Holi: ಮುಖಕ್ಕೆ ಅಂಟಿದ ಬಣ್ಣ ಸುಲಭವಾಗಿ ಹೋಗಲಾಡಿಸುವುದು ಹೇಗೆ? ಇಲ್ಲಿದೆ ಸರಳ ಟಿಪ್ಸ್!

ಹೋಳಿ ಹಬ್ಬವನ್ನು ಜನರು ದೇಶಾದ್ಯಂತ ಬಹಳ ಉತ್ಸಾಹದಿಂದ ಆಚರಿಸುತ್ತಾರೆ. ಈ ವರ್ಷ ಹೋಳಿ ಹುಣ್ಣಿಮೆಯನ್ನು ಮಾರ್ಚ್‌ 14ರಂದು ಶುಕ್ರವಾರ ಮಾಡಲಾಗುತ್ತಿದೆ. ಈ ಹಬ್ಬದಲ್ಲಿ ಬಣ್ಣಗಳೊಂದಿಗೆ ಓಕುಳಿಯಾಡುವುದು ವಿಶೇಷವಾಗಿದೆ. ಉತ್ತರ ಭಾರತದಲ್ಲಿ ಹೋಳಿ ಹಬ್ಬದ ಸಂಭ್ರಮ ಬಲು ಜೋರು. ಇನ್ನೂ, ಚಿಕ್ಕ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೂ ಈ ಹೋಳಿ ಹಬ್ಬವನ್ನು ಬಹಳ ಖುಷಿಯಿಂದ ಆಚರಣೆ ಮಾಡುತ್ತಾರೆ.

ಇದನ್ನೂ ಓದಿ:ಹೋಳಿ ಸಂಭ್ರಮಕ್ಕೆ ಬಣ್ಣ ಯಾವುದಿದ್ದರೆ ಚೆಂದ.. ಪೋಷಕರು ಮಕ್ಕಳಿಗೆ ಕೊಡಿಸಬಹುದಾದ ಬಣ್ಣಗಳ ಪಟ್ಟಿ..!

ಆದರೆ ಹೋಳಿ ಹಬ್ಬದಂದು ನಿಮ್ಮ ಮುಖಕ್ಕೆ ಅಂಟಿಕೊಂಡ ಬಣ್ಣದಿಂದ ಹಾನಿಯುಂಟು ಆಗುವ ಸಾಧ್ಯತೆ ಇರುತ್ತದೆ ಎಚ್ಚರವಹಿಸಿ. ಹೌದು, ಹೋಳಿಯ ಮೇಲೆ ಹಲವು ಬಾರಿ ರಾಸಾಯನಿಕ ಬಣ್ಣಗಳನ್ನು ಬಳಸಲಾಗುತ್ತದೆ. ಹೋಳಿ ಬಣ್ಣ ಆಡಿದ ನಂತರವೂ ಅದು ಮುಖದಿಂದ ಸುಲಭವಾಗಿ ಹೊರಬರುವುದಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ, ರಾಸಾಯನಿಕ ಬಣ್ಣಗಳಿಂದಾಗಿ ನಿಮ್ಮ ಮುಖದ ಮೇಲೆ ಕಲೆಗಳು ಮತ್ತು ಮೊಡವೆಗಳು ಕಾಣಿಸಿಕೊಳ್ಳಲು ಪ್ರಾರಂಭಿಸುತ್ತವೆ. ಹೀಗಾಗಿ ನಿಮ್ಮ ಮುಖದ ಮೇಲೆ ಅಂಟಿರೋ ಬಣ್ಣವನ್ನು ಸಹ ತೆಗೆದುಹಾಕಲು ಸುಲಭವಾದ ಮಾರ್ಗ ಇಲ್ಲಿದೆ.

ಮುಖದಲ್ಲಿರುವ ಕಪ್ಪು ಕಲೆಗಳನ್ನು ತೆಗೆದುಹಾಕಲು ಸೌತೆಕಾಯಿ ರಸ, ರೋಸ್ ವಾಟರ್ ಮತ್ತು ವಿನೆಗರ್ ಮಿಶ್ರಣವನ್ನು ತಯಾರಿಸಿ ಮುಖಕ್ಕೆ ಹಚ್ಚಿ. ಈ ಮಿಶ್ರಣವನ್ನು ಮುಖಕ್ಕೆ ಹಚ್ಚಿ 1 ರಿಂದ 2 ನಿಮಿಷಗಳ ಕಾಲ ಬಿಡಿ. ನಂತರ ನಿಮ್ಮ ಮುಖವನ್ನು ಲಘುವಾಗಿ ಸ್ಕ್ರಬ್​ ಮಾಡಿ ತೊಳೆಯಿರಿ. ಇದರೊಂದಿಗೆ, ಮುಖದ ಮೇಲಿನ ಕಪ್ಪು ಮತ್ತು ಘನ ಬಣ್ಣವು ತೆರವುಗೊಳ್ಳುತ್ತದೆ.

ನ್ನೂ ಓದಿ: ಒಂದೇ ಮನೆಯಲ್ಲಿ ನಾಲ್ವರ ದುರಂತ ಅಂತ್ಯ.. ವೈದ್ಯ ಕುಟುಂಬವೇ ಮಾಡಿಕೊಂಡ ಅನಾಹುತ; ಕಾರಣವೇನು?

ಸಾಮಾನ್ಯವಾಗಿ ಆಕಷ್ಟು ಮಂದಿ ಹೋಳಿ ಹಬ್ಬದ ಸಂದರ್ಭದಲ್ಲಿ ತೆಂಗಿನ ಎಣ್ಣೆಯನ್ನು ಬಳಸುತ್ತಾರೆ. ಆದ್ರೆ ಚರ್ಮದ ಆರೈಕೆ ಎಲ್ಲರಿಗೂ ಒಂದೇ ರೀತಿಯದ್ದಲ್ಲ. ಹೀಗಾಗಿ ಸರಿಯಾದ ಮಾಯಿಶ್ಚರೈಸರ್ ಆಯ್ಕೆ ಮಾಡುವುದು ಮುಖ್ಯ. ಇಲ್ಲದಿದ್ದರೆ ಎರಡು ಪಟ್ಟು ತೊಂದರೆ ಉಂಟಾಗಬಹುದು. ಅದಕ್ಕಾಗಿ ನಿರ್ದಿಷ್ಟವಾಗಿ ನಿಮ್ಮ ಚರ್ಮದ ಮೇಲೆ ಕಾಳಜಿ ವಹಿಸಿದರೆ ಉತ್ತಮ.

ನಿಮ್ಮ ಚರ್ಮವು ಸಾಮಾನ್ಯ ಅಥವಾ ಒಣ ಚರ್ಮವಾಗಿದ್ದರೆ, ತೆಂಗಿನ ಎಣ್ಣೆ ಅತ್ಯುತ್ತಮವಾದ ನೈಸರ್ಗಿಕ ಆಯ್ಕೆಯಾಗಿದೆ. ನಿಮ್ಮ ಚರ್ಮವನ್ನು ತೇವಾಂಶದಿಂದ ಮತ್ತು ಉತ್ತಮವಾಗಿ ರಕ್ಷಿಸಲು ಇದನ್ನು ನಿಮ್ಮ ಮುಖ ಮತ್ತು ದೇಹದಾದ್ಯಂತ ಚೆನ್ನಾಗಿ ಮಸಾಜ್ ಮಾಡಿ. ಆದ್ರೆ ನಿಮ್ಮದೇನಾದರೂ ಎಣ್ಣೆಯುಕ್ತ ಅಥವಾ ಮೊಡವೆ ಪೀಡಿತ ಚರ್ಮವಾಗಿದ್ದರೇ ತೆಂಗಿನ ಎಣ್ಣೆಯನ್ನು ಬಳಸಬೇಡಿ. ಬದಲಾಗಿ ಸೆರಾಮೈಡ್ ಆಧಾರಿತ ಮಾಯಿಶ್ಚರೈಸರ್ ಅನ್ನು ಆರಿಸಿಕೊಳ್ಳಿ, ಇದು ಚರ್ಮದ ನೈಸರ್ಗಿಕ ತಡೆಗೋಡೆಯನ್ನು ಕಾಪಾಡಿಕೊಳ್ಳುವಾಗ ಜಲಸಂಚಯನವನ್ನು ಒದಗಿಸುತ್ತದೆ.