₹7 ಲಕ್ಷಕ್ಕೆ ತಾಜ್​ ಮಹಲ್ ಮಾರಾಟಕ್ಕೆ ಮುಂದಾಗಿದ್ದ ಬ್ರಿಟೀಷರು; ಕೊನೆಗೆ ಹಿಂದೆ ಸರಿದಿದ್ದಕ್ಕೆ ಕಾರಣ ಇಲ್ಲಿದೆ!

ಜಗತ್ತಿನ ಏಳು ಅದ್ಭುತಗಳಲ್ಲಿ ತಾಜ್ ಮಹಲ್ ಕೂಡ ಒಂದು. ಅದರ ಸೌಂದರ್ಯಕ್ಕೆ ಮರುಳಾಗದವರು ಯಾರು ಕೂಡ ಇರಲಿಕ್ಕಿಲ್ಲ. ಬರೀ ದೇಶವಲ್ಲ ವಿದೇಶಿಗರೂ ಕೂಡ ಈ ಒಂದು ತಾಜ್ ಮಹಲ್ ಸೌಂದರ್ಯಕ್ಕೆ ಮನಸೋತು ವರ್ಷಕ್ಕೆ ಲಕ್ಷಾಂತರ ಜನ ಬಂದು ತಾಜ್​ ಮಹಲ್​ ನೋಡಿಕೊಂಡು ಹೋಗುತ್ತಾರೆ. ಕೇವಲ ಅದರ ಸೌಂದರ್ಯ ಮಾತ್ರವಲ್ಲ ಅದು ನಿರ್ಮಾಣವಾದ ಹಿಂದಿನ ಕಥೆಯೂ ಕೂಡ ಅಷ್ಟೇ ಆಸಕ್ತಿದಾಯಕವಾಗಿದೆ. ಮೊಘಲ ಸಾಮ್ರಾಜ್ಯದ ದೊರೆ ಶಾಹ್ ಜಹಾನ್ ತನ್ನ ಪ್ರೀತಿಯ ಪತ್ನಿ ಮಮತಾಜ್​ ಅಸುನೀಗಿದ ನಂತರ ಸ್ಮಾರಕವಾಗಿ ಇದನ್ನು ಕಟ್ಟಿಸಿದನು ಎಂದು ಹೇಳಲಾಗತ್ತದೆ. ಇದು ಪ್ರೀತಿಯ ಸಂಕೇತವಾಗಿ, ಸಾಕ್ಷಿಯಾಗಿ ನೂರಾರು ವರ್ಷಗಳಿಂದ ಹೀಗೆ ಜಗತ್ತನ್ನು ಆಕರ್ಷಿಸುತ್ತಾ ನಿಂತಿದೆ. ಈ ಸ್ಮಾರಕ ಭಾರತೀಯ ಪುರಾತತ್ವದ ಒಂದು ಸಂಕೇತವಾಗಿಯೂ ಕೂಡ ಗುರುತಿಸಿಕೊಂಡಿದೆ.

ಇದನ್ನೂ ಓದಿ:ತಿಮ್ಮಪ್ಪನ ಸನ್ನಿಧಿಯಲ್ಲಿ ಬಂಗಾರದ ಮನುಷ್ಯರು.. ವರ್ಷದ ಮೊದಲ ದಿನ ಭಕ್ತರಿಗೆ ಸರ್ಪ್ರೈಸ್..! Photos

ತಾಜ್ ಮಹಲ್ ಅಂದ್ರೆನೇ ಭಾರತೀಯರ ಒಂದು ಗರ್ವ. ಇಂತಹ ತಾಜ್​ಮಹಲ್​ನ್ನು ಅಂದು ಭಾರತವನ್ನು ಆಳುತ್ತಿದ್ದ ಬ್ರಿಟಿಷ್ ಸರ್ಕಾರ ಹರಾಜು ಮಾಡಲು ಮುಂದಾಗಿತ್ತು 1831ರಲ್ಲಿ ತಾಜ್​ಮಹಲ್​ನ ಹಲವು ಭಾಗಗಳನ್ನು ಮಾರಲು ನಿರ್ಧಾರ ಮಾಡಿತ್ತು. ಅಂದಿನ ಗವರ್ನರ್ ಲಾರ್ಡ್ ವಿಲಿಯಮ್ ಬೆನ್​ಟಿಕ್ ಇಂತಹದೊಂದು ಕಾರ್ಯಕ್ಕೆ ಕೈಹಾಕಿದ್ದರು. ಅವರ ಹರಾಜಿನ ಪ್ಲ್ಯಾನ್ ಪ್ರಕಾರ ತಾಜ್​ ಮಹಲ್​ನ ಹಲವು ಭಾಗಗಳನ್ನಾಗಿ ವಿಂಗಡಿಸಿ ಮತ್ತು ಅವುಗಳ ಮಾರ್ಬಲ್​ಗಳನ್ನು0 ಕಿತ್ತು ಹರಾಜು ಮಾಡುವ ಪ್ಲಾನ್ ಹಾಕಿಕೊಳ್ಳಲಾಗಿತ್ತು.

ಇದನ್ನೂ ಓದಿ:ಅನಂತ್ ಅಂಬಾನಿಗೆ ವಾಚ್​ ಕ್ರೇಜ್; ದಿಗಿಲು ಹುಟ್ಟಿಸುತ್ತೆ ಕೈಯಲ್ಲಿರುವ ವಾಚ್​​ನ ಬೆಲೆ..!

ಸದ್ಯ ತಾಜ್​ ಮಹಲ್​ನಲ್ಲಿ ಧ್ವಂಸಗೊಂಡಿರುವ ಕೆಲವು ಮಾರ್ಬಲ್​ಗಳನ್ನ ಅಂದು ಹರಾಜಿಗಿಡಲಾಗಿತ್ತು ಎಂಬ ಅನುಮಾನಗಳು ಕೂಡ ಇದೆ. ಈ ಬಗ್ಗೆ ಹಲವು ವರದಿಗಳು ಕೂಡ ಬಂದಿವೆ. ಆಗ್ರಾದ ಸೇಠ್ ಲಕ್ಷ್ಮೀ ಚೆಂದ್ ಎನ್ನುವವರು 7 ಲಕ್ಷ ರೂಪಾಯಿಗೆ ತಾಜ್ ಮಹಲ್ ಕೊಂಡುಕೊಳ್ಳಲು ಬಿಡ್ ಮಾಡಿದ್ದರು ಎಂದು ಕೂಡ ಮಾಹಿತಿಗಳಿವೆ. ಅಂದಿನ ಕಾಲಕ್ಕೆ 7 ಲಕ್ಷ ರೂಪಾಯಿ ಅಂದ್ರೆ ಅದು ನಿಜಕ್ಕೂ ಕೂಡ ಭಾರೀ ದೊಡ್ಡ ಮೊತ್ತ.

ಮೊದಲ ಬಾರಿ ಹರಾಜು ಪ್ರಕ್ರಿಯೆ ವೇಳೆ ಲಕ್ಷ್ಮೀಚೆಂದ್ ಸುಮಾರು 2 ಲಕ್ಷ ರೂಪಾಯಿಗೆ ಬಿಡ್ ಮಾಡಿದ್ದರು. ಇದು ತುಂಬಾ ಕಡಿಮೆ ಬೆಲೆಯಾಗಿದ್ದರಿಂದ ಸರ್ಕಾರ ತಿರಸ್ಕರಿಸಿತು. ಎರಡನೇ ಬಾರಿ ಹರಾಜು ಪ್ರಕ್ರಿಯೆ ನಡೆದಾಗ ಸೇಠ ಲಕ್ಷ್ಮೀಚೆಂದ್ ಸುಮಾರು 7 ಲಕ್ಷ ರೂಪಾಯಿಗೆ ಬಿಡ್ ಮಾಡಿದ್ದರು. ಆದ್ರೆ ತಾಜ್ ಮಹಲ್ ಮಾರಾಟ ಪ್ರಕ್ರಿಯೆ ಮುಂದುವರಿಯಲೇ ಇಲ್ಲ. ದೊಡ್ಡ ಮಟ್ಟದ ಕೋಮು ಗಲಭೆ ಜರುಗುವ ಸಂಭವ ಹಾಗೂ ಬ್ರಿಟಿಷ್ ಸಮುದಾಯದಲ್ಲಿಯೇ ವ್ಯಕ್ತವಾದ ವಿರೋಧ ತಾಜ್ ಮಹಲ್ ಮಾರಾಟವನ್ನು ತಡೆಯಿತು.

ಈ ಒಂದು ಘಟನೆ ದೇಶದ ಅನೇಕರಿಗೆ ಗೊತ್ತೆ ಇಲ್ಲ. ಭಾರತದ ಬಹುದೊಡ್ಡ ಐತಿಹಾಸಿಕ ಗುರುತನ್ನು ಬ್ರಿಟಷರು ಮಾರಲು ಹೊರಟಿದ್ದರು. ಆದ್ರೆ ಅನೇಕ ಕಾರಣಗಳಿಂದ ತಾಜ್ ಮಹಲ್​ ಕೊನೆಗೂ ಇಂತಹ ಕೈಗಳಿಂದ ತಪ್ಪಿಸಿಕೊಂಡು ಸುರಕ್ಷಿತವಾಗಿ, ದೇಶದ ಪಾರಂಪರಿಕ ಗುರುತಾಗಿ ಇಂದಿಗೂ ಹಾಗೆಯೇ ನಿಂತುಕೊಂಡಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ