RCB ಫೈನಲ್​ನಲ್ಲಿ ಗೆದ್ದರೆ ಎಷ್ಟು ಕೋಟಿ ದುಡ್ಡು ಸಿಗುತ್ತೆ..? ರನ್ನರ್​ ಅಪ್​ಗೂ ಭಾರೀ ಹಣ!

ಗುಜರಾತ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಪಂಜಾಬ್ ಕಿಂಗ್ಸ್​ ಜೊತೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫೈನಲ್​ ಪಂದ್ಯ ಆಡಲಿದೆ. ಎರಡು ತಂಡಗಳು ಬಲಿಷ್ಠವಾಗಿದ್ದು ಯಾವ ತಂಡ ಜಯಭೇರಿ ಬಾರಿಸೋತ್ತೋ ಆ ತಂಡ ಚೊಚ್ಚಲ ಟ್ರೋಫಿಗೆ ಮುತ್ತಿಡಲಿದೆ. ಆರ್​ಸಿಬಿ ಫೈನಲ್​ ಪ್ರವೇಶ ಮಾಡಿದ್ದರಿಂದ ಫೈನಲ್​ ಮ್ಯಾಚ್ ಹೆಚ್ಚು ಮಹತ್ವ ಪಡೆದಿದೆ. ಇದರ ಜೊತೆ ಫೈನಲ್​ನಲ್ಲಿ ಟ್ರೋಫಿ ಎತ್ತಿ ಹಿಡಿಯುವ ತಂಡಕ್ಕೆ ಎಷ್ಟು ಕೋಟಿ ಹಣ ನೀಡಲಾಗುತ್ತದೆ?.

2025 ಐಪಿಎಲ್​ ಟೂರ್ನಿಯಲ್ಲಿ ಆರ್​ಸಿಬಿ ಹಾಗೂ ಪಂಜಾಬ್ ಕಿಂಗ್ಸ್​ ತಂಡಗಳು ಫೈನಲ್​ನಲ್ಲಿ ಭರ್ಜರಿ ಪೈಪೋಟಿ ನಡೆಸಲಿವೆ. ಲೀಗ್ ಪಂದ್ಯ, ಎಲಿಮಿನೇಟರ್​, ಕ್ವಾಲಿಫೈಯರ್​ ಪಂದ್ಯಗಳಲ್ಲಿ ಉಳಿದ ಎಂಟು ತಂಡಗಳು ಹೊರ ಹೋಗಿವೆ. ಹೀಗಾಗಿ ಫೈನಲ್​ನಲ್ಲಿ ಈ ಎರಡರಲ್ಲಿ ಯಾವುದಾದರೂ ಒಂದು ತಂಡ ಮಾತ್ರ ಕಪ್​ ಗೆಲ್ಲುವುದು ಖಚಿತವಾಗಿದೆ. ಗೆದ್ದ ತಂಡ ಹಾಗೂ ಸೋತ ತಂಡಕ್ಕೆ ಎರಡಕ್ಕೂ ಕೋಟಿ, ಕೋಟಿ ಹರಿದು ಬರಲಿದೆ.

ಇದನ್ನೂ ಓದಿ:ಫೈನಲ್​ ಪಂದ್ಯಕ್ಕೂ ಮೊದಲೇ RCBಗೆ ಬಿಗ್ ಶಾಕ್​​.. ಸ್ಫೋಟಕ ಓಪನರ್ ಫಿಲ್​ ಸಾಲ್ಟ್​ ಎಲ್ಲಿಗೆ ಹೋದರು? ​

ಇಂದಿನ ಐಪಿಎಲ್​ ಫೈನಲ್ ಪಂದ್ಯದಲ್ಲಿ ಗೆಲ್ಲುವ ತಂಡಕ್ಕೆ ಬರೋಬ್ಬರಿ 20 ಕೋಟಿ ರೂಪಾಯಿಗಳು ಹಾಗೂ ಟ್ರೋಫಿ ಸಿಗಲಿದೆ. ರನ್ನರ್​ ಅಪ್​ ಟೀಮ್​ಗೆ 5 ಕೋಟಿ ಅಲ್ಲ, 10 ಕೋಟಿ ಅಲ್ಲ.. ಒಟ್ಟು 13 ಕೋಟಿ ರೂಪಾಯಿ ಹಣ ಸಿಗುತ್ತದೆ. ಏಕೆಂದರೆ 2022ರಿಂದಲೂ ಐಪಿಎಲ್​ ಟ್ರೋಫಿಯಲ್ಲಿ ಗೆಲ್ಲುವ ತಂಡಕ್ಕೆ ಇದೇ ಮೊತ್ತದ ಹಣವನ್ನು ನೀಡುತ್ತ ಬರಲಾಗುತ್ತಿದೆ ಎಂದು ಹೇಳಲಾಗುತ್ತಿದೆ.

ಐಪಿಎಲ್ ಸೀಸನ್​ಗಳಲ್ಲಿ ಬಹುಮಾನ ಮೊತ್ತ ಏರುತ್ತಲೇ ಬರುತ್ತಿದೆ. 2008ರಲ್ಲಿ ಇದು ಆರಂಭವಾದಾಗ ಚೆನ್ನೈ ವಿರುದ್ಧ ರಾಜಸ್ಥಾನ್ ರಾಯಲ್ಸ್​ ಭರ್ಜರಿ ಗೆಲುವು ಪಡೆದು 4.8 ಕೋಟಿ ರೂಪಾಯಿಗಳ ಬಹುಮಾನ ಪಡೆದಿತ್ತು. ರನ್ನರ್ ಅಪ್ಪ ಆಗಿದ್ದ ಚೆನ್ನೈ ಕೇವಲ 2.4 ಕೋಟಿ ಹಣ ಪಡೆದಿತ್ತು. ಆದರೆ ಈಗ ಇದರ ಮೊತ್ತದಲ್ಲಿ ಬದಲಾವಣೆ ಆಗಿದ್ದು ಗೆದ್ದ ತಂಡಕ್ಕೆ 20 ಕೋಟಿ ರೂಪಾಯಿ ಹಾಗೂ ರನ್ನರ್​ ಅಪ್​ ತಂಡಕ್ಕೆ 13 ಕೋಟಿ ಹಣ ನೀಡಲಾಗುತ್ತದೆ ಎಂದು ಹೇಳಲಾಗುತ್ತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ