ಸ್ತ್ರೀಯರು ಇಂದು ಹೆಚ್ಚು ಹಣವನ್ನು ಖರ್ಚು ಮಾಡುತ್ತಾರೆ

ಚಿನ್ನ ಅಥವಾ ಬೆಳ್ಳಿಯ ಪದಾರ್ಥಗಳನ್ನು ಖರೀದಿಸುತ್ತೀರಿ

ನೀವು ಮಾಡಿದ ತಪ್ಪಿಗೆ ಬೇರೆಯವರನ್ನು ದೂಷಿಸಬೇಡಿ

ಉಜ್ವಲ ಬದುಕಿಗೆ ಒಂದು ಕನಸು.. ಆ ಸುಂದರ ಕನಸಿಗೆ ಉತ್ತಮ ಭವಿಷ್ಯ ಇರಬೇಕು. ರಾಶಿ ಯಾವುದಾಗಿದ್ದರೇನು? ಕನಸು ನನಸು ಮಾಡಿಕೊಂಡು ಬದುಕಿನ ಸಾರ್ಥಕತೆಯ ಫಲ ಅನುಭವಿಸಬೇಕು ಅಂದರೆ ಅದಕ್ಕೆ ಪರಿಶ್ರಮ ಬೇಕೇಬೇಕು. ಈ ಪರಿಶ್ರಮಕ್ಕೆ ಒಂದಷ್ಟು ಒಳ್ಳೆಯ ಕೆಲಸಗಳ ಅನಿವಾರ್ಯತೆ ಬೆಸೆದುಕೊಂಡು ಬರುತ್ತವೆ. ವ್ಯಾಪಾರ, ಉದ್ಯೋಗ, ಹಣ, ಮದುವೆ, ಸಮಾರಂಭ, ಪ್ರವಾಸ, ಪ್ರೀತಿ, ಪ್ರೇಮ ಸೇರಿದಂತೆ ಸುಂದರ ಕನಸಿನ ಸಾಕಾರಕ್ಕಾಗಿ ಅದೆಷ್ಟೋ ಮಂದಿ ರಾಶಿ ಭವಿಷ್ಯ ನೋಡುವ ವಾಡಿಕೆ ಇದೆ. ಆ ನಿಮ್ಮ ಭವಿಷ್ಯದ ರಾಶಿಫಲ ಇಲ್ಲಿದೆ. ಖ್ಯಾತ ತಾಳೇಗರಿ ತಜ್ಞರು ಹಾಗೂ ಜ್ಯೋತಿಷಿಯಾಗಿರುವ ಡಾ.ಬೆಳವಾಡಿ ಹರೀಶ ಭಟ್ಟರು ನೀಡಿರುವ ನಿಮ್ಮ ರಾಶಿ ಭವಿಷ್ಯ ಈ ಕೆಳಗಿನಂತಿದೆ. 

ಶ್ರೀ ಶೋಭಕೃತು ನಾಮಸಂವತ್ಸರ, ದಕ್ಷಿಣಾಯಣ, ವರ್ಷ ಋತು, ಭಾದ್ರಪದ ಮಾಸ, ಶುಕ್ಲ ಪಕ್ಷ, ದ್ವಾದಶಿ ತಿಥಿ, ಶ್ರವಣ ನಕ್ಷತ್ರ, ರಾಹುಕಾಲ ಶುಕ್ರವಾರ ಬೆಳಗ್ಗೆ 10.30 ರಿಂದ 12.00 ರವರೆಗೆ ಇರಲಿದೆ.

ಮೇಷ ರಾಶಿ

• ಮನೆಯಿಂದ ಹೊರಗೆ ಹೋದಾಗ ಆಹಾರ ಸೇವನೆ ಮಾಡುವುದು ಬೇಡ
• ಬಲವಂತವಾಗಿ ತಿಂದ ಆಹಾರದಿಂದ ತೊಂದರೆಯಾಗಬಹುದು
• ಯಾವಾಗಲೂ ಒಂದೇ ರೀತಿ ಇರಲು ಪ್ರಯತ್ನ ಮಾಡಿ
• ನಿಮ್ಮ ಒತ್ತಡವನ್ನು ಬೇರೆಯವರ ಮೇಲೆ ಹಾಕಬೇಡಿ
• ಇಂದು ನಿಮಗೆ ಬೇಸರವಾಗುವ ದಿನವಾಗಿರಲಿದೆ
• ಆರೋಗ್ಯದ ಕಡೆ ಗಮನ ಕೊಡಿ
• ಕುಲದೇವತಾರಾಧನೆ ಮಾಡಿ

ವೃಷಭ

• ಅತಿಯಾದ ಕೆಲಸದಿಂದ ಆಯಾಸವಾಗಬಹುದು
• ಬೇರೆಯವರ ಸಮಸ್ಯೆ ಪರಿಹರಿಸುವಲ್ಲಿ ಮಗ್ನರಾಗಿ ಬಿಡುತ್ತೀರಿ
• ಕುಟುಂಬ ಸದಸ್ಯರ ಕಡೆ ಗಮನ ಕೊಡಿ
• ಕಠಿಣ ಪರಿಶ್ರಮಕ್ಕೆ ತಕ್ಕ ಪ್ರತಿಫಲವಿದೆ
• ಶಿಸ್ತುಬದ್ದವಾಗಿರುವ ಮನೆಯ ವಾತಾವರಣವನ್ನು ಹಾಗೇ ಕಾಪಾಡಲು ಪ್ರಯತ್ನಿಸಿ
• ಪ್ರೇಮಿಗಳ ನಡುವೆ ಪರಸ್ಪರ ಜಗಳವಾಗಬಹುದು
• ಗಣಪತಿಗೆ ಬಿಳಿ ಎಕ್ಕದ ಹೂವನ್ನು ಸಮರ್ಪಿಸಿ

ಮಿಥುನ

• ಸಮಯಕ್ಕೆ ಹೆಚ್ಚಿನ ಬೆಲೆ ಕೊಡಿ ಅವಕಾಶ ವಂಚಿತರಾಗಬೇಡಿ
• ನಿಮ್ಮ ಜೊತೆಯಲ್ಲಿ ಕೆಲಸ ಮಾಡುವವರ ವರ್ತನೆಯಿಂದ ಮನಸ್ಸಿಗೆ ನೋವಾಗಬಹುದು
• ವಿದ್ಯಾರ್ಥಿಗಳ ನಡುವೆ ಜಗಳವಾಗಬಹುದು
• ಹೊಸ ಸ್ನೇಹಿತರ ವಿಚಾರ ಪ್ರಸ್ತಾಪವಾಗಲಿದೆ
• ಸದ್ಗುರು ಶ್ರೀಧರ ಸ್ವಾಮಿಗಳನ್ನು ಪ್ರಾರ್ಥಿಸಿ

ಕಟಕ

• ನೀವು ಮಾಡಿದ ತಪ್ಪಿಗೆ ಬೇರೆಯವರನ್ನು ದೂಷಿಸಬೇಡಿ
• ಸಂಬಂಧಿಕರ ಬಗ್ಗೆ ಒಳ್ಳೆಯ ಅಭಿಪ್ರಾಯವಿಲ್ಲದಿರುವುದು
• ಕೆಲವು ವಿಚಾರ ಮುನ್ನೆಲೆಗೆ ಬರಲಿದೆ
• ನೀವು ಮನೆಯವರ ಕೆಂಗಣ್ಣಿಗೆ ಗುರಿಯಾಗುತ್ತೀರಿ
• ಸಾಲದ ವಹಿವಾಟು ಈ ದಿನ ಬೇಡ
• ಮಕ್ಕಳ ಬಗ್ಗೆ ಹೆಚ್ಚು ಗಮನ ಹರಿಸಿ
• ನೀಲಕಂಠ ಶಿವನನ್ನು ಆರಾಧಿಸಿ

ಸಿಂಹ

• ಚಿನ್ನ ಅಥವಾ ಬೆಳ್ಳಿಯ ಪದಾರ್ಥಗಳನ್ನು ಖರೀದಿಸುತ್ತೀರಿ
• ಸಂಬಂಧಿಕರಲ್ಲಿರುವ ಉತ್ತಮವಾದ ಬಂಧುತ್ವವನ್ನು ಕಾಪಾಡಿಕೊಳ್ಳಿ
• ಸೈದ್ಧಾಂತಿಕವಾದ ವಿಷಯಗಳ ಬಗ್ಗೆ ಹೆಚ್ಚು ವಾದ-ವಿವಾದ ಮಾಡಿಕೊಳ್ಳಬೇಡಿ
• ಪ್ರಭಾವಿ ವ್ಯಕ್ತಿಗಳ ಸಂಪರ್ಕಕ್ಕೆ ನೀವು ಹತ್ತಿರವಾಗುವ ಸಾಧ್ಯತೆಗಳಿವೆ
• ಕಳಂಕ ರಹಿತವಾದ ಕೆಲಸಕ್ಕೆ ದೊಡ್ಡವರ ಸಹಾಯ ಪಡೆಯಿರಿ
• ಕುಲದೇವರನ್ನು ಸ್ಮರಣೆ ಮಾಡಿ

ಕನ್ಯಾ

• ಬಹಳ ದಿವಸದ ಆಸೆಯೊಂದು ನೆರವೇರಬಹುದು
• ನಿಮ್ಮ ಕೆಲಸದಲ್ಲಿ ನೀವು ಒಂಟಿಯಾಗಬಹುದು
• ತುಂಬಾ ಗಮನವಿಟ್ಟು ಕೆಲಸವನ್ನು ನಿರ್ವಹಿಸಬೇಕು
• ವಿದ್ಯಾರ್ಥಿಗಳಿಗೆ ಅತಿ ಒತ್ತಡದ ದಿನವಾಗಿರಲಿದೆ
• ವಿದ್ಯಾರ್ಥಿಗಳು ಸ್ಪರ್ಧಾತ್ಮಕ ಪರೀಕ್ಷೆಗಳ ಸಿದ್ಧತೆಯನ್ನು ಮಾಡುತ್ತಾರೆ
• ಇಂದು ಧ್ಯಾನದ ಮೊರೆ ಹೋಗಿ

ತುಲಾ

• ಸ್ತ್ರೀಯರು ಇಂದು ಹೆಚ್ಚು ಹಣವನ್ನು ಖರ್ಚು ಮಾಡುತ್ತಾರೆ
• ದುಬಾರಿ ಪದಾರ್ಥಗಳ ಖರೀದಿಯಲ್ಲಿ ತೊಡಗಬಹುದು
• ಅವಿವಾಹಿತರಿಗೆ ವಿವಾಹ ವಿಚಾರಕ್ಕೆ ಅವಕಾಶವಿದೆ
• ಮದುವೆ ವಿಚಾರ ಬಂದಾಗ ನಿಮ್ಮ ಮಾನಸಿಕ ಸ್ಥಿತಿ ಸರಿಯಾಗಿರುವುದಿಲ್ಲ
• ವ್ಯಾಪಾರ-ವ್ಯವಹಾರದಿಂದ ಉತ್ತಮ ಹಣ ಸಿಗಲಿದೆ
• ಚಾಲಕರಿಗೆ ಸೌಖ್ಯವಿದೆ ಲಾಭವಿದೆ
• ಸ್ತ್ರೀಯರು ಚಾಲಕ ವೃತ್ತಿಯನ್ನು ಮಾಡುತ್ತಿದ್ದರೆ ವಿಶೇಷ ಗೌರವ ಮತ್ತು ಧನಲಾಭ ಸಿಗಲಿದೆ
• ಕುಬೇರಲಕ್ಷ್ಮಿಯನ್ನು ಪ್ರಾರ್ಥಿಸಿ

ವೃಶ್ಚಿಕ

• ಹೊಟ್ಟೆಗೆ ಸಂಬಂಧಪಟ್ಟ ಆರೋಗ್ಯ ವ್ಯತ್ಯಯವಾಗಬಹುದು
• ಇದರ ಮಧ್ಯೆ ಕೆಲಸದ ಒತ್ತಡ ಹೆಚ್ಚಾಗಿರುತ್ತದೆ
• ನಂಬಿಕೆಯಿರುವವರ ಹತ್ತಿರ ವ್ಯವಹಾರದ ವಿಚಾರವನ್ನು ಚರ್ಚಿಸಿ
• ನಿಮ್ಮ ಯೋಜನೆಯಿಂದ ಬೇರೆಯವರಿಗೆ ಉಪಕಾರವಾಗಬಹುದು
• ಸಾಯಿಬಾಬಾರನ್ನು ಪ್ರಾರ್ಥನೆ ಮಾಡಿ

ಧನುಸ್ಸು

• ರಾಜಕೀಯ ವ್ಯಕ್ತಿಗಳಿಗೆ ಶುಭದಿನ
• ಕೈಯಲ್ಲಿ ತುಂಬಾ ಹಣ ಇರಲಿದೆ
• ನಿಮ್ಮ ಕೈಕೆಳಗೆ ಕೆಲಸ ಮಾಡುವವರಿಗೆ ಉಡುಗೊರೆಯನ್ನು ನೀಡುತ್ತೀರಿ
• ನಿಮ್ಮ ಬಗ್ಗೆ ಉತ್ತಮವಾದ ಪ್ರಶಂಸೆ ಸಿಗಲಿದೆ
• ಅವಿವಾಹಿತರಿಗೆ ಮದುವೆ ಮಾಡಿಸುವ ಭರವಸೆ ಕೊಡಬಹುದು
• ಸಂಜೆಯ ಹೊತ್ತಿಗೆ ಕಹಿ ಸುದ್ದಿ ಬರುವುದರಿಂದ ಮನಸ್ಸಿಗೆ ಬೇಸರವಾಗಬಹುದು
• ಶ್ರೀ ಕೃಷ್ಣನನ್ನು ಪ್ರಾರ್ಥಿಸಿ

ಮಕರ

• ಮನೆಯವರ ಒತ್ತಾಯದ ಮೇರೆಗೆ ಹೊಸ ವಾಹನ ಖರೀದಿಸಲು ಮುಂದಾಗಬಹುದು
• ಕುಟುಂಬದ ಸದಸ್ಯರಿಗೆ ಸಂತೋಷವನ್ನುಂಟು ಮಾಡುತ್ತೀರಿ
• ಹಿರಿಯರ ಆಕ್ಷೇಪಣೆಗೆ ಒಳಗಾಗಬಹುದು
• ಹೊಸ ತಂತ್ರಜ್ಞಾನದ ಬಳಕೆಯಿಂದ ಮನೆಯಲ್ಲಿ, ವೃತ್ತಿಯಲ್ಲಿ ಲಾಭದ ಸೂಚನೆ ಕಾಣಬಹುದು
• ಕರ್ತವ್ಯ ಮತ್ತು ಧರ್ಮದ ಬಗ್ಗೆ ಜಾಗೃತಿ ಮೂಡಿಸುವ ಕೆಲಸವನ್ನು ಮಾಡಿ
• ಮೊದಲು ಮಕ್ಕಳಿಗೆ ತಿಳುವಳಿಕೆ ನೀಡಿ
• ಲಕ್ಷ್ಮಿಯನ್ನು ಪ್ರಾರ್ಥನೆ ಮಾಡಿ

ಕುಂಭ

• ನಿಮ್ಮ ಪ್ರಾಮಾಣಿಕ ಹಾಗೂ ಶಿಸ್ತುಬದ್ಧ ಕೆಲಸವನ್ನು ಗಮನಿಸಿ ಮೇಲಾಧಿಕಾರಿಗಳು ಹೆಚ್ಚಿನ ಜವಾಬ್ದಾರಿಯನ್ನು ವಹಿಸಬಹುದು
• ಜನರಿಗೆ ನಿಮ್ಮ ಬಗ್ಗೆ ಒಳ್ಳೆಯ ಅಭಿಪ್ರಾಯ ಇರುವಂತಹ ದಿನವಾಗಿದೆ
• ಹೆಚ್ಚಿನ ವಿಚಾರ ಸಂಗ್ರಹಕ್ಕಾಗಿ ಅಧ್ಯಯನದ ಕಡೆಗೆ ಹೆಚ್ಚು ಗಮನ ನೀಡುತ್ತೀರಿ
• ನಿಮ್ಮ ತಂದೆ ತಾಯಿಯನ್ನು ಗೌರವ, ಸಂತೋಷದಿಂದ ನೋಡಿಕೊಳ್ಳಿ
• ತಂದೆ ತಾಯಿ ಸಂತೋಷವಾಗಿದ್ದರೆ ನಿಮ್ಮ ಕಾರ್ಯ ಸದಾ ಯಶಸ್ಸಿನದಾಗಿರಲಿದೆ
• ತಂದೆ ತಾಯಿಯನ್ನು ಮನಸಾರೇ ಪ್ರಾರ್ಥಿಸಿ

ಮೀನ

• ನೀವು ಮಾಡಬೇಕಾದ ಕೆಲಸವನ್ನು ಬೇರೆಯವರಿಗೆ ವಹಿಸಬೇಡಿ
• ನೀವು ನಿಮ್ಮ ಕೆಲಸ ಬೇರೆಯವರಿಗೆ ವಹಿಸುವುದರಿಂದ ನೀವು ನಷ್ಟವನ್ನು ಹೊಂದುವ ದಿನವಾಗಿರುತ್ತದೆ
• ಈ ನಷ್ಟದಿಂದ ನೀವು ದಂಡ ಕಟ್ಟ ಬೇಕಾಗಬಹುದು
• ಸಾಯಂಕಾಲದ ವೇಳೆಗೆ ಎದೆ ನೋವು ಕಾಣಿಸಿಕೊಳ್ಳಬಹುದು ಜಾಗ್ರತೆವಹಿಸಿ
• ಇಂದು ಹುಳಿ ಪದಾರ್ಥ ಸೇವಿಸಬೇಡಿ ಆರೋಗ್ಯದ ಕಡೆ ಗಮನವಿರಲಿ
• ಮಾರುತಿಯನ್ನು ಪ್ರಾರ್ಥನೆ ಮಾಡಿ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ