ಈತ ಹಮಾಸ್​​ ಉಗ್ರನಿಗಿಂತಲೂ ಡೇಂಜರ್​​.. ಟೂಥ್​​ಪೇಸ್ಟ್​​ನಲ್ಲಿ ವಿಷ ಇಟ್ಟು ಇಸ್ರೇಲ್​ ಕೊಂದಿದ್ದು ಹೇಗೆ?

ಶತ್ರುಗಳು ಯಾವ ಬಿಲದಲ್ಲಿ ಹೊಕ್ಕರು, ಎಷ್ಟೇ ದೂರವಿದ್ದರು, ಯಾವುದೇ ಭದ್ರೆತೆಯಲ್ಲಿದ್ದರೂ ಒಂದು ಬಾರಿ ಇಸ್ರೇಲ್​ನ ಮೊಸ್ಸಾದ್​​ ಹಿಟ್​ಲಿಸ್ಟ್​ನಲ್ಲಿ ಅವರು ಸೇರಿಬಿಟ್ಟರೇ ಮುಗೀತು ಅಲ್ಲಿಗೆ ಅವರ ಮರಣ ಶಾಸನವೊಂದು ಸಿದ್ಧವಾಂತೆಯೇ ಸರಿ. ಇಸ್ರೇಲ್ ಅಸ್ತಿತ್ವಕ್ಕೆ ಬಂದಾಗಿನಿಂದಲೂ ಹೀಗೆಯೇ ಬೆಳೆದುಕೊಂಡು ಬಂದಿದೆ. ಆ ಸಮುದಾಯದ ಮೇಲಾದ ನಿರಂತರ ದಬ್ಬಾಳಿಕೆ, ತುಂಡು ಭೂಮಿ ಇಲ್ಲವಾದಲ್ಲಿ ನಾವು ಜಗತ್ತಿನಲ್ಲಿ ಹೇಗೆ ಬದುಕಬೇಕಾಗುತ್ತದೆ ಅನ್ನೋ ಇತಿಹಾಸ ಕಲಿಸಿದ ಪಾಠವೋ ಗೊತ್ತಿಲ್ಲ, ಇಸ್ರೇಲ್​ನ್ನು ಒಂದು ಬಾರಿ ಕೆಣಕಿಬಿಟ್ಟರೆ, ಆ ಕೆಣಕಿದ ವೈರಿ ಪಡೆಯ ತನ್ನ ಕಟ್ಟಕಡೆಯ ವ್ಯಕ್ತಿಯ ಉಸಿರು ಕಸೆಯುವವರೆಗೂ ಇಸ್ರೇಲ್​ ವಿರಮಿಸುವುದಿಲ್ಲ.

ಈಗ ಹಮಾಸ್ ಮುಖ್ಯಸ್ಥ ಇಸ್ಮಾಯಿಲ್ ಹನಿಯ ಹತ್ಯೆ ಮತ್ತೆ ಮೊಸ್ಸಾದ್​ನ ಕಡೆ ದೃಷ್ಟಿ ಹೊರಳುವಂತೆ ಮಾಡಿದೆ. ಅವನನ್ನು ಹತ್ಯೆ ಮಾಡಿದ ರೀತಿಯಲ್ಲೆಲ್ಲಾ ಹಿಂದೆ ಮೊಸ್ಸಾದ್​ ಪ್ರತಿಶೋಧ ತೆಗೆದುಕೊಂಡಿರುವ ನೆರಳುಗಳೇ ಕಾಣುತ್ತಿವೆ. ಹಮಾಸ್ ಮುಖ್ಯಸ್ಥನ ಸಾವು ಈಗ 1978ರಲ್ಲಿ ಇಸ್ರೇಲ್​ ಪಿಇಎಲ್​ಎಫ್ ಮುಖ್ಯಸ್ಥನನ್ನು ಮುಗಿಸಿ ಹಾಕಿದ ಕಥೆಯನ್ನು ನೆನಪಿಸುತ್ತಿದೆ.

ಇದನ್ನೂ ಓದಿ:ಕುದಿಯುತ್ತಿದೆ ಮಧ್ಯಪ್ರಾಚ್ಯ.. ಇಸ್ರೇಲ್​ನ ಅನೇಕ ಪ್ರದೇಶಗಳ​ ಮೇಲೆ ಹೆಜ್ಬೊಲ್ಲಾ ರಾಕೆಟ್ ದಾಳಿ..

70ರ ದಶಕದಲ್ಲಿ ವಡೈ ಹದ್ದದ್ ಎಂಬ ವ್ಯಕ್ತಿ ಪಾಪ್ಯುಲರ್ ಫ್ರಂಟ್​ ಆಫ್ ಲಿಬರೇಷನ್ ಆಫ್ ಪ್ಯಾಲಿಸ್ತೇನ್ ಅಂದ್ರೆ ಪಿಎಫ್​ ಎಲ್​ಪಿಯ ಮುಖ್ಯಸ್ಥನಾಗಿದ್ದ. 1976ರಲ್ಲಿ ನಡೆದ ಫ್ರಾನ್ಸ್​ ಫ್ಲೈಟ್ 139 ಹೈಜಾಕ್​ ಹಿಂದೆ ಅವನದೇ ಕೈವಾಡವಿತ್ತು. ಟೆಲ್​ ಅವಿವ್​ನಿಂದ ಹೊರಟ ವಿಮಾನವನ್ನು ಲಿಬಿಯಾ ಮತ್ತು ಉಗಾಂಡಕ್ಕೆ ತೆಗೆದುಕೊಂಡು ಹೋಗಿ, ಒತ್ತೆಯಾಳುಗಳನ್ನಿಟ್ಟುಕೊಂಡು  ಹಲವು ಬೇಡಿಕೆಗಳನ್ನಿಡಲಾಗಿತ್ತು. ಆಗಲೇ ಇಸ್ರೇಲ್ ಉಗಾಂಡಾ ಎಂಟೆಬ್ಬೆಯಲ್ಲಿ ಆಪರೇಷನ್ ಥಂಡರ್​ಬೋಲ್ಟ್ ನಡೆಸಿ, ಉಗ್ರರನ್ನು ಹೊಡೆದು ಹಾಕಿತ್ತು. ಆದ್ರೆ ಅವರ ಲಿಸ್ಟ್​ನಲ್ಲಿ ಈ ವಡೈ ಹದ್ದದ್​ ಹಾಗೆ ಉಳಿದಿದ್ದ.

ಇದನ್ನೂ ಓದಿ:ಇಸ್ರೇಲ್ ವಿರುದ್ಧ ಇರಾನ್ ಜಿದ್ದು.. ಮಧ್ಯಪ್ರಾಚ್ಯದಲ್ಲಿ ಮತ್ತೆ ಯುದ್ಧ ಫಿಕ್ಸ್‌? ಭಾರತೀಯರಿಗೆ ಎಚ್ಚರಿಕೆ!

ವಡೈನನ್ನು ಮುಗಿಸಲು ಜಗತ್ತಿನಲ್ಲಿಯೇ ಅತ್ಯಂತ ಅಪಾಯಕಾರಿ ಗುಪ್ತಚರ ಇಲಾಖೆ ಎಂದು ಗುರುತಿಸಿಕೊಳ್ಳುವ ಮೊಸ್ಸಾದ್ ಸಜ್ಜಾಗಿತ್ತು. ಒಳಕ್ಕೆ ನುಗ್ಗಿ ಹೊಡೆಯುವ, ಎಜೆಂಟ್​ಗಳ ಮೂಲಕ ಗುಂಡಿಟ್ಟು ಕೊಲ್ಲುವ ಈ ಎಲ್ಲಾ ಆಯ್ಕೆಗಳನ್ನು ಹೊರತುಪಡಿಸಿ ಮೊಸ್ಸಾದ್ ಬೇರೆಯದೇ ಆಯ್ಕೆಯನ್ನು ಆಯ್ದುಕೊಂಡಿತ್ತು. 1978ರಲ್ಲಿ ಮೊಸ್ಸಾದ್​ನ ಎಜೆಂಟ್ ಒಬ್ಬ ವಡೈ ಹದ್ದದ್​​ನ ಟೂಥ್​ಪೇಸ್ಟ್​ನನ್ನು ಬದಲಿಸಿದ, ನಿತ್ಯ ಉಪಯೋಗಿಸುತ್ತಿದ್ದ ಟೂಥ್​ಪೇಸ್ಟ್​ ರೀತಿಯದ್ದೇ ಅತ್ಯಂತ ವಿಷಕಾರಿ ಅಂಶ ಬೆರೆಸಿರುವ ಟೂಥ್​ಪೇಸ್ಟ್​ ವಡೈ ಕೋಣೆಯಲ್ಲಿಟ್ಟು ಅತ್ಯಂತ ಸರಳ ರೀತಿಯಲ್ಲಿ ಅವನನ್ನು ಮುಗಿಸಿ ಹಾಕಿತ್ತು ಇಸ್ರೇಲ್​. ಸದ್ಯ ಇಸ್ರೇಲ್​ ಪ್ಯಾಲಿಸ್ತೇನ್, ಇರಾನ್, ಲಿಬಿಯಾನ್​ನಲ್ಲಿ ನಡೆಯುತ್ತಿರುವ ಸಂಘರ್ಷಗಳು ಹಾಗೂ ಹಮಾಸ್ ಮುಖ್ಯಸ್ಥನ ಸಾವು ಈ ಪ್ರಕರಣವನ್ನು ನೆನಪಿಸುತ್ತಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ