ಮೆಗಾ ಹರಾಜಿನಲ್ಲಿ ಸ್ಟಾರ್​ ಆಟಗಾರರನ್ನೇ ಖರೀದಿಸಿದ ಬೆಂಗಳೂರು; ಆರ್​​ಸಿಬಿ ತಂಡದ ಫೈನಲ್​​​​ ಲಿಸ್ಟ್​ ಹೀಗಿದೆ!

ಮುಂದಿನ ಸೀಸನ್​ನಲ್ಲಿ ಕಪ್​ ಗೆಲ್ಲೋ ಕನಸು ಈಡೇರಿಸಿಕೊಳ್ಳೋ ಲೆಕ್ಕಾಚಾರದಲ್ಲಿದ್ದ ಆರ್​​ಸಿಬಿ ತಂಡ ಮೆಗಾ ಆಕ್ಷನ್​ನಲ್ಲಿ ಹಣದ ಹೊಳೆಯನ್ನೇ ಹರಿಸಿದೆ. ಒಂದಲ್ಲ.. ಎರಡಲ್ಲ.. ಬರೋಬ್ಬರಿ 83 ಕೋಟಿ ಹಣವನ್ನ ಇಟ್ಟುಕೊಂಡು ಮೆಗಾ ಆಕ್ಷನ್​ ಅಖಾಡಕ್ಕಿಳಿದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ಮೆಗಾ ಆಕ್ಷನ್​ನ​ ಮೊದಲ ದಿನವೇ ಕ್ವಾಲಿಟಿ ಆಟಗಾರರನ್ನು ಖರೀದಿ ಮಾಡಿತ್ತು.

ಲಿಯಾಮ್​ ಲಿವಿಂಗ್​ಸ್ಟೋನ್​

ಇಂಗ್ಲೆಂಡ್​ನ ಆಲ್​​ರೌಂಡರ್​ ಲಿಯಾಮ್​ ಲಿವಿಂಗ್​ಸ್ಟೋನ್​ ಆರ್​​ಸಿಬಿ ಖರೀದಿಸಿದ ಆಟಗಾರರ ಪೈಕಿ ಇರೋದ್ರಲ್ಲಿ ಬೆಟರ್​.! ಬ್ಯಾಟಿಂಗ್​ ಹಾಗೂ ಬೌಲಿಂಗ್​ನಲ್ಲಿ ತಂಡಕ್ಕೆ ನೆರವಾಗಬಲ್ಲ ಲಿವಿಂಗ್​​ಸ್ಟೋನ್​​​ನ 8.75 ಕೋಟಿ ನೀಡಿ ಆರ್​​ಸಿಬಿ ಖರೀದಿಸಿತು. ಬಿಗ್​​ ಹಿಟ್ಟರ್​​ ಲಿವಿಂಗ್​ಸ್ಟೋನ್​ ಚಿನ್ನಸ್ವಾಮಿಯಂತ ಚಿಕ್ಕ ಮೈದಾನದಲ್ಲಿ ತಂಡಕ್ಕೆ ನೆರವಾಗಬಲ್ಲರು.

ಫಿಲ್​ ಸಾಲ್ಟ್​

ಕಳೆದ ಐಪಿಎಲ್​ನಲ್ಲಿ ಕೆಕೆಆರ್​​ ಪರ ಧೂಳೆಬ್ಬಿಸಿದ್ದ ಫಿಲ್​ ಸಾಲ್ಟ್​​​ನ ಆರ್​​ಸಿಬಿ, ಪಟ್ಟು ಹಿಡಿದು ಖರೀದಿಸಿತು. ಕೆಕೆಆರ್​ ಜೊತೆಗೆ ಜಿದ್ದಿಗೆ ಬಿದ್ದು ಫೈಟ್​ ನಡೆಸಿದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು, 11.50 ಕೋಟಿ ಬೆಲೆಗೆ ಸ್ಪೋಟಕ ಬ್ಯಾಟ್ಸ್​ಮನ್​ ವಿಕೆಟ್​ ಕೀಪರ್​ ಖರೀದಿಸುವಲ್ಲಿ ಯಶಸ್ವಿಯಾಯ್ತು.

ಜಿತೇಶ್​ ಶರ್ಮಾ

ಆರ್​​ಸಿಬಿ ಖರೀದಿಸಿದ್ರಲ್ಲೇ ದುಬಾರಿ ಅನಿಸಿದ ಪಿಕ್​ ಇದು. ಕಳೆದ ಸೀಸನ್​ನಲ್ಲಿ ಪಂಜಾಬ್​ ಪರ ಡಿಸೆಂಟ್​ ಪರ್ಫಾಮೆನ್ಸ್​ ನೀಡಿದ್ದ ಯಂಗ್​​ ಸ್ಟರ್​​ ಖರೀದಿಗೆ ಚೆನ್ನೈ, ಲಕ್ನೋ ತಂಡಗಳು ಪೈಪೋಟಿಗೆ ಬಿದ್ದುದ್ವು. ಬಳಿಕ ಡೆಲ್ಲಿ ಕ್ಯಾಪಿಟಲ್ಸ್​​ ಕೂಡ ಬಿಡ್ಡಿಂಗ್​ ವಾರ್​ಗೆ ಬಂದು ಹೋಯ್ತು. ಅಂತಿಮವಾಗಿ ಕಹಾನಿ ಮೆ ಟ್ವಿಸ್ಟ್​ ಎಂಬಂತೆ ಪಂಜಾಬ್​ ಆರ್​​​ಟಿಎಮ್​ ದಾಳ ಉರುಳಿಸಿತು. ಅಂತಿಮವಾಗಿ 11 ಕೋಟಿ ಫೈನಲ್​ ಬಿಡ್​ ಮಾಡಿ ಜಿತೇಶ್​ ಶರ್ಮಾನ ಆರ್​​ಸಿಬಿ ಖರೀದಿಸಿತು.

ಜೋಶ್​ ಹೇಜಲ್​ವುಡ್​​

ಆಸ್ಟ್ರೇಲಿಯಾ ವೇಗಿ ಜೋಶ್​ ಹೇಜಲ್​ವುಡ್​​ ಮತ್ತೆ ಆರ್​​ಸಿಬಿಗೆ ವಾಪಾಸ್ಸಾಗಿದ್ದಾರೆ. ಮುಂಬೈ ಇಂಡಿಯನ್ಸ್​ ತಂಡದ ಜೊತೆಗೆ ಬಿಡ್ಡಿಂಗ್​ ವಾರ್​ ನಡೆಸಿದ ಆರ್​​ಸಿಬಿ 12.50 ಕೋಟಿ ನೀಡಿ ಖರೀದಿ ಮಾಡಿತು. T20 ಕ್ರಿಕೆಟ್​ನಲ್ಲಿ ಡಿಸೆಂಟ್​ ರೆಕಾರ್ಡ್​ ಹೊಂದಿರೋ ಅನುಭವಿ ವೇಗಿ ಜೋಶ್​ ಹೇಜಲ್​ವುಡ್​ಯ ಖರೀದಿ ಆರ್​​ಸಿಬಿ ಬಲ ಹೆಚ್ಚಿಸಿದೆ ಅನ್ನೋದು ಸುಳ್ಳಲ್ಲ.

ಅಂತಿಮ ಹಂತದಲ್ಲಿ ಯುವ ಬೌಲರ್​​ ರಸಿಕ್​ ಸಲಾಂನ ಆರ್​ಸಿಬಿ ತಂಡ ಖರೀದಿಸಿತು. ಕಳೆದ ಸೀಸನ್​ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​ ಪರ ಆಡಿದ್ದ ರಸಿಕ್​ ಸಲಾಂಗೆ ಬರೋಬ್ಬರಿ 6 ಕೋಟಿ ನೀಡಿ ಆರ್​​ಸಿಬಿ ಖರೀದಿಸಿತು. ಜೊತೆಗೆ ಕೆಕೆಆರ್​​ ಸ್ಪಿನ್ನರ್​​ ಸುಯಶ್​​ ಶರ್ಮಾನ 2.60 ಕೋಟಿ ನೀಡಿ ಆರ್​​ಸಿಬಿ ಬುಟ್ಟಿಗೆ ಹಾಕಿಕೊಳ್ತು.

ಹರಾಜಿನ ಮೊದಲ ದಿನ ಐವರು ಆಟಗಾರರನ್ನ ಖರೀದಿಸಿದ ಆರ್​​ಸಿಬಿ 52.35 ಕೋಟಿ ಖರ್ಚು ಮಾಡಿತ್ತು. 2ನೇ ದಿನ ಆರ್​​ಸಿಬಿ ತಂಡ ಬರೋಬ್ಬರಿ 14 ಆಟಗಾರರನ್ನು ಖರೀದಿ ಮಾಡಿದೆ. ಇದರಲ್ಲಿ ಸ್ಟಾರ್​ ಆಟಗಾರರ ದಂಡೇ ಇದೆ.

ಆರ್​​ಸಿಬಿ ತಂಡದ ಫೈನಲ್​ ಲಿಸ್ಟ್​ ಹೀಗಿದೆ...!

1. ವಿರಾಟ್ ಕೊಹ್ಲಿ- ₹21 ಕೋಟಿ
2. ರಜತ್ ಪಾಟೀದಾರ್- ₹11 ಕೋಟಿ
3. ಯಶ್ ದಯಾಳ್​- ₹5 ಕೋಟಿ
4. ಜೋಸ್ ಹೇಜಲ್​ವುಡ್​- ₹12.5 ಕೋಟಿ
5. ಫಿಲ್ ಸಾಲ್ಟ್ - ₹11.5 ಕೋಟಿ
6. ಜಿತೇಶ್ ಶರ್ಮಾ -₹11 ಕೋಟಿ
7. ಭುವನೇಶ್ವರ್ ಕುಮಾರ್- ₹10.75 ಕೋಟಿ
8. ಲಿಯಾಮ್ ಲಿವಿಂಗ್‌ಸ್ಟೋನ್ - ₹8.75 ಕೋಟಿ
9. ರಸಿಖ್ ದಾರ್- ₹6 ಕೋಟಿ
10. ಕೃನಾಲ್ ಪಾಂಡ್ಯ- ₹5.75 ಕೋಟಿ
11. ಟಿಮ್ ಡೇವಿಡ್ - ₹3 ಕೋಟಿ
12. ಜಾಕೋಬ್ ಬೆಥೆಲ್- ₹2.60 ಕೋಟಿ
13. ಸುಯಶ್ ಶರ್ಮಾ- ₹2.60 ಕೋಟಿ
14. ದೇವದತ್ ಪಡಿಕ್ಕಲ್- ₹2 ಕೋಟಿ
15. ನುವಾನ್ ತುಷಾರ -₹1.6 ಕೋಟಿ
16. ರೊಮಾರಿಯೊ ಶೆಫರ್ಡ್ -₹1.5 ಕೋಟಿ
17. ಸ್ವಪ್ನಿಲ್ ಸಿಂಗ್- ₹50 ಲಕ್ಷ rtm
18. ಸ್ವಸ್ತಿಕ್ ಚಿಕಾರ - ₹30 ಲಕ್ಷ
19. ಮನೋಜ್ ಭಾಂಡಗೆ -₹30 ಲಕ್ಷ
20. ಲುಂಗಿ ಎನ್‌ಗಿಡಿ - ₹1 ಕೋಟಿ
21. ಮೋಹಿತ್​ ರಾತಿ - ₹30 ಲಕ್ಷ
22. ಅಭಿನಂದನ್​ ಸಿಂಗ್ - ₹30 ಲಕ್ಷ

ಇದನ್ನೂ ಓದಿ: ಮತ್ತೊಬ್ಬ ಕನ್ನಡಿಗನ ಖರೀದಿಸಿದ ಬೆಂಗಳೂರು.. ದೇವದತ್ ಪಡಿಕ್ಕಲ್​ಗೆ RCB ಕೊಟ್ಟ ಹಣ ಎಷ್ಟು?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ