ಸಿಲಿಕಾನ್ ಸಿಟಿ ಪೋಷಕರೇ ಎಚ್ಚರ.. ಮಕ್ಕಳನ್ನು ಆಟ ಆಡಲು ಬಿಟ್ಟು ಯಾಮಾರಿದ್ರೆ ಅಪಾಯ; ಈ ವಿಡಿಯೋ ನೋಡಿ!

ಬೆಂಗಳೂರಲ್ಲಿ ಮಕ್ಕಳನ್ನು ರಸ್ತೆಗೆ ಆಟ ಆಡಲು ಬಿಡುವ ಮುನ್ನ ಪೋಷಕರು ಸ್ವಲ್ಪ ಎಚ್ಚರದಿಂದ ಇರಬೇಕು. ಯಮವೇಗದಲ್ಲಿ ಬರುವ ಬೈಕ್​ಗಳು ನಿಮ್ಮ ಮಗುವನ್ನು ಸಾವಿನ ದವಡೆಗೆ ತಳ್ಳಬಲ್ಲದು. ಪಡ್ಡೆ ಹುಡುಗರು ಬಿಸಿರಕ್ತದ ಉತ್ಸಾಹದಲ್ಲಿ ಹೇಗೆಂದರೇ ಹಾಗೆ ಬೈಕ್ ಓಡಿಸುತ್ತಿರುತ್ತಾರೆ. ಅದು ನಿಮ್ಮ ಮುದ್ದು ಮಕ್ಕಳಿಗೆ ಅಪಾಯವನ್ನು ತಂದಿಡುವ ಸಾಧ್ಯತೆ ಇದೆ. ಅದಕ್ಕೆ ಸ್ಪಷ್ಟ ಉದಾಹರಣೆಯಂತಿದೆ ತಲಘಟ್ಟಪುರದ ಠಾಣಾ ವ್ಯಾಪ್ತಿಯಲ್ಲಿ ನಡೆದಿರುವ ಈ ಘಟನೆ.

View this post on Instagram

A post shared by Namma Bengaluru (@nammabengaluroo)

ಇದನ್ನೂ ಓದಿ: ಕ್ಲಾಸ್​ಮೇಟ್‌ಗಳಿಂದ ಅಶ್ಲೀಲ ಮೆಸೇಜ್‌.. ಬೆಂಗಳೂರಲ್ಲಿ ವಿವಾಹಿತ ಮಹಿಳೆ ಸಾವಿಗೆ ಶರಣು; ಆಗಿದ್ದೇನು? 

ಕಳೆದ ರಾತ್ರಿ, ಅಂದ್ರೆ ಆಗಸ್ಟ್​ 1 ರ ರಾತ್ರಿ ಸುಮಾರು 8 ಗಂಟೆಯ ವೇಳೆಗೆ ಒಂದು ಭೀಕರ ಘಟನೆ ನಡೆದಿದೆ. ಬನಶಂಕರಿ ಎರಡನೇ ಹಂತದಲ್ಲಿ ರಸ್ತೆಯಲ್ಲಿ ಸೈಕಲ್ ತುಳಿಯುತ್ತಾ ಆಟವಾಡುತ್ತಿದ್ದ ಬಾಲಕನಿಗೆ ಎದುರಿಗೆ ಯಮವೇಗದಲ್ಲಿ ಬಂದ RX 100 ಬೈಕ್​ ಗುದ್ದಿಕೊಂಡು ಹೋಗಿದೆ. ಮನೆಯ ಮುಂಭಾಗದಲ್ಲಿ ಆಟವಾಡುತ್ತಿದ್ದ ಬಾಲಕನಿಗೆ ನಂಬರೇ ಇಲ್ಲದ ಆರ್​​ಎಕ್ಸ್​ 100 ಬೈಕ್​ನಲ್ಲಿ ಬಂದ ಆಗಂತುಕ ಮಗುವಿಗೆ ಗುದ್ದಿಕೊಂಡು ಓಡಿ ಹೋಗಿದ್ದಾನೆ. ಈ ಹಿಟ್​ ರನ್ ವಿಡಿಯೋ ಎಂಥವರನ್ನು ಕೂಡ ಬೆಚ್ಚಿ ಬೀಳಿಸುತ್ತೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ