ವರ್ತೂರ್ ಪ್ರಕಾಶ್ ಹೆಸರು ಹೇಳಿ ವಂಚಿಸಿದ್ದ ಶ್ವೇತಾಗೌಡ..? ಕಿಲಾಡಿ ಹೆಣ್ಣಿನ ದಾರಿ ತಪ್ಪಿಸಿದ್ದು ಯಾರು?

ಸದ್ಯ ರಾಜ್ಯದಲ್ಲಿ ಇಬ್ಬರ ಹೆಸರು ಜೋರಾಗಿ ಸದ್ದು ಮಾಡುತ್ತಿದೆ. ಒಂದು ಐಶ್ವರ್ಯ ಗೌಡ ಮತ್ತೊಂದು ಶ್ವೇತಾಗೌಡ. ಈ ಶ್ವೇತಾಗೌಡಳ ಹಿನ್ನೆಲೆಯೂ ಕೂಡ ಐಶ್ವರ್ಯ ಗೌಡ ಹಿನ್ನೆಲೆಯಷ್ಟೇ ರೋಚಕವಾಗಿದೆ. 2022ರಲ್ಲಿ ಈ ಕಿಲಾಡಿ ಹೆಣ್ಣಿನ ಚಿನ್ನದ ಆಟ ಶುರುವಾಗಿದೆ. ಆಗಲೇ ಚಿನ್ನವನ್ನು ಗಿರವಿ ಇಡುವುದು ಬಿಡಿಕೊಳ್ಳುವುದು ಮಾಡುತ್ತಿದ್ದಳು ಶ್ವೇತಾಗೌಡ. ಇದೇ ವೇಳೆ ಪರಿಚಯನಾದವನು ಖತರ್ನಾಕ್ ಜ್ಯುವೆಲರಿ ವ್ಯಾಪಾರಿ ಚಿನ್ನಾರಾಮ್​. ಚಿನ್ನರಾಮ್​ ಹೇಳಿಕೆಯಂತೆಯೇ ಈಕೆ ಒಂದೊಂದೇ ಹೆಜ್ಜೆ ಹಾದಿಯನ್ನು ತಪ್ಪಲು ಶುರು ಮಾಡಿದಳು.
ಚಿನ್ನಾರಾಮ್​ ಈಕೆಗೆ ದೊಡ್ಡ ದೊಡ್ಡವರನ್ನು ಪರಿಚಯ ಮಾಡಿಕೊಳ್ಳಲು ಹೇಳುತ್ತಾನೆ. ಗೋಲ್ಡ್​ ಬ್ಯುಸಿನೆಸ್ ಮಾಡತೀವಿ ಅಂತ ಚೆನ್ನಾಗಿ ನಂಬಿಕೆ ಬರುವಂತೆ ಮಾತನಾಡು ಎಂದು ಹೇಳಿಕೊಟ್ಟಿರುತ್ತಾನೆ.ಮೊದಲೇ ಮಾತನ್ನೇ ಬಂಡವಾಳವನ್ನಾಗಿ ಮಾಡಿಕೊಂಡ ಈಕೆಗೆ ಅದೇನು ದೊಡ್ಡ ಮಾತಾಗಿರಲಿಲ್ಲ.

ಮಾತನ್ನು ತನ್ನ ಅಸ್ತ್ರದಂತೆ ಕರಗತ ಮಾಡಿಕೊಂಡಿದ್ದ ಶ್ವೇತಾ, ಕೆಲವೇ ತಿಂಗಳುಗಳಲ್ಲಿ ಕೋಟಿ ಕೋಟಿ ಬೆಲೆ ಬಾಳುವ ಜ್ಯುವೆಲರಿಗಳನ್ನು ಕಲೆಕ್ಟ್​ ಮಾಡಿದ್ದಳು . ಅದನ್ನು ಬಾಗಲಗುಂಟೆ ಚಿನ್ನಾರಾಮ್ ಮನೆಗೆ ತರುತ್ತಿದ್ದಳು. ಅದನ್ನು ಕರಗಿಸಿ ಚಿನ್ನದ ಬಿಸ್ಕೆಟ್​ ಮಾಡಿ ಇಬ್ಬರೂ 50-50 ಹಂಚಿಕೊಳ್ಳುತ್ತಿದ್ದರು. ಮೊದಲೇ ಕದ್ದ ಮಾಲು ರಿಸೀವ್ ಮಾಡೋ ಕಳ್ಳರು ಇವರು, ಹೀಗಾಗಿ ಶ್ವೇತಾ ಬಳಸಿಕೊಂಡು ಮತ್ತಷ್ಟು ಚಿನ್ನ ಗಳಿಸಿತು ಚಿನ್ನಾರಾಮ್ ಅಂಡ್ ಗ್ಯಾಂಗ್. ಸದ್ಯ ಎಸಿಪಿ ಗೀತಾ ಅವರ ಟೀಮ್​ಗಾಗಿ ಹುಡುಕಾಟ ನಡೆಸಿದೆ. ಇದರ ನಡುವೆ ಶ್ವೇತಾಗೌಡ ಮಾಡಿದ ಮತ್ತುಷ್ಟು ವಂಚನೆಯ ಆರೋಪಗಳು ಆಚೆ ಬರುತ್ತಿವೆ.

ಇದನ್ನೂ ಓದಿ: 9 ಕೋಟಿ ಗೋಲ್ಡ್​ ಖರೀದಿಸಿ ವಂಚನೆ ಪ್ರಕರಣ; ಯಾರು ಈ ಐಶ್ವರ್ಯಗೌಡ? ಹಿನ್ನೆಲೆ ಏನು?

ಶ್ವೇತಾಗೌಡ ಯುಬಿ ಸಿಟಿಯ ಪಂಕಜ್ ಸೋನಿ ಶಾಪ್​​ನವರಿಗೆ ವಂಚನೆ ಮಾಡಿದ್ದಳು ಎಂದು ತಿಳಿದು ಬಂದಿದೆ. ಐಷಾರಾಮಿ ಲೈಫ್ ಲೀಡ್ ಮಾಡೋ ಜನರನ್ನು ಮೆಚ್ಚಿಸಲು ಈಕೆ ಗಿಫ್ಟ್​ ಕೊಡುತ್ತಿದ್ದಳು ಎಂದು ಕೂಡ ತಿಳಿದುಬಂದಿದೆ. ವರ್ತೂರ್ ಪ್ರಕಾಶ್​ ಮಗ ನಿತಿನ್​ಗೆ ಶ್ವೇತಾ ಸುಮಾರು 50 ಸಾವಿರ ರೂಪಾಯಿ ಬೆಲೆಯ ಶರ್ಟ್​ ಖರೀದಿಸಿ ಗಿಫ್ಟ್ ನೀಡಿದ್ದಳು ಎಂದು ತಿಳಿದು ಬಂದಿದೆ.
ಹೀಗೆ ಪಂಕಜ್ ಸೋನಿ ಶಾಪ್​ಗೆ ಕರೆದುಕೊಂಡು ಹೋಗಿ ಶಾಪಿಂಗ್ ಮಾಡಿಸುತ್ತಿದ್ದ ಶ್ವೇತಾ ಬಳಿಕ ನಾನೇ ಬಿಲ್ ಕೊಡುತ್ತೇನೆ ಎಂದು ಹೇಳುತ್ತಿದ್ದಳಂತೆ 4 ಲಕ್ಷ ರೂಪಾಯಿ ಬಿಲ್ ಮಾಡಿರುವ ಶ್ವೇತ, ಇನ್ನೂ ಎರಡು ಲಕ್ಷ ಸಾಲ ಕೊಡಬೇಕಿದೆ ಎಂದು ಬಟ್ಟೆ ಶಾಪ್ ಮಾಲೀಕ ಪಂಕಜ್​ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಆ ಒಂದು ಕೋನದಲ್ಲಿಯೂ ಕೂಡ ವಿಚಾರಣೆ ಈಗ ನಡೆಯುತ್ತಿದೆ.

ಇದನ್ನೂ ಓದಿ:ಅಭಿಮಾನಿಗಳಿಗೆ ಸಿಹಿಸುದ್ದಿ; ಶಿವಣ್ಣ ಅವರ ಶಸ್ತ್ರಚಿಕಿತ್ಸೆ ಬಗ್ಗೆ ವೈದ್ಯರು ಕೊಟ್ಟ ಮಾಹಿತಿ ಏನು..?

ಐಷಾರಾಮಿ ಬದುಕು.. ಸ್ಟಾರ್ ಹೋಟೆಲ್​ಗಳಲ್ಲಿ ವಾಸ್ತವ್ಯ

ಇನ್ನು ಶ್ವೇತಾಗೌಡ ಬೆಂಗಳೂರಿನಲ್ಲಿ ಐಷಾರಾಮಿ ಬದುಕು ಬದುಕುತ್ತಿದ್ದಳು ಎಂದು ತಿಳಿದು ಬಂದಿದೆ. ನಗರದ ಸ್ಟಾರ್ ಹೋಟೆಲ್​ನಲ್ಲಿಯೇ ಈಕೆಯ ವಾಸ್ತವ್ಯ ಇರುತ್ತಿತ್ತು. ಸಾವಿರಾರು ರೂಪಾಯಿ ಬಟ್ಟೆ ಬರೆಗೆ ಖರ್ಚು ಮಾಡುತ್ತಿದ್ದಳು ಹಾಗೂ ನಗರಿಂದ ನಗರಕ್ಕೆ ಫ್ಲೈಟ್​ನಲ್ಲಿಯೇ ಓಡಾಟ ಮಾಡುತ್ತಿದ್ದಳು. ಶ್ರೀಮಂತರ ಒಡನಾಟವೇ ಈಕೆಯ ಮೊದಲ ಬಂಡವಾಳ ಎಂದು ತಿಳಿದು ಬಂದಿದೆ. ಚಿಕ್ಕ ಮೀನು ಬಿಟ್ಟು ದೊಡ್ಡ ಮೀನು ಹಿಡಿಯುವ ಕಾಯಕ ಇವಳದಾಗಿತ್ತು. ಲಕ್ಷ ಲಕ್ಷ ಹೂಡಿಕೆ ಮಾಡಿ ಕೋಟಿ ಕೋಟಿ ನುಂಗುವ ಸ್ಕೆಚ್​ ಈಕೆಯದ್ದು ಎನ್ನುವ ಒಂದೊಂದೇ ಕಥೆ ತನಿಖೆಯ ವೇಳೆ ರಿವೀಲ್ ಆಗಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ