ಭಾರತದಲ್ಲಿ 9.40 ಲಕ್ಷ ಎಕರೆ! ಪಾಕಿಸ್ತಾನದಲ್ಲಿ ವಕ್ಫ್​ ಬೋರ್ಡ್​ ಅಧೀನದಲ್ಲಿರುವ ಭೂಮಿ ಎಷ್ಟು?

ಸದ್ಯ ಭಾರತದಲ್ಲಿ ವಕ್ಫ್​​ ಬೋರ್ಡ್​​ನ ಗದ್ದಲವೇ ಹೆಚ್ಚಾಗುತ್ತಿದೆ. ವಕ್ಫ್​ ಬೋರ್ಡ್ ತಿದ್ದುಪಡಿ ಮಸೂದೆ ಈಗಾಗಲೇ ಭಾರತದ ಲೋಕಸಭೆಯಲ್ಲಿ ಅಂಗೀಕಾರಗೊಂಡಿದ್ದು. ರಾಜ್ಯಸಭೆಯಲ್ಲಿ ಬಿಲ್ ಪಾಸ್​ ಆಗುವುದು ಬಾಕಿ ಇದೆ. ಸದ್ಯ ಭಾರತದ ವಕ್ಫ್​ ಬೋರ್ಡ್​ ಬಳಿ ಸುಮಾರು 9.40 ಲಕ್ಷ ಎಕರೆ ಭೂಮಿಯಿದೆ ಎಂಬ ಬಗ್ಗೆ ಎಲ್ಲರಿಗೂ ಈಗ ಗೊತ್ತಿರುವ ವಿಷಯ. ರೈಲ್ವೆ, ಸೇನೆ ಬಳಿಕ ದೇಶದಲ್ಲಿ ಅತಿಹೆಚ್ಚು ಭೂಮಿ ವಕ್ಫ್​ ಕಬ್ಜಾದಲ್ಲಿದೆ. ಹಿಂದೂಗಳು ಬಹುಸಂಖ್ಯಾತ ರಾಷ್ಟ್ರವಾದ ಭಾರತದಲ್ಲಿಯೇ ವಕ್ಫ್​ ಬೋರ್ಡ್ ಬಳಿ ಇಷ್ಟೊಂದು ಭೂಮಿ ಇರುವಾಗ. ಇನ್ನು ಮುಸ್ಲಿಂಮರೇ ಬಹುಸಂಖ್ಯಾತರಾಗಿರುವ ಪಾಕಿಸ್ತಾನದ ವಕ್ಫ್​ ಬಳಿ ಎಷ್ಟು ಭೂಮಿಯಿದೆ? ಈ ಬಗ್ಗೆ ಒಂದು ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.

ಪಾಕಿಸ್ತಾನದಲ್ಲಿ ಔಪಚಾರಿಕವಾಗಿ ವಕ್ಫ್​ ಬೋರ್ಡ್​ನ್ನು ವಕ್ಫ್​ ಬೋರ್ಡ್​ ಎಂದು ಕರೆಯುವುದಿಲ್ಲ ಅದನ್ನು ಔಕಾಫ್ ವಿಭಾಗ ಎಂಬ ಹೆಸರಿನಿಂದ ಕರೆಯಲಾಗುತ್ತದೆ. ಪಾಕಿಸ್ತಾನದಲ್ಲಿ 1960ರಲ್ಲಿ ಮೊದಲ ಬಾರಿಗೆ ವಕ್ಫ್​ ಆಸ್ತಿಯನ್ನು ನಿರ್ವಹಣೆ ಮಾಡುವ ಮೊದಲ ಹೆಜ್ಜೆಯನ್ನಿಡಲಾಯಿತು. 1976ರಲ್ಲಿ ಔಕಾಫ್​ ಅಧಿನಿಯಮ ಜಾರಿಗೆ ಬಂತು. ಈ ಅಧಿನಿಯಮದ ಪ್ರಕಾರ ಔಕಾಫ್​ಗೆ ಸೇರಿದ ಆಸ್ತಿಯ ಮೇಲೆ ಸರ್ಕಾರ ತನ್ನ ಸಂಪೂರ್ಣ ಹಿಡಿತವನ್ನು ಹೊಂದಿತು ಮತ್ತು ಔಕಾಫ್ ವಿಭಾಗಕ್ಕೆ ಇದರ ಮೇಲ್ವಿಚಾರಣೆಯನ್ನು ನೋಡಿಕೊಳ್ಳುವ ಜವಾಬ್ದಾರಿಯನ್ನು ನೀಡಲಾಯ್ತು.

ಇದನ್ನೂ ಓದಿ:15 ದೇಶಗಳಿಗೆ ಡಬಲ್ ಶಾಕ್‌ ಕೊಟ್ಟ ಡೊನಾಲ್ಡ್ ಟ್ರಂಪ್ ಸುಂಕ; ಭಾರತಕ್ಕೆ ಎಷ್ಟು ನಷ್ಟ?

ಪಾಕಿಸ್ತಾನದಲ್ಲಿ ವಕ್ಫ್​ ಆಸ್ತಿಯ ನಿರ್ವಹಣೆಯನ್ನು evacuee trust property board ಮತ್ತು provincial auqaf department ಗೆ ನೀಡಲಾಯ್ತು. ಸಿಂಧ, ಪಂಜಾಬ್​, ಬಲೂಚಿಸ್ತಾನ್, ಕೈಬರ್ ಖೈಬರ್ ಪಖ್ತುಂಖ್ವಾಗಳಲ್ಲಿ ಬೇರೆ ಬೇರೆ ಔಕಾಫ್ ಬೋರ್ಡ್​ಗಳು ಕಾರ್ಯನಿರ್ವಹಿಸುತ್ತವೆ. ಮಸೀದಿ, ದರ್ಗಾ, ಸ್ಮಶಾನ ಮತ್ತು ಇತರ ಧಾರ್ಮಿಕ ಸ್ಥಳಗಳ ನಿರ್ವಹಣೆ ಹಾಗೂ ರಕ್ಷಣಾ ಕಾರ್ಯವನ್ನು ಈ ವಿಭಾಗಗಳಿಗೆ ಜವಾಬ್ದಾರಿಯಾಗಿ ನೀಡಲಾಯ್ತು. ದಾನ, ಬಾಡಿಗೆ ಇಲ್ಲವೇ ಚಂದಾ ರೀತಿಯಲ್ಲಿ ಬಂದ ಭೂಮಿಯನ್ನು ಧಾರ್ಮಿಕ ಶಿಕ್ಷಣಕ್ಕೆ, ಬಡವರ ಉನ್ನತಿಗೆ ಮತ್ತು ಆರೋಗ್ಯ ಸೇವೆಗಳಿಗಾಗಿ ಮೀಸಲಿಡುವ ಕಾರ್ಯ ಅಲ್ಲಿ ನಡೆಯಿತು.

ಇದನ್ನೂ ಓದಿ: ಜನರೇ ಇಲ್ಲದ ಆಸ್ಟ್ರೇಲಿಯಾದ ದ್ವೀಪಗಳ ಮೇಲೂ ಟ್ರಂಪ್ ತೆರಿಗೆ! ಪೆಂಗ್ವಿನ್​ಗಳು ಸುಂಕ ಕಟ್ಟುತ್ತಾವಾ?

ಪಾಕಿಸ್ತಾನದ ಮಾಧ್ಯಮಗಳ ಹೇಳುವ ಪ್ರಕಾರ evacuee trust property board ಅಧೀನದಲ್ಲಿ ಸುಮಾರು 1 ಲಕ್ಷ 9 ಸಾವಿರದದ 369 ಎಕರೆ ಔಕಾಫ್​ ಭೂಮಿಯಿದೆ . ಪಂಜಾಬ್​ನಲ್ಲಿ 85,331 ಎಕರೆ, ಸಿಂಧ್​ನಲ್ಲಿ 21,735 ಎಕರೆ, ಖೈಬರ್ ಪಖ್ತುಂಖ್ವಾನಲ್ಲಿ 2,301 ಎಕರೆ ಹಾಗೂ ಬಲೂಚಿಸ್ತಾನದಲ್ಲಿ 2 ಎಕರೆಯಷ್ಟು ಔಕಾಫ್​ ಬಳಿ ಭೂಮಿಯಿದೆ ಎಂದು ಹೇಳಲಾಗುತ್ತದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ