Boys Vs Girls: ಗ್ರ್ಯಾಂಡ್​ ಫಿನಾಲೆಯಲ್ಲಿ ಟ್ರೋಫಿ ಗೆದ್ದ ಬಾಯ್ಸ್​ಗೆ ಸಿಕ್ಕ ಹಣವೆಷ್ಟು?

ಕಲರ್ಸ್​ ಕನ್ನಡದಲ್ಲಿ ಪ್ರಸಾರವಾಗುತ್ತಿರೋ ಬಾಯ್ಸ್ vs ಗರ್ಲ್ಸ್ (boys vrs girls) ಶೋ ಅಂತ್ಯ ಕಂಡಿದೆ. ಕನ್ನಡದ ಬಿಗ್​ಬಾಸ್​​ ಸೀಸನ್​ 11 ಮುಕ್ತಾಯವಾಗುತ್ತಿದ್ದಂತೆ ಈ ಶೋ ಪ್ರಸಾರ ಕಂಡಿತ್ತು. ಇದೀಗ ಬಾಯ್ಸ್ vs ಗರ್ಲ್ಸ್ ರಿಯಾಲಿಟಿ ಶೋ ಕೊನೆಗೊಂಡಿದೆ.

ಇದನ್ನೂ ಓದಿ:ಬಿಗ್​ಬಾಸ್​ ವೀಕ್ಷಕರಿಗೆ ಶಾಕಿಂಗ್ ಸುದ್ದಿ;​ ಆರಂಭಕ್ಕೂ ಮುನ್ನವೇ ಶೋಗೆ ಭಾರೀ ಸಂಕಷ್ಟ!

ಹೌದು, ಅನುಪಮಾ ಗೌಡ ಅವರ ನಿರೂಪಣೆಯ ಸಾರಥ್ಯದಲ್ಲಿ ಮೂಡಿ ಬಂದಿತ್ತು ಬಾಯ್ಸ್ vs ಗರ್ಲ್ಸ್ ಶೋ. ಈ ಶೋನಲ್ಲಿ ಬಾಯ್ಸ್​ ತಂಡದ ನಾಯಕ ವಿನಯ್​ ಗೌಡ ಆಗಿದ್ದರೇ, ಗರ್ಲ್ಸ್​ ತಂಡದ ನಾಯಕಿ ಶುಭಾ ಪೂಂಜಾ ಆಗಿದ್ದರು. ಈ ಇಬ್ಬರು ತಮ್ಮ ತಮ್ ತಂಡವನ್ನು ಹ್ಯಾಂಡಲ್​ ಮಾಡುತ್ತಿದ್ದರು.

ಈ ತಂಡಗಳಲ್ಲಿ ಬಿಗ್​ಬಾಸ್​ ಸ್ಪರ್ಧಿಗಳಾದ ರಜತ್​ ಕಿಶನ್​, ಚೈತ್ರಾ ಕುಂದಾಪುರ, ಧನರಾಜ್ ಆಚಾರ್ಯ​, ಶೋಭಾ ಶೆಟ್ಟಿ, ಐಶ್ವರ್ಯ ಶಿಂಧೋಗಿ, ಕಾಮಿಡಿ ಕಿಲಾಡಿಗಳ ಖ್ಯಾತಿಯ ಸೂರಜ್, ಅಂತರಪಟ ಖ್ಯಾತಿಯ ಚಂದನಾ, ಕರಿಮಣಿ ನಾಯಕಿ ಸಾಹಿತ್ಯ ಪಾತ್ರಧಾರಿ ಸ್ಪಂದನಾ, ಗಿಚ್ಚಿಗಿಲಿಗಿಲಿ ಖ್ಯಾತಿಯ ಪ್ರಶಾಂತ್​​, ಮಂಜು ಪಾವಗಡ, ಸ್ಪೂರ್ತಿ ಗೌಡ, ಕೋಳಿ ರಮ್ಯಾ, ವಿವೇಕ್ ಸಿಂಹ ಸೇರಿದಂತೆ ಹಲವು ನಟ ನಟಿಯರು ಭಾಗಿಯಾಗಿದ್ದರು.

ಜಿಗರ್ ಇರೋ ಹುಡುಗ-ಹುಡುಗೀರ ಜಿದ್ದಾಜಿದ್ದಿ ಎಂಬ ಟ್ಯಾಗ್​ ಲೈನ್​ನ್ನೊಂದಿಗೆ ಫೆಬ್ರುವರಿ 1ರಿಂದ ಈ ಶೋ ತೆರೆಗೆ ಬಂದಿತ್ತು. ಇದೊಂದು ಸೆಲಿಬ್ರಿಟಿ ಶೋ ಆಗಿತ್ತು. ಸಿಕ್ಕಾಪಟ್ಟೆ ವಾಕ್​ ಸಮರ, ಜಬರ್ದಸ್ತ್​ ಮನರಂಜನೆ ನೀಡುತ್ತಿದ್ದರು. ಇದೀಗ ಬಾಯ್ಸ್ vs ಗರ್ಲ್ಸ್ ಅಂತ್ಯ ಕಂಡಿದೆ. ಹೀಗಾಗಿ ಕೊನೆಯಲ್ಲಿ ಬಾಯ್ಸ್ vs ಗರ್ಲ್ಸ್ ಫಿನಾಲೆಯ ಗೆಲುವಿನ ಪಟ್ಟ ಯಾರ ತೆಕ್ಕೆಗೆ ಸೇರಲಿದೆ ಎಂದು ವೀಕ್ಷಕರಲ್ಲಿ ಕೂತುಹಲ ಮನೆ ಮಾಡಿತ್ತು. ಇದೀಗ ಅದಕ್ಕೆ ಬ್ರೇಕ್​ ಬಿದ್ದಿದೆ. ಈ ಭಾರೀ ಬಾಯ್ಸ್​ ಗೆದ್ದು ಬೀಗಿದ್ದಾರೆ. ಆ ಮಧುರ ಗೆಲುವಿನ ಕ್ಷಣವನ್ನು ಎಲ್ಲ ಬಾಯ್ಸ್​​ ಎಂಜಾಯ್ ಮಾಡಿದ್ದಾರೆ.

ವೀಕ್ಷಕರ ವೋಟಿಂಗ್​ ಹಾಗೂ ಇಷ್ಟು ದಿನಗಳ ಪರ್ಫಾಮನ್ಸ್ ಆಧಾರದ ಮೇಲೆ ಶೋನ ವಿನ್ನರ್​ ಬಾಯ್ಸ್​ ಎಂದು ಡಿಕ್ಲೇರ್ ಮಾಡಲಾಗಿದೆ. ಲೂಸ್ ಮಾದ ಯೋಗಿ ಹಾಗೂ ನಟಿ ಮೇಘನಾ ರಾಜ್ ಅವರು ಟ್ರೋಫಿ ಜೊತೆಗೆ 10 ಲಕ್ಷ ಕ್ಯಾಶ್​ ಪ್ರೈಸ್ ನೀಡಿದ್ದಾರೆ. ಸದ್ಯ ವೀಕೆಂಡ್​ನಲ್ಲಿ ಯಾವ ಕಾರ್ಯಕ್ರಮ ಬರಲಿದೆ ಅನ್ನೋದನ್ನ ವಾಹಿನಿ ಇನ್ನು ಅನೌನ್ಸ್ ಮಾಡಿಲ್ಲ. ಈ ವಾರ ಮಜಾ ಟಾಕೀಸ್​ ಸ್ಪೆಷಲ್ ಸಂಚಿಕೆ ಪ್ಲ್ಯಾನ್​ ಮಾಡಿದೆ ಅಂತೆ ತಂಡ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ