ಮಕ್ಕಳ ಕುರಿತಾಗಿ ಡಾಕ್ಟರ್​ ಭಾಸ್ಕರ್​ ಶೆಣೈಯವರ ವಿಶೇಷ ಸಂದರ್ಶನ

ಮಕ್ಕಳಿಗೆ ಇಮ್ಯುನಿಟಿ ಹೆಚ್ಚಿಸಲು ಏನು ಮಾಡಬೇಕು ಗೊತ್ತಾ?

ಡೆಂಗ್ಯೂ ತಡೆಗಟ್ಟಲು ಪೋಷಕರು ಮೊದಲು ಮಾಡಬೇಕಾದ ಕೆಲಸವಿದು

ಮಣಿಪಾಲ್​​ ಆಸ್ಪತ್ರೆಯ ಮಕ್ಕಳಶಾಸ್ತ್ರ ವಿಭಾಗದ ಮುಖ್ಯಸ್ಥರಾದ ಡಾಕ್ಟರ್​ ಭಾಸ್ಕರ್​ ಶೆಣೈಯವರು ನ್ಯೂಸ್​​ಫಸ್ಟ್​ ವಿಶೇಷ ಸಂದರ್ಶನದಲ್ಲಿ ಭಾಗವಹಿಸಿದ್ದಾರೆ. ಮಳೆಗಾಲದಲ್ಲಿ ಮಕ್ಕಳಲ್ಲಿ ಕಾಣುವ ಡೆಂಗ್ಯೂ ಮತ್ತು ವೈರಲ್​ ಫೀವರ್​ ಕುರಿತಾಗಿ ಹಿರಿಯ ಪತ್ರಕರ್ತೆಯಾದ ಅರ್ಚನಾ ರವಿಕುಮಾರ್​ರವರು ಅವರ ವಿಶೇಷ ಸಂದರ್ಶನ ಮಾಡಿದ್ದಾರೆ. ಸಂದರ್ಶನದಲ್ಲಿ ವೈದ್ಯರು ಪೋಷಕರಿಗಾಗಿ ಉಪಯುಕ್ತ ಮಾಹಿತಿ ನೀಡಿದ್ದಾರೆ.

ಹಲವು ವ್ಯಾಕ್ಸೀನ್​ಗಳು ಬಂದಿವೆ.. ಎಲ್ಲಾ ವ್ಯಾಕ್ಸೀನ್​ ಸೇಫ್​​ ಅನಿಸುತ್ತಾ?

ಒಂದು ವ್ಯಾಕ್ಸೀನ್​ ಸಮಾಜದಲ್ಲಿ ಕೊಡಬೇಕಾದರೆ ಅದರೆ ಹಿಂದುಗಡೆ ತುಂಬಾ ಕೆಲಸವಿರುತ್ತೆ. ಅದರ ಕ್ಲೀನಿಕಲ್​ ಟ್ರಯಲ್ಸ್​ ಇರುತ್ತವೆ. ಅದು ಫೇಸ್​​1, ಫೇಸ್​2, ಫೇಸ್​3 ಇರುತ್ತೆ. ಎಲ್ಲಾ ವ್ಯಾಕ್ಸೀನನ್ನು ತುಂಬಾ ಸ್ಟಡಿ ಮಾಡಿ ಮನುಷ್ಯರಿಗೆ ಏನು ಪರಿಣಾಮ ಆಗಲ್ಲ ಎಂದು ಗೊತ್ತಾದ ಮೇಲೆ ಮಾರುಕಟ್ಟೆಗೆ ಬಿಡೋದು.

ಇದನ್ನೂ ಓದಿ: ಚಂಡೀಪುರ ವೈರಸ್ ಮೊದಲು​ ಪತ್ತೆಯಾಗಿದ್ದೆಲ್ಲಿ? ಇದರ ಲಕ್ಷಣಗಳೇನು?

ಭಾರತದಲ್ಲಿ 20 ವರ್ಷಕ್ಕಿಂತ ಈವಾಗ ಇರುವ ವ್ಯಾಕ್ಸೀನ್​ ನಾಲ್ಕೈದು ಪಟ್ಟು ದ್ವಿಗುಣ ತ್ರಿಗುಣವಾಗಿದೆ. ಮೊದಲು ಡಿಪಿಟಿ, ಬಿಸಿಜಿ ಇತ್ತು. ಆಮೇಲೆ ಮೀಸೆಲ್ಸ್​ ಬಂತು ಎಂಎಂಆರ್​ ಆಯ್ತು. ಚಿಕನ್​ ಫಾಕ್ಸ್​, ಹೆಪಟೈಟೀಸ್​​ ಎ, ಹೆಪಟೈಟೀಸ್​ ಬಿ, ನ್ಯೂಮೊ ಕೋಕಲ್​ ವ್ಯಾಕ್ಸೀನ್​, ಸರ್ವೈಕಲ್​ ಕ್ಯಾನ್ಸರ್​​ ವ್ಯಾಕ್ಸೀನ್​ ಇವೆಲ್ಲವು ಸೇಫ್​. ಒಂದು ಪರ್ಸೆಂಟ್​​​ ಸೈಡ್​​ ಇಫೆಕ್ಟ್​ ಯಾವ ಔಷಧಿಯಲ್ಲೂ ಆಗ್ತದೆ.

ಇದನ್ನೂ ಓದಿ: ಡೆಂಗ್ಯೂ ಬಂದ ಮಗುವಿಗೆ ಮತ್ತೆ ಡೆಂಗ್ಯೂ ಬರಬಹುದು! ಆ್ಯಂಟಿಬಯೋಟಿಕ್ಸ್ ಕೊಡೋದು ಉತ್ತಮವೇ?

ವ್ಯಾಕ್ಸೀನ್​ನಿಂದ ಏನೇನು ಒಳ್ಳೇದು ಆಗಿದೆ ಅನ್ನೋದು ಪೋಲಿಯೋ, ಸ್ಮಾಲ್​ ಫಾಕ್ಸ್​ನಿಂದ ನೋಡಿ ಕಲಿಯಬೇಕು. 1975-76ರ ನಂತರ ಒಂದೇ ಒಂದು ಕೇಸ್​ ನೋಡಿಲ್ಲ. ಇವತ್ತು ಪೋಲಿಯೋ ಇದೆ ಎಂದು ಹೇಳೋದಕ್ಕೆ ಒಂದು ಕೇಸ್​ ಸಿಗಲ್ಲ. ಅದೇ ರೀತಿ ಡಿಫ್ತೀರಿಯಾ, ನಾಯಿಕೆಮ್ಮು ಇಂಥಾ ಕಾಯಿಲೆಗಳು ಬಹಳ ಕಮ್ಮಿಯಾಗಿವೆ.

ಮಕ್ಕಳಿಗೆ ಇಮ್ಯುನಿಟಿ ಹೆಚ್ಚಿಸಲು ಏನು ಮಾಡಬೇಕು?

ವಾತಾವರಣ ಕಲುಷಿತವಾಗಿದೆ. ವೆಂಟಿಲೇಷನ್​, ಗಾಳಿ, ಬೆಳಕಿನಲ್ಲಿ ವೈರಲ್​ ಬೇಗ ಹರಡುತ್ತವೆ. ಇವು ಇಮ್ಯುನಿಟಿ ಕಡಿಮೆಯಾಗಿ ಬರೋದಲ್ಲ. ಎಕ್ಸ್​ಪೋಜರ್​ ಜಾಸ್ತಿಯಾಗಿ ಬರುತ್ತದೆ. ಹೀಗಾಗಿ ಇಮ್ಯುನಿಟಿ ಹೆಚ್ಚಿಸಲು ಏನು ಮಾಡೋಕಾಗಲ್ಲ.

ಪೋಷಕರಿಗೆ ಎನು ಹೇಳುತ್ತೀರಾ?

ಜ್ವರ ಬಂದಾಗ ಭಯ ಬೇಡ, 3 ದಿನ ಕಾದು ಟೆಸ್ಟ್​ ಮಾಡಿ. ವೈದ್ಯರು ಹೇಳದೆ ಟೆಸ್ಟ್​ ಮಾಡಬೇಡಿ. ಒಂದನೇ ದಿನ ಎರಡನೇ ದಿನ ಟೆಸ್ಟ್​ ಮಾಡುವುದರಿಂದ ಏನು ಗೊತ್ತಾಗಲ್ಲ. ಡೆಂಗ್ಯೂ ಬಂದಾಗ ಪ್ಯಾರಾಸಿಟಮಾಲ್​ ಮಾತ್ರ ಕೊಡಬೇಕು. ಪ್ಲೇಟೇಟ್​ ಕೊಡೋದು ಮುಖ್ಯವಲ್ಲ. ನೀರು, ನೀರಿನಾಂಶ ಕೊಡೋದು ಮುಖ್ಯ. ಜ್ವರ ಬಂದು ಹೋದ ಮೇಲೆ ಸುಸ್ತಾದರೆ ವೈದ್ಯರನ್ನು ಭೇಟಿ ಮಾಡಬೇಕು.

ಇದನ್ನೂ ಓದಿ: ಮಕ್ಕಳಲ್ಲಿ ಡೆಂಗ್ಯೂ ಜ್ವರ ಬಂದ ಮೇಲೆ ಅಲ್ಲ, ಹೋದ ಮೇಲೆ ಆಪತ್ತು ಜಾಸ್ತಿ; ಡಾಕ್ಟರ್​ ಭಾಸ್ಕರ್​ ಶೆಣೈ

ಡೆಂಗ್ಯೂ ತಡೆಗಟ್ಟಲು ಮನೆ ಸುತ್ತಾ ನೀರು ನಿಲ್ಲದ ಹಾಗೆ ನೋಡಿಕೊಳ್ಳಿ. ನಗರ ಪಾಲಿಕೆಯನ್ನು ಭೇಟಿ ಮಾಡಿ, ಮನೆ ಸುತ್ತಾ ಡಿಡಿಟಿ ಸ್ಪ್ರೇ ಮಾಡಿಸಿ, ಸೊಳ್ಳೆ ಪರದೆ ಬಳಸಿ, ಮಕ್ಕಳನ್ನು ಹೊರಗೆ ಕರೆದುಕೊಂಡು ಹೋಗುವಾಗ ಉದ್ದ ಪ್ಯಾಂಟ್​-ಶರ್ಟ್​ ಹಾಕಿಸಿ. ಡೆಂಗ್ಯೂ ಈಗಿನ ಕಾಲದಲ್ಲಿ ಭಯ ಪಡುವವಂತದ್ದಲ್ಲ. ಒಳ್ಳೆಯ ಆಹಾರ ನೀಡಿ. ಜಂಕ್​ ಫುಡ್​​ ಕಡಿಮೆ ಮಾಡಿ. ಹಣ್ಣು-ತರಕಾರಿಯನ್ನು ನೀಡಿ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ