ವಾಮಿ ಎಂಬ ವ್ಯಕ್ತಿ ಮೆಸೇಜ್​ಗಳನ್ನ ಮಾಡ್ತಿದ್ದ
• ರಘು ಮತ್ತವನ ಸ್ನೇಹಿತರು ಕಿಡ್ನಾಪ್ ಮಾಡಿ ಕರೆದುಕೊಂಡು ಬಂದಿದ್ದಾರೆ
• ಪಾರ್ಕಿಂಗ್ ಶೆಡ್​ನಲ್ಲಿ ಇಟ್ಟಿದ್ದಾರೆ ಅಂತ ಪವನ್ ಮಾಹಿತಿ ಕೊಟ್ಟಿದ್ದ
• ನಾನು, ವಿನಯ್, ಪ್ರದೂಷ್, ಸ್ಕಾರ್ಪಿಯೋದಲ್ಲಿ ಪವಿತ್ರಾ ಮನೆಗೆ
• ಪವಿತ್ರಾ ಕರೆದುಕೊಂಡು ಸಂ.4.30ಕ್ಕೆ ಯಾರ್ಡ್​ಗೆ ನಾವು ತಲುಪಿದ್ವಿ
• ನಾವು ಕೆಳಗೆ ಇಳಿಯುತ್ತಿದ್ದಂತೆ ಪವನ್ ನಮ್ಮ ಬಳಿಗೆ ಬಂದಿದ್ದ
• ವಾಹನದ ಬಂಪರ್​ಗೆ ಒರಗಿಕೊಂಡಿದ್ದ ಒಬ್ಬ ವ್ಯಕ್ತಿಯನ್ನ ತೋರಿಸಿದ
• ಪವಿತ್ರಾ ಅಕ್ಕನಿಗೆ ಮೆಸೇಜ್ ಕಳಿಸಿದ ವ್ಯಕ್ತಿ ಇವನೇ ಅಂತ ಹೇಳಿದ
• ರಘು, ದೀಪು, ನಂದೀಶ್ ಕೂಡ ಈ ಸಮಯದಲ್ಲಿ ಅಲ್ಲೇ ಇದ್ರು
• ನಾನು ನೋಡಿದಾಗ, ಆತ ಬಹಳ ಆಯಾಸಗೊಂಡವನಂತೆ ಇದ್ದ
• ಬ್ಲೂ ಜೀನ್ಸ್ ಪ್ಯಾಂಟ್ ಹಾಗೂ ಶರ್ಟ್ ಹಾಕಿಕೊಂಡಿದ್ದ ಆ ವ್ಯಕ್ತಿ
• ನಾನು ಬರುವ ಮೊದಲು ಆತನಿಗೆ ಹೊಡೆದಂತೆ ಕಂಡು ಬಂತು
• ಇದನ್ನ ಕಳುಹಿಸಿದ್ದು ನೀನೇನಾ ಅಂತ ನಾನು ಆತನಿಗೆ ಕೇಳಿದೆ
• ಅದಕ್ಕೆ ಅವನು, ಹೌದು ನಾನೆ ಕಳಿಸಿದ್ದು ಅಂತ ಉತ್ತರಿಸಿದ
• ಇದು ನಿನಗೆ ಬೇಕಾ? ನಿನ್ನ ಸಂಬಳ ಎಷ್ಟು ಅಂತ ನಾನು ಕೇಳಿದೆ
• 20 ಸಾವಿರ ಸಂಬಳದಲ್ಲಿ ಇವ್ಳನ್ನ ಮೆಂಟೇನ್ ಮಾಡೋಕಾಗುತ್ತಾ?
• ಈ ರೀತಿ ಕೆಟ್ಟದಾಗಿ ಬಾ ಅಂತ ಮೆಸೇಜ್ ಮಾಡಿದ್ದೀಯಲ್ಲಾ ಅಂತ ಕೇಳ್ದೆ
• ನಾನು ಕೇಳಿದ ಪ್ರಶ್ನೆಗೆ ಆತ ಏನನ್ನೂ ಮಾತನಾಡಲಿಲ್ಲ – ದರ್ಶನ್
• ಕೈನಿಂದ ಹೊಡೆದೆ, ಕಾಲಿನಿಂದ ಎದೆ, ಕುತ್ತಿಗೆ, ತಲೆಗೆ ಬಲವಾಗಿ ಹೊಡೆದೆ
• ಬಾಗಿದ್ದ ಮರದ ಕೊಂಬೆ ಮುರಿದು ಅದರಲ್ಲೂ ಆತನಿಗೆ ಹೊಡೆದೆ
• ನನ್ನ ಕೈಗಳಿಂದಲೂ ಆತನಿಗೆ ನಾನು ಒಂದೆರಡು ಏಟು ಗುದ್ದಿದೆ
• ನಂತರ ಕಾರ್​ನಲ್ಲಿ ಕುಳಿತಿದ್ದ ಪವಿತ್ರಾಳನ್ನ ಕರೆತರಲು ಹೇಳಿದೆ
• ನೋಡು ನೀನು ಮೆಸೇಜ್ ಮಾಡ್ತಿದ್ದವಳು ಇವಳೇನೆ ಅಂತ ಆತನಿಗೆ ಹೇಳ್ದೆ

ಇದನ್ನೂ ಓದಿ: ನಿನ್ನೆ ರಾತ್ರಿ ದರ್ಶನ್​​ಗೆ ಮತ್ತಷ್ಟು ಟೆನ್ಷನ್, ಬಿಡುವಿಲ್ಲದ ಚಡಪಡಿಕೆ.. ಕೋರ್ಟ್​​ನಲ್ಲಿ ಇಂದು ಮಹತ್ವದ ಬೆಳವಣಿಗೆ ನಿರೀಕ್ಷೆ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ