ಹೋಂಡಾ ಪರಿಚಯಿಸಿದೆ CB300F​; ಜಾಸ್ತಿ ಪೆಟ್ರೋಲ್ ಬಳಸದೆಯೇ ಓಡುತ್ತೆ​ ಈ ಬೈಕ್​!

ಜನಪ್ರಿಯ ಹೋಂಡಾ ಮೋಟಾರ್​ ಸೈಕಲ್​ ಮತ್ತು ಸ್ಕೂಟರ್​ ಕಂಪನಿ ಹೊಸ CB300F ಫ್ಲೆಕ್ಸ್​​-ಫ್ಯೂಯೆಲ್​​ ಬೈಕ್​ ಅನ್ನು ಬಿಡುಗಡೆ ಮಾಡಿದೆ. ಇದು ಭಾರತದ ಮೊದಲ 300ಸಿಸಿ ಫ್ಲೆಕ್ಸ್​​ ಫ್ಯೂಯಲ್​ ಮೋಟರ್​ಸೈಕಲ್​ ಎಂದು ಗುರುತಿಸಿಕೊಂಡಿದೆ.

ಕಳೆದ ವರ್ಷ ಭಾರತ್​ ಮೊಬಿಲಿಟಿ ಕಾರ್ಯಕ್ರಮದಲ್ಲಿ ಕಂಪನಿ CB300F ಫ್ಲೆಕ್ಸ್​​-ಫ್ಯೂಯೆಲ್​​ ಬೈಕ್​ ಅನ್ನು ಪ್ರದರ್ಶಿಸಿತ್ತು. ಅಂದಹಾಗೆಯೇ ಈ ಬೈಕ್​​ E85 ಇಂಧನದಿಂದ ಚಲಿಸುತ್ತಿದೆ. ಅಂದರೆ ಶೇ85ರಷ್ಟು ಎಥೆನಾಲ್​ ಮತ್ತು ಶೇ15ರಷ್ಟು ಪೆಟ್ರೋಲ್​ ಮೂಲಕ ಕ್ರಮಿಸುವ ವಿಶೇಷತೆಯನ್ನು ಈ ಬೈಕ್​ ಹೊಂದಿದೆ.

ಶಕ್ತಿ ಮತ್ತು ಸಾಮರ್ಥ್ಯ

CB300F ಫ್ಲೆಕ್ಸ್​​-ಫ್ಯೂಯೆಲ್​​ ಬೈಕ್ 293.5ಸಿಸಿ ಸಾಮರ್ಥ್ಯವನ್ನು ಹೊಂದಿದ್ದು, ಸಿಂಗಲ್​ ಸಿಲಿಂಡರ್​​ ಆಯಿಲ್​ ಕೂಲ್ಡ್​ ಎಂಜಿನ್​ ಅಳವಡಿಸಿಕೊಂಡಿದೆ. 24.5bhp ಮತ್ತು 25.9Nm ಟಾರ್ಕ್​ ಉತ್ಪಾದಿಸುತ್ತದೆ. 6 ಸ್ಪೀಡ್​ ಟ್ರಾನ್ಸ್​ಮಿಷನ್​ ಗೇರ್​ಬಾಕ್ಸ್​ ಹೊಂದಿದೆ. ಡಿಜಿಟಲ್​​ ಇನ್ಟ್ರುಮೆಂಟ್​​ ಕನ್ಸೋಲ್​​ ಇದರಲ್ಲಿದೆ.

ಇದನ್ನೂ ಓದಿ: ರಾಜ್ಯದಲ್ಲಿ ವರುಣಾಘಾತ; ಸಾಲು ಸಾಲು ಅವಾಂತರ; 88 ಸ್ಥಳಗಳನ್ನ ಡೇಂಜರ್​ ಸ್ಪಾಟ್ ಎಂದು ಗುರುತಿಸಿದ ಜಿಲ್ಲಾಡಳಿತ

ವಿಶೇಷತೆ

ನೂತನ ಬೈಕಿನಲ್ಲಿ ಸ್ಟ್ಯಾಂಡರ್ಡ್​​ ಲುಕ್​ ಹೊಂದಿದ್ದು, ವಿಭಿನ್ನವಾಗಿದೆ. ಆ್ಯಂಟಿ ಲಾಕ್​ ಬ್ರೇಕಿಂಗ್​​ ಸಿಸ್ಟಂ, ಟ್ರಾಕ್ಷನ್​​ ಕಂಟ್ರೋಲ್​​ನಂತಹ ವೈಶಿಷ್ಟ್ಯ ಇದರಲ್ಲಿದೆ. ಮುಂಭಾಗದಲ್ಲಿ ಗೋಲ್ಡನ್​​ ಬಣ್ಣದ ಅಪ್​​​ ಸೈಡ್​​ ಡೌನ್​​ ಪೋರ್ಕ್​​ ಸಸ್ಪೆಕ್ಸನ್​​ ನೀಡಲಾಗಿದೆ. ಹಿಂಭಾಗ ಮೊನೊಶಾಕ್​​ ಸಸ್ಪೆಕ್ಷನ್​ ನೀಡಲಾಗಿದೆ. ಎರಡು ಚಕ್ರಗಳಲ್ಲಿ ಸಿಂಗಲ್​ ಡಿಸ್ಕ್​​ ಬ್ರೇಕ್​​ ಅಳವಡಿಸಲಾಗಿದೆ.

ಬಣ್ಣ ಮತ್ತು ಬೆಲೆ?

ನೂತನ ಬೈಕ್ ಅನ್ನು ಎರಡು ಬಣ್ಣದಲ್ಲಿ ಪರಿಚಯಿಸಲಾಗಿದೆ. ಕೆಂಪು ಮತ್ತು ಬೂದು ಬಣ್ಣದಲ್ಲಿ ಗ್ರಾಹಕರ ಖರೀದಿಗೆ ಸಿಗಲಿದೆ. ಗ್ರಾಹಕರಿಗಾಗಿ ಈಗಾಗಲೇ ಕಂಪನಿ ಬುಕ್ಕಿಂಗ್​ ಮಾಡುವ ಅವಕಾಶ ತೆರೆದಿಟ್ಟಿದೆ. 1.70 ಲಕ್ಷ ರೂಪಾಯಿಗೆ ಖರೀದಿಗೆ ಸಿಗಲಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ