ಹರಾಜಿನಲ್ಲಿ RCB ಫಸ್ಟ್​​ ಟಾರ್ಗೆಟ್​​ KL ರಾಹುಲ್​​; ಆದ್ರೆ, ದಿಢೀರ್​ ಹಿಂದೇಟಿಗೆ ಕಾರಣವೇನು?

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​ ಮೆಗಾ ಹರಾಜು ಮುಕ್ತಾಯಗೊಂಡಿದೆ. ಈ ಬಾರಿ ಹರಾಜಿನಲ್ಲಿ ಆರ್​​ಸಿಬಿ ಬರೋಬ್ಬರಿ 19 ಆಟಗಾರರನ್ನು ಖರೀದಿ ಮಾಡಿದೆ. ಆರ್​​ಸಿಬಿ ಈ ಮೂಲಕ ಮುಂದಿನ ಸೀಸನ್​ಗೆ 22 ಆಟಗಾರರ ಬಲಿಷ್ಠ ತಂಡ ರೂಪಿಸಿದೆ. ವಿಶೇಷ ಎಂದರೆ ಆರ್​​ಸಿಬಿ ತಂಡವನ್ನು ವಿರಾಟ್​ ಕೊಹ್ಲಿ ಅವರೇ ಮತ್ತೆ ಮುನ್ನಡೆಸಲಿದ್ದಾರೆ ಎನ್ನುವ ಮಾತುಗಳು ಕೇಳಿ ಬಂದಿವೆ.

ಮೆಗಾ ಹರಾಜಿಗೂ ಮುನ್ನ ಆರ್​​ಸಿಬಿ ವಿರಾಟ್ ಕೊಹ್ಲಿ, ಯಶ್ ದಯಾಳ್ ಹಾಗೂ ರಜತ್ ಪಾಟಿದಾರ್ ರೀಟೈನ್​ ಮಾಡಿಕೊಂಡಿತ್ತು. ಈಗ ನಡೆದ ಮೆಗಾ ಹರಾಜಿನಲ್ಲೂ 19 ಆಟಗಾರರನ್ನು ಖರೀದಿ ಮಾಡಿತು. ಅಚ್ಚರಿ ಎಂದರೆ ಆರ್​​ಸಿಬಿ ಯಾವುದೇ ಕ್ಯಾಪ್ಟನ್​​ ಆಗೋ ಸಾಮರ್ಥ್ಯ ಇರೋ ಆಟಗಾರನನ್ನು ಬಿಡ್​ ಮಾಡದಿರುವುದು. ಹಾಗಾಗಿ ಕೊಹ್ಲಿಯೇ ಮುಂದಿನ ಕ್ಯಾಪ್ಟನ್​ ಎಂದು ಹೇಳಲಾಗುತ್ತಿದೆ.

ಬಲಿಷ್ಠ ತಂಡ ಕಟ್ಟಿದ ಆರ್​​ಸಿಬಿ

80ಕ್ಕೂ ಹೆಚ್ಚು ಕೋಟಿಯೊಂದಿಗೆ ಹರಾಜಿಗೆ ಬಂದ ಆರ್​​​ಸಿಬಿ ಮೊದಲ ದಿನವೇ ಬರೋಬ್ಬರಿ 50 ಕೋಟಿ ಖರ್ಚು ಮಾಡಿತ್ತು. 2ನೇ ದಿನ ಉಳಿದ 30 ಕೋಟಿಯನ್ನು ಆಟಗಾರರ ಮೇಲೆ ಸುರಿಯಿತು. ಈ ಪೈಕಿ ಆರ್​​ಸಿಬಿ ಜೋಶ್‌ ಹೇಜಲ್​ವುಡ್‌ಗೆ 12.50 ಕೋಟಿ, ಫಿಲ್ ಸಾಲ್ಟ್​​ಗೆ 11.50 ಕೋಟಿ ರೂ., ಜಿತೇಶ್ ಶರ್ಮಾಗೆ 11.00 ಕೋಟಿ ರೂ., ಭುವನೇಶ್ವರ್ ಕುಮಾರ್​ಗೆ 10.75 ಕೋಟಿ ರೂ., ಲಿಯಾಮ್ ಲಿವಿಂಗ್‌ಸ್ಟೋನ್​ಗೆ ಸುಮಾರು 8.75 ಕೋಟಿ ರೂ. ನೀಡಿ ಖರೀದಿ ಮಾಡಿದೆ.

ಆರ್​​ಸಿಬಿ ಬಕೆಟ್​​ ಲಿಸ್ಟ್​ನಲ್ಲಿತ್ತು ಕೆ.ಎಲ್​ ರಾಹುಲ್​ ಹೆಸ್ರು

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು ತಂಡವು ಓಪನಿಂಗ್​​ ಸ್ಲಾಟ್​ಗೆ ಮೊದಲು ಕನ್ನಡಿಗ ಕೆ.ಎಲ್​ ರಾಹುಲ್​ ಅವರನ್ನೇ ಪರಿಗಣಿಸಿತ್ತು. ಆರ್​​ಸಿಬಿ ಫಸ್ಟ್​ ಲಿಸ್ಟ್​ನಲ್ಲೇ ಇವರ ಹೆಸರಿತ್ತು. ಓಪನಿಂಗ್​ ಸ್ಲಾಟ್​ಗೆ ಆರ್​​ಸಿಬಿ ಬಜೆಟ್​​ ಕೇವಲ 12 ಕೋಟಿ ಮೀಸಲಿಟ್ಟಿತ್ತು.

ರಾಹುಲ್​ ಕೈ ಬಿಟ್ಟಿದ್ದೇಕೆ ಆರ್​​ಸಿಬಿ?

ಕೆ.ಎಲ್​ ರಾಹುಲ್​ ಖರೀದಿಗೆ ಆರ್​​ಸಿಬಿ, ಕೆಕೆಆರ್​​, ಡೆಲ್ಲಿ ಕ್ಯಾಪಿಟಲ್ಸ್​ ತಂಡಗಳು ಮುಗಿಬಿದ್ದಿದ್ದವು. ರಾಹುಲ್​ ಅವರನ್ನು ಮೊದಲು ಬಿಡ್​​ ಮಾಡಿದ್ದು ಆರ್​​ಸಿಬಿ. ಬಳಿಕ ಸುಮಾರು 12 ಕೋಟಿವರೆಗೂ ಆರ್​​ಸಿಬಿ ಬಿಡ್​ ಮಾಡಿತು. ಯಾವಾಗ ರಾಹುಲ್​ ಬೆಲೆ ಏರುತ್ತಲೇ ಹೋಯ್ತು, ಅವಾಗ ಆರ್​​ಸಿಬಿ ಹಿಂದೇಟು ಹಾಕಿತು. ನಂತರ ಇವರ ಸ್ಥಾನಕ್ಕೆ ಫಿಲ್​ ಸಾಲ್ಟ್​ ಅವರನ್ನು ಖರೀದಿ ಮಾಡಲಾಗಿದೆ. ಈ ವಿಚಾರ ಆರ್​​ಸಿಬಿ ಇಂದು ರಿಲೀಸ್​ ಮಾಡಿರೋ ವಿಡಿಯೋದಲ್ಲಿ ಬಯಲಾಗಿದೆ.

ಇದನ್ನೂ ಓದಿ:ಅಚ್ಚರಿ ಆಟಗಾರನಿಗೆ ಕ್ಯಾಪ್ಟನ್ಸಿ ಪಟ್ಟ; ಫ್ಯಾನ್ಸ್​ ತಲೆಗೆ ಹುಳ ಬಿಟ್ಟ ಆರ್​​ಸಿಬಿ ತಂಡ

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ