PBKS ಆರ್​ಸಿಬಿಗೂ ಕಂಟಕ.. ಎಲ್ಲೋ ಇದ್ದ ಪಂಜಾಬ್ ಹಣೆಬರಹ ಬದಲಾಯಿಸಿದ್ದು ಇವರೇ..!

ಐಪಿಎಲ್ ಸೀಸನ್ 18ರಲ್ಲಿ ಪಂಜಾಬ್ ಕಿಂಗ್ಸ್​ ಬಲಿಷ್ಟ ತಂಡವಾಗಿ ಕಾಣ್ತಿದೆ. ಕಳೆದ ಸೀಸನ್​​ಗೆ ಹೋಲಿಸಿದ್ರೆ ಈ ಸೀಸನ್​ನಲ್ಲಿ ಪಂಜಾಬ್ ಡಿಫರೆಂಟ್ ಟೀಮ್ ಆಗಿದೆ. ಈಗಾಗಲೇ ಟೂರ್ನಿಯಲ್ಲಿ ಹಲ್​​ಚಲ್ ಎಬ್ಬಿಸಿರೋ ಪಂಜಾಬ್, ಐಪಿಎಲ್ ಗೆಲ್ಲೋ ಫೇವರಿಟ್ ತಂಡಗಳಲ್ಲಿ ಒಂದು ಎನಿಸಿಕೊಂಡಿದೆ.

ಕೆಕೆಆರ್​​ ಎದುರು 111 ರನ್​ಗಳನ್ನ ಡಿಫೆಂಡ್ ಮಾಡಿಕೊಂಡ ಪಂಜಾಬ್ ಕಿಂಗ್ಸ್ ಐಪಿಎಲ್​ನಲ್ಲಿ ನೂತನ ದಾಖಲೆ ನಿರ್ಮಿಸಿತು. ಪಂಜಾಬ್ ಕಿಂಗ್ಸ್ ಬಗ್ಗೆ ಹೆಚ್ಚು ಮಾತನಾಡೋ ಅವಶ್ಯಕತೆ ಇಲ್ಲ. ಈ ಬಾರಿ ಪಂಜಾಬ್, ಸಖತ್ ಸ್ಟ್ರಾಂಗ್ ಆಗಿ ಕಾಣ್ತಿದೆ. ಹೊಸ ತಂಡ, ಹೊಸ ನಾಯಕ, ಹೊಸ ಕೋಚ್, ಪಂಜಾಬ್ ಕಿಂಗ್ಸ್​ ಹಣೆಬರಹವನ್ನೇ ಬದಲಿಸಿದ್ದಾರೆ.

ಇದನ್ನೂ ಓದಿ: 4 ವರ್ಷಗಳ ಬಳಿಕ ಐಪಿಎಲ್​​ನಲ್ಲಿ ಸೂಪರ್ ಓವರ್.. ಕಾದಾಟದ ರೋಚಕ ಕ್ಷಣಗಳು ಹೇಗಿದ್ದವು..?

ಪಂಜಾಬ್​ ತಂಡಕ್ಕೆ 'ಪವರ್ ಹಿಟ್ಟರ್ಸ್' ಶಕ್ತಿ

ಪ್ರಿಯಾನ್ಶ್​​​ ಆರ್ಯ ಮತ್ತು ಪ್ರಭ್​ಸಿಮ್ರನ್ ಸಿಂಗ್, ಪಂಜಾಬ್​​​​​​​​ ತಂಡದ ಡಿಸ್ಟ್ರಕ್ಟಿವ್ ಬ್ಯಾಟರ್ಸ್​. ಪವರ್ ಪ್ಲೇನಲ್ಲಿ ಎದುರಾಳಿ ಬೌಲರ್​ಗಳ ಬೆವರಿಳಿಸೋ ಈ ಆಟಗಾರರು, ತಮ್ಮ ಪವರ್​​​​ ಹಿಟ್ಟಿಂಗ್​ನಿಂದ ಬೌಂಡರಿ, ಸಿಕ್ಸರ್​ಗಳ ಸುರಿಮಳೆ ಸುರಿಸುತ್ತಿದ್ದಾರೆ. ಇವ್ರ ಬ್ಯಾಟಿಂಗ್​ನಿಂದ ಪಂಜಾಬ್, ಆರಂಭದಲ್ಲೇ ಎದುರಾಳಿಗಳ ವಿರುದ್ಧ ಡಾಮಿನೇಟ್ ಮಾಡಲು ಸಾಧ್ಯವಾಗ್ತಿದೆ.

ಕ್ಯಾಪ್ಟನ್ ಶ್ರೇಯಸ್

ನಾಯಕ ಶ್ರೇಯಸ್ ಅಯ್ಯರ್​ರನ್ನ, ಪಂಜಾಬ್ ತಂಡದ ಲಕ್ಕಿ ಕ್ಯಾಪ್ಟನ್ ಅಂದ್ರೆ ತಪ್ಪಾಗೋದಿಲ್ಲ. ಶ್ರೇಯಸ್ ಎಂಟ್ರಿಯಿಂದ ಪಂಜಾಬ್​​ ತಂಡದ ಚರಿಷ್ಮಾನೇ ಬದಲಾಗಿದೆ. ಬ್ಯಾಟಿಂಗ್​ನಲ್ಲಿ ಶ್ರೇಯಸ್ ಔಟ್​ಸ್ಟ್ಯಾಂಡಿಂಗ್ ಪರ್ಫಾಮೆನ್ಸ್ ನೀಡ್ತಿದ್ದಾರೆ. ಕನ್ಸಿಸ್ಟೆಂಟ್ ಆಗಿ ತಂಡಕ್ಕೆ ರನ್​ ಕಾಣಿಕೆ ನೀಡ್ತಿದ್ದಾರೆ. ನಾಯಕನಾಗಿಯೂ ಶ್ರೇಯಸ್, ಚಾಣಾಕ್ಷ ಎನಿಸಿಕೊಂಡಿದ್ದಾರೆ.

ಸಿಂಗ್ ರಿಯಲ್ ಕಿಂಗ್..!

ಪಂಜಾಬ್ ಕಿಂಗ್ಸ್​​ನ ರಿಯಲ್ ಕಿಂಗ್ ಶಶಾಂಕ್ ಸಿಂಗ್. ತಂಡ ಸಂಕಷ್ಟಕ್ಕೆ ಸಿಲುಕಿದಾಗ ಶಶಾಂಕ್, ಆಪತ್ಭಾಂದವನಂತೆ ತಂಡದ ಕೈಹಿಡಿತಾರೆ. ಏಕಾಂಗಿಯಾಗಿ ಹೋರಾಡಿ ಪಂದ್ಯವನ್ನ ಗೆಲ್ಲಿಸಿಕೊಡೋ ಕೆಪಾಸಿಟಿ, ಶಶಾಂಕ್​​​ಗಿದೆ. ಚೆನ್ನೈ ಸೂಪರ್​​ಕಿಂಗ್ಸ್​ ವಿರುದ್ಧ ಶಶಾಂಕ್ ಸಿಡಿಸಿದ ಸ್ಪೋಟಕ ಅರ್ಧಶತಕ, ಇವ್ರ ಟ್ಯಾಲೆಂಟ್ ಅನ್ನ ಎತ್ತಿ ತೋರಿಸುತ್ತದೆ. ಶಶಾಂಕ್ ನಾಕೌಟ್ ಪಂಚ್​ಗಳನ್ನ, ಮುಂದಿನ ಪಂದ್ಯಗಳಲ್ಲಿ ನಿರೀಕ್ಷಿಸಲಾಗಿದೆ.

ಇದನ್ನೂ ಓದಿ : ಅಂಪೈರ್​​ಗಳಿಗೆ ಡೌಟ್ ಬಂದ್ರೆ ದಿಢೀರ್ ತಪಾಸಣೆ.. ಐಪಿಎಲ್​ನಲ್ಲಿ ಯಾಕೆ ಬ್ಯಾಟ್​ ಚೆಕ್ ಮಾಡ್ತಿದ್ದಾರೆ?

ಚಹಲ್ ಚಮಕ್​

ಐಪಿಎಲ್​​​​​ನಲ್ಲಿ ಅತಿ ಹೆಚ್ಚು ವಿಕೆಟ್​​​​ ಪಡೆದಿರುವ ಅನುಭವಿ ಲೆಗ್​ಸ್ಪಿನ್ನರ್ ಚಹಲ್, ಪಂಜಾಬ್ ಕಿಂಗ್ಸ್​ನ ಆಸ್ತಿ. ಚಹಲ್ ತಂಡದಲ್ಲಿದ್ರೆ ನಾಯಕನಿಗೆ ನೋ ಟೆನ್ಶನ್. ಟಿ-20 ಫಾರ್ಮೆಟ್​​ನಲ್ಲಿ ಮೋಸ್ಟ್​ ಎಫೆಕ್ಟೀವ್​ ಸ್ಪಿನ್ನರ್ ಎನಿಸಿಕೊಂಡಿರುವ ಚಹಲ್, ಎದುರಾಳಿ ಬ್ಯಾಟರ್ಸ್​​ಗೆ ಸಖತ್ ಚಮಕ್ ಕೊಡ್ತಾರೆ. ಚಹಲ್ ಚಮಕ್​ಗೆ, ಅದೆಷ್ಟೋ ಬ್ಯಾಟರ್ಸ್​, ಪೆವಿಲಿಯನ್ ಸೇರಿಕೊಂಡ ಉದಾಹರಣೆಗಳಿವೆ. ಚಹಲ್, ಪಂಜಾಬ್ ಕಿಂಗ್ಸ್​ನ ರಿಯಲ್ ಗೇಮ್ ಚೇಂಜರ್.​

ರಿಕಿ ಪಾಟಿಂಗ್​​ ಸಖತ್ ಗೇಮ್ ಪ್ಲಾನ್

ಆಸಿಸ್ ಮಾಜಿ ನಾಯಕ ರಿಕಿ ಪಾಂಟಿಂಗ್​, ಪಂಜಾಬ್ ತಂಡದ ಯಶಸ್ಸಿಗೆ ಪ್ರಮುಖ ಕಾರಣ. ಆಫ್ ದ ಫೀಲ್ಡ್​ನಲ್ಲಿ ಗೇಮ್​ ಪ್ಲಾನ್, ಸ್ಟ್ರಾಟಜಿ ರೂಪಿಸೋ ಕೋಚ್ ಪಾಂಟಿಂಗ್, ಕ್ಯಾಪ್ಟನ್ ಶ್ರೇಯಸ್ ಅಯ್ಯರ್ ಪಾಲಿಗೆ, ಶ್ರೀಕೃಷ್ಣನಿದ್ದಂತೆ. ಕೋಚ್ ಪ್ಲಾನ್​ಗಳನ್ನ ಆನ್​ಫೀಲ್ಡ್​ನಲ್ಲಿ ಶ್ರೇಯಸ್, ಸಖತ್​ ಆಗೇ ಇಂಪ್ಲಿಮೆಂಟ್ ಮಾಡ್ತಿದ್ದಾರೆ. ಇಬ್ಬರ ಜೋಡಿ, ಕಿಂಗ್ಸ್​ಗೆ ವರ್ಕ್​ಔಟ್ ಆಗ್ತಿದೆ. ಈ ಪಾಂಟಿಂಗ್ ಮತ್ತು ಶ್ರೇಯಸ್, ಈ ಬಾರಿ ಕಪ್ ಗೆದ್ದು ಪಂಜಾಬ್ ಹಣೆಬರಹ ಬದಲಾಯಿಸೋಕೆ ಹೊರಟಿದ್ದಾರೆ. ಪಂಜಾಬ್​ನ ಈ ತಂತ್ರಗಳು, ನಾಳೆ ನಡೆಯಲಿರುವ ಆರ್​ಸಿಬಿಗೂ ಕಂಟಕವಾದರೂ ಅಚ್ಚರಿ ಇಲ್ಲ. ಪಂಜಾಬ್ ಕಿಂಗ್ಸ್​​ ಆನ್​ಪೇಪರ್ ಅಷ್ಟೇ ಅಲ್ಲ. ಆನ್​ಫೀಲ್ಡ್​ನಲ್ಲೂ ರಿಯಲ್ ಕಿಂಗ್ಸ್. ಪಂಜಾಬ್ ಪಡೆ, ಇದೇ ಆ​​ಟ ಮುಂದುವರೆಸಿದ್ರೆ ಐಪಿಎಲ್ ಟ್ರೋಫಿ ಗೆಲ್ಲೋದ್ರಲ್ಲಿ ಯಾವುದೇ ಅನುಮಾನವಿಲ್ಲ.

ಇದನ್ನೂ ಓದಿ: ಪಂಜಾಬ್​ನ ತ್ರಿಮೂರ್ತಿಗಳಿಗೆ ಆರ್​ಸಿಬಿಯಿಂದ ತ್ರಿವಳಿ ಅಸ್ತ್ರ.. ಇದು ಭಯಂಕರ ಡೇಂಜರ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್